9. පරාමාස ගොච‍්ඡක කුසල දුකතිකං
9. පරාමාස ගොච‍්ඡක කුසල දුකතිකං.
නො පරාමාසං කුසලං ධම‍්මං පටිච‍්ච නො පරාමාසො කුසලො ධම‍්මො උප‍්පජ‍්ජති හෙතුපච‍්චයා, හෙතුයා එකං ආරම‍්මණෙ එකං, අවිගතෙ එකං, සහජතාවාරෙපි පඤ‍්හාවාරෙපි සබ‍්බත්‍ථ එකං, පරාමාසං අකුසලං ධම‍්මං පටිච‍්ච නො පරාමාසො අකුසලො ධම‍්මො උප‍්පජ‍්ජති හෙතුපච‍්චයා, නො පරාමාසං අකුසලං ධම‍්මං පටිච‍්ච නො පරාමාසො අකුසලො ධම‍්මො උප‍්පජ‍්ජති හෙතු පච‍්චයා, තීණි. පරාමාසං අකුසලඤ‍්ච නො පරාමාසං අකුසලඤ‍්ච ධම‍්මං පටිච‍්ච නො පරාමාසො
අකුසලො ධම‍්මො උප‍්පජ‍්ජති හෙතුපච‍්චයා. හෙතුයා පඤ‍්ච, ආරම‍්මණෙ පඤ‍්ච, අවිගතෙ පඤ‍්ච, න හෙතුයා එකං, න අධිපතියා පඤ‍්ච, න පුරෙජාතෙ පඤ‍්ච, න පච‍්ඡාජාතෙ පඤ‍්ච, (සහජාතවාරංපි සම‍්පයුත‍්තවාරංපි විත්‍ථාරෙතබ‍්බං.)
නො පරාමාසො අකුසලො ධම‍්මො නො පරාමාසස‍්ස අකුසලස‍්ස ධම‍්මස‍්ස හෙතුපච‍්චයෙන පච‍්චයො, හෙතුයා තීණි, ආරම‍්මණෙ නව, අධිපතියා නව, අවිගතෙ පඤ‍්ච, (යථා කුසලත‍්තිකෙ පඤ‍්හාවාරස‍්ස අනුලොමංපි පච‍්චනියංපි අනුලොමපච‍්චනීයංපි පච‍්චනියානුලොමංපි ගණිතං, එවං ගණෙතබ‍්බං.)
නො පරාමාසං අබ්‍යාකතං ධම‍්මං පටිච‍්ච නො පරාමාසො අබ්‍යාකතො ධම‍්මො උප‍්පජ‍්ජති හෙතුපච‍්චයා, හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං.
පරාමට‍්ඨං කුසලං ධම‍්මං පටිච‍්ච පරාමට‍්ඨො කුසලො ධම‍්මො උප‍්පජ‍්ජති හෙතුපච‍්චයා, අපරාමට‍්ඨං කුසලං ධම‍්මං පටිච‍්ච අපරාමට‍්ඨො කුසලො ධම‍්මො උප‍්පජ‍්ජති හෙතුපච‍්චයා, හෙතුයා ද‍්වෙ, ආරම‍්මණෙ ද‍්වෙ, අවිගතෙ ද‍්වෙ. (සහජාතවාරොපි පඤ‍්හාවාරොපි විත්‍ථාරෙතබ‍්බො.) පරාමට‍්ඨං අකුසලං ධම‍්මං පටිච‍්ච පරාමට‍්ඨො අකුසලො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, පරාමට‍්ඨං අබ්‍යාකතං ධම‍්මං පටිච‍්ච පරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා, අපරාමට‍්ඨං අබ්‍යාකතං ධම‍්මං පටිච‍්ච අපරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා, තීණි. පරාමට‍්ඨං අබ්‍යාකතඤ‍්ච අපරාමට‍්ඨං අබ්‍යාකතඤ‍්ච ධම‍්මං පටිච‍්ච පරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා, හෙතුයා පඤ‍්ච, ආරම‍්මණෙ ද‍්වෙ, අවිගතෙ පඤ‍්ච, (සහජාතවාරංපි පඤ‍්හාවාරංපි විත්‍ථාරෙතබ‍්බං.)
