22. සනිදස‍්සන සප‍්පටිඝත‍්තිකං
22. සනිදස‍්සන සප‍්පටිඝත‍්තිකං.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති හෙතුපච‍්චයා. අනිදස‍්සනසප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සනසප‍්පටිඝෙ මහාභූතෙ පටිච‍්ච අනිදස‍්සනසප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනං පටිච‍්ච චක‍්ඛායතනං, රසායතනං.
අනිදස‍්සනසප‍්පටිඝං ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති හෙතුපච‍්චයා. අනිදස‍්සනසප‍්පටිඝෙ මහාභූතෙ පටිච‍්ච සනිදස‍්සනසප‍්පටිඝං චිත‍්තසමුට‍්ඨානං රූපං කටත‍්තාරූපං උපාදාරූපං. ඵොට‍්ඨබ‍්බායතනං පටිච‍්ච රූපායතනං, අනිදස‍්සන සප‍්පටිඝං ධම‍්මං පටිච‍්ච අනිදස‍්සනසප‍්පටිඝො ධම‍්මො උප‍්පජ‍්ජති හෙතුපච‍්චයා, අනිදස‍්සනසප‍්පටිඝෙ මහාභූතෙ පටිච‍්ච අනිදස‍්සඅප‍්පටිඝං චිත‍්තසමුට‍්ඨානං රූපං. ඵොට‍්ඨබ‍්බායතනං පටිච‍්ච ආපොධාතු ඉන්‍ද්‍රියං කබළීකාරො ආහාරො.
අනිදස‍්සනසප‍්පටිඝං ධම‍්මං පටිච‍්ච සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා, අනිදස‍්සන සප‍්පටිඝෙ මහාභූතෙ පටිච‍්ච සනිදස‍්සනසප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං කටත‍්තාරූපං උපාදාරූපං, ඵොට‍්ඨබ‍්බායතනං පටිච‍්ච රූපායතනං අපොධාතු ඉන්‍ද්‍රියං කබළීකාරො ආහාරො.
අනිදස‍්සනසප‍්පටිඝං ධම‍්මං පටිච‍්ච අනිදස‍්සනසප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා. අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා ආපොධාතු ව, ද‍්වෙ මහාභූතෙ පටිච‍්ච එකං මහාභූතං ආපොධාතු ච. අනිදස‍්සනසප‍්පටිඝෙ මහාභූතෙ පටිච‍්ච අනිදස‍්සනසප‍්පටිඝඤ‍්ච අනිදස‍්සනඅප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනං පටිච‍්ච චක‍්ඛායතනං, රසායතනං, ආපොධාතු, ඉන්‍ද්‍රියං, කබළීකාරො ආහාරො.
අනිදස‍්සනසප‍්පටිඝං ධම‍්මං පටිච‍්ච සනිදස‍්සනසප‍්පටිඝො ච අනිදස‍්සනසප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා අනිදස‍්සන සප‍්පටිඝෙ මහාභූතෙ පටිච‍්ච සනිදස‍්සනසප‍්පටිඝඤ‍්ච අනිදස‍්සනසප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනං පටිච‍්ච රූපායතනං චක‍්ඛායතනං රසායතනං.
අනිදස‍්සනසප‍්පටිඝං ධම‍්මං පටිච‍්ච සනිදස‍්සනසප‍්පටිඝො ච අනිදස‍්සනසප‍්පටිඝො ච අනිදස‍්සනඅප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා. අනිදස‍්සනසප‍්පටිඝෙ මහාභූතෙ පටිච‍්ච සනිදස‍්සනසප‍්පටිඝඤ‍්ච අනිදස‍්සනසප‍්පටිඝඤ‍්ච අනිදස‍්සනඅප‍්පටිඝඤ‍්ච චිත‍්තසමුට‍්ඨානං රූපං. කටත‍්තාරූපං. උපාදාරූපං. ඵෙට‍්ඨබ‍්බායතනං පටිච‍්ච රූපායතනං චක‍්ඛායතනං රසායතනං ආපොධාතු ඉන්‍ද්‍රියං කබළීකාරො ආහාරො.
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො, හෙතුපච‍්චයා. අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා. අනිදස‍්සන අප‍්පටිඝං චිත‍්තසමුට‍්ඨානං රූපං. ද‍්වෙ ඛන්‍ධෙ පටිච‍්ච ද‍්වෙ ඛන්‍ධා, අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝඤ‍්ච, කටත‍්තාරූපං. ද‍්වෙ ඛන්‍ධෙ, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා, ආපොධාතුං පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං. ආපොධාතුං පටිච‍්ච ඉන්‍ද්‍රියං, කබළීකාරො ආහාරො.
අනිදස‍්සන අප‍්පටිඝං ධම‍්මං-. සනිදස‍්සන සප‍්පටිඝො ධම‍්මො, හෙතු පච‍්චයා, අනිදස‍්සන අප‍්පටිඝෙ ඛන්‍ධෙ පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සනඅප‍්පටිඝෙ ඛන්‍ධෙ පටිච‍්ච සනිදස‍්සනසප‍්පටිඝං කටත‍්තාරූපං, ආපොධාතුං පටිච‍්ච සනිදස‍්සනසප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං, ආපොධාතුං පටිච‍්ච රූපායතනං.
අනිදස‍්සනඅප‍්පටිඝං ධම‍්මං, අනිදස‍්සනසප‍්පටිඝො ධම‍්මො, හෙතුපච‍්චයා, අනිදස‍්සනඅප‍්පටිඝෙ ඛන්‍ධෙ පටිච‍්ච අනිදස‍්සනසප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ, අනිදස‍්සනඅප‍්පටිඝෙ ඛන්‍ධෙ පටිච‍්ච අනිදස‍්සනඅප‍්පටිඝං කටත‍්තාරූපං, ආපොධාතුං පටිච‍්ච අනිදස‍්සන සප‍්පටිඝං චිත‍්ත සමුට‍්ඨානං රූපං කටත‍්තාරූපං, උපාදාරූපං, ආපොධාතුං පටිච‍්ච චක‍්ඛායතනං, රසායතනං.
අනිදස‍්සන අප‍්පටිඝං ධම‍්මං, සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා, හෙතුපච‍්චයා, අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, සනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච
චිත‍්තසමුට‍්ඨානං රූපං, ද‍්වෙ ඛන්‍ධෙ, පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, සනිදස‍්සනසප‍්පටිඝඤ‍්ච අනිදස‍්සනඅප‍්පටිඝඤ‍්ච කටත‍්තාරූපං, ද‍්වෙ ඛන්‍ධෙ, ආපොධාතුං පටිච‍්ච සනිදස‍්සනසප‍්පටිඝඤ‍්ච අනිදස‍්සනඅප‍්පටිඝඤ‍්ච චිත‍්තසමුට‍්ඨානං රූපං කටත‍්තාරූපං උපාදාරූපං, ආපොධාතුං පටිච‍්ච රූපායතනං ඉන්‍ද්‍රියං කබළීකාරො ආහාරො.
අනිදස‍්සනඅප‍්පටිඝං ධම‍්මං, අනිදස‍්සනසප‍්පටිඝො ච අනිදස‍්සන අප‍්පටිඝො ච ධම‍්මො, හෙතුපච‍්චයා, අනිදස‍්සනඅප‍්පටිඝං, එකං ඛන්‍ධං පටිච‍්ච තයො ඛන්‍ධා, අනිදස‍්සනසප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, ද‍්වෙ ඛන්‍ධෙ, පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සනසප‍්පටිඝඤ‍්ච අනිදස‍්සන අප‍්පටිඝඤ‍්ච කටත‍්තාරූපං, ද‍්වෙ ඛන්‍ධෙ, ආපොධාතුං පටිච‍්ච අනිදස‍්සනසප‍්පටිඝඤ‍්ච අනිදස‍්සනඅප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං, උපාදාරූපං, ආපොධාතුං පටිච‍්ච චක‍්ඛායතනං, රසායතනං, ඉන්‍ද්‍රියං කබළීකාරො ආහාරො.
අනිදස‍්සනඅප‍්පටිඝං ධම‍්මං, සනිදස‍්සනසප‍්පටිඝො ච අනිදස‍්සන සප‍්පටිඝො ච ධම‍්මා උප‍්පජ‍්ජන‍්ති හෙතු පච‍්චයා, අනිදස‍්සනඅප‍්පටිඝෙ ඛන්‍ධෙ පටිච‍්ච සනිදස‍්සනසප‍්පටිඝඤ‍්ච අනිදස‍්සනසප‍්පටිඝඤ‍්ච චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සනඅප‍්පටිඝෙ ඛන්‍ධෙ පටිච‍්ච සනිදස‍්සනසප‍්පටිඝඤ‍්ච අනිදස‍්සනසප‍්පටිඝඤ‍්ච කටත‍්තාරූපං, ආපොධාතුං පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං, උපාදාරූපං, ආපොධාතුං පටිච‍්ච රූපායතනං චක‍්ඛායතනං රසායතනං.
