4. උපාදින‍්නත‍්තිකං
4. උපාදින‍්නත‍්තිකං
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා, පටිසන්‍ධික‍්ඛණෙ, උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා කටත‍්තා ච රූපං.
ද‍්වෙ ඛන්‍ධෙ පටිච‍්ච ද‍්වෙ ඛන්‍ධා කටත‍්තා ච රූපං, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා, උපාදින‍්නුපාදානියං එකං මහාභූතං පටිච‍්ච තයො මහාභූතා, ද‍්වෙ මහාභූතෙ පටිච‍්ච ද‍්වෙ මහාභූතා, මහාභූතෙ පටිච‍්ච කටත‍්තා රූපං, උපාදාරූපං,
උපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ච අනුපාදානියො ච ධම‍්මා උප‍්පජ‍්ජන‍්ති හෙතුපච‍්චයා: උපපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා, චිත‍්තසමුට‍්ඨානඤ‍්ච රූපං. ද‍්වෙ ඛන්‍ධෙ පටිච‍්ච ද‍්වෙ ඛන්‍ධා චිත‍්තසමුට‍්ඨානඤ‍්ච රූපං.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා චිත‍්තසමුට‍්ඨානඤ‍්ච රූපං, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා චිත‍්තසමුට‍්ඨානඤ‍්ච රූපං, අනුපාදින‍්නුපාදානියං එකං මහාභූතං පටිච‍්ච තයො මහාභූතා, මහාභූතෙ පටිච‍්ච චිත‍්තසමුට‍්ඨානං රූපං, උපාදාරූපං.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති හෙතුපච‍්චයා, අනුපාදින‍්නඅනුපාදානියං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා, අනුපාදින‍්න අනුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නුපාදානියො ච අනුපාදින‍්න අනුපාදානියො ච ධම‍්මා උප‍්පජ‍්ජන‍්ති හෙතුපච‍්චයා, අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා, චිත‍්තසමුට‍්ඨානඤ‍්ච රූපං, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා චිත‍්තසමුට‍්ඨානඤ‍්ච රූපං.
අනුපාදින‍්නඅනුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්න අනුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති ආරම‍්මණපච‍්චයා. උපාදින‍්නුපාදානියං එකං ඛන්‍ධං පටිච‍්ච පටිසන්‍ධික‍්ඛණෙ, අනුපාදින‍්නුපාදානියං ධම‍්මං පටිච‍්ච, අනුපාදින‍්න අනුපාදානියං ධම‍්මං පටිච‍්ච ආරම‍්මණපච‍්චයා තීණි පඤ‍්හා.
අනුපාදින‍්නනුපාදානියං ධම‍්මං අනුපාදින‍්නුපාදානියො ධම‍්මො උප‍්පජ‍්ජති අධිපතිපච‍්චයා, අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා චිත‍්තසමුට‍්ඨානඤ‍්ච රූපං, එකං මහාභූතං පටිච‍්ච මහාභූතෙ පටිච‍්ච චිත‍්තසමුට‍්ඨානං රූපං, උපාදාරූපං.
අනුපාදින‍්න අනුපාදානියං ධම‍්මං පටිච‍්ච තීණි.
අනුපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති අධිපතිපච‍්චයා: අනුපාදින‍්න අනුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදිනියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති අනන‍්තරපච‍්චයා, සමනන‍්තරපච‍්චයා, සහජාතපච‍්චයා:
උපාදින‍්නුපාදානියං එකං ඛන්‍ධං පටිච‍්ච පටිසන්‍ධික‍්ඛණෙ එකං මහාභූතං පටිච‍්ච, මහාභූතෙ පටිච‍්ච කටත‍්තා රූපං, උපාදාරූපං, අසඤ‍්ඤසත‍්තානං එකං මහාභූතං පටිච‍්ච, මහාභූතෙ පටිච‍්ච කටත‍්තා රූපං, උපාදාරූපං, උපාදින‍්නුපාදානියං ධම‍්මං පටිච‍්ච තීණි.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති සහජාතපච‍්චයා: අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා චිත‍්තසමුට‍්ඨානඤ‍්ච රූපං, -පෙ- එකං මහාභූතං පටිච‍්ච, මහාභූතෙ පටිච‍්ච චිත‍්තසමුට‍්ඨානං රූපං, උපාදාරූපං, බාහිරං, ආහාරසමුට‍්ඨානං උතුසමුට‍්ඨානං එකං මහාභූතං පටිච‍්ච.
අනුපාදින‍්න අනුපාදානියං ධම‍්මං පටිච‍්ච, තීණි.
අනුපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පටිච‍්ච අනුපාදින‍්නුපාදානියො උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති අඤ‍්ඤමඤ‍්ඤ පච‍්චයා:
උපාදින‍්නුපාදානියං එකං ඛන්‍ධං පටිච‍්ච, පටිසන්‍ධික‍්ඛණෙ උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා වත්‍ථු ච, ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා, එකං මහාභූතං පටිච‍්ච, ද‍්වෙ මහාභූතෙ පටිච‍්ච ද‍්වෙ මහාභූතා, අසඤ‍්ඤසත‍්තානං එකං මහාභූතං, අනුපාදින‍්නුපාදානියං ධම‍්මං පටිච‍්ච, බාහිරං ආහාරං, උතුසමුට‍්ඨානං.
අනුපාදින‍්නඅනුපාදානියං ධම‍්මං පටිච‍්ච, උපාදින‍්නුපාදානියං ධම‍්මං පටිච‍්ච නිස‍්සයපච‍්චයා නව පඤ‍්හා, උපනිස‍්සය පච‍්චයා.
උපාදින‍්නුපාදානියං ධම‍්මං පටිච‍්ච, උපාදින‍්නුපාදානියො ධම‍්මො උප‍්පජ‍්ජති පුරෙජාතපච‍්චයා: තීණි, පඤ‍්හා.
අනුපාදින‍්නුපාදානියං ධම‍්මං පටිච‍්ච, අනුපාදින‍්නුපාදානියො ධම‍්මො උප‍්පජ‍්ජති ආසෙවනපච‍්චයා: අනුපාදින‍්නුපාදානියං එකං ඛන්‍ධං පටිච‍්ච.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති ආසෙවන පච‍්චයා: අනුපාදින‍්නඅනුපාදානියං එකං ඛන්‍ධං පටිච‍්ච.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති කම‍්මපච‍්චයා, (හෙතුපච‍්චය සදිසා) (නව පඤ‍්හා.)
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති විපාකපච‍්චයා: තීණි
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති විපාක පච‍්චයා: එකං මහාභූතං පටිච‍්ච, මහාභූතෙ පටිච‍්ච චිත‍්තසමුට‍්ඨානං රූපං, උපාදාරූපං.
අනුපාදින‍්න අනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති විපාකපච‍්චයා: විපාකං අනුපාදින‍්නඅනුපාදානියං එකං ඛන්‍ධං පටිච‍්ච තයො ඛන්‍ධා (නව පඤ‍්හා.)
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති ආහාරපච‍්චයා -පෙ- ඉන්‍ද්‍රියපච‍්චයා, ඣානපච‍්චයා, මග‍්ගපච‍්චයා, සම‍්පයුත‍්තපච‍්චයා, විප‍්පයුත‍්තපච‍්චයා, අත්‍ථිපච‍්චයා, නත්‍ථිපච‍්චයා, විගතපච‍්චයා, අවිගතපච‍්චයා -පෙ- (යථා කුසලත‍්තිකස‍්ස පටිච‍්චවාරො සජ‍්ඣාය මග‍්ගෙන විත්‍ථාරිතො, එවං විත්‍ථාරෙතබ‍්බං.)
ගණනා
හෙතුයා නව, ආරම‍්මණෙ තීණි, අධිපතියා පඤ‍්ච, අනන‍්තරෙ තීණි, සමනන‍්තරෙ තීණි. සහජාතෙ නව, අඤ‍්ඤමඤ‍්ඤෙ තීණි, නිස‍්සයෙ නව, උපනිස‍්සයෙ තීණි. පුරෙජාතෙ තීණි, ආසෙවනෙ ද‍්වෙ, කම‍්මෙ නව, විපාකෙ නව, ආහාරෙ නව, ඉන්‍ද්‍රියෙ නව, ඣානෙ නව, මග‍්ගෙ නව, සම‍්පයුත‍්තෙ තීණි, විප‍්පයුත‍්තෙ නව, අත්‍ථියා නව, නත්‍ථියා තීණි. විගතෙ තීණි, අවිගතෙ නව, හෙතුපච‍්චයා ආරම‍්මණෙ තීණි, අවිගතෙ නව, (යථා කුසලත‍්තිකෙ පටිච‍්චගණනා සජ‍්ඣාය මග‍්ගෙන ගණිතා, එවං ගණෙතබ‍්බං)
අනුලොමං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා ද‍්වෙ ඛන්‍ධෙ පටිච‍්ච ද‍්වෙ ඛන්‍ධා, අහෙතුක පටිසන්‍ධික‍්ඛණෙ උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා කටත‍්තා ච රූපං, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා කටත‍්තා ච රූපං. ඛන්‍ධෙ පටිච‍්ච වත්‍ථු, වත්‍ථුං පටිච‍්ච ඛන්‍ධා, එකං, මහාභූතං පටිච‍්ච තයො මහාභූතා, මහාභූතෙ පටිච‍්ච කටත‍්තා රූපං, උපාදා රූපං අසඤ‍්ඤසත‍්තානං එකං මහාභූතං පටිච‍්ච, මහාභූතෙ පටිච‍්ච කටත‍්තා රූපං උපාදාරූපං.
උපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකෙ උපාදින‍්නුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ච අනුපාදින‍්නුපාදානියො ච ධම‍්මා උප‍්පජ‍්ජන‍්ති න හෙතුපච‍්චයා: අහෙතුකඋපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා චිත‍්තසමුට‍්ඨානඤ‍්ච රූපං, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා චිත‍්තසමුට‍්ඨානඤ‍්ච රූපං.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා චිත‍්තසමුට‍්ඨානඤ‍්ච රූපං, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා චිත‍්තසමුට‍්ඨානඤ‍්ච රූපං, අනුපාදින‍්නුපාදානියං එකං මහාභූතං, මහාභූතෙ පටිච‍්ච චිත‍්තසමුට‍්ඨානං රූපං උපාදාරූපං, බාහිරං ආහාරසමුට‍්ඨානං උතුසමුට‍්ඨානං එකං මහාභූතං පටිච‍්ච, මහාභූතෙ පටිච‍්ච උපාදාරූපං, විචිකිච‍්ඡා සහගතෙ උද‍්ධච‍්ච සහගතෙ ඛන්‍ධෙ පටිච‍්ච විචිකිච‍්ඡාසහගතො උද‍්ධච‍්ච සහගතො මොහො.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකෙ උපාදින‍්නුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උප‍්පාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: පටිසන්‍ධික‍්ඛණෙ උපාදින‍්නුපාදානියෙ ඛන්‍ධෙ පටිච‍්ච කටත‍්තාරූපං, ඛන්‍ධෙ පටිච‍්ච වත්‍ථු, එකං මහාභූතං පටිච‍්ච, අසඤ‍්ඤසත‍්තානං එකං මහාභූතං පටිච‍්ච.
උපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: උපාදින‍්නුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: අනුපාදින‍්නුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං, එකං මහාභූතං පටිච‍්ච, බාහිරං ආහාරසමුට‍්ඨානං, උතුසමුට‍්ඨානං. එකං මහාභූතං පටිච‍්ච.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: අනුපාදින‍්නඅනුපාදානියෙ ඛන්‍ධෙ පටිච‍්ච චිත‍්තසමුට‍්ඨානං රූපං.
අනුපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: අනුපාදින‍්නඅනුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: උපාදින‍්නුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න අධිපතිපච‍්චයා: පටිසන්‍ධි පරිපුණ‍්ණං තීණි පඤ‍්හා.
අනුපාදින‍්නුපාදානියං ධම‍්මං පටිච‍්ච, එකා පඤ‍්හා.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති න අධිපතිපච‍්චයා: අනුපාදින‍්න අනුපාදානියෙ ඛන්‍ධෙ පටිච‍්ච අනුපාදින‍්න අනුපාදානියා අධිපති.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න අධිපතිපච‍්චයා: උපාදින‍්නුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං, උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න අනන‍්තරපච‍්චයා -පෙ- න සමනන‍්තරපච‍්චයා න අඤ‍්ඤමඤ‍්ඤපච‍්චයා, න උපනිස‍්සය පච‍්චයා. න පුරෙජාතපච‍්චයා, න පච‍්ඡාජාතපච‍්චයා. න ආසෙවනපච‍්චයා: -පෙ-
අනුපාදින‍්නඅනුපාදානියං ධම‍්මං පටිච‍්ච අනුපාදින‍්න අනුපාදානියො ධම‍්මො උප‍්පජ‍්ජති න ආසෙවනපච‍්චයා: විපාකං අනුපාදින‍්න අනුපාදානියං එකං ඛන්‍ධං පටිච‍්ච තයො ඛන්‍ධො, (සංඛිත‍්තං. )
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න කම‍්මපච‍්චයා: අනුපාදින‍්නුපාදානියෙ ඛන්‍ධෙ පටිච‍්ච අනුපාදින‍්නුපාදානියා චෙතනා, බාහිරං, ආහාරසමුට‍්ඨානං, උතුසමුට‍්ඨානං එකං මහාභූතං පටිච‍්ච,
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති න කම‍්මපච‍්චයා, කුසලෙ අනුපාදින‍්නඅනුපාදානියෙ ඛන්‍ධෙ පටිච‍්ච අනුපාදින‍්නඅනුපාදානියා චෙතනා.
