4. උපාදින‍්නහෙතු තිකදුකං
4. උපාදින‍්නහෙතු තිකදුකං.
උපාදින‍්නුපාදානියං හෙතුං ධම‍්මං පටිච‍්ච උපාදින‍්නූපාදානියො හෙතුධම‍්මො උප‍්පජ‍්ජති හෙතුපච‍්චයා, අනුපාදින‍්නුපාදානියං හෙතුං ධම‍්මං පටිච‍්ච අනුපාදින‍්නුපාදානියො හෙතුධම‍්මො උප‍්පජ‍්ජති හෙතුපච‍්චයා, අනුපාදින‍්නඅනුපාදානියං හෙතුං ධම‍්මං පටිච‍්ච අනුපාදින‍්න අනුපාදානියො හෙතුධම‍්මො උප‍්පජ‍්ජති හෙතුපච‍්චයා, හෙතුයා තීණි. ආරම‍්මණෙ තීණි, අධිපතියා ද‍්වෙ, විපාකෙ ද‍්වෙ, න අධිපතියා තීණි. න පුරෙජාතෙ තීණි, න ආසෙවනෙ තීණි. න විපාකෙ ද‍්වෙ, න විප‍්පයුත‍්තෙ තීණි, (සහජාතවාරංපි සම‍්පයුත‍්තවාරංපි. විත්‍ථාරෙතබ‍්බං.)
උපාදින‍්නූපාදානියො හෙතුධම‍්මො උපාදින‍්නූපාදානියස‍්ස හෙතුස‍්ස ධම‍්මස‍්ස හෙතුපච‍්චයෙන පච‍්චයො. අනුපාදින‍්නුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස හෙතුපච‍්චයෙන පච‍්චයො. අනුපාදින‍්න අනුපාදානියො හෙතුධම‍්මො අනුපාදින‍්න අනුපාදානියස‍්ස හෙතුස‍්ස ධම‍්මස‍්ස හෙතුපච‍්චයෙන පච‍්චයො. උපාදින‍්නූපාදානියො හෙතුධම‍්මො උපාදින‍්නූපාදානියස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, උපාදින‍්නූපාදානියො හෙතු ධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො. අනුපාදින‍්නුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො. අනුපාදින‍්නුපාදානියො හෙතුධම‍්මො උපාදින‍්නූපාදානියස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො අනුපාදින‍්න අනුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො.
උපාදින‍්නූපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස අධිපතිපච‍්චයෙන පච‍්චයො, අනුපාදින‍්නුපාදානියො හෙතුධම‍්මො
අනුපාදින‍්නුපාදානියස‍්ස හෙතුස‍්ස ධම‍්මස‍්ස අධිපතිපච‍්චයෙන පච‍්චයො. අනුපාදින‍්න අනුපාදානියො හෙතුධම‍්මො අනුපාදින‍්න අනුපාදානියස‍්ස හෙතුස‍්ස ධම‍්මස‍්ස අධිපතිපච‍්චයෙන පච‍්චයො. අනුපාදින‍්න අනුපාදානියො හෙතුධම‍්මො අනුපාදින‍්න අනුපාදානියස‍්ස හෙතුස‍්ස ධම‍්මස‍්ස අධිපතිපච‍්චයෙන පච‍්චයො. අනුපාදින‍්න අනුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස අධිපතිපච‍්චයෙන පච‍්චයො උපාදින‍්නූපාදානියො හෙතුධම‍්මො උපාදින‍්නූපාදානියස‍්ස හෙතුස‍්ස ධම‍්මස‍්ස අනන‍්තරපච‍්චයෙන පච‍්චයො, අනුපාදින‍්නුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස අනන‍්තරපච‍්චයෙන පච‍්චයො, තීණි. අනුපාදින‍්න අනුපාදානියො හෙතුධම‍්මො අනුපාදින‍්නඅනුපාදානියස‍්ස හෙතුස‍්ස ධම‍්මස‍්ස අනන‍්තරපච‍්චයෙන පච‍්චයො, අනුපාදින‍්න අනුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස අනන‍්තරපච‍්චයෙන පච‍්චයො.
උපාදින‍්නූපාදානියො හෙතුධම‍්මො උපාදින‍්නූපාදානියස‍්ස හෙතුස‍්ස ධම‍්මස‍්ස උපනිස‍්සයපච‍්චයෙන පච‍්චයො. උපාදින‍්නූපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස උපනිස‍්සයපච‍්චයෙන පච‍්චයො. උපාදින‍්නූපාදානියො හෙතුධම‍්මො අනුපාදින‍්නඅනුපාදානියස‍්ස හෙතුස‍්ස ධම‍්මස‍්ස උපනිස‍්සයපච‍්චයෙන පච‍්චයො, අනුපාදින‍්නුපාදානියො හෙතුධම‍්මො අනුපාදින‍්නුපාදානියස‍්ස හෙතුස‍්ස ධම‍්මස‍්ස උපනිස‍්සය පච‍්චයෙන පච‍්චයො. තීණි. අනුපාදින‍්න අනුපාදානියො හෙතුධම‍්මො අනුපාදින‍්න අනුපාදානියස‍්ස හෙතුස‍්ස ධම‍්මස‍්ස උපනිස‍්සයපච‍්චයෙන පච‍්චයො, තීණි -පෙ- හෙතුයා තීණි, ආරම‍්මණෙ පඤ‍්ච, අධිපතියා චත‍්තාරි, අනන‍්තරෙ ඡ, සමනන‍්තරෙ ඡ, සහජාතෙ තීණි, අඤ‍්ඤමඤ‍්ඤෙ තීණි, නිස‍්සයෙ තීණි, උපනිස‍්සයෙ නව, ආසෙවනෙ ද‍්වෙ, විපාකෙ ද‍්වෙ, අවිගතෙ තීණි, න හෙතුයා නව, න ආරම‍්මණෙ නව, හෙතුපච‍්චයා න ආරම‍්මණෙ තීණි, න හෙතුපච‍්චයා ආරම‍්මණෙ පඤ‍්ච, (යථා කුසලත‍්තිකෙ, පඤ‍්හාවාරංපි එවං විත්‍ථාරෙතබ‍්බං.)
