10. කුසල මහන‍්තර තිකදුකං
10. කුසල මහන‍්තර තිකදුකං.
කුසලං සාරම‍්මණං ධම‍්මං පටිච‍්ච කුසලො සාරම‍්මණො ධම‍්මො උප‍්පජ‍්ජති හෙතුපච‍්චයා. අකුසලං සාරම‍්මණං ධම‍්මං පටිච‍්ච අකුසලො සාරම‍්මණො ධම‍්මො උප‍්පජ‍්ජති හෙතුපච‍්චයා, අබ්‍යාකතං සාරම‍්මණං ධම‍්මං පටිච‍්ච අබ්‍යාකතො සාරම‍්මණො ධම‍්මො උප‍්පජ‍්ජති හෙතුපච‍්චයා. හෙතුයා තීණි, ආරම‍්මණෙ තීණි, අවිගතෙ තීණි. (සහජාතවාරංපි සම‍්පයුත‍්තවාරංපි පටිච‍්චවාරසදිසං).
කුසලො සාරම‍්මණො ධම‍්මො කුසලස‍්ස සාරම‍්මණස‍්ස ධම‍්මස‍්ස හෙතුපච‍්චයෙන පච‍්චයො, අකුසලො සාරම‍්මණො ධම‍්මො අකුසලස‍්ස සාරම‍්මණස‍්ස ධම‍්මස‍්ස හෙතුපච‍්චයෙන පච‍්චයො. අබ්‍යාකතො සාරම‍්මණො ධම‍්මො අබ්‍යාකතස‍්ස සාරම‍්මණස‍්ස ධම‍්මස‍්ස හෙතුපච‍්චයෙන පච‍්චයො. කුසලො සාරම‍්මණො ධම‍්මො කුසලස‍්ස සාරම‍්මණස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා තීණි, ආරම‍්මණෙ නව, අධිපතියා සත‍්ත. අවිගතෙ තීණි. (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං). අබ්‍යාකතං අනාරම‍්මණං ධම‍්මං පටිච‍්ච අබ්‍යාකතො අනාරම‍්මණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, න හෙතුයා එකං, (සහජාතවාරංපි සම‍්පයුත‍්තවාරංපි පටිච‍්චවාරසදිසං), අබ්‍යාකතො අනාරම‍්මණො ධම‍්මො අබ්‍යාකතස‍්ස අනාරම‍්මණස‍්ස ධම‍්මස‍්ස සහජාතපච‍්චයෙන පච‍්චයො, අඤ‍්ඤමඤ‍්ඤපච‍්චයෙන පච‍්චයො, නිස‍්සයපච‍්චයෙන පච‍්චයො.
ආහාරපච‍්චයෙන පච‍්චයො. ඉන්‍ද්‍රියපච‍්චයෙන පච‍්චයො, අත්‍ථිපච‍්චයෙන පච‍්චයො, අවිගතපච‍්චයෙන පච‍්චයො, සබ‍්බත්‍ථ එකං.
කුසලො චිත‍්තො ධම‍්මො කුසලස‍්ස චිත‍්තස‍්ස ධම‍්මස‍්ස ආරම‍්මණපච‍්චයෙන පච‍්චයො. ආරම‍්මණෙ නව, අධිපතියා සත‍්ත, අවිගතෙ සත‍්ත. න හෙතුයා නව, න ආරම‍්මණෙ නව, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං). කුසලං නො චිත‍්තං ධම‍්මං පටිච‍්ච කුසලො නො චිත‍්තො ධම‍්මො උප‍්පජ‍්ජති හෙතුපච‍්චයා, තීණි, අකුසලං නො චිත‍්තං ධම‍්මං පටිච‍්ච අකුසලො නො චිත‍්තො ධම‍්මො උප‍්පජ‍්ජති හෙතුපච‍්චයා, තීණි. අබ්‍යාකතං නො චිත‍්තං ධම‍්මං පටිච‍්ච අබ්‍යාකතො නො චිත‍්තො ධම‍්මො උප‍්පජ‍්ජති හෙතුපච‍්චයා. කුසලං නො චිත‍්තඤ‍්ච අබ්‍යාකතං නො චිත‍්තඤ‍්ච ධම‍්මං පටිච‍්ච අබ්‍යාකතො නො චිත‍්තො ධම‍්මො උප‍්පජ‍්ජති හෙතුපච‍්චයා. අකුසලං නො චිත‍්තඤ‍්ච අබ්‍යාකතං නො චිත‍්තඤ‍්ච ධම‍්මං පටිච‍්ච අබ්‍යාකතො නො චිත‍්තො ධම‍්මො උප‍්පජ‍්ජති හෙතුපච‍්චයා. කුසලං නො චිත‍්තං ධම‍්මං පටිච‍්ච කුසලො නො චිත‍්තො ධම‍්මො උප‍්පජ‍්ජති ආරම‍්මණපච‍්චයා. හෙතුයා නව, ආරම‍්මණෙ තීණි. අධිපතියා නව, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං). කුසලො නො චිත‍්තො ධම‍්මො කුසලස‍්ස නො චිත‍්තස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අධිපතියා දස. අවිගතෙ තෙරස.