පරාමාසවිප‍්පයුත‍්තං කුසලං ධම‍්මං පටිච‍්ච පරාමාසවිප‍්පයුත‍්තො කුසලො ධම‍්මො උප‍්පජ‍්ජති හෙතුපච‍්චයා, හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, පරාමාසසම‍්පයුත‍්තං අකුසලං ධම‍්මං පටිච‍්ච පරාමාසසම‍්පයුත‍්තො අකුසලො ධම‍්මො උප‍්පජ‍්ජති හෙතුපච‍්චයා, හෙතුයා ද‍්වෙ, ආරම‍්මණෙ ද‍්වෙ, සබ‍්බත්‍ථ ද‍්වෙ, අවිගතෙ ද‍්වෙ, න හෙතුයා එකං, න අධිපතියා ද‍්වෙ, සබ‍්බත්‍ථ ද‍්වෙ. -පෙ- න විප‍්පයුත‍්තෙ ද‍්වෙ, (සහජාතවාරොපි සම‍්පයුත‍්තවාරොපි විත්‍ථාරෙතබ‍්බො.)
පරාමාසසම‍්පයුත‍්තො අකුසලො ධම‍්මො පරාමාසසම‍්පයුත‍්තස‍්ස අකුසලස‍්ස ධම‍්මස‍්ස හෙතුපච‍්චයෙන පච‍්චයො, හෙතුයා ද‍්වෙ, ආරම‍්මණෙ චත‍්තාරි, අධිපතියා චත‍්තාරි, මජ‍්ඣලි ච? අග‍්ගලි ච? ආරම‍්මණාධිපති අනන‍්තරෙ ද‍්වෙ, සහජාතෙ ද‍්වෙ, උපනිස‍්සයෙ චත‍්තාරි, ආසෙවනෙ ද‍්වෙ. කම‍්මෙ ද‍්වෙ, ආහාරෙ ද‍්වෙ. -පෙ- මග‍්ගෙ ද‍්වෙ, -පෙ- පරාමාස විප‍්පයුත‍්තං අබ්‍යාකතං ධම‍්මං පටිච‍්ච පරාමාසවිප‍්පයුත‍්තො අබ්‍යාකතො ධම‍්මො උප‍්පජ‍්ජති හෙතුපච‍්චයා, හෙතුයා එකං ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං.
පරාමට‍්ඨං චෙව නො ච පරාමාසං කුසලං ධම‍්මං පටිච‍්ච පරාමට‍්ඨො චෙව නො ච පරාමාසො කුසලො ධම‍්මො උප‍්පජ‍්ජති හෙතුපච‍්චයා, හෙතුයා එකං, ආරම‍්මණෙ එකං, අවිගතෙ එකං. සහජාතවාරෙපි පඤ‍්හාවාරෙපි සබ‍්බත්‍ථ එකං. පරාමාසං චෙව පරාමට‍්ඨං ච අකුසලං ධම‍්මං පටිච‍්ච පරාමට‍්ඨො චෙව නො ච පරාමාසො අකුසලො ධම‍්මො උප‍්පජ‍්ජති හෙතුපච‍්චයා, එකං, පරාමට‍්ඨං චෙව නො ච පරාමාසං අකුසලං ධම‍්මං පටිච‍්ච පරාමට‍්ඨො චෙව නො ච පරාමාසො අකුසලො ධම‍්මො උප‍්පජ‍්ජති හෙතුපච‍්චයා. තීණි. පරාමාසඤ‍්චෙව පරාමට‍්ඨං ච අකුසලං ධම‍්මං පරාමට‍්ඨං චෙව නො ච පරාමාසං අකුසලං ධම‍්මං පටිච‍්ච පරාමට‍්ඨො චෙව නො ච පරාමාසො අකුසලො ධම‍්මො උප‍්පජ‍්ජති හෙතුපච‍්චයා, එකං හෙතුයා පඤ‍්ච, ආරම‍්මණෙ පඤ‍්ච, අවිගතෙ පඤ‍්ච, (සහජාතවාරංපි සම‍්පයුත‍්තවාරංපි විත්‍ථාරෙතබ‍්බං.) පරාමට‍්ඨො චෙව නො ච පරාමාසො අකුසලො ධම‍්මො පරාමට‍්ඨස‍්ස චෙව නො ච පරාමාසස‍්ස අකුසලස‍්ස ධම‍්මස‍්ස හෙතුපච‍්චයෙන පච‍්චයො, හෙතුයා තීණි, ආරම‍්මණෙ නව, අධිපතියා නව, අවිගතෙ පඤ‍්ච, (යථා කුසලත‍්තිකෙ පඤ‍්හාවාරස‍්ස අනුලොමංපි පච‍්චනියංපි අනුලොමපච‍්චනීයංපි පච‍්චනියානුලොමංපි ගණිතං, එවං ගණෙතබ‍්බං.)
