8. දස‍්සන හෙතු තිකදුකං
8. දස‍්සන හෙතු තිකදුකං
දස‍්සනෙන පහාතබ‍්බං හෙතුං ධම‍්මං පටිච‍්ච දස‍්සනෙන පහාතබ‍්බො හෙතුධම‍්මො උප‍්පජ‍්ජති හෙතුපච‍්චයා, භාවනාය පහාතබ‍්බං හෙතුං ධම‍්මං පටිච‍්ච භාවනාය පහාතබ‍්බො හෙතුධම‍්මො උප‍්පජ‍්ජති හෙතුපච‍්චයා, නෙව දස‍්සනෙන න භාවනාය පහාතබ‍්බං හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො හෙතු ධම‍්මො උප‍්පජ‍්ජති හෙතු පච‍්චයා, හෙතුයා තීණි, සබ‍්බත්‍ථ තීණි. විපාකෙ එකං, අවිගතෙ තීණි. න අධිපතියා තීණි, න පුරෙජාතෙ තීණි. න විප‍්පයුත‍්තෙ තීණි, (සහජාත වාරංපි සම‍්පයුත‍්තවාරංපි විත්‍ථාරෙතබ‍්බං.)
දස‍්සනෙන පහාතබ‍්බො හෙතු ධම‍්මො දස‍්සනෙන පහාතබ‍්බස‍්ස හෙතුස‍්ස ධම‍්මස‍්ස හෙතුපච‍්චයෙන පච‍්චයො, තීණි. දස‍්සනෙන පහාතබ‍්බො හෙතුධම‍්මො දස‍්සනෙන පහාතබ‍්බස‍්ස හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, හෙතුයා තීණි, ආරම‍්මණෙ අට‍්ඨ, අධිපතියා ඡ, අනන‍්තරෙ පඤ‍්ච, සමනන‍්තරෙ පඤ‍්ච, සහජාතෙ තීණි, අඤ‍්ඤමඤ‍්ඤෙ තීණි. නිස‍්සයෙ තීණි, උපනිස‍්සයෙ අට‍්ඨ, ආසෙවනෙ තීණි. විපාකෙ එකං, ඉන්‍ද්‍රියෙ එකං, මග‍්ගෙ එකං, අවිගතෙ තීණි, න හෙතුයා අට‍්ඨ, න ආරම‍්මණෙ අට‍්ඨ, හෙතු පච‍්චයා න ආරම‍්මණෙ
තීණි, න හෙතුපච‍්චයා ආරම‍්මණෙ අට‍්ඨ, (යථා කුසලත‍්තිකෙ පඤ‍්හාවාරංපි එවං විත්‍ථාරෙතබ‍්බං.)
දස‍්සනෙන පහාතබ‍්බං න හෙතුං ධම‍්මං පටිච‍්ච දස‍්සනෙන පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, දස‍්සනෙන පහාතබ‍්බං හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, දස‍්සනෙන පහාතබ‍්බං න හෙතුං ධම‍්මං පටිච‍්ච දස‍්සනෙන පහාතබ‍්බො න හෙතු ච නෙව දස‍්සනෙන න භාවනාය පහාතබ‍්බො න හෙතු ච ධම‍්මා උප‍්පජ‍්ජන‍්ති හෙතු පච‍්චයා, භාවනාය පහාතබ‍්බං න හෙතුං ධම‍්මං පටිච‍්ච භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා. භාවනාය පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, භාවනාය පහාතබ‍්බං න හෙතුං ධම‍්මං පටිච‍්ච භාවනාය පහාතබ‍්බො න හෙතු ච නෙව දස‍්සනෙන න භාවනාය පහාතබ‍්බො න හෙතු ච ධම‍්මා උප‍්පජ‍්ජන‍්ති හෙතුපච‍්චයා, නෙව දස‍්සනෙන න භාවනාය පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, දස‍්සනෙන පහාතබ‍්බං න හෙතුඤ‍්ච නෙව දස‍්සනෙන න භාවනාය පහාතබ‍්බං න හෙතුඤ‍්ච ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, භාවනාය පහාතබ‍්බං න හෙතුඤ‍්ච නෙව දස‍්සනෙන න භාවනාය පහාතබ‍්බං න හෙතුඤ‍්ච ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා.
