13. කුසලපිට‍්ඨි තිකදුකං
13. කුසලපිට‍්ඨි තිකදුකං.
අකුසලං දස‍්සනෙන පහාතබ‍්බං ධම‍්මං පටිච‍්ච අකුසලො දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවෙරපි සබ‍්බත්‍ථ එකං. කුසලං දස‍්සනෙන පහාතබ‍්බං ධම‍්මං පටිච‍්ච
කුසලො න දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා තීණි. අකුසලං න දස‍්සනෙන පහාතබ‍්බං ධම‍්මං පටිච‍්ච අකුසලො න දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා. තීණි. අබ්‍යාකතං න දස‍්සනෙන පහාතබ‍්බං ධම‍්මං පටිච‍්ච අබ්‍යාකතො න දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා. කුසලං න දස‍්සනෙන පහාතබ‍්බඤ‍්ච අබ්‍යාකතං න දස‍්සනෙන පහාතබ‍්බඤ‍්ච ධම‍්මං පටිච‍්ච අබ්‍යාකතො න දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා. අකුසලං න දස‍්සනෙන පහාතබ‍්බඤ‍්ච අබ්‍යාකතං න දස‍්සනෙන පහාතබ‍්බඤ‍්ච ධම‍්මං පටිච‍්ච අබ්‍යාකතො න දස‍්සනෙන පහාතබ‍්බො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො න දස‍්සනෙන පහාතබ‍්බො ධම‍්මො කුසලස‍්ස න දස‍්සනෙන පහාතබ‍්බස‍්ස ධම‍්මස‍්ස හෙතුපච‍්චයෙන පච‍්චයො, තීණි. අකුසලො න දස‍්සනෙන පහාතබ‍්බො ධම‍්මො අකුසලස‍්ස න දස‍්සනෙන පහාතබ‍්බස‍්ස ධම‍්මස‍්ස හෙතුපච‍්චයෙන පච‍්චයො. තීණි. අබ්‍යාකතො න දස‍්සනෙන පහාතබ‍්බො ධම‍්මො අබ්‍යාකතස‍්ස න දස‍්සනෙන පහාතබ‍්බස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අධිපතියා දස, අනන‍්තරෙ සත‍්ත, අවිගතෙ තෙරස, (යථා කුසලත‍්තිකෙ පඤ‍්හාවාරං, එවං විත්‍ථාරෙතබ‍්බං).
අකුසලං භාවනාය පහාතබ‍්බං ධම‍්මං පටිච‍්ච අකුසලො භාවනාය පහාතබ‍්බො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, කුසලං න භාවනාය පහාතබ‍්බං ධම‍්මං පටිච‍්ච කුසලො න භාවනාය පහාතබ‍්බො ධම‍්මො උප‍්පප‍්ජති හෙතුපච‍්චයා. හෙතුයා නව, ආරම‍්මණෙ තීණි, (සහජාතවාරංපි පඤ‍්හාවාරංපි විත්‍ථාරෙතබ‍්බං).
අකුසලං දස‍්සනෙන පහාතබ‍්බ හෙතුකං ධම‍්මං පටිච‍්ච අකුසලො දස‍්සනෙන පහාතබ‍්බ හෙතුකො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං. කුසලං න දස‍්සනෙන පහාතබ‍්බහෙතුකං ධම‍්මං පටිච‍්ච කුසලො න දස‍්සනෙන පහාතබ‍්බහෙතුකො ධම‍්මො උප‍්පජ‍්ජති හෙතුපච‍්චයා. හෙතුයා නව, (සහජාතවාරංපි පඤ‍්හාවාරංපි විත්‍ථාරෙතබ‍්බං). අකුසලං භාවනාය පහාතබ‍්බහෙතුකං ධම‍්මං පටිච‍්ච අකුසලො භාවනාය පහාතබ‍්බ හෙතුකො ධම‍්මො උප‍්පජ‍්ජති හෙතුපච‍්චයා. හෙතුයා එකං, ආරම‍්මණෙ එකං. අවිගතෙ එකං, සහජාත වාරෙපි පඤ‍්හාවාරෙපි සබ‍්බත්‍ථ එකං, කුසලං න භාවනාය පහාතබ‍්බ
හෙතුකං ධම‍්මං පටිච‍්ච කුසලො න භාවනාය පහාතබ‍්බ හෙතුකො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි පඤ‍්හාවාරංපි විත්‍ථාරෙතබ‍්බං).
කුසලං සවිතක‍්කං ධම‍්මං පටිච‍්ච කුසලො සවිතක‍්කො ධම‍්මො උප‍්පජ‍්ජති හෙතු පච‍්චයා, අකුසලං සවිතක‍්කං ධම‍්මං පටිච‍්ච අකුසලො සවිතක‍්කො ධම‍්මො උප‍්පජ‍්ජති හෙතුපච‍්චයා, අබ්‍යාකතං සවිතක‍්කං ධම‍්මං පටිච‍්ච අබ්‍යාකතො සවිතක‍්කො ධම‍්මො උප‍්පජ‍්ජති හෙතු පච‍්චයා. හෙතුයා තීණි, ආරම‍්මණෙ තීණි, අවිගතෙ තීණි, (සහජාතවාරංපි සම‍්පයුත‍්තවාරංපි පටිච‍්චවාරසදිසං).
කුසලො සවිතක‍්කො ධම‍්මො කුසලස‍්ස සවිතක‍්කස‍්ස ධම‍්මස‍්ස හෙතුපච‍්චයෙන පච‍්චයො, අකුසලො සවිතක‍්කො ධම‍්මො අකුසලස‍්ස සවිතක‍්කස‍්ස ධම‍්මස‍්ස හෙතු පච‍්චයෙන පච‍්චයො, අබ්‍යාකතො සවිතක‍්කො ධම‍්මො අබ්‍යාකතස‍්ස සවිතක‍්කස‍්ස ධම‍්මස‍්ස හෙතුපච‍්චයෙන පච‍්චයො, තුසලො සවිතක‍්කො ධම‍්මො කුසලස‍්ස සවිකත‍්තස‍්ස ධම‍්මස‍්ස ආරම‍්මණ පච‍්චයෙන පච‍්චයො, තීණි. අකුසලො සවිතක‍්කො ධම‍්මො අකුසලස‍්ස සවිතක‍්කස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. අබ්‍යාකතො සවිතක‍්කො ධම‍්මො අබ්‍යාකතස‍්ස සවිතක‍්කස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. හෙතුයා තීණි, ආරම‍්මණෙ තීණි, අධිපතියා සත‍්ත, අවිගතෙ තීණි. (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං). කුසලං අවිතක‍්කං ධම‍්මං පටිච‍්ච කුසලො අවිතක‍්කො ධම‍්මො උප‍්පජ‍්ජති හෙතුපච‍්චයා, හෙතුයා සත‍්ත, ආරම‍්මණෙ ද‍්වෙ, අවිගතෙ සත‍්ත, (සහජාතවාරංපි සම‍්පයුත‍්තවාරංපි පටිච‍්චවාරසදිසං). කුසලො අවිතක‍්කො ධම‍්මො කුසලස‍්ස අවිතක‍්කස‍්ස ධම‍්මස‍්ස හෙතුපච‍්චයෙන පච‍්චයො තීණි. අබ්‍යාකතො අවිතක‍්කො ධම‍්මො අබ්‍යාකතස‍්ස අවිතක‍්කස‍්ස ධම‍්මස‍්ස හෙතුපච‍්චයෙන පච‍්චයො, හෙතුයා චත‍්තාරි. ආරම‍්මණෙ නව, අවිගතෙ තෙරස (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං). කුසලං සවිචාරං ධම‍්මං පටිච‍්ච කුසලො සවිචාරො ධම‍්මො උප‍්පජ‍්ජති හෙතුපච‍්චයා (කුසල සවිතක‍්ක සදිසං).