කුසලං චෙතසිකං ධම‍්මං පටිච‍්ච කුසලො චෙතසිකො ධම‍්මො උප‍්පජ‍්ජති හෙතුපච‍්චයා, අකුසලං චෙතසිකං ධම‍්මං පටිච‍්ච අකුසලො චෙතසිකො ධම‍්මො උප‍්පජ‍්ජති හෙතුපච‍්චයා. අබ්‍යාකතං චෙතසිකං ධම‍්මං පටිච‍්ච අබ්‍යාකතො චෙතසිකො ධම‍්මො උප‍්පජ‍්ජති හෙතුපච‍්චයා, හෙතුයා තීණි, ආරම‍්මණෙ තීණි, (සහජාතවාරංපි පටිච‍්චවාර සදිසං). කුසලො චෙතසිකො ධම‍්මො කුසලස‍්ස චෙතසිකස‍්ස ධම‍්මස‍්ස හෙතුපච‍්චයෙන පච‍්චයො. අකුසලො චෙතසිකො ධම‍්මො අකුසලස‍්ස චෙතසිකස‍්ස ධම‍්මස‍්ස හෙතුපච‍්චයෙන පච‍්චයො. අබ්‍යාකතො චෙතසිකො ධම‍්මො අබ්‍යාකතස‍්ස චෙතසිකස‍්ස ධම‍්මස‍්ස හෙතුපච‍්චයෙන පච‍්චයො, කුසලො චෙතසිකො ධම‍්මො කුසලස‍්ස චෙතසිකස‍්ස ධම‍්මස‍්ස ආරම‍්මණපචයෙන පච‍්චයො, තීණි. අකුසලො චෙතසිකො ධම‍්මො අකුසලස‍්ස චෙතසිකස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. අබ්‍යාකතො චෙතසිකො ධම‍්මො අබ්‍යාකතස‍්ස චෙතසිකස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. හෙතුයා තීණි, ආරම‍්මණෙ නව, අධිපතියා සත‍්ත, අවිගතෙ තීණි. (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං). කුසලං අචෙතසිකං
ධම‍්මං පටිච‍්ච අබ්‍යාකතො අචෙතසිකො ධම‍්මො උප‍්පජ‍්ජති හෙතුපච‍්චයා, හෙතුයා පඤ‍්ච, ආරම‍්මණෙ එකං, අවිගතෙ පඤ‍්ච, න හෙතුයා එකං, (සහජාතවාරංපි පඤ‍්හාවාරංපි එවං විත්‍ථාරෙතබ‍්බං).