උපාදින‍්නුපාදානියං ධම‍්මං උපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: අසඤ‍්ඤසත‍්තානං එකං මහාභූතං පටිච‍්ච, මහාභූතෙ පටිච‍්ච කටත‍්තාරූපං උපාදාරූපං.
උපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: එකා පඤ‍්හා.
අනුපාදින‍්නුපාදානියං ධම‍්මං පටිච‍්ච අනුපාදින‍්න අනුපාදානියො ධම‍්මො උප‍්පජ‍්ජති න විපාකපච‍්චයා: කුසලං අනුපාදින‍්න අනුපාදානියං එකං ඛන්‍ධං පටිච‍්ච තයො ඛන්‍ධා, තීණි, පඤ‍්හා.
අනුපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: කුසලෙ අනුපාදින‍්න අනුපාදානියෙ ඛන්‍ධෙ ච මහාභූතෙ ච පටිච‍්ච චිත‍්තසමුට‍්ඨානං රූපං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න ආහාරපච‍්චයා: අසඤ‍්ඤසත‍්තානං එකං මහාභූතං පටිච‍්ච.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ආහාරපච‍්චයා: බාහිරං උතුසමුට‍්ඨානං එකං මහාභූතං පටිච‍්ච, (සංඛිත‍්තං.) උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න ඉන්‍ද්‍රියපච‍්චයා: අසඤ‍්ඤසත‍්තානං මහාභූතෙ පටිච‍්ච රූපජීවිතින්‍ද්‍රියං.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ඉන්‍ද්‍රියපච‍්චයා: බාහිරං ආහාරසමුට‍්ඨානං, උතුසමුට‍්ඨානං එකං මහාභූතං.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න ඣානපච‍්චයා පඤ‍්චවිඤ‍්ඤාණසහගතං එකං ඛන්‍ධං පටිච‍්ච තයො ඛන්‍ධා. (සංඛිත‍්තං.) අසඤ‍්ඤසත‍්තානං එකං මහාභූතං පටිච‍්ච.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න ඣානපච‍්චයා: බාහිරං, ආහාරසමුට‍්ඨානං උතුසමුට‍්ඨානං එකං මහාභූතං පටිච‍්ච.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න මග‍්ගපච‍්චයා: අහෙතුකං උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා, පඤ‍්ච පඤ‍්හා.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න සම‍්පයුත‍්තපච‍්චයා: (නආරම‍්මණපච‍්චය සදිසං.)
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති න විප‍්පයුත‍්තපච‍්චයා: ආරුප‍්පෙ උපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා. අසඤ‍්ඤසත‍්තානං එකං මහාභූතං පටිච‍්ච.
අනුපාදින‍්නුපාදානියං ධම‍්මං පටිච‍්ච අනුපාදින‍්නුපාදානියො ධම‍්මො උප‍්පජ‍්ජති න විප‍්පයුත‍්තපච‍්චයා: ආරුප‍්පෙ අනුපාදින‍්නුපාදානියං එකං ඛන්‍ධං පටිච‍්ච තයො ඛන්‍ධා, බාහිරං ආහාරසමුට‍්ඨානං උතුසමුට‍්ඨානං එකං මහාභූතං පටිච‍්ච.
අනුපාදින‍්නඅනුපාදානියං ධම‍්මං පටිච‍්ච අනුපාදින‍්නඅනුපාදානියො ධම‍්මො උප‍්පජ‍්ජති න විප‍්පයුත‍්තපච‍්චයා: ආරුප‍්පෙ අනුපාදින‍්නඅනුපාදානියං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා.
උපාදින‍්නුපාදානියං ධම‍්මං පටිච‍්ච උපාදින‍්නුපාදානියො ධම‍්මො උප‍්පජ‍්ජති නො නත්‍ථිපච‍්චයා, නො විගතපච‍්චයා -පෙ- (යථා කුසලත‍්තිකෙ පච‍්චනියවාරො විත්‍ථාරිතො එවං විථොරෙතබ‍්බො)
ගණනා.
නහෙතුයා පඤ‍්ච, න ආරම‍්මණෙ ඡ, න අධිපතියා ඡ, න අනන‍්තරෙ ඡ, න සමනන‍්තරෙ ඡ, න අඤ‍්ඤමඤ‍්ඤෙ ඡ, න උපනිස‍්සයෙ ඡ, න පුරෙජාතෙ සත‍්ත, න පච‍්ඡාජාතෙ නව, න ආසෙවනෙ නව, න කම‍්මෙ ද‍්වෙ, න විපාකෙ ඡ, න ආහාරෙ ද‍්වෙ, න ඉන්‍ද්‍රියෙ ද‍්වෙ, න ඣානෙ ද‍්වෙ, න මග‍්ගෙ පඤ‍්ච, න සම‍්පයුත‍්තෙ ඡ, න විප‍්පයුත‍්තෙ තීණි, නො නත්‍ථියා ඡ, නො විගතෙ ඡ.
