මල සුත‍්තං
8. 1. 2. 5.
8. 1. 2. 5.
මල සුත‍්තං
මල සූත්‍රය
[සාවත්‍ථිනිදානං]
[සැවැත්නිදාන යි]
අට‍්ඨිමානි භික‍්ඛවෙ මලානි කතමානි අට‍්ඨ.
මහණෙනි, මේ මල අටෙකි. කවර අටෙක යත්:
අසජ‍්ඣාය මලා භික‍්ඛවෙ මන‍්තා, අනුට‍්ඨානමලා භික‍්ඛවෙ ඝරා, මලං භික‍්ඛවෙ වණ‍්ණස‍්ස කොසජ‍්ජං, පමාදො භික‍්ඛවෙ රක‍්ඛතො මලං. මලං භික‍්ඛවෙ ඉත්‍ථියා දුච‍්චරිතං. මච‍්ඡෙරං භික‍්ඛවෙ දදතො මලං. මලා භික‍්ඛවෙ පාපකා අකුසලා ධම‍්මා අස‍්මිං ලොකෙ පරම‍්හි ච. තතො භික‍්ඛවෙ මලා මලතරං අවිජ‍්ජා පරමං මලං. ඉමානි ඛො භික‍්ඛවෙ අට‍්ඨ මලානීති.
මහණෙනි, මන්ත්‍ර (ශාස්ත්‍ර) යෝ නො හැදෑරීම මල කොට ඇත්තාහ. මහණෙනි, ගෘහයෝ උත්‍ථානවීර්‍ය්‍යයාගේ අභාවය මල කොට ඇතියහ. මහණෙනි, සිරුරු පැහැයට කුසීතභාවය මලෙකි. මහණෙනි, (යම් අයත් දැයක්) රක්නහුට ප්‍රමාදය මලෙකි. මහණෙනි, මාගම්හට දුසිරිත් මලෙකි. මහණෙනි, දායකහාහට මසුරු බව මලෙකි. මහණෙනි, ලමු දහම් හු මෙලෝ පරලෝ දෙක්හි ම මල වෙත්. මහණෙනි, ඒ මලයනට වැඩි මල තරය නම් (අට තන්හි නො දැනීම වූ) අවිද්‍යා නමැති පරම මල යි. මහණෙනි, මොහු මල අට වෙත්.
1. අසජ‍්ඣාය මලා මන‍්තා අනුට‍්ඨානමලා ඝරා, මලං වණ‍්ණස‍්ස කොසජ‍්ජං පමාදො රක‍්ඛතො මලං
1. මන්ත්‍රයෝ නො පිරිවැහීම මල කොට ඇතියහ. ගෘහයෝ අනුත්‍ථානය මල කොට ඇතියහ, ශරීර වර්‍ණයට කුසීත භාවය මල වේ. වස්තු රක්නහුට ප්‍රමාදය මල වේ.
2. මලිත්‍ථියා දුච‍්චරිතං මච‍්ඡෙරං දදතො මලං, මලා වෙ පාපකා ධම‍්මා අස‍්මිං ලොකෙ පරම‍්හි ච තතො මලා මලතරං අවිජ‍්ජා පරමං මලන‍්ති.
2. මාගම්හට දුසිරිත මල යි. දෙනුවහට මසුරු බව මල යි. මෙලොව්හිත් පරලොව්හිත් ලමු දහම්හු එකැතියෙන් මල වෙත්. ඒ මලයනට වැඩි මලතර වූයේ අවිද්‍යා නමැති මහාමල වෙයි.