අනිදස‍්සන අප‍්පටිඝං ධම‍්මං පටිච‍්ච සනිදස‍්සන සප‍්පටිඝො ච අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතු පච‍්චයා, අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, ද‍්වෙ ඛන්‍ධෙ, පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච කටත‍්තා රූපං, ද‍්වෙ ඛන්‍ධෙ, ආපොධාතුං පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං උපාදාරූපං, ආපොධාතුං පටිච‍්ච රූපායතනං චක‍්ඛායතනං, රසායතනං, ඉන්‍ද්‍රියං, කබළීකාරො ආහාරො.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං කටත‍්තාරූපං, අනිදස‍්සන සප‍්පටිඝෙ ඛන්‍ධෙ ච මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං කටත‍්තාරූපං උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති, හෙතු පච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන සප‍්පටිඝං කටත‍්තාරූපං, අනිදස‍්සන සප‍්පටිඝං එකං මහාභූතඤ‍්ච ආපොධාතුඤ‍්ච පටිච‍්ච ද‍්වෙ මහාභූතා, ද‍්වෙ මහාභූතෙ ච ආපොධාතුඤ‍්ච පටිච‍්ච එකං මහාභූතං, අනිදස‍්සන අප‍්පටිඝෙ මහාභූතෙ ච ආපොධාතුඤ‍්ච පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තාරූපං උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච චක‍්ඛායතනං රසායතනං.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන අප‍්පටිඝං කටත‍්තාරූපං අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච ඉන්‍ද්‍රියං කබළීකාරො ආහාරො.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං. පටිසන්‍ධික‍්ඛණෙ, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච කටත‍්තාරූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, කටත‍්තා රූපං, උපාදාරූපං. ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, ඉන්‍ද්‍රියං, කබළීකාරො ආහාරො.
අනිදස‍්සන සප‍්පටිඝඤ‍්ච - අනිදස‍්සන අප‍්පටිඝඤ‍්ච ධම‍්මං පටිච‍්ච අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච කටත‍්තාරූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූප, කටත‍්තාරූපං, උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච චක‍්ඛායතනං, රසායතනං, ඉන්‍ද්‍රියං, කබළීකාරො ආහාරො.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ච අනිදස‍්සන සප‍්පටිඝො ච ධම‍්මො උප‍්පජ‍්ජන‍්ති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච කටත‍්තාරූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච චිත‍්තසමුට‍්ඨානං රූප, කටත‍්තාරූපං, උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, චක‍්ඛායතනං, රසායතනං.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ච අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති හෙතුපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච කටත‍්තාරූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝඤ‍්ච අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, චක‍්ඛායතනං, රසායතනං. ඉන්‍ද්‍රියං කබළීකාරො ආහාරො.
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති ආරම‍්මණපච‍්චයා, අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, වත්‍ථුං පටිච‍්ච ඛන්‍ධා.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති අධිපතිපච‍්චයා, අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ, පටිච‍්ච එකං මහාභූතං, අනිදස‍්සන සප‍්පටිඝෙ මහාභූතෙ, පටිච‍්ච චිත‍්තසමුට‍්ඨානං රූපං, උපාදාරූපං, (අනිදස‍්සන සප‍්පටිඝමූලකෙ ඉමිනා කාරණෙන සත‍්තපඤ‍්හා විභජිතබ‍්බා, පරියොසානපදා නත්‍ථි.)
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති අධිපතිපච‍්චයා, අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝං චිත‍්තසමුට‍්ඨානඤ‍්ච රූපං. ද‍්වෙ ඛන්‍ධෙ ආපොධාතුං පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං. (ඉමිනා කාරණෙන අනිදස‍්සන අප‍්පටිඝමූලකෙ සත‍්තපඤ‍්හා විභජිතබ‍්බා, නිට‍්ඨානපදා නත්‍ථි.)
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති අධිපති පච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, අනිදස‍්සන අප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, උපාදාරූපං. (ඉමිනා කාරණෙන සත‍්තපි පඤ‍්හා විභජිතබ‍්බා.)
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති අනන‍්තරපච‍්චයා, සමනන‍්තරපච‍්චයා, ආරම‍්මණසදිසං.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති සහජාතපච‍්චයා, අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ, පටිච‍්ච එකං මහාභූතං, අනිදස‍්සන සප‍්පටිඝෙ මහාභූතෙ, පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං. ඵොට‍්ඨබ‍්බායතනං පටිච‍්ච චක‍්ඛායතනං, රසායතනං, බාහිරං. ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං එකං මහාභූතං පටිච‍්ච ද‍්වෙ මහාභූතා. (අනිදස‍්සන සප‍්පටිඝමූලකා සත‍්තපඤ‍්හා ඉමිනා කාරණෙන විභජිතබ‍්බා.)
අනිදස‍්සන සප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති සහජාතපච‍්චයා, අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝං චිත‍්තසමුට‍්ඨානං රූපං, ද‍්වෙ ඛන්‍ධෙ පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝං කටත‍්තාරූපං, ද‍්වෙ ඛන්‍ධෙ, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා ආපොධාතුං පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං. ආපොධාතුං පටිච‍්ච
ඉන්‍ද්‍රියං, කබළීකාරා ආහාරො, බාහිරං, ආහාරසමුට‍්ඨානං උතුසමුට‍්ඨානං අසඤ‍්ඤසත‍්තානං ආපොධාතුං පටිච‍්ච අනිදස‍්සන අප‍්පටිඝං කටත‍්තා රූපං, (අනිදස‍්සන අප‍්පටිඝමූලකෙ සත‍්තපඤ‍්හා ඉමිනා කාරණෙන කාබ‍්බා.)
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති සහජාතපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං කටත‍්තාරූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝඤ‍්ච චිත‍්තසමුට‍්ඨානං රූපං කටත‍්තාරූපං උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, බාහිරං, ආහාරසමුට‍්ඨානං උතුසමුට‍්ඨානං, අසඤ‍්ඤසත‍්තානං අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං කටත‍්තාරූපං, උපාදාරූපං. ඉමිනා කාරණෙන සත‍්තපඤ‍්හා විභජිතබ‍්බා.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති අඤ‍්ඤමඤ‍්ඤපච‍්චයා, අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සන සප‍්පටිඝං ධම‍්මං අනිදස‍්සන අප‍්පටිඝො ධම‍්මො උප‍්පජ‍්ජති අඤ‍්ඤමඤ‍්ඤපච‍්චයා, අනිදස‍්සන සප‍්පටිඝෙ මහාභූතෙ පටිච‍්ච ආපොධාතු, අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා උප‍්පජ‍්ජන‍්ති අඤ‍්ඤමඤ‍්ඤපච‍්චයා, අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ආපොධාතු ච ද‍්වෙ මහාභූතෙ පටිච‍්ච එකං මහාභූතං ආපොධාතු ච.
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති, අඤ‍්ඤමඤ‍්ඤ පච‍්චයා. අනිදස‍්සන සප‍්පටිඝං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ. පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා වත්‍ථු ච, ද‍්වෙ ඛන්‍ධෙ, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති අඤ‍්ඤමඤ‍්ඤ පච‍්චයා, ආපොධාතුං පටිච‍්ච අනිදස‍්සන සප‍්පටිඝා මහාභූතා.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති අඤ‍්ඤමඤ‍්ඤ පච‍්චයා. අනිදස‍්සන සප‍්පටිඝං එකං මහාභූතඤ‍්ච ආපොධාතුඤ‍්ච පටිච‍්ච ද‍්වෙ මහාභූතා, ද‍්වෙ මහාභූතෙ ච ආපොධාතුඤ‍්ච පටිච‍්ච එකං මහාභූතං.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති නිස‍්සය පච‍්චයා, උපනිස‍්සය පච‍්ච-. පුරෙජාත -පෙ- ආසෙවන, කම‍්ම, විපාක, ආහාර, ඉන්‍ද්‍රිය, ඣාන, මග‍්ග, සම‍්පයුත‍්ත, විප‍්පයුත‍්ත, අත්‍ථි, නත්‍ථි, විගත, අවිගතපච‍්චයා.
හෙතුයා එකවීස, ආරම‍්මණෙ එකං, අධිපතියා එකවීස, අනන‍්තරෙ එකං, සමනන‍්තරෙ එකං, සහජාතෙ එකවීස, අඤ‍්ඤමඤ‍්ඤෙ ඡ, නිස‍්සයෙ එකවීස, උපනිස‍්සයෙ එකං, පුරෙජාතෙ එකං, ආසෙවනෙ එකං, කම‍්මෙ එකවීස, විපාකෙ, ආහාරෙ එකවීස, ඉන්‍ද්‍රියෙ එකවීස, ඣානෙ, මග‍්ගෙ එකවීස, සම‍්පයුත‍්තෙ එකං, විප‍්පයුත‍්තෙ එකවීස, අත්‍ථියා එකවීස, නත්‍ථියා එකං, විගතෙ එකං, අවිගතෙ එකවීස, (එවං ගණෙතබ‍්බං.)
අනුලොමං.
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති න හෙතු පච‍්චයා. අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සන සප‍්පටිඝෙ මහාභූතෙ පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තා රූපං, උපාදාරූපං, ඵොට‍්ඨබ‍්බායතනං පටිච‍්ච චක‍්ඛායතනං, රසායතනං, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, (අනිදස‍්සන සප‍්පටිඝ මූලකෙ ඉමිනා කාරණෙන සත‍්තපි පඤ‍්හා විභජිතබ‍්බා.)