කුසලං සප‍්පීතිකං පටිච‍්ච කුසලො සප‍්පීතිකො ධම‍්මො උප‍්පජ‍්ජති හෙතු පච‍්චයා, අකුසලං සප‍්පීතිකං ධම‍්මං පටිච‍්ච අකුසලො සප‍්පීතිකො ධම‍්මො උප‍්පජ‍්ජති හෙතු පච‍්චයා, අබ්‍යාකතං සප‍්පීතිකං ධම‍්මං පටිච‍්ච අබ්‍යාකතො සප‍්පීතිකො ධම‍්මො උප‍්පජ‍්ජති හෙතුපච‍්චයා. හෙතුයා තීණි, ආරම‍්මණෙ තීණි, අවිගතෙ තීණි. (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො සප‍්පීතිකො ධම‍්මො කුසලස‍්ස සප‍්පීතිකස‍්ස ධම‍්මස‍්ස හෙතුපච‍්චයෙන පච‍්චයො.
අකුසලො සප‍්පීතිකො ධම‍්මො අකුසලස‍්ස සප‍්පීතිකස‍්ස ධම‍්මස‍්ස හෙතු පච‍්චයෙන පච‍්චයො, අබ්‍යාකතො සප‍්පීතිකො ධම‍්මො අබ්‍යාකතස‍්ස සප‍්පීතිකස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා තීණි. ආරම‍්මණෙ නව, අවිගතෙ තීණි. කුසලං අප‍්පීතිකං ධම‍්මං පටිච‍්ච කුසලො අප‍්පීතිකො ධම‍්මො උප‍්පජ‍්ජති හෙතුපච‍්චයා, තීණි. අකුසලං අප‍්පීතිකං ධම‍්මං පටිච‍්ච අකුසලො අප‍්පීතිකො ධම‍්මො උප‍්පජ‍්ජති හෙතුපච‍්චයා, තීණි. අබ්‍යාකතං අප‍්පීතිකං ධම‍්මං පටිච‍්ච අබ්‍යාකතො අප‍්පීතිකො ධම‍්මො උප‍්පජ‍්ජති හෙතු පච‍්චයා, කුසලං අප‍්පීතිකඤ‍්ච අබ්‍යාකතං අප‍්පීතිකඤ‍්ච ධම‍්මං පටිච‍්ච අබ්‍යාකතො අප‍්පීතිකො ධම‍්මො උප‍්පජ‍්ජති හෙතුපච‍්චයා, අකුසලං අප‍්පීතිකඤ‍්ච අබ්‍යාකතං අප‍්පීතිකඤ‍්ච ධම‍්මං පටිච‍්ච අබ්‍යාකතො අප‍්පීතිකො ධම‍්මො උප‍්පජ‍්ජති හෙතු පච‍්චයා, හෙතු නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො අප‍්පීතිකො ධම‍්මො කුසලස‍්ස අප‍්පීතිකස‍්ස ධම‍්මස‍්ස හෙතු පච‍්චයෙන පච‍්චයො. හෙතුයා සත‍්ත, ආරම‍්මණෙ නව, අවිගතෙ තෙරස. (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං). කුසලං පීතිසහගතං ධම‍්මං පටිච‍්ච කුසලො පීතිසහගතො ධම‍්මො උප‍්පජ‍්ජති හෙතුපච‍්චයා, කුසලං න පීතිසහගතං ධම‍්මං පටිච‍්ච-. කුසලං සුඛසහගතං ධම‍්මං පටිච‍්ච-. කුසලං න සුඛසහගතං ධම‍්මං පටිච‍්ච-. කුසලං උපෙක‍්ඛා සහගතං ධම‍්මං පටිච‍්ච-. කුසලං න උපෙක‍්ඛාසහගතං ධම‍්මං පටිච‍්ච-. කුසලං කාමාවචරං ධම‍්මං පටිච‍්ච කුසලො කාමාවචරො ධම‍්මො උප‍්පජ‍්ජති හෙතුපච‍්චයා, කුසලං කාමාවචරං ධම‍්මං පටිච‍්ච අබ්‍යාකතො කාමාවචරො ධම‍්මො උප‍්පජ‍්ජති හෙතුපච‍්චයා, කුසලං කාමාවචරං ධම‍්මං පටිච‍්ච කුසලො කාමාවචාරො ච අබ්‍යාකතො කාමාවචරො ච ධම‍්මා උප‍්පජ‍්ජන‍්ති හෙතුපච‍්චයා, අකුසලං කාමාවචරං ධම‍්මං පටිච‍්ච අකුසලො කාමාවචරො ධම‍්මො උප‍්පජ‍්ජති හෙතුපච‍්චයා, තීණි. අබ්‍යාකතං කාමාවචරං ධම‍්මං පටිච‍්ච අබ්‍යාකතො කාමාවචරො ධම‍්මො උප‍්පජ‍්ජති හෙතුපච‍්චයා. කුසලං කාමාවචරඤ‍්ච අබ්‍යාකතං කාමාවචරඤ‍්ච ධම‍්මං පටිච‍්ච අබ්‍යාකතො කාමාවචරො ධම‍්මො උප‍්පජ‍්ජති හෙතුපච‍්චයා. අකුසලං කාමාවචරඤ‍්ච අබ්‍යාකතං කාමාවචරඤ‍්ච ධම‍්මං පටිච‍්ච අබ්‍යාකතො කාමාවචරො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං).
කුසලො කාමාවචරො ධම‍්මො කුසලස‍්ස කාමාවචරස‍්ස ධම‍්මස‍්ස හෙතු පච‍්චයෙන පච‍්චයො, තීණි. අකුසලො කාමාවචරො ධම‍්මො අකුසලස‍්ස කාමාවචරස‍්ස ධම‍්මස‍්ස හෙතුපච‍්චයෙන පච‍්චයො, තීණි.
අබ්‍යාකතො කාමාවචරො ධම‍්මො අබ්‍යාකතස‍්ස කාමාවචරස‍්ස ධම‍්මස‍්ස හෙතු පච‍්චයෙන පච‍්චයො. හෙතුයා සත‍්ත, ආරම‍්මණෙ නව, අධිපතියා නව, අවිගතෙ තෙරස, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං). කුසලං න කාමාවචරං ධම‍්මං පටිච‍්ච කුසලො න කාමාවචරො ධම‍්මො උප‍්පජ‍්ජති හෙතු පච‍්චයා, අබ්‍යාකතං න කාමාවචරං ධම‍්මං පටිච‍්ච අබ්‍යාකතො න කාමාවචරො ධම‍්මො උප‍්පජ‍්ජති හෙතු පච‍්චයා, හෙතුයා ද‍්වෙ, ආරම‍්මණෙ ද‍්වෙ, අවිගතෙ ද‍්වෙ, (සහජාතවාරංපි සම‍්පයුත‍්තවාරංපි පටිච‍්චවාර සදිසං). කුසලො න කාමාවචරො ධම‍්මො කුසලස‍්ස න කාමාවචරස‍්ස ධම‍්මස‍්ස හෙතු පච‍්චයෙන පච‍්චයො. අබ්‍යාකතො න කාමාවචරො ධම‍්මො අබ්‍යාකතස‍්ස න කාමාවචරස‍්ස ධම‍්මස‍්ස හෙතුපච‍්චයෙන පච‍්චයො. කුසලො න කාමාවචරො ධම‍්මො කුසලස‍්ස න කාමාවචරස‍්ස ධම‍්මස‍්ස ආරම‍්මණපච‍්චයෙන පච‍්චයො. කුසලො න කාමාවචරො ධම‍්මො අබ්‍යාකතස‍්ස න කාමාවචරස‍්ස ධම‍්මස‍්ස ආරම‍්මණ පච‍්චයෙන පච‍්චයො. අබ්‍යාකතො න කාමාවචරො ධම‍්මො අබ්‍යාකතස‍්ස න කාමාවචරස‍්ස ධම‍්මස‍්ස ආරම‍්මණපච‍්චයෙන පච‍්චයො, අබ්‍යාකතො න කාමාවචරො ධම‍්මො කුසලස‍්ස න කාමාවචරස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා ද‍්වෙ, ආරම‍්මණ චත‍්තාරි, අධිපතියා තීණි. අවිගතෙ ද‍්වෙ, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං).
