8. හෙතු දස‍්සනෙන පහාතබ‍්බ දුකතිකං
8. හෙතු දස‍්සනෙන පහාතබ‍්බ දුකතිකං.
හෙතුං දස‍්සනෙන පහාතබ‍්බං ධම‍්මං පටිච‍්ච හෙතු දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා, තීණි. න හෙතුං දස‍්සනෙන පහාතබ‍්බං ධම‍්මං පටිච‍්ච න හෙතු දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා තීණි. හෙතුං දස‍්සනෙන පහාතබ‍්බඤ‍්ච හෙතුං දස‍්සනෙන පහාතබ‍්බඤ‍්ච ධම‍්මං පටිච‍්ච හෙතු දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා, තීණි. හෙතුයා නව, ආරම‍්මණෙ නව, අධිපතියා නව, කම‍්මෙ නව, ආහාරෙ නව. අවිගතෙ නව. න හෙතුං දස‍්සනෙන පහාතබ‍්බං ධම‍්මං පටිච‍්ච හෙතු දස‍්සනෙන පහාතබ‍්බො ධම‍්මො උප‍්පජ‍්ජති න හෙතු පච‍්චයා, හෙතුං දස‍්සනෙන පහාතබ‍්බං ධම‍්මං පටිච‍්ච හෙතු දස‍්සනෙන පහාතබ‍්බො ධම‍්මො උප‍්පජ‍්ජති න අධිපති පච‍්චයා, න හෙතුයා එකං, න අධිපතියා නව, න පුරෙජාත නව, න පච‍්ඡාජාතෙ නව, න ආසෙවනෙ නව, න කම‍්මෙ තීණි, න විපාකෙ නව, න විප‍්පයුත‍්තෙ නව, හෙතු පච‍්චයා නව අධිපතියා
නව, න හෙතුපච‍්චයා ආරම‍්මණෙ එකං, (සහජාතවාරොපි පච‍්චයවාරොපි නිස‍්සයවාරොපි සංසට‍්ඨවාරොපි සම‍්පයුත‍්තවාරොපි පටිච‍්චවාරසදිසං, එවං විත්‍ථාරෙතබ‍්බං.)
හෙතු දස‍්සනෙන පහාතබ‍්බො ධම‍්මො හෙතුස‍්ස දස‍්සනෙන පහාතබ‍්බස‍්ස ධම‍්මස‍්ස හෙතු පච‍්චයෙන පච‍්චයො, තීණි, හෙතු දස‍්සනෙන පහාතබ‍්බො ධම‍්මො හෙතුස‍්ස දස‍්සනෙන පහාතබ‍්බස‍්ස ධම‍්මස‍්ස ආරම‍්මණපච‍්චයෙන පච‍්චයො, හෙතුයා තීණි, ආරම‍්මණෙ නව, අධිපතියා නව, අනන‍්තරෙ නව, සමනන‍්තරෙ නව, සහජාතෙ නව, අඤ‍්ඤමඤ‍්ඤෙ නව, නිස‍්සයෙ නව, උපනිස‍්සයෙ නව, ආසෙවනෙ නව, කම‍්මෙ තීණි, ආහාරෙ තීණි, ඉන්‍ද්‍රියෙ තීණි, අවිගතෙ නව. හෙතු දස‍්සනෙන පහාතබ‍්බො ධම‍්මො හෙතුස‍්ස දස‍්සනෙන පහාතබ‍්බස‍්ස ධම‍්මස‍්ස ආම‍්මණ පච‍්චයෙන පච‍්චයො, සහජාත පච‍්චයෙන පච‍්චයො, උපනිස‍්සය පච‍්චයෙන පච‍්චයො, න හෙතුයා නව, න ආරම‍්මණෙ නව, හෙතු පච‍්චයා න ආරම‍්මණෙ තීණි, න හෙතුපච‍්චයා ආරම‍්මණෙ නව, (යථා කුසලත‍්තිකෙ පඤ‍්හාවාරස‍්ස අනුලොමංපි පච‍්චනියංපි අනුලොමපච‍්චනීයංපි පච‍්චනියානුලොමංපි ගණිතං, එවං ගණෙතබ‍්බං.)