පරාමට‍්ඨඤ‍්චෙව නො ච පරාමාසං අබ්‍යාකතං ධම‍්මං පටිච‍්ච පරාමට‍්ඨො චෙව නො ච පරාමාසො අබ්‍යාකතො ධම‍්මෙ උප‍්පජ‍්ජති හෙතුපච‍්චයා, හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං. පරාමාසවිප‍්පයුත‍්තං පරාමට‍්ඨං කුසලං ධම‍්මං පටිච‍්ච පරාමාසවිප‍්පයුත‍්තො පරාමට‍්ඨො කුසලො ධම‍්මො උප‍්පජ‍්ජති හෙතුපච‍්චයා, පරාමාසවිප‍්පයුත‍්තං අපරාමට‍්ඨං කුසලං ධම‍්මං පටිච‍්ච පරාමාසවිප‍්පයුත‍්තො අපරාමට‍්ඨො කුසලො ධම‍්මො උප‍්පජ‍්ජති හෙතුපච‍්චයා, හෙතුයා ද‍්වෙ, අවිගතෙ ද‍්වෙ, (ලොකියලොකුත‍්තර දුකතිකසදිසං සහජාතවාරොපි පඤ‍්හාවාරොපි විත්‍ථාරෙතබ‍්බො.)
පරාමාසවිප‍්පයුත‍්තං පරාමට‍්ඨං අකුසලං ධම‍්මං පටිච‍්ච පරාමාසවිප‍්පයුත‍්තො පරාමට‍්ඨො අකුසලො ධම‍්මො උප‍්පජ‍්ජති හෙතුපච‍්චයා, සබ‍්බත්‍ථ එකං. පරාමාසවිප‍්පයුත‍්තං පරාමට‍්ඨං අබ්‍යාකතං ධම‍්මං පටිච‍්ච පරාමාසවිප‍්පයුත‍්තො පරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා. පරාමාසවිප‍්පයුත‍්තං අපරාමට‍්ඨං අබ්‍යාකතං ධම‍්මං පටිච‍්ච පරාමාසවිප‍්පයුත‍්තො අපරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා, තීණි. පරාමාසවිප‍්පයුත‍්තං පරාමට‍්ඨං අබ්‍යාකතං ච පරාමාසවිප‍්පයුත‍්තං අපරාමට‍්ඨං අබ්‍යාකතංච ධම‍්මං පටිච‍්ච පරාමාසවිප‍්පයුත‍්තො පරාමට‍්ඨො අබ්‍යාකතො ධම‍්මො උප‍්පජ‍්ජති හෙතුපච‍්චයා, හෙතුයා පඤ‍්ච, ආරම‍්මණෙ ද‍්වෙ, අවිගතෙ පඤ‍්ච, (ලොකිය ලොකුත‍්තර දුකතික සදිසං සහජාතවාරංපි පඤ‍්හාවාරංපි විත්‍ථාරෙතබ‍්බං.)
පරාමාස ගොච‍්ඡක කුසල දුකතිකං නිට‍්ඨිතං.