කුසලං රූපාවචරං ධම‍්මං පටිච‍්ච කුසලො රූපාවචරො ධම‍්මො උප‍්පජ‍්ජති හෙතුපච‍්චයා, අබ්‍යාකතං අරූපාවචරං ධම‍්මං පටිච‍්ච අබ්‍යාකතො රූපාවචරො ධම‍්මො උප‍්පජ‍්ජති හෙතු පච‍්චයා, හෙතුයා ද‍්වෙ, අවිගතෙ ද‍්වෙ, (සහජාතවාරංපි පඤ‍්හාවාරංපි එවං විත්‍ථාරෙතබ‍්බං). කුසලං න රූපාවචරං ධම‍්මං පටිච‍්ච කුසලො න රූපාවචරො ධම‍්මො උප‍්පජ‍්ජති හෙතු පච‍්චයා, තීණි. අකුසලං න රූපාවචරං ධම‍්මං පටිච‍්ච අකුසලො න රූපාවචරො ධම‍්මො උප‍්පජ‍්ජති හෙතු පච‍්චයා, තීණි. අබ්‍යාකතං න රූපාවචරං ධම‍්මං පටිච‍්ච අබ්‍යාකතො න රූපාවචරො ධම‍්මො උප‍්පජ‍්ජති හෙතුපච‍්චයා, කුසලං න රූපාවචරඤ‍්ච අබ්‍යාකතං න රූපාවචරඤ‍්ච ධම‍්මං පටිච‍්ච අබ්‍යාකතො න රූපාවචරො ධම‍්මො උප‍්පජ‍්ජති හෙතු පච‍්චයා, අකුසලං න රූපාවචරඤ‍්ච අබ්‍යාකතං න රූපාවචරඤ‍්ච ධම‍්මං පටිච‍්ච අබ්‍යාකතො න රූපාවචරො ධම‍්මො උප‍්පජ‍්ජති හෙතු පච‍්චයා, හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං) කුසලො න රූපාවවචරො ධම‍්මො කුසලස‍්ස න රූපාවචරස‍්ස ධම‍්මස‍්ස හෙතුපච‍්චයෙන පච‍්චයො, තීණි. අකුසලො න රූපාවචරො ධම‍්මො අකුසලස‍්ස න රූපාවචරස‍්ස ධම‍්මස‍්ස හෙතුපච‍්චයෙන
පච‍්චයො, තීණි. අබ්‍යාකතො න රූපාවචරො ධම‍්මො අබ්‍යාකතස‍්ස න රූපාවචරස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අවිගතෙ තෙරස, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං). කුසලං අරූපාවචරං ධම‍්මං පටිච‍්ච කුසලො අරූපාවචරො ධම‍්මො උප‍්පජ‍්ජති හෙතුපච‍්චයා. අබ්‍යාකතං අරූපාවචරං ධම‍්මං පටිච‍්ච අබ්‍යාකතො අරූපාවචරො ධම‍්මො උප‍්පජ‍්ජති හෙතුපච‍්චයා (රූපාවචරදුක සදිසං).
කුසලං පරියාපන‍්නං ධම‍්මං පටිච‍්ච කුසලො පරියාපන‍්නො ධම‍්මො උප‍්පජ‍්ජති හෙතුපච‍්චයා, තීණි. අකුසලං පරියාපන‍්නං ධම‍්මං පටිච‍්ච අකුසලො පරියාපන‍්නො ධම‍්මො උප‍්පජ‍්ජති හෙතුපච‍්චයා. තීණි. අබ්‍යාකතං පරියාපන‍්නං ධම‍්මං පටිච‍්ච අබ්‍යාකතො පරියාපන‍්නො ධම‍්මො උප‍්පජ‍්ජති හෙතුපච‍්චයා. කුසලං පරියාපන‍්නඤ‍්ච අබ්‍යාකතං පරියාපන‍්නං ච ධම‍්මං පටිච‍්ච අබ්‍යාකතො පරියාපන‍්නො ධම‍්මො උප‍්පජ‍්ජති හෙතුපච‍්චයා. අකුසලං පරියාපන‍්නං ච අබ්‍යාකතං පරියාපන‍්නං ච ධම‍්මං පටිච‍්ච අබ්‍යාකතො පරියාපන‍්නො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං). කුසලො පරියාපන‍්නො ධම‍්මො කුසලස‍්ස පරියාපන‍්නස‍්ස ධම‍්මස‍්ස හෙතුපච‍්චයෙන පච‍්චයො. තීණි, අකුසලො පරියාපන‍්නො ධම‍්මො අකුසලස‍්ස පරියාපන‍්නස‍්ස ධම‍්මස‍්ස හෙතුපච‍්චයෙන පච‍්චයො. තීණි, අබ්‍යාකතො පරියාපන‍්නො ධම‍්මො අබ්‍යාකතස‍්ස පරියාපන‍්නස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අධිපතියා නව, අවිගතෙ තෙරස, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං). කුසලං අපරියාපන‍්නං ධම‍්මං පටිච‍්ච කුසලො අපරියාපන‍්නො ධම‍්මො උප‍්පජ‍්ජති හෙතුපච‍්චයා. අබ්‍යාකතං අපරියාපන‍්නං ධම‍්මං පටිච‍්ච අබ්‍යාකතො අපරියාපන‍්නො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, ආරම‍්මණෙ ද‍්වෙ, අවිගතෙ ද‍්වෙ, (සහජාතවාරංපි සම‍්පයුත‍්තවාරංපි පටිච‍්චවාරසදිසං.) කුසලො අපරියාපන‍්නො ධම‍්මො කුසලස‍්ස අපරියාපන‍්නස‍්ස ධම‍්මස‍්ස හෙතුපච‍්චයෙන පච‍්චයො. අබ්‍යාකතො අපරියාපන‍්නො ධම‍්මො අබ්‍යාකතස‍්ස අපරියාපන‍්නස‍්ස ධම‍්මස‍්ස හෙතුපච‍්චයෙන පච‍්චයො. අබ්‍යාකතො අපරියාපන‍්නො ධම‍්මො අබ්‍යාකතස‍්ස අපරියාපන‍්නස‍්ස ධම‍්මස‍්ස ආරම‍්මණපච‍්චයෙන පච‍්චයො. අබ්‍යාකතො අපරියාපන‍්නො ධම‍්මො කුසලස‍්ස අපරියාපන‍්නස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා ද‍්වෙ, ආරම‍්මණෙ ද‍්වෙ, අධිපතියා තීණි, අනන‍්තරෙ ද‍්වෙ, උපනිස‍්සයෙ චත‍්තාරි, අවිගතෙ ද‍්වෙ, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං.)
කුසලං නිය්‍යානිකං ධම‍්මං පටිච‍්ච කුසලො නිය්‍යානිකො ධම‍්මො උප‍්පජ‍්ජති හෙතුපච‍්චයා හෙතුයා එකං, ආරම‍්මණෙ එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, කුසලං අනිය්‍යානිකං ධම‍්මං පටිච‍්ච කුසලො අනිය්‍යානිකො ධම‍්මො උප‍්පජ‍්ජති හෙතුපච‍්චයා. තීණි, අකුසලං අනිය්‍යානිකං ධම‍්මං පටිච‍්ච අකුසලො අනිය්‍යානිකො ධම‍්මො උප‍්පජ‍්ජති හෙතුපච‍්චයා. තීණි. අබ්‍යාකතං අනිය්‍යානිකං ධම‍්මං පටිච‍්ච අබ්‍යාකතො අනිය්‍යානිකො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි. අවිගතෙ නව, (සහජාතවාරංපි පඤ‍්හාවාරංපි විත්‍ථාරෙතබ‍්බං.)