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති, න හෙතුපච‍්චයා. අහෙතුකං අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝං චිත‍්තසමුට‍්ඨානඤ‍්ච රූපං, ද‍්වෙ ඛන්‍ධෙ, අහෙතුක පටිසන්‍ධික‍්ඛණෙ අනිදස‍්සන අප‍්පටිඝං එකං ඛන්‍ධං පටිච‍්ච තයො ඛන්‍ධා, අනිදස‍්සන අප‍්පටිඝඤ‍්ච කටත‍්තා රූපං, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා, ආපොධාතුං පටිච‍්ච අනිදස‍්සන අප‍්පටිඝ චිත‍්තසමුට‍්ඨානං රූපං, කටත‍්තා රූපං, උපාදාරූපං, ආපොධාතුං පටිච‍්ච ඉන්‍ද්‍රියං, කබළීකාරො ආහාරො, බාහිරං, ආහාරසමුට‍්ඨානං උතුසමුට‍්ඨානං, අසඤ‍්ඤසත‍්තානං ආපොධාතුං පටිච‍්ච අනිදස‍්සන අප‍්පටිඝං කටත‍්තාරූපං, උපාදාරූපං, විචිකිච‍්ඡාසහගතෙ උද‍්ධච‍්චසහගතෙ ඛන්‍ධෙ පටිච‍්ච විචිකිච‍්ඡාසහගතො උද‍්ධච‍්චසහගතො මොහො. (අනිදස‍්සන අප‍්පටිඝමූලකා ඉමිනා කාරණෙන සත‍්තපඤ‍්හා විභජිතබ‍්බා.)
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති න හෙතු පච‍්චයා. අහෙතුකෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, අහෙතුක පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං කටත‍්තා රූපං, අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තා රූපං, උපාදාරූපං, ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං කටත‍්තා රූපං, උපාදාරූපං, (ඉමිනා කාරණෙන සත‍්තපඤ‍්හා විත්‍ථාරෙතබ‍්බා, අසම‍්මොහන‍්තෙන.)
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති න ආරම‍්මණ පච‍්චයා අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සන සප‍්පටිඝෙ මහාභූතෙ පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තා රූපං, උපාදාරූපං. ඵොට‍්ඨබ‍්බායතනං පටිච‍්ච චක‍්ඛායතනං රසායතනං, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සන සප‍්පටිඝමූලකා ඉමිනා කාරණෙන සත‍්ත පඤ‍්හා විත්‍ථාරෙතබ‍්බා.
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති න ආරම‍්මණපච‍්චයා. අනිදස‍්සන අප‍්පටිඝෙ ඛන්‍ධෙ පටිච‍්ච අනිදස‍්සන අප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ පටිච‍්ච අනිදස‍්සන අප‍්පටිඝං කටත‍්තාරූපං, ඛන්‍ධෙ පටිච‍්ච වත්‍ථු, ආපොධාතුං පටිච‍්ච අනිදස‍්සනඅප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං, ආපොධාතුං පටිච‍්ච ඉන්‍ද්‍රියං, කබළීකාරො ආහාරො, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං ආපොධාතුං පටිච‍්ච අනිදස‍්සනඅප‍්පටිඝං කටත‍්තා රූපං, උපාදාරූපං. අනිදස‍්සන අප‍්පටිඝමූලකෙ ඉමිනා කාරණෙන සත‍්තපි පඤ‍්හා විත්‍ථාරෙතබ‍්බා.
අනිදස‍්සන සප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති න ආරම‍්මණපච‍්චයා, අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, පටිසන්‍ධික‍්ඛණෙ අනිදස‍්සන අප‍්පටිඝෙ ඛන්‍ධෙ ච මහාභූතෙ ච පටිච‍්ච සනිදස‍්සනසප‍්පටිඝං කටත‍්තාරූපං. අනිදස‍්සන
සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං. ඵොට‍්ඨබ‍්බායතනඤ‍්ච ආපොධාතුඤ‍්ච පටිච‍්ච රූපායතනං, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං, අනිදස‍්සනසප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සනසප‍්පටිඝං කටත‍්තාරූපං, උපාදාරූපං. (ඝටනෙ ඉමිනා කාරණෙන සත‍්තපි පඤ‍්හා විභජිතබ‍්බා.)
අනිදස‍්සන සප‍්පටිඝං ධම‍්මං පටිච‍්ච අනිදස‍්සන සප‍්පටිඝො ධම‍්මො උප‍්පජ‍්ජති න අධිපතිපච‍්චයා. සහජාත සදිසං. න අනන‍්තර පච‍්චයා, න සමනන‍්තරපච‍්චයා, න අඤ‍්ඤමඤ‍්ඤ පච‍්චයා. අනිදස‍්සන සප‍්පටිඝෙ මහාභූතෙ පටිච‍්ච අනිදස‍්සන සප‍්පටිඝං චිත‍්තසමුට‍්ඨානං රූපං, කටත‍්තාරූපං, උපාදාරූපං, ඵොට‍්ඨබ‍්බායතනං පටිච‍්ච චක‍්ඛායතනං රසායතනං, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං මහාභූතෙ පටිච‍්ච අනිදස‍්සන අප‍්පටිඝං කටත‍්තාරූපං උපාදාරූපං. (ඉමිනා කාරණෙන එකවීසපඤ‍්හා විභජිතබ‍්බා.) න උපනිස‍්සයපච‍්චයා, න පුරෙජාතපච‍්චයා, න පච‍්ඡාජාතපච‍්චයා, න ආසෙවනපච‍්චයා, න කම‍්මපච‍්චයා, බාහිරං, ආහාරසමුට‍්ඨානං, උතුසමුට‍්ඨානං, අනිදස‍්සන සප‍්පටිඝං එකං මහාභූතං පටිච‍්ච ද‍්වෙ මහාභූතා, ද‍්වෙ මහාභූතෙ පටිච‍්ච එකං මහාභූතං, අනිදස‍්සන සප‍්පටිඝෙ මහාභූතෙ පටිච‍්ච අනිදස‍්සනසප‍්පටිඝං උපාදාරූපං, (කම‍්මං විභජිත්‍වා න කම‍්මෙනෙව එකවීස පඤ‍්හා කාතබ‍්බං.) න විපාකපච‍්චයා, පටිසන්‍ධිපි කටත‍්තාපි නත්‍ථි, (පඤ‍්චවොකාරෙයෙව කාතබ‍්බා,) න ආහාරපච‍්චයා, බාහිරං, උතුසමුට‍්ඨානං අසඤ‍්ඤසත‍්තානං, (ඉමිනා කාරණෙන විභජිතබ‍්බා. එකවිසාපී) න ඉන්‍ද්‍රිය පච‍්චයා, බාහිරං, ආහාරසමුට‍්ඨානං, උතුසමුට‍්ඨානං, අනිදස‍්සනසප‍්පටිඝං එකං මහාභූතං, අසඤ‍්ඤසත‍්තානං මහාභූතෙ පටිච‍්ච රූපජීවිතින්‍ද්‍රියං, (සංඛිත‍්තං,) (සබ‍්බෙ පඤ‍්හා විභජිතබ‍්බා න ඣානපච‍්චයා, බාහිරං,) ආහාර සමුට‍්ඨානං, උතුසමුට‍්ඨානං, අසඤ‍්ඤසත‍්තානං එකං මහාභූතං, (සංඛිත‍්තං,) (සත‍්ත පිපඤ‍්හා විභජිතබ‍්බා.)
අනිදස‍්සන අප‍්පටිඝං ධම‍්මං පටිච‍්ච අනිදස‍්සන අප‍්පටිඝො ධම‍්මො උප‍්පජ‍්ජති න ඣානපච‍්චයා පඤ‍්චවිඤ‍්ඤාණසහගතං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, බාහිරං, ආහාරසමුට‍්ඨානං උතුසමුට‍්ඨානං, අසඤ‍්ඤසත‍්තානං ආපොධාතුං පටිච‍්ච අනිදස‍්සන අප‍්පටිඝං කටත‍්තා රූපං, උපාදාරූපං. (එවං සත‍්තපි පඤ‍්හා විභජිතබ‍්බා.)
අනිදස‍්සනසප‍්පටිඝඤ‍්ච අනිදස‍්සන අප‍්පටිඝඤ‍්ච ධම‍්මං පටිච‍්ච සනිදස‍්සන සප‍්පටිඝො ධම‍්මො උප‍්පජ‍්ජති න ඣානපච‍්චයා, බාහිරං, ආහාරසමුට‍්ඨානං, උතුසමුට‍්ඨානං, අසඤ‍්ඤසත‍්තානං අනිදස‍්සන සප‍්පටිඝෙ මහාභූතෙ ච ආපොධාතුඤ‍්ච පටිච‍්ච සනිදස‍්සන සප‍්පටිඝං කටත‍්තාරූපං
උපාදාරූපං, එවං සත‍්තපි පඤ‍්හා විභජිතබ‍්බා, න මග‍්ගපච‍්චයා, න හෙතුසදිසං කාතබ‍්බං, පරිපුණ‍්ණං, මොහො නත්‍ථි න සම‍්පයුත‍්තපච‍්චයා, න විප‍්පයුත‍්තපච‍්චයා, පරිපුණ‍්ණං. නො නත්‍ථිපච‍්චයා, නො විගතපච‍්චයා.
න හෙතුයා එකවීස, න ආරම‍්මණෙ එකවීස, න අධිපතියා එකවීස, (සංඛිත‍්තං,) සබ‍්බත්‍ථ එකවීස, නො නත්‍ථියා එකවීස, නො විගතෙ එකවීස, (එවං ගණෙතබ‍්බං.)