හෙතුං භාවනාය පහාතබ‍්බං ධම‍්මං පටිච‍්ච හෙතු භාවනාය පහාතබ‍්බො ධම‍්මො උප‍්පජ‍්ජති හෙතු පච‍්චයා, තීණි, න හෙතුං භාවනාය පහාතබ‍්බං ධම‍්මං පටිච‍්ච න හෙතු භාවනාය පහාතබ‍්බො ධම‍්මො උප‍්පජ‍්ජති හෙතු පච‍්චයා. තීණි. හෙතුං භාවනාය පහාතබ‍්බඤ‍්ච න හෙතුං භාවනාය පහාතබ‍්බඤ‍්ච ධම‍්මං පටිච‍්ච හෙතු භාවනාය පහාතබ‍්බො ධම‍්මො උප‍්පජ‍්ජති හෙතු පච‍්චයා, තීණි. හෙතුයා නව, ආරම‍්මණෙ නව, අවිගතෙ නව, න හෙතුං භාවනාය පහාතබ‍්බං ධම‍්මං පටිච‍්ච හෙතු භාවනාය පහාතබ‍්බො ධම‍්මො උප‍්පජ‍්ජති න හෙතු පච‍්චයා, න හෙතුයා එකං, න අධිපතියා නව, න පුරෙජාතෙ නව, න පච‍්ඡාජාතෙ නව, න ආසෙවනෙ නව, න කම‍්මෙ තීණි, න විපාකෙ නව, න විප‍්පයුත‍්තෙ නව, හෙතු පච‍්චයා න අධිපතියා නව, න හෙතු පච‍්චයා ආරම‍්මණෙ එකං, (සහජාතවාරොපි පච‍්චයවාරොපි නිස‍්සයවාරොපි සංසට‍්ඨවාරොපි සම‍්පයුත‍්තවාරොපි පටිච‍්චවාර සදිසං, එවං විත්‍ථාරෙතබ‍්බං.)
හෙතු භාවනාය පහාතබ‍්බො ධම‍්මො හෙතුස‍්ස භාවනාය පහාතබ‍්බස‍්ස ධම‍්මස‍්ස හෙතු පච‍්චයෙන පච‍්චයො, තීණි. හෙතු භාවනාය පහාතබ‍්බො ධම‍්මො හෙතුස‍්ස භාවනාය පහාතබ‍්බස‍්ස ධම‍්මස‍්ස ආරම‍්මණ පච‍්චයෙන පච‍්චයො, හෙතුයා තීණි ආරම‍්මණෙ නව, අධිපතියා නව, අනන‍්තරෙ නව, සමනන‍්තරෙ නව, සහජාතෙ නව, අඤ‍්ඤමඤ‍්ඤෙ නව, නිස‍්සයෙ නව, උපනිස‍්සයෙ නව, ආසෙවනෙ
නව, කම‍්මෙ තීණි, ආහාරෙ තීණි, ඉන්‍ද්‍රියෙ තීණි, අවිගතෙ නව. හෙතු භාවනාය පහාතබ‍්බො ධම‍්මො හෙතුස‍්ස භාවනාය පහාතබ‍්බස‍්ස ධම‍්මස‍්ස ආරම‍්මණ පච‍්චයෙන පච‍්චයො, සහජාත පච‍්චයෙන පච‍්චයො, උපනිස‍්සය පච‍්චයෙන පච‍්චයො, න හෙතුයා නව, න ආරම‍්මණෙ නව, හෙතු පච‍්චයා න ආරම‍්මණෙ තීණි, න හෙතු පච‍්චයා ආරම‍්මණෙ නව. (යථා කුසලත‍්තිකෙ පඤ‍්හාවාරස‍්ස අනුලොමං පි පච‍්චනීයං පි අනුලොමපච‍්චනීයංපි පච‍්චනියානුලොමංපි ගණිතං එවං ගණෙතබ‍්බං.)
හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති හෙතු පච‍්චයා, තීණි. න හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච න හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති හෙතු පච‍්චයා, හෙතුයා නව, ආරම‍්මණෙ නව, අධිපතියා නව, කම‍්මෙ නව, විපාකෙ නව, අවිගතෙ නව, න හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච න හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති න හෙතු පච‍්චයා, හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච න හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති න ආරම‍්මණපච‍්චයා, න හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච න හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති න ආරම‍්මණපච‍්චයා, හෙතුං නෙව දස‍්සනෙන න භාවනාය පහාතබ‍්බඤ‍්ච න හෙතුං නෙව දස‍්සනෙන න භාවනාය පහාතබ‍්බඤ‍්ච ධම‍්මං පටිච‍්ච න හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති න ආරම‍්මණපච‍්චයා, හෙතුං නෙව දස‍්සනෙන න භාවනාය පහාතබ‍්බං ධම‍්මං පටිච‍්ච හෙතු නෙව දස‍්සනෙන න භාවනාය පහාතබ‍්බො ධම‍්මො උප‍්පජ‍්ජති න අධිපතිපච‍්චයා, න හෙතුයා එකං, න ආරම‍්මණෙ තීණි, න අධිපතියා නව, න අනන‍්තරෙ තීණි, න සමනන‍්තරෙ තීණි, න අඤ‍්ඤමඤ‍්ඤෙ තීණි, න උපනිස‍්සයෙ තීණි, න පුරෙජාතෙ නව, න පච‍්ඡාජාතෙ නව, න ආසෙවනෙ නව, න කම‍්මෙ තීණි. න විපාකෙ නව, න ආහාරෙ එකං, න ඉන්‍ද්‍රියෙ එකං, න ඣානෙ එකං, න මග‍්ගෙ එකං, න සම‍්පයුත‍්තෙ තීණි, න විප‍්පයුත‍්තෙ නව, නො නත්‍ථියා තීණි, නො විගතෙ තීණි, හෙතු පච‍්චයා න ආරම‍්මණෙ තීණි, න හෙතු පච‍්චයා ආරම‍්මණෙ එකං, (සහජාතවාරොපි පච‍්චයවාරොපි නිස‍්සයවාරොපි සංසට‍්ඨවාරොපි සම‍්පයුත‍්තවාරොපි පටිච‍්චවාර සදිසං; විත්‍ථාරෙතබ‍්බං.)
හෙතු නෙව දස‍්සනෙන න භාවනාය පහාතබ‍්බො ධම‍්මො හෙතුස‍්ස නෙව දස‍්සනෙන න භාවනාය පහාතබ‍්බස‍්ස ධම‍්මස‍්ස හෙතු පච‍්චයෙන පච‍්චයො, තීණි. හෙතු නෙව දස‍්සනෙන න භාවනාය පහාතබ‍්බො
ධම‍්මො හෙතුස‍්ස නෙව දස‍්සනෙන න භාවනාය පහාතබ‍්බස‍්ස ධම‍්මස‍්ස ආරම‍්මණ පච‍්චයෙන පච‍්චයො. හෙතුයා තීණි, ආරම‍්මණෙ නව, අධිපතියා නව, අනන‍්තරෙ නව, සමනන‍්තරෙ නව, සහජාතෙ නව, අඤ‍්ඤමඤ‍්ඤෙ නව, නිස‍්සයෙ නව, උපනිස‍්සයෙ නව, පුරෙජාතෙ තීණි, පච‍්ඡාජාතෙ තීණි, ආසෙවනෙ නව, කම‍්මෙ තීණි, විපාකෙ නව, ආහාරෙ තීණි, ඉන්‍ද්‍රියෙ නව, ඣානෙ තීණි, මග‍්ගෙ නව, සම‍්පයුත‍්තෙ නව, විප‍්පයුත‍්තෙ පඤ‍්ච, අත්‍ථියා නව, නත්‍ථියා නව, විගතෙ නව, අවිගතෙ නව, හෙතු නෙව දස‍්සනෙන න භාවනාය පහාතබ‍්බො ධම‍්මො හෙතුස‍්ස නෙව දස‍්සනෙන න භාවනාය පහාතබ‍්බස‍්ස ධම‍්මස‍්ස ආරම‍්මණ පච‍්චයෙන පච‍්චයො. සහජාත පච‍්චයෙන පච‍්චයො උපනිස‍්සය පච‍්චයෙන පච‍්චයො. න හෙතුයා නව. න ආරම‍්මණෙ නව, හෙතු පච‍්චයා න ආරම‍්මණෙ තීණි, න හෙතු පච‍්චයා ආරම‍්මණෙ නව, (යථා කුසලත‍්තිකෙ පඤ‍්හාවාරස‍්ස අනුලොමංපි පච‍්චනීයං පි අනුලොමපච‍්චනීයං පි පච‍්චනියානුලොමංපි ගණිතං, එවං ගණෙතබ‍්බං.)
හෙතු දස‍්සනෙන පහාතබ‍්බ දුකතිකං නිට‍්ඨිතං.