කුසලං නියතං ධම‍්මං පටිච‍්ච කුසලො නියතො ධම‍්මො උප‍්පජ‍්ජති හෙතුපච‍්චයා. අකුසලං නියතං ධම‍්මං පටිච‍්ච අකුසලො නියතො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, ආරම‍්මණෙ ද‍්වෙ, අවිගතෙ ද‍්වෙ, (සහජාතවාරංපි පඤ‍්හාවාරංපි එවං විත්‍ථාරෙතබ‍්බං.) කුසලං අනියතං ධම‍්මං පටිච‍්ච කුසලො අනියතො ධම‍්මො උප‍්පජ‍්ජති හෙතුපච‍්චයා. තීණි. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි පඤ‍්හාවාරංපි එවං විත්‍ථාරෙතබ‍්බං.)
කුසලං සඋත‍්තරං ධම‍්මං පටිච‍්ච කුසලො සඋත‍්තරො ධම‍්මො උප‍්පජ‍්ජති හෙතුපච‍්චයා. තීණි. අකුසලං සඋත‍්තරං ධම‍්මං පටිච‍්ච අකුසලො සඋත‍්තරො ධම‍්මො උප‍්පජ‍්ජති හෙතුපච‍්චයා. තීණි, අබ්‍යාකතං සඋත‍්තරං ධම‍්මං පටිච‍්ච අබ්‍යාකතො සඋත‍්තරො ධම‍්මො උප‍්පජ‍්ජති හෙතුපච‍්චයා. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං.) කුසලො සඋත‍්තරො ධම‍්මො කුසලස‍්ස සඋත‍්තරස‍්ස ධම‍්මස‍්ස හෙතුපච‍්චයෙන පච‍්චයො. තීණි, අකුසලො සඋත‍්තරො ධම‍්මො අකුසලස‍්ස සඋත‍්තරස‍්ස ධම‍්මස‍්ස හෙතුපච‍්චයෙන පච‍්චයො. තීණි. අබ්‍යාකතො සඋත‍්තරො ධම‍්මො අබ්‍යාකතස‍්ස සඋත‍්තරස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අධිපතියා නව, අවිගතෙ තෙරස. කුසලං අනුත‍්තරං ධම‍්මං පටිච‍්ච කුසලො අනුත‍්තරො ධම‍්මො උප‍්පජ‍්ජති හෙතුපච‍්චයා. අබ්‍යාකතං අනුත‍්තරං ධම‍්මං පටිච‍්ච අබ්‍යාකතො අනුත‍්තරො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, ආරම‍්මණෙ ද‍්වෙ, අවිගතෙ ද‍්වෙ, (සහජාතවාරංපි පටිච‍්චවාරසදිසං). කුසලො අනුත‍්තරො ධම‍්මො කුසලස‍්ස අනුත‍්තරස‍්ස ධම‍්මස‍්ස හෙතුපච‍්චයෙන පච‍්චයො, අබ්‍යාකතො අනුත‍්තරො ධම‍්මො අබ්‍යාකතස‍්ස අනුත‍්තරස‍්ස ධම‍්මස‍්ස ආරම‍්මණං පච‍්චයෙන පච‍්චයො. අබ්‍යාකතො අනුත‍්තරො ධම‍්මො කුසලස‍්ස
අනුත‍්තරස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා ද‍්වෙ, ආරම‍්මණෙ ද‍්වෙ, අධිපතියා තීණි, අනන‍්තරෙ ද‍්වෙ, අවිගතෙ ද‍්වෙ, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං.)
අකුසලං සරණං ධම‍්මං පටිච‍්ච අකුසලො සරණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, සහජාතවාරොපි පඤ‍්හාවාරොපි සබ‍්බත්‍ථ එකං. කුසලං අරණං ධම‍්මං පටිච‍්ච කුසලො අරණො ධම‍්මො උප‍්පජ‍්ජති හෙතුපච‍්චයා, තීණි. අබ්‍යාකතං අරණං ධම‍්මං පටිච‍්ච අබ්‍යාකතො අරණො ධම‍්මො උප‍්පජ‍්ජති හෙතුපච‍්චයා, කුසලං අරණං ච අබ්‍යාකතං අරණං ච ධම‍්මං පටිච‍්ච අබ්‍යාකතො අරණො ධම‍්මො උප‍්පජ‍්ජති හෙතුපච‍්චයා. කුසලං අරණං ධම‍්මං පටිච‍්ච කුසලො අරණො ධම‍්මො උප‍්පජ‍්ජති ආරම‍්මණපච‍්චයා. අබ්‍යාකතං අරණං ධම‍්මං පටිච‍්ච අබ්‍යාකතො අරණො ධම‍්මො උප‍්පජ‍්ජති ආරම‍්මණපච‍්චයා, හෙතුයා පඤ‍්ච, ආරම‍්මණෙ ද‍්වෙ, අවිගතෙ පඤ‍්ච, (සහජාතවාරංපි සම‍්පයුත‍්තවාරංපි පටිච‍්චවාර සදිසං.) කුසලො අරණො ධම‍්මො කුසලස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. තීණි. අබ්‍යාකතො අරණො ධම‍්මො අබ්‍යාකතස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා චත‍්තාරි, ආරම‍්මණෙ චත‍්තාරි, අවිගතෙ සත‍්ත, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං.)
සුඛාය වෙදනාය සම‍්පයුත‍්තං සරණං ධම‍්මං පටිච‍්ච සුඛාය වෙදනාය සම‍්පයුත‍්තො සරණො ධම‍්මො උප‍්පජ‍්ජති හෙතුපච‍්චයා. දුක‍්ඛාය වෙදනාය සම‍්පයුත‍්තං සරණං ධම‍්මං පටිච‍්ච දුක‍්ඛාය වෙදනාය සම‍්පයුත‍්තො සරණො ධම‍්මො උප‍්පජ‍්ජති හෙතුපච‍්චයා අදුක‍්ඛමසුඛාය වෙදනාය සම‍්පයුත‍්තං සරණං ධම‍්මං පටිච‍්ච අදුක‍්ඛමසුඛාය වෙදනාය සම‍්පයුත‍්තො සරණො ධම‍්මො උප‍්පජ‍්ජති හෙතුපච‍්චයා. හෙතුයා තීණි, අවිගතෙ තීණි. (සහජාතවාරංපි සම‍්පයුත‍්තවාරංපි පටිච‍්චවාර සදිසං). සුඛාය වෙදනාය සම‍්පයුත‍්තො සරණො ධම‍්මො සුඛාය වෙදනාය සම‍්පයුත‍්තස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. දුක‍්ඛාය වෙදනාය සම‍්පයුත‍්තො සරණො ධම‍්මො දුක‍්ඛාය වෙදනාය සම‍්පයුත‍්තස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. අදුක‍්ඛමසුඛාය වෙදනාය සම‍්පයුත‍්තො සරණො ධම‍්මෙමා අදුක‍්ඛමසුඛාය වෙදනාය සම‍්පයුත‍්තස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා තීණි. ආරම‍්මණෙ නව, අවිගතෙ තීණි, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං.)
සුඛාය වෙදනාය සම‍්පයුත‍්තං අරණං ධම‍්මං පටිච‍්ච සුඛාය වෙදනාය සම‍්පයුත‍්තො අරණො ධම‍්මො උප‍්පජ‍්ජති හෙතුපච‍්චයා.
අදුක‍්ඛමසුඛාය වෙදනාය සම‍්පයුත‍්තං අරණං ධම‍්මං පටිච‍්ච අදුක‍්ඛමසුඛාය වෙදනාය සම‍්පයුත‍්තො අරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, ආරම‍්මණෙ තීණි. අවිගතෙ තීණි, (සහජාතවාරංපි සම‍්පයුත‍්තවාරංපි පටිච‍්චවාරසදිසං.) සුඛාය වෙදනාය සම‍්පයුත‍්තො අරණො ධම‍්මො සුඛාය වෙදනාය සම‍්පයුත‍්තස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. අදුක‍්ඛමසුඛාය වෙදනාය සම‍්පයුත‍්තො අරණො ධම‍්මො අදුක‍්ඛමසුඛාය වෙදනාය සම‍්පයුත‍්තස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා ද‍්වෙ, ආරම‍්මණෙ ඡ, අවිගතෙ තීණි, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං).