කුසලං චිත‍්තසම‍්පයුත‍්තං ධම‍්මං පටිච‍්ච කුසලං චිත‍්තසංසට‍්ඨං ධම‍්මං පටිච‍්ච-. කුසලං චිත‍්තසමුට‍්ඨානං-. කුසලං චිත‍්තසහභුං-. කුසලං චිත‍්තානුපරිවත‍්තිං-. කුසලං චිත‍්තසංසට‍්ඨසමුට‍්ඨානං-. කුසලං චිත‍්තංසංසට‍්ඨසමුට‍්ඨානසහභුං-. කුසලං චිත‍්තසංසට‍්ඨසමුට‍්ඨානානුපරිවත‍්තිං ධම‍්මං පටිච‍්ච කුසලො චිත‍්තසංසට‍්ඨසමුට‍්ඨානානුපරිවත‍්ති ධම‍්මො උප‍්පජ‍්ජති හෙතුපච‍්චයා. හෙතුයා තීණි. ආරම‍්මණෙ තීණි, අවිගතෙ තීණි, (සහජාතවාරංපි සම‍්පයුත‍්තවාරංපි පඤ‍්හාවාරංපි එවං විත්‍ථාරෙතබ‍්බං). අබ්‍යාකතං අජ‍්ඣත‍්තිකං ධම‍්මං පටිච‍්ච අබ්‍යාකතො අජ‍්ඣත‍්තිකො ධම‍්මො උප‍්පජ‍්ජති හෙතුපච‍්චයා. හෙතුයා එකං, සහජාතෙ එකං, අවිගතෙ එකං සහජාතවාරංපි සම‍්පයුත‍්තවාරංපි පටිච‍්චවාරසදිසං. කුසලො අජ‍්ඣත‍්තිකො ධම‍්මො කුසලස‍්ස අජ‍්ඣත‍්තිකස‍්ස ධම‍්මස‍්ස ආරම‍්මණපච‍්චයෙන පච‍්චයො. කුසලො අජ‍්ඣත‍්තිකො ධම‍්මො අකුසලස‍්ස අජ‍්ඣත‍්තිකස‍්ස ධම‍්මස‍්ස ආරම‍්මණපච‍්චයෙන පච‍්චයො. කුසලො අජ‍්ඣත‍්තිකො ධම‍්මො අබ්‍යාකතස‍්ස අජ‍්ඣත‍්තිකස‍්ස ධම‍්මස‍්ස ආරම‍්මණපච‍්චයෙන පච‍්චයො. අකුසලො අජ‍්ඣත‍්තිකො ධම‍්මො අකුසලස‍්ස අජ‍්ඣත‍්තිකස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. අබ්‍යාකතො අජ‍්ඣත‍්තිකො ධම‍්මො අබ්‍යාකතස‍්ස අජ‍්ඣත‍්තිකස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි ආරම‍්මණෙ නව, පුරෙජාතෙ තීණි, අවිගතෙ පඤ‍්ච, (යථා කුසලත‍්තිකෙ පඤ‍්හාවාරං, එවං විත්‍ථාරෙතබ‍්බං).
කුසලං බාහිරං පටිච‍්ච කුසලො බාහිරො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි. අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො බාහිරො ධම‍්මො කුසලස‍්ස බාහිරස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අවිගතෙ තෙරස. (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං).
අබ්‍යාකතො උපාදා ධම‍්මො අබ්‍යාකතස‍්ස උපාදා ධම‍්මස‍්ස ආරම‍්මණපච‍්චයෙන පච‍්චයො. ඉන්‍ද්‍රියපච‍්චයෙන පච‍්චයො, අත්‍ථිපච‍්චයෙන පච‍්චයො, අවිගතපච‍්චයෙන පච‍්චයො, කුසලං නො උපාදා ධම‍්මං පටිච‍්ච කුසලො නො උපාදා ධම‍්මො උප‍්පජ‍්ජති හෙතුපච‍්චයා, තීණි, අකුසලං නො උපාදා ධම‍්මං පටිච‍්ච අකුසලො නො උපාදා ධම‍්මො උප‍්පජ‍්ජති හෙතුපච‍්චයා, තීණි. අබ්‍යාකතං නො උපාදා ධම‍්මං පටිච‍්ච අබ්‍යාකතො නො උපාදා ධම‍්මො උප‍්පජ‍්ජති හෙතුපච‍්චයා.