පච‍්චනියං.
හෙතුපච‍්චයා න ආරම‍්මණෙ එකවීස, න අධිපතියා එකවීස, (සංඛිත‍්තං.) න විපාකෙ එකවීස, න සම‍්පයුත‍්තෙ එකවීස, න විප‍්පයුත‍්තෙ එකවීස. නො නත්‍ථියා එකවීස, නො විගතෙ එකවීස, (එවං ගණෙතබ‍්බං.)
අනුලොමපච‍්චනියං.
න හෙතුපච‍්චයා ආරම‍්මණෙ එකං, අනන‍්තරෙ එකං, සමනන‍්තරෙ එකං, සහජාතෙ එකවීස (සංඛිත‍්තං,) ඣානෙ එකවීස, මග‍්ගෙ එකවීස, සම‍්පයුත‍්තෙ එකං, විප‍්පයුත‍්තෙ එකවීස, අත්‍ථියා එකවීස, නත්‍ථියා එකං, විගතෙ එකං, අවිගතෙ එකවීස, (එවං ගණෙතබ‍්බං.)
පච‍්චනීයානුලොමං.
(සහජාතවාරො පි පච‍්චයවාරො පි නිස‍්සයවාරො පි පටිච‍්චවාර සදිසා, සංසට‍්ඨවාරො පි සම‍්පයුත‍්තවාරො පි අරූපෙ යෙව කාතබ‍්බා.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස හෙතුපච‍්චයෙන පච‍්චයො. අනිදස‍්සන අප‍්පටිඝා හෙතු සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච චිත‍්තසමුට‍්ඨානානං රූපානං හෙතු පච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා හෙතු සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච කටත‍්තාරූපානං හෙතුපච‍්ච-. අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස හෙතුපච‍්ච-. අනිදස‍්සන අප‍්පටිඝා හෙතු සනිදස‍්සන සප‍්පටිඝානං චිත‍්තසමුට‍්ඨානානං රූපානං හෙතුපච‍්ච-. පටිසන්‍ධික‍්ඛණෙ, අනිදස‍්සන අප‍්පටිඝමූලකෙ යෙව ඉමිනා කාරණෙන සත‍්තපඤ‍්හා විභජිතබ‍්බා.
සනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණ පච‍්චයෙන පච‍්චයො, රූපෙ අනිච‍්චතො දුක‍්ඛතො අනත‍්තතො විපස‍්සති. අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති, දිට‍්ඨි, විචිකිච‍්ඡා, උද‍්ධච‍්චං, දොමනස‍්සං උප‍්පජ‍්ජති, දිබ‍්බෙන චක‍්ඛුනා රූපං පස‍්සති, රූපායතනං චක‍්ඛුවිඤ‍්ඤාණස‍්ස ආරම‍්මණ
පච‍්ච-. සනිදස‍්සන සප‍්පටිඝා ඛන්‍ධා ඉද‍්ධිවිධඤාණස‍්ස, පුබ‍්බෙනිවාසානුස‍්සතිඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්ච-.
අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණපච‍්ච-. චක‍්ඛුං, කායං, සද‍්දෙ, ගන්‍ධෙ, රසෙ, ඵොට‍්ඨබ‍්බෙ අනිච‍්චතො -පෙ- දොමනස‍්සං උප‍්පජ‍්ජති, දිබ‍්බාය සොතුධාතුයා සද‍්දං සුණාති, සද‍්දායතනං සොතවිඤ‍්ඤාණස‍්ස, ඵොට‍්ඨබ‍්බායතනං කායවිඤ‍්ඤාණස‍්ස, අනිදස‍්සන සප‍්පටිඝා ඛන්‍ධා ඉද‍්ධිවිධඤාණස‍්ස, පුබ‍්බෙනිවාසානුස‍්සතිඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණ පච‍්චයෙන පච‍්චයො.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණපච‍්ච-. දානං දත්‍වා, සීලං සමාදියිත්‍වා, උපොසථකම‍්මං කත්‍වා තං පච‍්චවෙක‍්ඛති, පුබ‍්බෙ සුචිණ‍්ණානි පච‍්චවෙක‍්ඛති, ඣානා අරියා මග‍්ගා වුට‍්ඨහිත්‍වා, මග‍්ගං පච‍්චවෙක‍්ඛන‍්ති, ඵලං පච‍්චවෙක‍්ඛන‍්ති, නිබ‍්බානං පච‍්චවෙක‍්ඛන‍්ති, නිබ‍්බානං ගොත්‍රභුස‍්ස, වොදානස‍්ස, මග‍්ගස‍්ස, ඵලස‍්ස, ආවජ‍්ජනාය ආරම‍්මණ පච‍්ච-. අරියා පහීණෙ කිලෙසෙ පච‍්ච වෙක‍්ඛන‍්ති, වික‍්ඛම‍්හිතෙ කිලෙසෙ පච‍්චවෙක‍්ඛන‍්ති, පුබ‍්බෙ සමුදාචිණ‍්ණෙ, වත්‍ථුං, ඉත්‍ථින්‍ද්‍රියං, පුරිසින්‍ද්‍රියං, ජීවිතින්‍ද්‍රියං, ආපොධාතුං, කබළීකාරං ආහාරං, අනිදස‍්සන අප‍්පටිඝෙ ඛන්‍ධෙ අනිච‍්චතො, දොමනස‍්සං උප‍්පජ‍්ජති, චෙතොපරියඤාණෙන අනිදස‍්සන අප‍්පටිඝ චිත‍්තසමඞ‍්ගිස‍්ස චිත‍්තං ජානාති, ආකාසානඤ‍්චායතනං විඤ‍්ඤාණඤ‍්චායතනස‍්ස ආරම‍්මණ පච‍්ච-. ආකිඤ‍්චඤ‍්ඤායතනං නෙවසඤ‍්ඤානාසඤ‍්ඤායතනස‍්ස. අනිදස‍්සන අප‍්පටිඝා ඛන්‍ධා ඉද‍්ධිවිධඤාණස‍්ස, චෙතොපරියඤාණස‍්ස, පුබ‍්බෙනිවාසානුස‍්සතිඤාණස‍්ස, යථාකම‍්මූපගඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්ච-.
සනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අධිපතිපච‍්ච-. ආරම‍්මණාධිපති, රූපං ගරුං කත්‍වා අස‍්සාදෙති, අභිනන්‍දති, තං ගරුං කත්‍වා රාගො, දිට‍්ඨි උප‍්පජ‍්ජති. අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අධිපති පච‍්ච, ආරම‍්මණාධිපති, චක‍්ඛුං කායං, සද‍්දෙ, ගන්‍ධෙ, ඵොට‍්ඨබ‍්බෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා රාගො, දිට‍්ඨි උප‍්පජ‍්ජති.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අධිපතිපච‍්ච-. ආරම‍්මණාධිපති, සහජාතාධිපති, - ආරම‍්මණාධිපති: දානං දත්‍වා, සීලං, උපොසථ, තං ගරුං කත්‍වා, ඣානා වුට‍්ඨහිත්‍වා, අරියා මග‍්ගා වුට‍්ඨහිත්‍වා, ඵලා වුට‍්ඨහිත්‍වා, ඵලං ගරුං කත්‍වා, නිබ‍්බානං
ගරුං කත්‍වා නිබ‍්බානං ගොත්‍රභුස‍්ස, වොදානස‍්ස, මග‍්ගස‍්ස, ඵලස‍්ස, අධිපතිපච‍්ච, වත්‍ථුං, ඉත්‍ථින්‍ද්‍රියං, පුරිසින්‍ද්‍රියං, ජීවිතින්‍ද්‍රිය, ආපොධාතුං, කබළීකාරං ආහාරං, අනිදස‍්සන අප‍්පටිඝෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා රාගො, දිට‍්ඨි උප‍්පජ‍්ජති, සහජාතාධිපති, අනිදස‍්සන අප‍්පටිඝාධිපති සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච චිත‍්තසමුට‍්ඨානානං රූපානං අධිපතිපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස අධිපතිපච‍්ච, සහජාතාධිපති, අනිදස‍්සන අප‍්පටිඝාධිපති-. අනිදස‍්සන සප‍්පටිඝානං-. චිත‍්තසමුට‍්ඨානානං රූපානං අධිපතිපච‍්ච, (අනිදස‍්සන අප‍්පටිඝමූලකෙ සත‍්තපි පඤ‍්හා විභජිතබ‍්බා. අධිපති තිවිධ රූප සඞ‍්ගහෙන.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අනන‍්තර පච‍්චයෙන පච‍්චයො. පුරිමා පුරිමා අනිදස‍්සන අප‍්පටිඝා ඛන්‍ධා පච‍්ඡිමානං පච‍්ඡිමානං අනන‍්තර පච‍්ච-. අනුලොමං ගොත්‍රභුස‍්ස, අනුලොමං වොදානස‍්ස, ගොත්‍රභු මග‍්ගස‍්ස, වොදානං මග‍්ගස‍්ස, මග‍්ගො ඵලස‍්ස, ඵලං ඵලස‍්ස, අනුලොමං ඵලසමාපත‍්තියා, අනිරොධා වුට‍්ඨහන‍්තස‍්ස නෙවසඤ‍්ඤානාසඤ‍්ඤායතන ඵලසමාපත‍්තියා අනන‍්තර පච‍්ච-. අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස සමනන‍්තර පච‍්චයෙන පච‍්චයො. අනන‍්තරසදිසං.