විපාකධම‍්මධම‍්මං සරණං පටිච‍්ච විපාකධම‍්මධම‍්මො සරණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, විපාකං අරණං ධම‍්මං පටිච‍්ච විපාකො අරණො ධම‍්මො උප‍්පජ‍්ජති හෙතුපච‍්චයා, තීණි. විපාකධම‍්මධම‍්මං අරණං ධම‍්මං පටිච‍්ච විපාකධම‍්මධම‍්මො අරණො ධම‍්මො උප‍්පජ‍්ජති හෙතුපච‍්චයා, තීණි. නෙව විපාක න විපාකධම‍්මධම‍්මං අරණං ධම‍්මං පටිච‍්ච නෙව විපාක න විපාක ධම‍්මධම‍්මො අරණො ධම‍්මො උප‍්පජ‍්ජති හෙතුපච‍්චයා, තීණි විපාකං අරණං ච නෙව විපාක න විපාක ධම‍්මධම‍්මං අරණඤ‍්ච ධම‍්මං පටිච‍්ච විපාකො අරණො ධම‍්මො උප‍්පජ‍්ජති හෙතුපච‍්චයා, තීණි. විපාකධම‍්මධම‍්මං අරණඤ‍්ච නෙව විපාක න විපාක ධම‍්මධම‍්මං අරණඤ‍්ච ධම‍්මං පටිච‍්ච නෙව විපාක න විපාක ධම‍්මධම‍්මො අරණො ධම‍්මො උප‍්පජ‍්ජති හෙතුපච‍්චයා, හෙතුයා තෙරස, ආරම‍්මණෙ පඤ‍්ච, අවිගතෙ තෙරස, (සහජාතවාරංපි සම‍්පයුත‍්තවාරංපි පටිච‍්චවාර සදිසං.) විපාකො අරණො ධම‍්මො විපාකස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. විපාකධම‍්මධම‍්මො අරණො ධම‍්මො විපාකධම‍්මධම‍්මස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. තීණි. නෙව විපාක න විපාකධම‍්මධම‍්මො අරණො ධම‍්මො නෙව විපාක න විපාකධම‍්මධම‍්මස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ නව, අවිගතෙ තෙරස, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං.)
අනුපාදින‍්නුපාදානියං සරණං ධම‍්මං පටිච‍්ච අනුපාදින‍්නුපාදානියො සරණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, උපාදින‍්නුපාදානියං අරණං ධම‍්මං පටිච‍්ච උපාදින‍්නූපාදානියො අරණො ධම‍්මො උප‍්පජ‍්ජති හෙතුපච‍්චයා, තීණි. අනුපාදින‍්නුපාදානියං අරණං ධම‍්මං පටිච‍්ච අනුපාදින‍්නුපාදානියො අරණො ධම‍්මො උප‍්පජ‍්ජති හෙතුපච‍්චයා, තීණි.
අනුපාදින‍්න අනුපාදානියං අරණං ධම‍්මං පටිච‍්ච අනුපාදින‍්න අනුපාදානියො අරණො ධම‍්මො උප‍්පජ‍්ජති හෙතුපච‍්චයා, තීණි. හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං.) උපාදින‍්නූපාදානියො අරණො ධම‍්මො උපාදින‍්නූපාදානියස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. අනුපාදින‍්නුපාදානියො අරණො ධම‍්මො අනුපාදින‍්නුපාදානියස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. අනුපාදින‍්න අනුපාදානියො අරණො ධම‍්මො අනුපාදින‍්න අනුපාදානියස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. හෙතුයා සත‍්ත, ආරම‍්මණෙ ඡ, අවිගතෙ තෙරස, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං).
සංකිලිට‍්ඨසංකිලෙසිකං සරණං ධම‍්මං පටිච‍්ච සංකිලිට‍්ඨසංකිලෙසිකො සරණො ධම‍්මො උප‍්පජ‍්ජති හෙතුපච‍්චයා. හෙතුයා එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං, අසංකිලිට‍්ඨසංකිලෙසිකං අරණං ධම‍්මං පටිච‍්ච අසංකිලිට‍්ඨසංකිලෙසිකො අරණො ධම‍්මො උප‍්පජ‍්ජති හෙතුපච‍්චයා, අසංකිලිට‍්ඨඅසංකිලෙසිකං අරණං ධම‍්මං පටිච‍්ච අසංකිලිට‍්ඨඅසංකිලෙසිකො අරණො ධම‍්මො උප‍්පජ‍්ජති හෙතුපච‍්චයා, තීණි. අසංකිලිට‍්ඨසංකිලෙසිකං අරණඤ‍්ච අසංකිලිට‍්ඨඅසංකිලෙසිකං අරණඤ‍්ච ධම‍්මං පටිච‍්ච අසංකිලිට‍්ඨසංකිලෙසිකො අරණො ධම‍්මො උප‍්පජ‍්ජති හෙතුපච‍්චයා. හෙතුයා පඤ‍්ච, ආරම‍්මණෙ ද‍්වෙ, අවිගතෙ පඤ‍්ච, (සහජාතවාරංපි සම‍්පයුත‍්තවාරංපි පටිච‍්චවාර සදිසං.) අසංකිලිට‍්ඨසංකිලෙසිකො අරණො ධම‍්මො අසංකිලිට‍්ඨසංකිලෙසිකස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. අසංකිලිට‍්ඨඅසංකිලෙසිකො අරණො ධම‍්මො අසංකිලිට‍්ඨඅසංකිලෙසිකස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. හෙතුයා චත‍්තාරි, ආරම‍්මණෙ තීණි, අවිගතෙ සත‍්ත, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං).
සවිතක‍්ක සවිචාරං සරණං ධම‍්මං පටිච‍්ච සවිතක‍්ක සවිචාරො සරණො ධම‍්මො උප‍්පජ‍්ජති හෙතුපච‍්චයා, සවිතක‍්කසවිචාරං සරණං ධම‍්මං පටිච‍්ච අවිතක‍්කවිචාරමත‍්තො සරණො ධම‍්මො උප‍්පජ‍්ජති හෙතුපච‍්චයා, සවිතක‍්කසවිචාරං සරණං ධම‍්මං පටිච‍්ච සවිතක‍්කසවිචාරො සරණො ච අවිතක‍්කවිචාරමත‍්තො සරණො ච ධම‍්මා උප‍්පජ‍්ජන‍්ති හෙතුපච‍්චයා, අවිතක‍්කවිචාරමත‍්තං සරණං ධම‍්මං පටිච‍්ච සවිතක‍්ක සවිචාරො සරණො ධම‍්මො උප‍්පජ‍්ජති හෙතුපච‍්චයා. සවිතක‍්ක සවිචාරං සරණඤ‍්ච අවිතක‍්කවිචාරමත‍්තං සරණඤ‍්ච ධම‍්මං පටිච‍්ච සවිතක‍්කසවිචාරො සරණො ධම‍්මො උප‍්පජ‍්ජති හෙතුපච‍්චයා, හෙතුයා
පඤ‍්ච, අවිගතෙ පඤ‍්ච, (සහජාතවාරෙ’පි පඤ‍්හාවාරෙ’පි සබ‍්බත්‍ථ විත්‍ථාරො කාතබ‍්බො). සවිතක‍්කසවිචාරං අරණං ධම‍්මං පටිච‍්ච සවිතක‍්ක සවිචාරො අරණො ධම‍්මො උප‍්පජ‍්ජති හෙතුපච‍්චයා, සත‍්ත, අවිතක‍්කවිචාරමත‍්තං අරණං ධම‍්මං පටිච‍්ච අවිතක‍්කවිචාරමත‍්තො අරණො ධම‍්මො උප‍්පජ‍්ජති හෙතුපච‍්චයා, පඤ‍්ච, අවිතක‍්කඅවිචාරං අරණං ධම‍්මං පටිච‍්ච අවිතක‍්ක අවිචාරො අරණො ධම‍්මො උප‍්පජ‍්ජති හෙතුපච‍්චයා, හෙතුයා සත‍්තතිංස, අවිගතෙ සත‍්තතිංස, (සහජාතවාරං’පි පඤ‍්හාවාරංපි එවං විත්‍ථාරෙතබ‍්බං).