න හෙතුපච‍්චයා න ආරම‍්මණෙ චත‍්තාරි, (සංඛිත‍්තං) නො විගතෙ චත‍්තාරි, (යථා කුසලත‍්තිකෙ ගණනා, එවං ගණෙතබ‍්බං)
පච‍්චනීයං.
හෙතුපච‍්චයා න ආරම‍්මණෙ ඡ, (සංඛිත‍්තං.) නො විගතෙ ඡ, (යථා කුසලත‍්තිකෙ අනුලොමපච‍්චනීය ගණනා, එවං ගණෙතබ‍්බා, )
අනුලොමපච‍්චනීයං.
න හෙතුපච‍්චයා ආරම‍්මණෙ ද‍්වෙ, (සංඛිත‍්තං.) අවිගතෙ පඤ‍්ච, (යථා කුසලත‍්තිකෙ පච‍්චනීයානුලොම ගණනා, එවං ගණෙතබ‍්බා, )
පච‍්චනීයානුලොමං.
පටිච‍්චවාරො.
උපාදින‍්නුපාදානියං ධම‍්මං සහජාතො උපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා -පෙ- (පටිච‍්චවාරොපි සහජාතවාරොපි සදිසො).
සහජාතවාරො
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියං එකං ඛන්‍ධං පච‍්චයා තයො ඛන්‍ධා, පටිසන්‍ධික‍්ඛණෙ ඛන්‍ධෙ පච‍්චයා වත්‍ථු, වත්‍ථුං පච‍්චයා ඛන්‍ධා, එකං මහාභූතං පච‍්චයා තයො මහාභූතා, මහාභූතෙ පච‍්චයා කටත‍්තාරූපං, උපාදාරූපං, වත්‍ථුං පච‍්චයා උපාදින‍්නුපාදානියා ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති හෙතු පච‍්චයා: උපාදින‍්නුපාදානියෙ ඛන්‍ධෙ පච‍්චයා චිත‍්තසමුට‍්ඨානං රූපං, වත්‍ථුං පච‍්චයා අනුපාදින‍්නුපාදානියා ඛන්‍ධා,
උපාදින‍්නුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජති හෙතුපච‍්චයා: වත්‍ථුං පච‍්චයා අනුපාදින‍්නඅනුපාදානියා ඛන්‍ධා.
උපාදින‍්නුපාදානියං ධම‍්මං පච‍්චයා උපාදින‍්නඅනුපාදානියො ච අනුපාදින‍්නුපාදානියො ච ධම‍්මා උප‍්පජ‍්ජති හෙතුපච‍්චයා: උපාදින‍්නුපාදානියං එකං ඛන්‍ධං, පච‍්චයා තයො ඛන්‍ධා චිත‍්තසමුට‍්ඨානඤ‍්ච රූපං.
අනුපාදින‍්නුපාදානියං ධම‍්මං පච‍්චයා: අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: එකා පඤ‍්හා.
අනුපාදින‍්නඅනුපාදානියං ධම‍්මං පච‍්චයා: අනුපාදින‍්නඅනුපාදානියො ධම‍්මො උප‍්පජ‍්ජති හෙතුපච‍්චයා: තීණි පඤ‍්හා.
උපාදින‍්නුපාදානියඤ‍්ච අනුපාදින‍්න අනුපාදානියඤ‍්ච ධම‍්මං පච‍්චයා අනුපාදින‍්න අනුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්න අනුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
අනුපාදින‍්නුපාදානියඤ‍්ච අනුපාදින‍්න අනුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්න අනුපාදානියෙ ඛන්‍ධෙ ච මහාභූතෙ ච පච‍්චයා චිත‍්තසමුට‍්ඨානං රූපං. .