සනිදස‍්සන සප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස සහජාත පච‍්චයෙන පච‍්චයො. පටිච‍්චවාරසදිසං. සාධුකං කාතබ‍්බං අඤ‍්ඤමඤ‍්ඤපච‍්චයෙන. (පටිච‍්චවාරො අඤ‍්ඤමඤ‍්ඤවාරසදිසං, නිස‍්සය පච‍්චයෙ පටිච‍්චවාරසදිසං.)
සනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස උපනිස‍්සය පච‍්ච, ආරම‍්මණූපනිස‍්සයො: අනන‍්තරූපනිස‍්සයො පකතූපනිස‍්සයො, පකතූපනිස‍්සයො: වණ‍්ණසම‍්පදං පත්‍ථයමානො දානං දෙති, සීලං, උපොසථ, වණ‍්ණසම‍්පදා සද‍්ධාය, පඤ‍්ඤාය, රාගස‍්ස, පත්‍ථනාය, කායිකස‍්ස සුඛස‍්ස, කායිකස‍්ස දුක‍්ඛස‍්ස, මග‍්ගස‍්ස ඵලසමාපත‍්තියා උපනිස‍්සය පච‍්ච-.
අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස උපනිස‍්සය පච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, පකතූපනිස‍්සයො: චක‍්ඛුසම‍්පදං පත්‍ථයමානො, කාය, සම‍්පදං, සද‍්දසම‍්පදං, ඵොට‍්ඨබ‍්බසම‍්පදං පත්‍ථයමානො දානං දෙති, සීලං, උපොසථ, උතුං සෙනාසනං උපනිස‍්සාය දානං දෙති, සීලං, උපොසථං, ඣානං, විපස‍්සනං මග‍්ගං, අභිඤ‍්ඤං, සමාපත‍්තිං, පාණං හන‍්ති,
සඞ‍්ඝං භින්‍දති, චක‍්ඛුසම‍්පදා, ඵොට‍්ඨබ‍්බසම‍්පදා, උතු සෙනාසනං, සද‍්ධාය, පඤ‍්ඤාය. රාගස‍්ස පත්‍ථනාය, කායිකස‍්ස සුඛස‍්ස, කායිකස‍්ස දුක‍්ඛස‍්ස, මග‍්ගස‍්ස, ඵලසමාපත‍්තියා උපනිස‍්සය පච‍්ච-.
අනිදස‍්සන අප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස උපනිස‍්සය පච‍්ච-. ආරම‍්මණූපනිස‍්සයො, අනන‍්තරූපනිස‍්සයො පකතූපනිස‍්සයො - පකතූපනිස‍්සයො, සද‍්ධං උපනිස‍්සාය දානං දෙති, සීලං, උපොසථ, ඣානං, සමාපත‍්තිං, මානං ජප‍්පෙති, දිට‍්ඨිං ගණ‍්හාති, සීලං, පඤ‍්ඤං, රාගං, පත්‍ථනං, කායිකං සුඛං, කායිකං දුක‍්ඛං, භොජනං උපනිස‍්සාය දානං දෙති, සඞ‍්ඝං භින්‍දති, අනිදස‍්සන අප‍්පටිඝා ඛන්‍ධා සද‍්ධා, පඤ‍්ඤා, රාගො, පත්‍ථනා, කායිකං සුඛං, දුක‍්ඛං, භොජනං, සද‍්ධාය, පඤ‍්ඤාය, සංඛිත‍්තං. මග‍්ගස‍්ස ඵලසමාපත‍්තියා උපනිස‍්සයපච‍්ච-.
සනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච-. ආරම‍්මණ පුරෙජාතං, දිබ‍්බෙන චක‍්ඛුනා, රූපායතනං චක‍්ඛුවිඤ‍්ඤාණස‍්ස පුරෙජාත පච‍්ච-. අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච. ආරම‍්මණ පුරෙජාතං, වත්‍ථු පුරෙජාතං, ආරම‍්මණ පුරෙජාතං, -චක‍්ඛුං, කායං, සද‍්දෙ, ඵොට‍්ඨබ‍්බෙ අනිච‍්චතො. දොමනස‍්සං උප‍්පජ‍්ජති, දිබ‍්බාය සොතධාතුයා සද‍්දං සුණාති, සද‍්දායතනං සොතවිඤ‍්ඤාණස‍්ස -පෙ- ඵොට‍්ඨබ‍්බායතනං කායවිඤ‍්ඤාණස‍්ස පුරෙජාත පච‍්ච-. වත්‍ථු පුරෙජාතං චක‍්ඛායතනං චක‍්ඛු විඤ‍්ඤාණස‍්ස, කායායතනං කායවිඤ‍්ඤාණස‍්ස පුරෙජාත පච‍්ච-.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච-. ආරම‍්මණ පුරෙජාතං, වත්‍ථු පුරෙජාතං, ආරම‍්මණ පුරෙජාතං, වත්‍ථුං, ඉත්‍ථින්‍ද්‍රියං, පුරිසින්‍ද්‍රියං, ජීවිතින්‍ද්‍රියං, ආපොධාතුං, කබළීකාරං ආහාරං, අනිච‍්චතො, දොමනස‍්සං, උප‍්පජ‍්ජති, වත්‍ථු පුරෙජාතං, වත්‍ථු අනිදස‍්සන අප‍්පටිඝානං ඛන්‍ධානං පුරෙජාත පච‍්ච-.
සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච-. ආරම‍්මණ පුරෙජාතං, වත්‍ථු පුරෙජාතං, රූපායතනඤ‍්ච වත්‍ථු ච අනිදස‍්සන අප‍්පටිඝානං ඛන්‍ධානං පුරෙජාත පච‍්ච-.
අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච-. ආරම‍්මණ පුරෙජාතං, වත්‍ථු පුරෙජාතං, චක‍්ඛායතනඤ‍්ච වත්‍ථු ච, ඵොට‍්ඨබ‍්බායතනඤ‍්ච වත්‍ථු ච අනිදස‍්සන අප‍්පටිඝානං ඛන්‍ධානං පුරෙජාත පච‍්ච-.
සනිදස‍්සන සප‍්පටිඝො ච අනිදස‍්සන සප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස පුරෙජාත පච‍්ච-. ආරම‍්මණ පුරෙජාතං, වත්‍ථු පුරෙජාතං, රූපායතනඤ‍්ච චක‍්ඛායතනඤ‍්ච චක‍්ඛුවිඤ‍්ඤාණස‍්ස පුරෙජාත පච‍්චයෙන පච‍්චයො.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස පච‍්ඡාජාත පච‍්ච-. පච‍්ඡාජාතා අනිදස‍්සන අප‍්පටිඝා ඛන්‍ධා පුරෙජාතස‍්ස ඉමස‍්ස අනිදස‍්සන අප‍්පටිඝස‍්ස කායස‍්ස පච‍්ඡාජාත පච‍්ච, අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස පච‍්ඡාජාත පච‍්ච-. පච‍්ඡාජාතා අනිදස‍්සන අප‍්පටිඝා ඛන්‍ධා පුරෙජාතස‍්ස ඉමස‍්ස සනිදස‍්සන සප‍්පටිඝස‍්ස කායස‍්ස පච‍්ඡාජාත පච‍්ච-. (එවං සත‍්තපඤ‍්හා විභජිතබ‍්බා. තිවිධරූපසඞ‍්ගහො.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආසෙවන පච‍්චයෙන පච‍්චයො. පුරිමා පුරිමා අනිදස‍්සන අප‍්පටිඝා ඛන්‍ධා පච‍්ඡිමානං පච‍්ඡිමානං ආසෙවනපච‍්ච, අනුලොමං ගොත්‍රභුස‍්ස, අනුලොමං වොදානස‍්ස, ගොත්‍රභූ මග‍්ගස‍්ස, වොදානං මග‍්ගස‍්ස ආසෙවන පච‍්ච-.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස කම‍්මපච‍්චයෙන පච‍්චයො. සහජාතා, නානාඛණිකා. - සහජාතා අනිදස‍්සන අප‍්පටිඝා චෙතනා සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච චිත‍්තසමුට‍්ඨානානං රූපානං කම‍්මපච‍්ච-. නානාඛණිකා අනිදස‍්සන අප‍්පටිඝා චෙතනා විපාකානං ඛන්‍ධානං අනිදස‍්සන අප‍්පටිඝානඤ‍්ච කටත‍්තාරූපානං කම‍්මපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස කම‍්මපච‍්ච. සහජාතා, නානාඛණිකා, - සහජාතා අනිදස‍්සන අප‍්පටිඝා චෙතනා සනිදස‍්සන සප‍්පටිඝානං චිත‍්තසමුට‍්ඨානානං රූපානං කම‍්ම පච‍්ච-. නානාඛණිකා අනිදස‍්සන අප‍්පටිඝා චෙතනා සනිදස‍්සන සප‍්පටිඝානං කටත‍්තාරූපානං කම‍්මපච‍්ච. (එවං සත‍්තපඤ‍්හා. සහජාතා නානාඛණිකා ඉමිනා කාරණෙන විභජිතබ‍්බා. තිවිධරූපසඞ‍්ගහො.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස විපාකපච‍්චයෙන පච‍්චයො. විපාකො අනිදස‍්සන අප‍්පටිඝො එකො ඛන්‍ධො තිණ‍්ණන‍්නං ඛන්‍ධානං අනිදස‍්සන අප‍්පටිඝානං චිත‍්තසමුට‍්ඨානානඤ‍්ච රූපානං විපාකපච‍්ච-. ද‍්වෙ ඛන්‍ධා, පටිසන්‍ධික‍්ඛණෙ, අනිදස‍්සන අප‍්පටිඝො එකො ඛන්‍ධො තිණ‍්ණන‍්නං ඛන්‍ධානං අනිදස‍්සන අප‍්පටිඝානඤ‍්ච කටත‍්තාරූපානං විපාකපච‍්ච, ඛන්‍ධා වත්‍ථුස‍්ස විපාකපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස විපාකපච‍්ච-. විපාකා අනිදස‍්සන අප‍්පටිඝා ඛන්‍ධා සනිදස‍්සන සප‍්පටිඝානං චිත‍්තසමුට‍්ඨානානං රූපානං විපාකපච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ඛන්‍ධා සනිදස‍්සන සප‍්පටිඝානං කටත‍්තාරූපානං විපාක පච‍්ච-. (එවං සත‍්තපඤ‍්හා විත්‍ථාරෙතබ‍්බා, පවත‍්ති පටිසන්‍ධි.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආහාරපච‍්චයෙන පච‍්චයො, අනිදස‍්සන අප‍්පටිඝා ආහාරා සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච චිත‍්තසමුට‍්ඨානානං රූපානං ආහාරපච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ආහාරා සම‍්පයුත‍්තකානං ඛන්‍ධානං අනිදස‍්සන අප‍්පටිඝානඤ‍්ච කටත‍්තාරූපානං ආහාරපච‍්ච-. කබළීකාරො ආහාරො ඉමස‍්ස අනිදස‍්සන අප‍්පටිඝස‍්ස කායස‍්ස ආහාරපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස ආහාරපච‍්ච-. අනිදස‍්සන අප‍්පටිඝා ආහාරා සනිදස‍්සන සප‍්පටිඝානං චිත‍්තසමුට‍්ඨානානං රූපානං ආහාරපච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ආහාරා සනිදස‍්සන සප‍්පටිඝානං කටත‍්තාරූපානං ආහාර පච‍්ච-. කබළීකාරො ආහාරො ඉමස‍්ස සනිදස‍්සන සප‍්පටිඝස‍්ස කායස‍්ස ආහාර පච‍්ච-. (එවං සත‍්තපඤ‍්හා, පවත‍්ති පටිසන්‍ධි විභජිතබ‍්බා, සත‍්තසුපි කබළීකාරො ආහාරො කාතබ‍්බො.)
අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො. චක‍්ඛුන්‍ද්‍රියං චක‍්ඛුවිඤ‍්ඤාණස‍්ස, කායින්‍ද්‍රියං කායවිඤ‍්ඤාණස‍්ස ඉන්‍ද්‍රියපච‍්ච-.
අනිදස‍්සන අප‍්පටිඝො අනිදස‍්සන අප‍්පටිඝස‍්ස ධම‍්මස‍්ස ඉන්‍ද්‍රිය පච‍්ච-. අනිදස‍්සන අප‍්පටිඝා ඉන්‍ද්‍රියා සම‍්පයුත‍්තකානං ඛන්‍ධානං අනිදස‍්සන අප‍්පටිඝානං චිත‍්තසමුට‍්ඨානානඤ‍්ච රූපානං ඉන්‍ද්‍රියපච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ඉන්‍ද්‍රියා සම‍්පයුත‍්තකානං ඛන්‍ධානං අනිදස‍්සන සප‍්පටිඝානඤ‍්ච කටත‍්තාරූපානං ඉන්‍ද්‍රියපච‍්ච-. රූපජීවිතින්‍ද්‍රියං අනිදස‍්සන අප‍්පටිඝානං කටත‍්තාරූපානං ඉන්‍ද්‍රියපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස ඉන්‍ද්‍රියපච‍්ච-. අනිදස‍්සන අප‍්පටිඝා ඉන්‍ද්‍රියා සනිදස‍්සන සප‍්පටිඝානං චිත‍්තසමුට‍්ඨානානං රූපානං ඉන්‍ද්‍රියපච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ඉන්‍ද්‍රියා සනිදස‍්සන සප‍්පටිඝානං කටත‍්තාරූපානං ඉන්‍ද්‍රිපච‍්ච-. රූපජීවිතින්‍ද්‍රියං සනිදස‍්සන සප‍්පටිඝානං කටත‍්තාරූපානං ඉන්‍ද්‍රියපච‍්ච-. (එවං පවත‍්තිපටිසන්‍ධි සත‍්තපඤ‍්හා විභජිතබ‍්බා,) රූපජීවිතින්‍ද්‍රියඤ‍්ච අන‍්තෙ
අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස ඉන්‍ද්‍රියපච‍්ච-. චක‍්ඛුන්‍ද්‍රියඤ‍්ච චක‍්ඛුවිඤ‍්ඤාණඤ‍්ච චක‍්ඛුවිඤ‍්ඤාණ සහගතානං ඛන්‍ධානං ඉන්‍ද්‍රියපච‍්ච-. (සංඛිත‍්තං,) කායින්‍ද්‍රියඤ‍්ච කායවිඤ‍්ඤාණඤ‍්ච කායවිඤ‍්ඤාණසහගතානං ඛන්‍ධානං ඉන්‍ද්‍රියපච‍්ච-.
අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ඣානපච‍්ච, මග‍්ගපච‍්ච, සම‍්පයුත‍්තපච‍්ච, අනිදස‍්සන අප‍්පටිඝො එකො ඛන්‍ධො තිණ‍්ණන‍්නං ඛන්‍ධානං සම‍්පයුත‍්තපච‍්ච-. ද‍්වෙ ඛන්‍ධා පටිසන්‍ධික‍්ඛණෙ.
අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස විප‍්පයුත‍්තපච‍්ච-. පුරෙජාතං චක‍්ඛායතනං චක‍්ඛුවිඤ‍්ඤාණස‍්ස, කායායතනං කායවිඤ‍්ඤාණස‍්ස විප‍්පයුත‍්තපච‍්ච, අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස විප‍්පයුත‍්තපච‍්ච, සහජාතං, පුරෙජාතං, පච‍්ඡාජාතං, - සහජාතා අනිදස‍්සන අප‍්පටිඝා ඛන්‍ධා අනිදස‍්සන අප‍්පටිඝානං චිත‍්තසමුට‍්ඨානානං රූපානං විප‍්පයුත‍්තපච‍්ච, පටිසන්‍ධික‍්ඛණෙ අනිදස‍්සන අප‍්පටිඝා ඛන්‍ධා අනිදස‍්සන අප‍්පටිඝානං කටත‍්තාරූපානං විප‍්පයුත‍්තපච‍්ච-. ඛන්‍ධා වත්‍ථුස‍්ස විප‍්පයුත‍්තපච‍්ච, වත්‍ථු ඛන්‍ධානං විප‍්පයුත‍්තපච‍්ච, පුරෙජාතං වත්‍ථු අනිදස‍්සන අප‍්පටිඝානං ඛන්‍ධානං විප‍්පයුත‍්තපච‍්ච, පච‍්ඡාජාතං අනිදස‍්සන අප‍්පටිඝා ඛන්‍ධා පුරෙජාතස‍්ස ඉමස‍්ස අනිදස‍්සන අප‍්පටිඝස‍්ස කායස‍්ස විප‍්පයුත‍්තපච‍්ච-.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස විප‍්පයුත‍්තපච‍්ච-. සහජාතං, පච‍්ඡාජාතං, - සහජාතා අනිදස‍්සන අප‍්පටිඝා ඛන්‍ධා සනිදස‍්සන සප‍්පටිඝානං චිත‍්තසමුට‍්ඨානානං රූපානං විප‍්පයුත‍්ත පච‍්ච-. පටිසන්‍ධික‍්ඛණෙ අනිදස‍්සන අප‍්පටිඝා ඛන්‍ධා සනිදස‍්සන සප‍්පටිඝානං කටත‍්තාරූපානං විප‍්පයුත‍්තපච‍්ච-. පච‍්ඡාජාතා අනිදස‍්සන අප‍්පටිඝා ඛන්‍ධා පුරෙජාතස‍්ස ඉමස‍්ස සනිදස‍්සන සප‍්පටිඝස‍්ස කායස‍්ස විප‍්පයුත‍්තපච‍්ච-. අවසෙසා පඤ‍්ච පඤ‍්හා එවං විත්‍ථාරෙතබ‍්බා, සහජාතා, පච‍්ඡාජාතා.
සනිදස‍්සන සප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස අත්‍ථිපච‍්චයෙන පච‍්චයො. පුරෙජාතං රූපෙ අනිච‍්චතො, දොමනස‍්සං උප‍්පජ‍්ජති. දිබ‍්බෙන චක‍්ඛුනා රූපං, රූපායතනං චක‍්ඛුවිඤ‍්ඤාණස‍්ස අත්‍ථිපච‍්ච. අනිදස‍්සන සප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස අත්‍ථිපච‍්ච. අනිදස‍්සනසප‍්පටිඝං එකං මහාභූතං ද‍්වින‍්නං මහාභූතානං අත්‍ථිපච‍්ච. ද‍්වෙ මහාභූතා එකස‍්ස මහාභූතස‍්ස අත්‍ථිපච‍්ච-.