හෙතුයා නව, (සහජාතවාරංපි පටිච‍්චවාරසදිසං, කුසලො නො උපාදා ධම‍්මො කුසලස‍්ස නො උපාදා ධම‍්මස‍්ස හෙතුපච‍්චයෙන පච‍්චයො, තීණි. අකුසලො නො උපාදා ධම‍්මො අකුසලස‍්ස නො උපාදා ධම‍්මස‍්ස හෙතුපච‍්චයෙන පච‍්චයො. තීණි, අබ්‍යාකතො නො උපාදා ධම‍්මො අබ්‍යාකතස‍්ස නො උපාදා ධම‍්මස‍්ස හෙතුපච‍්චයෙන පච‍්චයො. කුසලො නො උපාදා ධම‍්මො කුසලස‍්ස නො උපාදා ධම‍්මස‍්ස ආරම‍්මණපච‍්චයෙන පච‍්චයො, තීණි. අකුසලො නො උපාදා ධම‍්මො අකුසලස‍්ස නො උපාදා ධම‍්මස‍්ස ආරම‍්මණපච‍්චයෙන පච‍්චයො. තීණි, අබ්‍යාකතො නො උපාදා ධම‍්මො අබ්‍යාකතස‍්ස නො උපාදා ධම‍්මස‍්ස ආරම‍්මණපච‍්චයෙන පච‍්චයො, තීණි. හෙතුයා සත‍්ත, ආරම‍්මණෙ නව, අධිපතියා දස. අවිගතෙ එකාදස, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං).
අබ්‍යාකතං උපාදින‍්නං ධම‍්මං පටිච‍්ච අබ්‍යාකතො උපාදින‍්නො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං. කුසලං අනුපාදින‍්නං ධම‍්මං පටිච‍්ච කුසලො අනුපාදින‍්නො ධම‍්මො උප‍්පජ‍්ජති හෙතුපච‍්චයා, තීණි, අකුසලං අනුපාදින‍්නං ධම‍්මං පටිච‍්ච අකුසලො අනුපාදින‍්නො ධම‍්මො උප‍්පජ‍්ජති හෙතුපච‍්චයා, තීණි, අබ්‍යාකතං අනුපාදින‍්නං ධම‍්මං පටිච‍්ච අබ්‍යාකතො අනුපාදින‍්නො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො අනුපාදින‍්නො ධම‍්මො කුසලස‍්ස අනුපාදින‍්නස‍්ස ධම‍්මස‍්ස හෙතුපච‍්චයෙන පච‍්චයො, තීණි, අකුසලො අනුපාදින‍්නො ධම‍්මො අකුසලස‍්ස අනුපාදින‍්නස‍්ස ධම‍්මස‍්ස හෙතුපච‍්චයෙන පච‍්චයො, තීණි. අබ්‍යාකතො අනුපාදින‍්නො ධම‍්මො අබ්‍යාකතස‍්ස අනුපාදින‍්නස‍්ස ධම‍්මස‍්ස හෙතුපච‍්චයෙන පච‍්චයො. කුසලො අනුපාදින‍්නො ධම‍්මො කුසලස‍්ස අනුපාදින‍්නස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. අකුසලො අනුපාදින‍්නො ධම‍්මො අකුසලස‍්ස අනුපාදින‍්නස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. අබ්‍යාකතො අනුපාදින‍්නො ධම‍්මො අබ්‍යාකතස‍්ස අනුපාදින‍්නස‍්ස ධම‍්මස‍්ස ආරම‍්මණ පච‍්චයෙන පච‍්චයො, අබ්‍යාකතො අනුපාදින‍්නො ධම‍්මො කුසලස‍්ස අනුපාදින‍්නස‍්ස ධම‍්මස‍්ස ආරම‍්මණපච‍්චයෙ පච‍්චයො, තීණි. හෙතුයා සත‍්ත, ආරම‍්මණෙ නව, අධිපතියා දස, අනන‍්තරෙ ඡ, සහජාතෙ නව, නිස‍්සයෙ නව, උපනිස‍්සයෙ නව, අවිගතෙ එකාදස.
අකුසලං උපාදානං ධම‍්මං පටිච‍්ච අකුසලො උපාදානො ධම‍්මො උප‍්පජ‍්ජති හෙතුපච‍්චයා හෙතුයා එකං, ආරම‍්මණෙ එකං, අවිගතෙ එකං.
(11. උපාදාන ගොච‍්ඡකං විත්‍ථාරෙතබ‍්බං).