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියෙ ඛන්‍ධෙ ච මහාභූතෙ ච පච‍්චයා, චිත‍්තසමුට‍්ඨානං රූපං. අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති ආරම‍්මණපච‍්චයා: උපාදින‍්නුපාදානියං එකං ඛන්‍ධං පච‍්චයා තයො ඛන්‍ධා, ද‍්වෙ ඛන්‍ධෙ පච‍්චයා ද‍්වෙ ඛන්‍ධා, පටිසන්‍ධික‍්ඛණෙ උපාදින‍්නුපාදානියං එකං ඛන්‍ධං පච‍්චයා තයො ඛන්‍ධා, ද‍්වෙ ඛන්‍ධෙ පච‍්චයා ද‍්වෙ ඛන්‍ධා, වත්‍ථුං පච‍්චයා ඛන්‍ධා, චක‍්ඛායතනං පච‍්චයා චක‍්ඛුවිඤ‍්ඤාණං -පෙ- කායායතනං කායවිඤ‍්ඤාණං, වත්‍ථුං පච‍්චයා උපාදින‍්නුපාදානියං ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති ආරම‍්මණපච‍්චයා: වත්‍ථුං පච‍්චයා අනුපාදින‍්නුපාදානියා ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්න අනුපාදානියො ධම‍්මො උප‍්පජ‍්ජති ආරම‍්මණපච‍්චයා: වත්‍ථුං පච‍්චයා අනුපාදින‍්නඅනුපාදානියා ඛන්‍ධා.
අනුපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති ආරම‍්මණපච‍්චයා: අනුපාදින‍්නුපාදානියං එකං ඛන්‍ධං පච‍්චයා තයො ඛන්‍ධා, ද‍්වෙ ඛන්‍ධෙ පච‍්චයා ද‍්වෙ ඛන්‍ධා.
අනුපාදින‍්න අනුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති ආරම‍්මණපච‍්චයා: අනුපාදින‍්නඅනුපාදානියං එකං ඛන්‍ධං පච‍්චයා තයො ඛන්‍ධා, ද‍්වෙ ඛන්‍ධෙ පච‍්චයා ද‍්වෙ ඛන්‍ධා.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති ආරම‍්මණපච‍්චයා: අනුපාදින‍්නඅනුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති ආරම‍්මණපච‍්චයා: අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති අධිපතිපච‍්චයා: වත්‍ථුං පච‍්චයා අනුපාදින‍්නුපාදානියං ඛන්‍ධා.
අනුපාදින‍්නුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති අධිපතිපච‍්චයා: වත්‍ථුං පච‍්චයා අනුපාදින‍්නඅනුපාදානියා ඛන්‍ධා.
අනුපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති අධිපතිපච‍්චයා: එකංපඤ‍්හා අනුපාදින‍්න අනුපාදානියං ධම‍්මා පච‍්චයා තිස‍්සො පඤ‍්හා.
උපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පච‍්චයා අධිපතිපච‍්චයා: අනුපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං
පච‍්චයා අධිපතිපච‍්චයා, උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං, පච‍්චයා අනුපාදින‍්නුපාදානියො ධම‍්මො උප‍්පජ‍්ජති අධිපතිපච‍්චයා, අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති අනන‍්තරපච‍්චයා: (චතුවීසති පච‍්චයා විත්‍ථාරෙතබ‍්බා)
ගණනා
අවිගතපච‍්චයා හෙතුයා එකාදස, ආරම‍්මණෙ සත‍්ත, අධිපතියා නව, අනන‍්තරෙ සත‍්ත, සමනන‍්තරෙ සත‍්ත, සහජාතෙ එකාදස, අඤ‍්ඤමඤ‍්ඤෙ සත‍්ත, නිස‍්සයෙ එකාදස, උපනිස‍්සයෙ සත‍්ත, පුරෙජාතෙ සත‍්ත, ආසෙවනෙ ඡ, කම‍්මෙ එකාදස, විපාකෙ එකාදස, ආහාරෙ එකාදස, ඉන්‍ද්‍රියෙ එකාදස, ඣානෙ එකාදස, මග‍්ගෙ එකාදස, සම‍්පයුත‍්තෙ සත‍්ත, විප‍්පයුත‍්තෙ එකාදස, අත්‍ථියා එකාදස, නත්‍ථියා සත‍්ත, විගතෙ සත‍්ත, අවිගතෙ එකාදස.