පීතිසහගතං සරණං ධම‍්මං පටිච‍්ච පීතිසහගතො සරණො ධම‍්මො උප‍්පජ‍්ජති හෙතුපච‍්චයා. තීණි, සුඛසහගතං සරණං ධම‍්මං පටිච‍්ච සුඛසහගතො සරණො ධම‍්මො උප‍්පජ‍්ජති හෙතුපච‍්චයා, තීණි, උපෙක‍්ඛාසහගතං සරණං ධම‍්මං පටිච‍්ච උපෙක‍්ඛාසහගතො සරණො ධම‍්මො උප‍්පජ‍්ජති හෙතුපච‍්චයා, පීතිසහගතං සරණඤ‍්ච සුඛසහගතං සරණඤ‍්ච ධම‍්මං පටිච‍්ච පීතිසහගතො සරණො ධම‍්මො උප‍්පජ‍්ජති හෙතුපච‍්චයා, තීණි හෙතුයා දස, අවිගතෙ දස, (සහජාතවාරංපි සම‍්පයුත‍්තවාරංපි පටිච‍්චවාරසදිසං). පීතිසහගතො සරණො ධම‍්මො පීතිසහගතස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. සුඛසහගතො සරණො ධම‍්මො සුඛසහගතස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. උපෙක‍්ඛාසහගතො සරණො ධම‍්මො උපෙක‍්ඛාසහගතස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. පීතිසහගතො සරණො ච සුඛසහගතො සරණො ච ධම‍්මා පිතසහගතතස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. හෙතුයා දස, ආරම‍්මණෙ සොළස, අවිගතෙ දස, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං). පීතිසහගතං අරණං ධම‍්මං පටිච‍්ච පීතිසහගතො අරණො ධම‍්මො උප‍්පජ‍්ජති හෙතුපච‍්චයා. හෙතුයා දස, අවිගතෙ දස, (සහජාතවාරංපි පඤ‍්හාවාරෙපි තත‍්තකා ච පඤ‍්හා).
දස‍්සනෙන පහාතබ‍්බං සරණං ධම‍්මං පටිච‍්ච දස‍්සනෙන පහාතබ‍්බො සරණො ධම‍්මො උප‍්පජ‍්ජති හෙතුපච‍්චයා. භාවනාය පහාතබ‍්බං සරණං ධම‍්මං පටිච‍්ච භාවනාය පහාතබ‍්බො සරණො ධම‍්මො උප‍්පජ‍්ජති හෙතුපච‍්චයා, හෙතුයා ද‍්වෙ, අවිගතෙ ද‍්වෙ, (සහජාතවාරංපි පඤ‍්හාවාරෙපි සබ‍්බත්‍ථ විත්‍ථාරො කාතබ‍්බො.) නෙව දස‍්සනෙන න භාවනාය පහාතබ‍්බං අරණං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො අරණො ධම‍්මො උප‍්පජ‍්ජති හෙතුපච‍්චයා. හෙතුයා එකං, අවිගතෙ එකං, සහජාතවාරංපි සබ‍්බත්‍ථ එකං. දස‍්සනෙන පහාතබ‍්බහෙතුකං සරණං ධම‍්මං පටිච‍්ච-. භාවනාය පහාතබ‍්බහෙතුකං, සරණං ධම‍්මං පටිච‍්ච-. නෙව දස‍්සනෙන න භාවනාය පහාතබ‍්බහෙතුකං සරණං ධම‍්මං පටිච‍්ච-. ආචයගාමිං සරණං ධම‍්මං පටිච‍්ච-. ආචයගාමී
සරණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, සහජාතවාරෙ’පි පඤ‍්හාවාරෙ’පි සබ‍්බත්‍ථ එකං.
ආචයගාමිං අරණං ධම‍්මං පටිච‍්ච ආචයගාමී අරණො ධම‍්මො උප‍්පජ‍්ජති හෙතුපච‍්චයා, තීණි. අපචයගාමිං අරණං ධම‍්මං පටිච‍්ච. අපචයගාමී අරණො ධම‍්මො උප‍්පජ‍්ජති හෙතුපච‍්චයා, තීණි. නෙවාචයගාමිං න අපචයගාමිං අරණං ධම‍්මං පටිච‍්ච නෙවාචයගාමී නාපචයගාමී අරණො ධම‍්මො උප‍්පජ‍්ජති හෙතුපච‍්චයා, අපචයගාමී අරණඤ‍්ච නෙවාචයගාමිනාපචයගාමි අරණං ච ධම‍්මං පටිච‍්ච නෙවාචයගාමී නාපචයගාමී අරණො ධම‍්මො උප‍්පජ‍්ජති හෙතුපච‍්චයා, අපචයගාමිං අරණං ච නෙවාචයගාමී නාපචයගාමිං අරණඤ‍්ච ධම‍්මං පටිච‍්ච නෙවාචයගාමී නාපචයගාමී අරණො ධම‍්මො උප‍්පජ‍්ජති හෙතු පච‍්චයා, හෙතුයා නව, ආරම‍්මණෙ තීණි, අධිපතියා නව, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාරසදිසං.) ආචයගාමී අරණො ධම‍්මො ආචයගාමිස‍්ස අරණස‍්ස හෙතුපච‍්චයෙන පච‍්චයො, තීණි. අපචයගාමී අරණො ධම‍්මො අපචයගාමීසස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි, නෙවාචයගාමී නාපචයගාමී අරණො ධම‍්මො නෙවාචයගාමී නාපචයගාමිස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. ආචයගාමී අරණො ධම‍්මො ආචයගාමිස‍්ස අරණස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා සත‍්ත, ආරම‍්මණෙ සත‍්ත, අධිපතියා දස, අනන‍්තරෙ ඡ, අවිගතෙ තෙරස, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බො).
නෙවසෙඛානාසෙඛං සරණං ධම‍්මං පටිච‍්ච නෙවසෙඛානාසෙඛො සරණො ධම‍්මො උප‍්පජ‍්ජති හෙතුපච‍්චයා. හෙතුයා එකං, අවිගතෙ එකං, සහජාතවාරෙපි පඤ‍්හාවාරෙපි සබ‍්බත්‍ථ එකං. සෙඛං අරණං ධම‍්මං පටිච‍්ච සෙඛො අරණො ධම‍්මො උප‍්පජ‍්ජති හෙතුපච‍්චයා, සෙඛං අරණං ධම‍්මං පටිච‍්ච නෙවසෙඛා නාසෙඛො අරණො ධම‍්මො උප‍්පජ‍්ජති හෙතුපච‍්චයා, සෙඛං අරණං ධම‍්මං පටිච‍්ච සෙඛො අරණො ච නෙවසෙඛානාසෙඛො අරණො ච ධම‍්මා උප‍්පජ‍්ජන‍්ති හෙතුපච‍්චයා, අසෙඛං අරණං ධම‍්මං පටිච‍්ච අසෙඛො අරණො ධම‍්මො උප‍්පජ‍්ජති හෙතුපච‍්චයා. තීණි. නෙවසෙඛානාසෙඛං අරණං ධම‍්මං පටිච‍්ච නෙවසෙඛානාසෙඛො අරණො ධම‍්මො උප‍්පජ‍්ජති හෙතුපච‍්චයා, හෙතුයා නව, ආරම‍්මණෙ තීණි, අවිගතෙ නව, (සහජාතවාරංපි සම‍්පයුත‍්තවාරංපි පටිච‍්චවාර සදිසං.) සෙඛො අරණො ධම‍්මො සෙඛස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, තීණි. අසෙඛො අරණො ධම‍්මො අසෙඛස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො,
තීණි. නෙවසෙඛානාසෙඛො අරණො ධම‍්මො නෙවසෙඛා නාසෙඛස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ පඤ‍්ච, අධිපතියා නව, අනන‍්තරෙ අට‍්ඨ, අවිගතෙ තෙරස, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං.)