දස‍්සනෙන පහාතබ‍්බං න හෙතුං ධම‍්මං පටිච‍්ච දස‍්සනෙන පහාතබ‍්බො න හෙතු ධම‍්මො උප‍්පජ‍්ජති හෙතුපච‍්චයා, භාවනාය පහාතබ‍්බං න හෙතුං ධම‍්මං පටිච‍්ච භාවනාය පහාතබ‍්බො න හෙතු ධම‍්මො උප‍්පජ‍්ජති ආරම‍්මණපච‍්චයා, නෙව දස‍්සනෙන න භාවනාය පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතු ධම‍්මො උප‍්පජ‍්ජති ආරම‍්මණපච‍්චයා හෙතුයා නව, ආරම‍්මණෙ තීණි, අධිපතියා නව, අවිගතෙ, නව, නෙව දස‍්සනෙන න භාවනාය පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න හෙතු පච‍්චයා, දස‍්සනෙන පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න ආරම‍්මණපච‍්චයා භාවනාය පහාතබ‍්බං න හෙතුං ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න ආරම‍්මණපච‍්චයා, නෙව දස‍්සනෙන න භාවනාය පහාතබ‍්බං න හෙතුං
ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න ආරම‍්මණපච‍්චයා, දස‍්සනෙන පහාතබ‍්බං න හෙතුඤ‍්ච නෙව දස‍්සනෙන න භාවනාය පහාතබ‍්බං න හෙතුඤ‍්ච ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න ආරම‍්මණපච‍්චයා, භාවනාය පහාතබ‍්බං න හෙතුඤ‍්ච නෙව දස‍්සනෙන න භාවනාය පහාතබ‍්බං න හෙතුඤ‍්ච ධම‍්මං පටිච‍්ච නෙව දස‍්සනෙන න භාවනාය පහාතබ‍්බො න හෙතුධම‍්මො උප‍්පජ‍්ජති න ආරම‍්මණපච‍්චයා, න හෙතුයා එකං, න ආරම‍්මණෙ පඤ‍්ච, න අධිපතියා නව, නො විගතෙ පඤ‍්ච, හෙතුපච‍්චයා න ආරම‍්මණෙ පඤ‍්ච, න හෙතුපච‍්චයා ආරම‍්මණෙ එකං. (සහජාතවාරංපි පච‍්චයවාරංපි නිස‍්සයවාරංපි සංසට‍්ඨවාරංපි සම‍්පයුත‍්තවාරංපි පටිච‍්චවාරසදිසං. විත්‍ථාරෙතබ‍්බං.)
දස‍්සනෙන පහාතබ‍්බො න හෙතුධම‍්මො දස‍්සනෙන පහාතබ‍්බස‍්ස න හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, දස‍්සනෙන පහාතබ‍්බො න හෙතුධම‍්මො නෙව දස‍්සනෙන න භාවනාය පහාතබ‍්බස‍්ස න හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, න භාවනාය පහාතබ‍්බො න හෙතුධම‍්මො භාවනාය පහාතබ‍්බස‍්ස න හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. නෙව දස‍්සනෙන න භාවනාය පහාතබ‍්බො න හෙතු ධම‍්මො නෙව දස‍්සනෙන න භාවනාය පහාතබ‍්බස‍්ස න හෙතුස‍්ස ධම‍්මස‍්ස ආරම‍්මණපච‍්චයෙන පච‍්චයො, තීණි. ආරම‍්මණෙ අට‍්ඨ, අධිපතියා දස, අවිගතෙ තෙරස, න හෙතුයා චුද‍්දස, න ආරම‍්මණෙ චුද‍්දස, ආරම‍්මණපච‍්චයා න හෙතුයා අට‍්ඨ, න හෙතුපච‍්චයා ආරම‍්මණෙ අට‍්ඨ, (යථා කුසලත‍්තිකෙ පඤ‍්හාවාරං එවං විත්‍ථාරෙතබ‍්බං.)
දස‍්සනහෙතු තිකදුකං නිට‍්ඨිතං.