හෙතුපච‍්චයා ආරම‍්මණෙ සත‍්ත, (සංඛිත‍්තං.) අවිගතෙ එකාදස, (යථා කුසලත‍්තිකෙ ගණනා, එවං ගණෙතබ‍්බා)
අනුලොමං
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං උපාදින‍්නුපාදානියං එකං ඛන්‍ධං පච‍්චයා, අහෙතුක පටිසන්‍ධික‍්ඛණෙ, අසඤ‍්ඤසත‍්තානං එකං මහාභූතං, චක‍්ඛායතනං පච‍්චයා චක‍්ඛුවිඤ‍්ඤාණං, කායායතනං පච‍්චයා කායවිඤ‍්ඤාණං වත්‍ථුං පච‍්චයා අහෙතුකා උපාදින‍්නුපාදානියං ඛන්‍ධා.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකෙ උපාදින‍්නුපාදානියෙ ඛන්‍ධෙ පච‍්චයා චිත‍්තසමුට‍්ඨානං රූපං, වත්‍ථුං පච‍්චයා ආහෙතුකා අනුපාදින‍්නුපාදානියා ඛන්‍ධා, වත්‍ථුං පච‍්චයා විචිකිච‍්ඡාසහගතො උද‍්ධච‍්චසහගතො මොහො.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ච අනුපාදින‍්නුපාදානියො ච ධම‍්මා උප‍්පජ‍්ජන‍්ති න හෙතුපච‍්චයා: අහෙතුකං උපාදින‍්නුපාදානියං එකං, ඛන්‍ධං පච‍්චයා තයො ඛන්‍ධා චිත‍්තසමුට‍්ඨානඤ‍්ච රූපං.
අනුපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං අනුපාදින‍්නුපාදානියං එකං ඛන්‍ධං පච‍්චයා තයො ඛන්‍ධා චිත‍්තසමුට‍්ඨානඤ‍්ච රූපං, -පෙ- බාහිරං ආහාරසමුට‍්ඨානං උතුසමුට‍්ඨානං එකං මහාභූතං -පෙ- රූපං. විචිකිච‍්ඡාසහගතෙ උද‍්ධච‍්චසහගතෙ ඛන්‍ධෙ පච‍්චයා විචිකිච‍්ඡා සහගතෙ උද‍්ධච‍්චසහගතො මොහො.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකෙ උපාදින‍්නුපාදානියෙ ඛන්‍ධෙ ච මහාභූතෙ ච පච‍්චයා චිත‍්තසමුට‍්ඨානං රූපං, අහෙතුකං අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා, ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා, විචිකිච‍්ඡාසහගතෙ උද‍්ධච‍්චසහගතෙ ඛන්‍ධෙ ච වත්‍ථුඤ‍්ච පච‍්චයා විචිකිච‍්ඡාසහගතො උද‍්ධච‍්චසහගතො මොහො.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති න ආරම‍්මණපච‍්චයා: (සංඛිත‍්තං.) න අධිපතිපච‍්චයා: උපාදින‍්නුපාදානියං එකං ඛන්‍ධං පච‍්චයා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න අධිපතිපච‍්චයා: උපාදින‍්නුපාදානියෙ ඛන්‍ධෙ පච‍්චයා චිත‍්තසමුට‍්ඨානං රූපං, වත්‍ථුං පච‍්චයා අනුපාදින‍්නුපාදානියා ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්න අනුපාදානියො ධම‍්මො උප‍්පජ‍්ජති න අධිපතිපච‍්චයා: වත්‍ථුං පච‍්චයා අනුපාදින‍්න අනුපාදානියා අධිපති.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ච අනුපාදින‍්නුපාදානියො ච ධම‍්මා උප‍්පජ‍්ජන‍්ති න අධිපතිපච‍්චයා: උපාදින‍්නුපාදානියං එකං ඛන්‍ධං පච‍්චයා තයො ඛන්‍ධා චිත‍්තසමුට‍්ඨානඤ‍්ච රූපං. -පෙ- අනුපාදින‍්නුපාදානියං ධම‍්මං පච‍්චයා එකා පඤ‍්හා.
අනුපාදින‍්නඅනුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න අධිපතිපච‍්චයා: අනුපාදින‍්නඅනුපාදානියෙ ඛන්‍ධෙ පච‍්චයා අනුපාදින‍්නඅනුපාදානියා අධිපති.
උපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න අධිපතිපච‍්චයා. අනුපාදින‍්නඅනුපාදානියෙ ඛන්‍ධෙ ච වත්‍ථුඤ‍්ච පච‍්චයා අනුපාදින‍්නඅනුපාදානියා අධිපති.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න අධිපති පච‍්චයා: අනුපාදින‍්න අනුපාදානියෙ ඛන්‍ධෙ ච වත්‍ථුඤ‍්ච පච‍්චයා අනුපාදින‍්න අනුපාදානියා අධිපති, උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න අධිපති පච‍්චයා: උපාදින‍්නුපාදානියෙ ඛන්‍ධෙ ච මහාභූතෙ ච පච‍්චයා චිත‍්තසමුට‍්ඨානං රූපං, අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා. උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති, න අනන‍්තර පච‍්චයා: න සමනන‍්තරපච‍්චයා, න අඤ‍්ඤමඤ‍්ඤපච‍්චයා, න උපනිස‍්සයපච‍්චයා, න පුරෙජාතපච‍්චයා, න පච‍්ඡාජාතපච‍්චයා, න ආසෙවන පච‍්චයා, -පෙ-.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න කම‍්මපච‍්චයා: වත්‍ථුං පච‍්චයා අනුපාදින‍්නුපාදානියා චෙතනා.