අනිදස‍්සන සප‍්පටිඝා මහාභූතා අනිදස‍්සන සප‍්පටිඝානං චිත‍්තසමුට‍්ඨානානං රූපානං කටත‍්තාරූපානං උපාදාරූපානං අත්‍ථිපච‍්ච-. ඵොට‍්ඨබ‍්බායතනං චක‍්ඛායතනස‍්ස, රසායතනස‍්ස, අත්‍ථිපච‍්ච-. බාහිරං ආහාර, උතුසමුට‍්ඨානං එකං මහාභූතං ද‍්වින‍්නං මහාභූතානං අත්‍ථිපච‍්ච-. ද‍්වෙ මහාභූතා එකස‍්ස මහාභූතස‍්ස අත්‍ථිපච‍්ච-. උතුසමුට‍්ඨානා මහාභූතා, අනිදස‍්සන සප‍්පටිඝානං උපාදාරූපානං අත්‍ථිපච‍්ච. අසඤ‍්ඤසත‍්තානං අනිදස‍්සන සප‍්පටිඝං එකං මහාභූතං ද‍්වින‍්නං මහාභූතානං අත්‍ථිපච‍්ච-. ද‍්වෙ මහාභූතා.
අනිදස‍්සන සප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස අත්‍ථිපච‍්චයෙන පච‍්චයො. (පටිච‍්චවාරො නිස‍්සයවාරසදිසං.) අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච සහජාතං පුරෙජාතං, - සහජාතා අනිදස‍්සන සප‍්පටිඝා මහාභූතා අනිදස‍්සන අප‍්පටිඝානං චිත‍්තසමුට‍්ඨානානං රූපානං කටත‍්තාරූපානං උපාදාරූපානං අත්‍ථිපච‍්ච (යාව අසඤ‍්ඤසත‍්තා) විත්‍ථාරෙතබ‍්බා. පුරෙජාතං චක‍්ඛුං, කායං, සද‍්දෙ, ඵොට‍්ඨබ‍්බෙ අනිච‍්චතො දොමනස‍්සං උප‍්පජ‍්ජති චක‍්ඛායතනං චක‍්ඛුවිඤ‍්ඤාණස‍්ස, ඵොට‍්ඨබ‍්බායතනං කායවිඤ‍්ඤාණස‍්ස අත්‍ථි පච‍්ච-. (අවසෙසා චත‍්තාරො පඤ‍්හා විත්‍ථාරෙතබ‍්බා, පටිච‍්චවාරෙ සහජාතවාරසදිසා නින‍්නානාකරණා.)
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච, සහජාතං, පච‍්ඡාජාතං, ආහාරං, ඉන්‍ද්‍රියං, සහජාතො අනිදස‍්සන අප‍්පටිඝො එකො ඛන්‍ධො තිණ‍්ණන‍්නං ඛන්‍ධානං අනිදස‍්සන අප‍්පටිඝානං චිත‍්තසමුට‍්ඨානානඤ‍්ච රූපානං අත්‍ථිපච‍්ච-. ද‍්වෙ ඛන්‍ධා, පටිසන්‍ධික‍්ඛණෙ ආපොධාතු අනිදස‍්සන අප‍්පටිඝානං චිත‍්තසමුට‍්ඨානානං රූපානං කටත‍්තාරූපානං උපාදාරූපානං, ආපොධාතු ඉන්‍ද්‍රියස‍්ස කබළීකාරො ආහාරස‍්ස ච අත්‍ථිපච‍්ච, බාහිරං, ආහාරසමුට‍්ඨානං, උතුසමුට‍්ඨානං අසඤ‍්ඤසත‍්තානං, ආපොධාතු අනිදස‍්සන අප‍්පටිඝානං කටත‍්තාරූපානං, පුරෙජාතං වත්‍ථුං, ඉත්‍ථින්‍ද්‍රියං, පුරිසින්‍ද්‍රියං, ජීවිතින්‍ද්‍රියං, ආපොධාතුං, කබළීකාරං ආහාරං අනිච‍්චතො, දොමනස‍්සං උප‍්පජ‍්ජති, වත්‍ථු අනිදස‍්සන අප‍්පටිඝානං ඛන්‍ධානං අත්‍ථිපච‍්ච, පච‍්ඡාජාතා අනිදස‍්සන අප‍්පටිඝා ඛන්‍ධා පුරෙජාතස‍්ස ඉමස‍්ස අනිදස‍්සන අප‍්පටිඝස‍්ස කායස‍්ස අත්‍ථිපච‍්ච-. කබළීකාරො ආහාරො ඉමස‍්ස අනිදස‍්සන අප‍්පටිඝස‍්ස කායස‍්ස අත්‍ථිපච‍්ච-. රූපජීවිතින්‍ද්‍රියං අනිදස‍්සන අප‍්පටිඝානං කටත‍්තා රූපානං අත්‍ථිපච‍්ච-. (එවං අවසෙසා ඡ පඤ‍්හා විභජිතබ‍්බා,) සහජාතං, පච‍්ඡාජාතං, ආහාරං, ඉන්‍ද්‍රියං පි කාතබ‍්බා.
සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච-. පුරෙජාතං රූපායතනඤ‍්ච වත්‍ථු ච අනිදස‍්සන සප‍්පටිඝානං ඛන්‍ධානං අත්‍ථිපච‍්ච-.
අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා සනිදස‍්සන සප‍්පටිඝස‍්ස අත්‍ථිපච‍්ච, අනිදස‍්සන අප‍්පටිඝා ඛන්‍ධා ච මහාභූතා ච සනිදස‍්සන සප‍්පටිඝානං චිත‍්තසමුට‍්ඨානානං රූපානං අත්‍ථිපච‍්ච-. පටිසන්‍ධික‍්ඛණෙ, (සංඛිත‍්තං.) අසඤ‍්ඤසත‍්තානඤ‍්ච කාතබ‍්බා.
අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන සප‍්පටිඝස‍්ස ධම‍්මස‍්ස. (සංඛිත‍්තං) අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච-. සහජාතං, පුරෙජාතං, සහජාතා අනිදස‍්සන අප‍්පටිඝා ඛන්‍ධා ච මහාභූතා ච අනිදස‍්සන අප‍්පටිඝානං චිත‍්තසමුට‍්ඨානානං රූපානං, (යාව අසඤ‍්ඤසත‍්තා කාතබ‍්බා,) පුරෙජාතං, චක‍්ඛායතනඤ‍්ච වත්‍ථු ච ඵොට‍්ඨබ‍්බායතනඤ‍්ච වත්‍ථු ච අනිදස‍්සන අප‍්පටිඝානං ඛන්‍ධානං අත්‍ථිපච‍්ච-. (අවසෙසා පඤ‍්හා විභජිතබ‍්බා,) සනිදස‍්සන සප‍්පටිඝො ච අනිදස‍්සන සප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච-. පුරෙජාතං, රූපායතනඤ‍්ච චක‍්ඛායතනඤ‍්ච චක‍්ඛුවිඤ‍්ඤාණස‍්ස අත්‍ථිපච‍්ච-.
සනිදස‍්සන සප‍්පටිඝො ච අනිදස‍්සන සප‍්පටිඝො ච-. අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස අත්‍ථිපච‍්ච-. සහජාතං, පුරෙජාතං, රූපායතනඤ‍්ච චක‍්ඛායතනඤ‍්ච චක‍්ඛුවිඤ‍්ඤාණඤ‍්ච චක‍්ඛුවිඤ‍්ඤාණ සහගතානං ඛන්‍ධානං අත්‍ථිපච‍්චයෙන පච‍්චයො.
(නත්‍ථි විගතපච‍්චයා අනන‍්තර සදිසා, අවිගතපච‍්චයං අත්‍ථි සදිසං,) හෙතුයා සත‍්ත, ආරම‍්මණෙ තීණි, අධිපතියා නව, අනන‍්තරෙ එකං සමනන‍්තරෙ එකං, සහජාතෙ එකවීස, අඤ‍්ඤමඤ‍්ඤෙ ඡ, නිස‍්සයෙ එකවීස, උපනිස‍්සයෙ තීණි, පුරෙජාතෙ ඡ, පච‍්ඡාජාතෙ සත‍්ත, ආසෙවනෙ එකං, කම‍්මෙ සත‍්ත, විපාකෙ සත‍්ත, ආහාරෙ සත‍්ත, ඉන්‍ද්‍රියෙ නව, ඣානෙ සත‍්ත, මග‍්ගෙ සත‍්ත, සම‍්පයුත‍්තෙ එකං, විප‍්පයුත‍්තෙ අට‍්ඨ, අත්‍ථියා පඤ‍්චවීස, නත්‍ථියා එකං, විගතෙ එකං, අවිගතෙ පඤ‍්චවීස.
හෙතුපච‍්චයා අධිපතියා සත‍්ත, සහජාතෙ සත‍්ත, අඤ‍්ඤමඤ‍්ඤෙ එකං, නිස‍්සයෙ සත‍්ත, විපාකෙ සත‍්ත, ඉන්‍ද්‍රියෙ සත‍්ත, මග‍්ගෙ සත‍්ත, සම‍්පයුත‍්තෙ එකං, විප‍්පයුත‍්තෙ සත‍්ත, අත්‍ථියා සත‍්ත, අවිගතෙ සත‍්ත.