උපාදින‍්නුපාදානියං න හෙතුං ධම‍්මං පටිච‍්ච උපාදින‍්නූපාදානියො න හෙතුධම‍්මො උප‍්පජ‍්ජති හෙතුපච‍්චයා, උපාදින‍්නුපාදානියං න හෙතුධම‍්මං පටිච‍්ච අනුපාදින‍්නුපාදානියො න හෙතුධම‍්මො උප‍්පජ‍්ජති හෙතුපච‍්චයා, උපාදින‍්නුපාදානියං න හෙතුං ධම‍්මං පටිච‍්ච උපාදින‍්නූපාදානියො න හෙතුං ච අනුපාදින‍්නුපාදානියො න හෙතු ච ධම‍්මා උප‍්පජ‍්ජන‍්ති හෙතුපච‍්චයා. අනුපාදින‍්නුපාදානියං න හෙතුං ධම‍්මං පටිච‍්ච අනුපාදින‍්නුපාදානියො න හෙතු ධම‍්මො උප‍්පජ‍්ජති හෙතුපච‍්චයා, අනුපාදින‍්නං අනුපාදානියං න හෙතුං ධම‍්මං පටිච‍්ච අනුපාදින‍්නඅනුපාදානියො න හෙතුධම‍්මො උප‍්පජ‍්ජති හෙතුපච‍්චයා. අනුපාදින‍්න අනුපාදානියං න හෙතුං ධම‍්මං පටි අනුපාදිච‍්චන‍්නුපාදානියො න හෙතුධම‍්මො උප‍්පජ‍්ජති
හෙතුපච‍්චයා. අනුපාදින‍්නඅනුපාදානියං න හෙතුං ධම‍්මං පටිච‍්ච අනුපාදින‍්නුපාදානියො න හෙතු ච අනුපාදින‍්නඅනුපාදානියො න හෙතු ච ධම‍්මා උප‍්පජ‍්ජන‍්ති හෙතුපච‍්චයා, උපාදින‍්නුපාදානියං න හෙතුඤ‍්ච අනුපාදින‍්නුපාදානියං න හෙතුඤ‍්ච ධම‍්මං පටිච‍්ච අනුපාදින‍්නුපාදානියො න හෙතුධම‍්මො උප‍්පජ‍්ජති හෙතුපච‍්චයා, අනුපාදින‍්නුපාදානියං න හෙතුඤ‍්ච අනුපාදින‍්න අනුපාදානියං න හෙතුඤ‍්ච ධම‍්මං පටිච‍්ච අනුපාදින‍්නුපාදානියො න හෙතුධම‍්මො උප‍්පජ‍්ජති හෙතුපච‍්චයා.
උපාදින‍්නුපාදානියං න හෙතුං ධම‍්මං පටිච‍්ච උපාදින‍්නූපාදානියො න හෙතුධම‍්මො උප‍්පජ‍්ජති ආරම‍්මණපච‍්චයා අනුපාදින‍්නුපාදානියං න හෙතුං ධම‍්මං පටිච‍්ච අනුපාදින‍්නුපාදානියො න හෙතුධම‍්මො උප‍්පජ‍්ජති ආරම‍්මණපච‍්චයා, අනුපාදින‍්නඅනුපාදානියං න හෙතුං ධම‍්මං පටිච‍්ච අනුපාදින‍්න අනුපාදානියො න හෙතුධම‍්මො උප‍්පජ‍්ජති ආරම‍්මණපච‍්චයා. හෙතුයා නව, ආරම‍්මණෙ තීණි. අධිපතියා පඤ‍්ච, අනන‍්තරෙ තීණි, සමනන‍්තරෙ තීණි, සහජාතෙ නව, අඤ‍්ඤමඤ‍්ඤෙ තීණි, නිස‍්සයෙ නව, උපනිස‍්සයෙ තීණි. පුරෙජාතෙ තීණි, ආසෙවනෙ ද‍්වෙ, කම‍්මෙ නව, විපාකෙ නව, අවිගතෙ නව, උපාදින‍්නුපාදානියං න හෙතුං ධම‍්මං පටිච‍්ච උපාදින‍්නූපාදානියො න හෙතුධම‍්මො උප‍්පජ‍්ජති න හෙතුපච‍්චයා, න හෙතුයා පඤ‍්ච, න ආරම‍්මණෙ ඡ, හෙතුපච‍්චයා න ආරම‍්මණෙ ඡ, න හෙතුපච‍්චයා ආරම‍්මණෙ ද‍්වෙ, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං.)
උපාදින‍්නහෙතු තිකදුකං නිට‍්ඨිතං.