පරිත‍්තං සරණං ධම‍්මං පටිච‍්ච පරිත‍්තො සරණො ධම‍්මො උප‍්පජ‍්ජති හෙතුපච‍්චයා, හෙතුයා එකං, අවිගතෙ එකං, සහජාතවාරෙ’පි පඤ‍්හාවාරෙ’පි සබ‍්බත්‍ථ එකං. පරිත‍්තං අරණං ධම‍්මං පටිච‍්ච පරිත‍්තො අරණො ධම‍්මො උප‍්පජ‍්ජති හෙතුපච‍්චයා, තීණි. මහග‍්ගතං අරණං ධම‍්මං පටිච‍්ච මහග‍්ගතො අරණො ධම‍්මො උප‍්පජ‍්ජති හෙතුපච‍්චයා, තීණි. අප‍්පමාණං අරණං ධම‍්මං පටිච‍්ච අප‍්පමාණො අරණො ධම‍්මො උප‍්පජ‍්ජති හෙතුපච‍්චයා, තීණි. පරිත‍්තං අරණඤ‍්ච මහග‍්ගතං අරණඤ‍්ච ධම‍්මං පටිච‍්ච පරිත‍්තො අරණො ධම‍්මො උප‍්පජ‍්ජති හෙතුපච‍්චයා, තීණි. පරිත‍්තං අරණඤ‍්ච අප‍්පමාණං අරණඤ‍්ච ධම‍්මං පටිච‍්ච පරිත‍්තො අරණො ධම‍්මො උප‍්පජ‍්ජති හෙතුපච‍්චයා, හෙතුයා තෙරස, ආරම‍්මණෙ පඤ‍්ච, අවිගතෙ තෙරස, (සහජාතවාරෙ’පි පඤ‍්හාවාරෙ’පි විත්‍ථාරො කාතබ‍්බො.)
පරිත‍්තාරම‍්මණං සරණං ධම‍්මං පටිච‍්ච පරිත‍්තාරම‍්මණො සරණො ධම‍්මො උප‍්පජ‍්ජති හෙතුපච‍්චයා, මහග‍්ගතාරම‍්මණං සරණං ධම‍්මං පටිච‍්ච මහග‍්ගතාරම‍්මණො සරණො ධම‍්මො උප‍්පජ‍්ජති හෙතුපච‍්චයා, හෙතුයා ද‍්වෙ, අවිගතෙ ද‍්වෙ, (සහජාතවාරෙ’පි පඤ‍්හාවාරෙ’පි සබ‍්බත්‍ථ විත්‍ථාරො කාතබ‍්බො). පරිත‍්තාරම‍්මණං අරණං ධම‍්මං පටිච‍්ච පරිත‍්තාරම‍්මණො අරණො ධම‍්මො උප‍්පජ‍්ජති හෙතුපච‍්චයා, මහග‍්ගතාරම‍්මණං අරණං ධම‍්මං පටිච‍්ච මහග‍්ගතාරම‍්මණො අරණො ධම‍්මො උප‍්පජ‍්ජති හෙතුපච‍්චයා, අප‍්පමාණාරම‍්මණං අරණං ධම‍්මං පටිච‍්ච අප‍්පමාණාරම‍්මණො අරණො ධම‍්මො උප‍්පජ‍්ජති හෙතුපච‍්චයා, හෙතුයා තීණි, අවිගතෙ තීණි, (සහජාතවාරෙ’පි පඤ‍්හාවාරෙ’පි සබ‍්බත්‍ථ විත්‍ථාරො කාතබ‍්බො.)
හීනං සරණං ධම‍්මං පටිච‍්ච හීනො සරණො ධම‍්මො උප‍්පජ‍්ජති හෙතුපච‍්චයා. හෙතුයා එකං, අවිගතෙ එකං, මජ‍්ඣිමං අරණං ධම‍්මං පටිච‍්ච මජ‍්ඣිමො අරණො ධම‍්මො උප‍්පජ‍්ජති හෙතුපච‍්චයා. පණීතං අරණං ධම‍්මං පටිච‍්ච පණීතො අරණො ධම‍්මො උප‍්පජ‍්ජති හෙතුපච‍්චයා, තීණි, මජ‍්ඣිමං අරණඤ‍්ච පණීතං, අරණඤ‍්ච ධම‍්මං පටිච‍්ච මජ‍්ඣිමො අරණො ධම‍්මො උප‍්පජ‍්ජති හෙතුපච‍්චයා, හෙතුයා පඤ‍්ච, අවිගතෙ පඤ‍්ච, (සහජාතවාරෙ’පි පඤ‍්හාවාරෙ’පි සබ‍්බත්‍ථ විත්‍ථාරො කාතබ‍්බො.)
මිච‍්ඡත‍්තනියතං සරණං ධම‍්මං පටිච‍්ච මිච‍්ඡත‍්තනියතො සරණො ධම‍්මො උප‍්පජ‍්ජති හෙතුපච‍්චයා. අනියතං සරණං ධම‍්මං පටිච‍්ච
අනියතො සරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, අවිගතෙ ද‍්වෙ, (සහජාතවාරෙ’පි පඤ‍්හාවාරෙ’පි සබ‍්බත්‍ථ විත්‍ථාරො කාතබ‍්බො) සම‍්මත‍්තනියතං අරණං ධම‍්මං පටිච‍්ච සම‍්මත‍්තනියතො අරණො ධම‍්මො උප‍්පජ‍්ජති හෙතුපච‍්චයා. සම‍්මත‍්තනියතං අරණං ධම‍්මං පටිච‍්ච අනියතො අරණො ධම‍්මො උප‍්පජ‍්ජති හෙතුපච‍්චයා. සම‍්මත‍්තනියතං අරණං ධම‍්මං පටිච‍්ච සම‍්මත‍්තනියතො අරණො ච අනියතො අරණො ච ධම‍්මා උප‍්පජ‍්ජන‍්ති හෙතුපච‍්චයා අනියතං අරණං ධම‍්මං පටිච‍්ච අනියතො අරණො ධම‍්මො උප‍්පජ‍්ජති හෙතුපච‍්චයා. සම‍්මත‍්තනියතං අරණඤ‍්ච අනියතං අරණඤ‍්ච ධම‍්මං පටිච‍්ච අනියතො අරණො ධම‍්මො උප‍්පජ‍්ජති හෙතුපච‍්චයා. හෙතුයා පඤ‍්ච, ආරම‍්මණෙ ද‍්වෙ, අවිගතෙ පඤ‍්ච, (සහජාතවාරම‍්පි පඤ‍්හාවාරම‍්පි විත්‍ථාරෙතබ‍්බං).
මග‍්ගාරම‍්මණං අරණං ධම‍්මං පටිච‍්ච මග‍්ගාරම‍්මණො අරණො ධම‍්මො උප‍්පජ‍්ජති හෙතුපච‍්චයා, තීණි. මග‍්ගහෙතුකං අරණං ධම‍්මං පටිච‍්ච මග‍්ගහෙතුකො අරණො ධම‍්මො උප‍්පජ‍්ජති හෙතුපච‍්චයා, තීණි. මග‍්ගාධිපතිං අරණං ධම‍්මං පටිච‍්ච මග‍්ගාධිපති අරණො ධම‍්මො උප‍්පජ‍්ජති හෙතුපච‍්චයා. පඤ‍්ච, මග‍්ගාරම‍්මණං අරණඤ‍්ච මග‍්ගාධිපතිං අරණඤ‍්ච ධම‍්මං පටිච‍්ච මග‍්ගාරම‍්මණො අරණො ධම‍්මො උප‍්පජ‍්ජති හෙතුපච‍්චයා. තීණි, මග‍්ගහෙතුකං අරණඤ‍්ච මග‍්ගාධිපතිං අරණඤ‍්ච ධම‍්මං පටිච‍්ච මග‍්ගහෙතුකො අරණො ධම‍්මො උප‍්පජ‍්ජති හෙතුපච‍්චයා. තීණි. හෙතුයා සත‍්තරස, අවිගතෙ සත‍්තරස, (සහජාතවාරම‍්පි සම‍්පයුත‍්තවාරම‍්පි පටිච‍්චවාරසදිසං). මග‍්ගාරම‍්මණො අරණො ධම‍්මො මග‍්ගාරම‍්මණස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. තීණි. මග‍්ගහෙතුකො අරණො ධම‍්මො මග‍්ගහෙතුකස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. තීණි. මග‍්ගාධිපති අඅරණො ධම‍්මො මග‍්ගාධිපතිස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, පඤ‍්ච. හෙතුයා සත‍්තරස, ආරම‍්මණෙ නව, අවිගතෙ සත‍්තරස, (යථා කුසලත‍්තිකෙ පඤ‍්හාවාරම‍්පි එවං විත්‍ථාරෙතබ‍්බං).