හෙතු සහජාත නිස‍්සය අත්‍ථි අවිගතන‍්ති සත‍්ත, හෙතුසහජාත අඤ‍්ඤමඤ‍්ඤ නිස‍්සය අත්‍ථි අවිගතන‍්ති එකං, හෙතුසහජාත අඤ‍්ඤමඤ‍්ඤ නිස‍්සය සම‍්පයුත‍්ත අත්‍ථි අවිගතන‍්ති එකං, හෙතු සහජාත නිස‍්සය විප‍්පයුත‍්ත අත්‍ථි අවිගතන‍්ති සත‍්ත, හෙතුසහජාත නිස‍්සය විපාක අත්‍ථි අවිගතන‍්ති සත‍්ත, හෙතුසහජාත අඤ‍්ඤමඤ‍්ඤ නිස‍්සය
විපාක අත්‍ථි අවිගතන‍්ති එකං, හෙතුසහජාත අඤ‍්ඤමඤ‍්ඤ නිස‍්සය විපාක සම‍්පයුත‍්ත අත්‍ථි අවිගතන‍්ති එකං, හෙතුසහජාත නිස‍්සය විපාක විප‍්පයුත‍්ත අත්‍ථි අවිගතන‍්ති සත‍්ත. හෙතුසහජාත අඤ‍්ඤමඤ‍්ඤ නිස‍්සය විපාක විප‍්පයුත‍්ත අත්‍ථි අවිගතන‍්ති (එකං, එවං සබ‍්බො ගණනවාරො ගණෙතබ‍්බො.)
අනුලොමං.
සනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණපච‍්චයෙන පච‍්චයො, උපනිස‍්සයපච‍්චයෙන පච‍්චයො, පුරෙජාතපච‍්චයෙන පච‍්චයො, අනිදස‍්සන අප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො, අනිදස‍්සන සප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො, අනිදස‍්සන සප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සයපච‍්චයෙන පච‍්චයො, පුරෙජාතපච‍්චයෙන පච‍්චයො, අනිදස‍්සන සප‍්පටිඝො ධම‍්මො සනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, අනිදස‍්සන සප‍්පටිඝො ධම‍්මො අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො. අනිදස‍්සන සප‍්පටිඝො ධම‍්මො. සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො. අනිදස‍්සන සප‍්පටිඝො ධම‍්මො සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො.
අනිදස‍්සන අප‍්පටිඝො ධම‍්මො අනිදස‍්සන අප‍්පටිඝස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සයපච‍්චයෙන පච‍්චයො, පුරෙජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො, අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රිය පච‍්චයෙන පච‍්චයො, අනිදස‍්සන අප‍්පටිඝො ධම‍්මො අනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො, අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො.
අනිදස‍්සන අප‍්පටිඝො ධම‍්මො අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො, අනිදස‍්සන අප‍්පටිඝො ධම‍්මො අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො.
අනිදස‍්සන අප‍්පටිඝො ධම‍්මො සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො, ඉන්‍ද්‍රියපච‍්චයෙන පච‍්චයො, සනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මො අනිදස‍්සන අප‍්පටිඝස‍්ස ධම‍්මස‍්ස පුරෙජාතං. අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා සනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො. අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන සප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො.
අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස සහජාතං, පුරෙජාතං, අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා සනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො. අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො.
අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො. අනිදස‍්සන සප‍්පටිඝො ච අනිදස‍්සන අප‍්පටිඝො ච ධම‍්මා සනිදස‍්සන සප‍්පටිඝස‍්ස ච අනිදස‍්සන සප‍්පටිඝස‍්ස ච අනිදස‍්සන අප‍්පටිඝස‍්ස ච ධම‍්මස‍්ස සහජාතපච‍්චයෙන පච‍්චයො. සනිදස‍්සන සප‍්පටිඝො ච අනිදස‍්සන සප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස පුරෙජාතං, සනිදස‍්සන සප‍්පටිඝො ච අනිදස‍්සන
සප‍්පටිඝො ච අනිදස‍්සන අප‍්පටිඝො ච ධම‍්මා අනිදස‍්සන අප‍්පටිඝස‍්ස ධම‍්මස‍්ස සහජාතපච‍්චයෙන පච‍්චයො, පුරෙජාතපච‍්චයෙන පච‍්චයො.
න හෙතුයා පඤ‍්චවීස, න ආරම‍්මණෙ ද‍්වාවීස, න අධිපතියා පඤ‍්චවීස, න අනන‍්තරෙ පඤ‍්චවීස, න සමනන‍්තරෙ පඤ‍්චවීස, න සහජාතෙ ද‍්වාදස, න අඤ‍්ඤමඤ‍්ඤෙ චතුවීස, න නිස‍්සයෙ නව, න උපනිස‍්සයෙ පඤ‍්චවීස, න පුරෙජාතෙ බාවීස, න පච‍්ඡාජාතෙ පඤ‍්චවීස, න ආසෙවනෙ පඤ‍්චවීස, න කම‍්මෙ පඤ‍්චවීස, න විපාකෙ චතුවීස, න ආහාරෙ පඤ‍්චවීස, න ඉන්‍ද්‍රියෙ තෙවීස, න ඣානෙ පඤ‍්චවීස, න මග‍්ගෙ පඤ‍්චවීස, න සම‍්පයුත‍්තෙ චතුවීස, න විප‍්පයුත‍්තෙ බාවීස, නො අත්‍ථියා නව, නො නත්‍ථියා පඤ‍්චවීස, නො විගතෙ පඤ‍්චවීස, නො අවිගතෙ නව.
න හෙතුපච‍්චයා න ආරම‍්මණෙ බාවීස, (පඨමගමන සදිසං.) නො අවිගතෙ නව.
න හෙතුච‍්චයා, න ආරම‍්මණපච‍්චයා, න අධිපතියා බාවීස, න අනන‍්තරෙ බාවීස, න සමනන‍්තරෙ බාවීස, න සහජාතෙ නව, න අඤ‍්ඤමඤ‍්ඤෙ බාවීස, න නිස‍්සයෙ නව, න උපනිස‍්සයෙ එකවීස, න පුරෙජාතෙ බාවීස, න පච‍්ඡාජාතෙ බාවීස, (සංඛිත‍්තං.) න සම‍්පයුත‍්තෙ බාවීස, න විප‍්පයුත‍්තෙ බාවීස, නො අත්‍ථියා නව, නො නත්‍ථියා බාවීස, නො විගතෙ බාවීස, නො අවිගතෙ නව, (එවං ගණෙතබ‍්බං.)
පච‍්චනීයං.
හෙතුපච‍්චයා න ආරම‍්මණෙ සත‍්ත, න අධිපතියා සත‍්ත, න අනන‍්තරෙ සත‍්ත, න සමනන‍්තරෙ සත‍්ත, න අඤ‍්ඤමඤ‍්ඤෙ සත‍්ත, න උපනිස‍්සයෙ සත‍්ත, න පුරෙජාතෙ සත‍්ත, න පච‍්ඡාජාතෙ සත‍්ත, (සංඛිත‍්තං,) සබ‍්බත්‍ථ සත‍්ත, න සම‍්පයුත‍්තෙ සත‍්ත, න විප‍්පයුත‍්තෙ එකං, නො නත්‍ථියා සත‍්ත, නො විගතෙ සත‍්ත.
හෙතු සහජාත නිස‍්සය අත්‍ථි අවිගතන‍්ති න ආරම‍්මණෙ සත‍්ත, න අනන‍්තරෙ සත‍්ත, න සමනන‍්තරෙ සත‍්ත, න අඤ‍්ඤමඤ‍්ඤෙ සත‍්ත, (ඉධාපි සංඛිත‍්තං.) න සම‍්පයුත‍්තෙ සත‍්ත, න විප‍්පයුත‍්තෙ එකං, නො නත්‍ථියා සත‍්ත, නො විගතෙ සත‍්ත.
හෙතුසහජාත අඤ‍්ඤමඤ‍්ඤ නිස‍්සය අත්‍ථි අවිගතන‍්ති න ආරම‍්මණෙ එකං, සබ‍්බත්‍ථ එකං, නො විගතෙ එකං, එවං (ගණෙතබ‍්බං.)
අනුලොමපච‍්චනීයං.
න හෙතුපච‍්චයා ආරම‍්මණෙ තීණි, අධිපතියා නව, අනන‍්තරෙ එකං සමනන‍්තරෙ එකං, සහජාතෙ එකවීස, අඤ‍්ඤමඤ‍්ඤෙ ඡ, නිස‍්සයෙ එකවීස, උපනිස‍්සයෙ තීණි, පුරෙජාතෙ ඡ, පච‍්ඡාජාතෙ සත‍්ත, ආසෙවනෙ එකං, කම‍්මෙ සත‍්ත, විපාකෙ සත‍්ත, ආහාරෙ සත‍්ත, ඉන්‍ද්‍රියෙ නව, ඣානෙ සත‍්ත, මග‍්ගෙ සත‍්ත, සම‍්පයුත‍්තෙ එකං, විප‍්පයුත‍්තෙ අට‍්ඨ, අත්‍ථියා පඤ‍්චවීස, නත්‍ථියා එකං, විගතෙ එකං, අවිගතෙ පඤ‍්චවීස, (එවං ගණෙතබ‍්බං.)
පච‍්චනීයානුලොමං.
සනිදස‍්සන සප‍්පටිඝත‍්තිකං නිට‍්ඨිතං.
තිකපට‍්ඨානං නිට‍්ඨිතං.