උප‍්පන‍්නො සරණො ධම‍්මො උප‍්පන‍්නස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා එකං, ආරම‍්මණෙ ද‍්වෙ, අවිගතෙ එකං, උප‍්පන‍්නො අරණො ධම‍්මො උප‍්පන‍්නස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො, හෙතුයා එකං, ආරම‍්මණෙ තීණි, අවිගතෙ එකං, පච‍්චුපන‍්නො සරණො ධම‍්මො පච‍්චුප‍්පන‍්නස‍්ස සරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා එකං, ආරම‍්මණෙ ද‍්වෙ, අවිගතෙ එකං, පච‍්චුප‍්පන‍්නො අරණො ධම‍්මො පච‍්චුප‍්පන‍්නස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා එකං, ආරම‍්මණෙ තීණි, අවිගතෙ එකං, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං). අතීතාරම‍්මණං සරණං ධම‍්මං පටිච‍්ච අතීතාරම‍්මණො
සරණො ධම‍්මො උප‍්පජ‍්ජති හෙතුපච‍්චයා. අනාගතාරම‍්මණං සරණං ධම‍්මං පටිච‍්ච අනාගතාරම‍්මණො සරණො ධම‍්මො උප‍්පජ‍්ජති හෙතු පච‍්චයා. පච‍්චුප‍්පන‍්නාරම‍්මණං සරණං ධම‍්මං පටිච‍්ච පච‍්චුප‍්පන‍්නාරම‍්මණො සරණො ධම‍්මො උප‍්පජ‍්ජති හෙතුපච‍්චයා. හෙතුයා තීණි. අවිගතෙ තීණි. සහජාතවාරම‍්පි පඤ‍්හාවාරම‍්පි සබ‍්බත්‍ථ විත්‍ථාරෙතබ‍්බං). අතීතාරම‍්මණං අරණං ධම‍්මං පටිච‍්ච අතීතාරම‍්මණො අරණො ධම‍්මො උප‍්පජ‍්ජති හෙතුපච‍්චයා. අනාගතාරම‍්මණං අරණං ධම‍්මං පටිච‍්ච අනාගතාරම‍්මණො අරණො ධම‍්මො උප‍්පජ‍්ජති හෙතුපච‍්චයා. පච‍්චුප‍්පන‍්නාරම‍්මණං අරණං ධම‍්මං පටිච‍්ච පච‍්චුප‍්පන‍්නාරම‍්මණො අරණො ධම‍්මො උප‍්පජ‍්ජති හෙතුපච‍්චයා, හෙතුයා තීණි. අවිගතෙ තීණි. (සහජාතවාරම‍්පි සම‍්පයුත‍්තවාරම‍්පි පටිච‍්චවාරසදිසං). අතීතාරම‍්මණො අරණො ධම‍්මො අතීතාරම‍්මණස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. අනාගතාරම‍්මණො අරණො ධම‍්මො අනාගතාරම‍්මණස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. පච‍්චුප‍්පන‍්නාරම‍්මණො අරණො ධම‍්මො පච‍්චුප‍්පන‍්නාරම‍්මණස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. අතීතාරම‍්මණො අරණො ධම‍්මො අතීතාරම‍්මණස‍්ස අරණස‍්ස ධම‍්මස‍්ස ආරම‍්මණපච‍්චයෙන පච‍්චයො. හෙතුයා තීණි, ආරම‍්මණෙ නව, අවිගතෙ තීණි, (යථා කුසලත‍්තිකෙ පඤ‍්හාවාරො එවං විත්‍ථාරෙතබ‍්බං.)
අජ‍්ඣත‍්තං සරණං ධම‍්මං පටිච‍්ච අජ‍්ඣත‍්තො සරණො ධම‍්මො උප‍්පජ‍්ජති හෙතුපච‍්චයා. බහිද‍්ධා සරණං ධම‍්මං පටිච‍්ච බහිද‍්ධා සරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, අවිගතෙ ද‍්වෙ, (සහජාතවාරෙපි පඤ‍්හාවාරෙපි සබ‍්බත්‍ථ විත්‍ථාරො කාතබ‍්බො). අජ‍්ඣත‍්තං අරණං ධම‍්මං පටිච‍්ච අජ‍්ඣත‍්තො අරණො ධම‍්මො උප‍්පජ‍්ජති හෙතුපච‍්චයා. බහිද‍්ධා අරණං ධම‍්මං පටිච‍්ච බහිද‍්ධා අරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, අවිගතෙ ද‍්වෙ, (සහජාතවාරෙපි පඤ‍්හාවාරෙපි සබ‍්බත්‍ථ විත්‍ථාරො කාතබ‍්බො.) අජ‍්ඣත‍්තාරම‍්මණං සරණං ධම‍්මං පටිච‍්ච-. බහිද‍්ධාරම‍්මණං සරණං ධම‍්මං පටිච‍්ච බහිද‍්ධාරම‍්මණො සරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, අවිගතෙ ද‍්වෙ, (සහජාතවාරෙපි පඤ‍්හාවාරෙපි සබ‍්බත්‍ථ විත්‍ථාරො කාතබ‍්බො). අජ‍්ඣත‍්තාරම‍්මණං අරණං ධම‍්මං පටිච‍්ච අජ‍්ඣත‍්තාරම‍්මණො අරණො ධම‍්මො උප‍්පජ‍්ජති හෙතුපච‍්චයා. බහිද‍්ධාරම‍්මණං අරණං ධම‍්මං පටිච‍්ච බහිද‍්ධාරම‍්මණො අරණො ධම‍්මො උප‍්පජ‍්ජති හෙතුපච‍්චයා. හෙතුයා ද‍්වෙ, අවිගතෙ ද‍්වෙ, (සහජාතවාරෙපි පඤ‍්හාවාරෙපි සබ‍්බත්‍ථ විත්‍ථාරො කාතබ‍්බො). අනිදස‍්සනඅප‍්පටිඝං සරණං ධම‍්මං පටිච‍්ච අනිදස‍්සනඅප‍්පටිඝො සරණො ධම‍්මො උප‍්පජ‍්ජති හෙතුපච‍්චයා. එකං, අනිදස‍්සනඅප‍්පටිඝං අරණං ධම‍්මං පටිච‍්ච අනිදස‍්සන අප‍්පටිඝො අරණො
ධම‍්මො උප‍්පජ‍්ජති, හෙතුපච‍්චයා, සත‍්ත, හෙතුයා එකවීස, අවිගතෙ එකවීස, (සහජාතවාරංපි සම‍්පයුත‍්තවාරංපි පටිච‍්චවාරසදිසං). අනිදස‍්සනඅප‍්පටිඝො අරණො ධම‍්මො අනිදස‍්සනඅප‍්පටිඝස‍්ස අරණස‍්ස ධම‍්මස‍්ස හෙතුපච‍්චයෙන පච‍්චයො. හෙතුයා සත‍්ත, ආරම‍්මණෙ තීණි, අවිගතෙ පඤ‍්ච, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං).
කුසලපිට‍්ඨි තිකදුකං නිට‍්ඨිතං.
තිකදුක පට‍්ඨානං නිට‍්ඨිතං.