උපාදින‍්නුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න කම‍්මපච‍්චයා: වත්‍ථුං පච‍්චයා කුසලා, අනුපාදින‍්න අනුපාදානියා චෙතනා.
අනුපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න කම‍්මපච‍්චයා: අනුපාදින‍්නුපාදානියෙ ඛන්‍ධෙ පච‍්චයා අනුපාදින‍්නුපාදානියා චෙතනා. බාහිරං ආහාරසමුට‍්ඨානං උතුසමුට‍්ඨානං එකං මහාභූතං පච‍්චයා.
අනුපාදින‍්නඅනුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න කම‍්මපච‍්චයා: කුසලෙ අනුපාදින‍්නඅනුපාදානියෙ ඛන්‍ධෙ පච‍්චයා අනුපාදින‍්නඅනුපාදානියා චෙතනා.
උපාදින‍්නුපාදානිඤ‍්ච අනුපාදින‍්නඅනුපාදානියඤ‍්ච ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න කම‍්මපච‍්චයා: කුසලෙ අනුපාදින‍්නඅනුපාදානියෙ ඛන්‍ධෙ ච වත්‍ථුඤ‍්ච පච‍්චයා අනුපාදින‍්නඅනුපාදානියා කුසලා චෙතනා.
උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න කම‍්මපච‍්චයා: අනුපාදින‍්නුපාදානියෙ ඛන්‍ධෙ ච වත්‍ථුඤ‍්ච පච‍්චයා අනුපාදින‍්නුපාදානියා චෙතනා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: අසඤ‍්ඤසත‍්තානං එකං මහාභූතං පච‍්චයා.
උපාදින‍්නුපාදානියං ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: වත්‍ථුං පච‍්චයා අනුපාදින‍්නුපාදානියා ඛන්‍ධා.
උපාදින‍්නුපාදානියං ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න විපාකපච‍්චයා: වත්‍ථුං පච‍්චයා කුසලා අනුපාදින‍්නුපාදානියා ඛන්‍ධා.
අනුපාදින‍්නුපාදානියං ධම‍්මං පච‍්චයා එකා පඤ‍්හා.
අනුපාදින‍්නඅනුපාදානියං ධම‍්මං පච‍්චයා තීණි.
උපාදින‍්නුපාදානියඤ‍්ච අනුපාදින‍්නඅනුපාදානියඤ‍්ච ධම‍්මං පච‍්චයා අනුපාදින‍්නඅනුපාදානියො ධම‍්මො උප‍්පජ‍්ජති න විපාකපච‍්චයා: (සංඛිත‍්තං.)
අනුපාදින‍්නුපාදානියඤ‍්ච අනුපාදින‍්න අනුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: (සංඛිත‍්තං.) උපාදින‍්නුපාදානියඤ‍්ච අනුපාදින‍්නුපාදානියඤ‍්ච ධම‍්මං පච‍්චයා අනුපාදින‍්නුපාදානියො ධම‍්මො උප‍්පජ‍්ජති න විපාකපච‍්චයා: අනුපාදින‍්නුපාදානියං එකං ඛන්‍ධඤ‍්ච වත්‍ථුඤ‍්ච පච‍්චයා තයො ඛන්‍ධා. ද‍්වෙ ඛන්‍ධෙ ච වත්‍ථුඤ‍්ච පච‍්චයා ද‍්වෙ ඛන්‍ධා.
උපාදින‍්නුපාදානියං ධම‍්මං පච‍්චයා උපාදින‍්නුපාදානියො ධම‍්මො උප‍්පජ‍්ජති න ආහාරපච‍්චයා, න ඉන්‍ද්‍රියපච‍්චයා, න ඣානපච‍්චයා, න මග‍්ගපච‍්චයා, න සම‍්පයුත‍්තපච‍්චයා න විප‍්පයුත‍්තපච‍්චයා, නො නත්‍ථි පච‍්චයා නො විගතපච‍්චයා -පෙ-.
ගණනා.
න හෙතුයා පඤ‍්ච, න ආරම‍්මණෙ ඡ, න අධිපතියා අට‍්ඨ, න අනන‍්තරෙ ඡ, න සමනන‍්තරෙ ඡ, න අඤ‍්ඤමඤ‍්ඤෙ ඡ, න උපනිස‍්සයෙ ඡ, න පුරෙජාතෙ සත‍්ත, න පච‍්ඡාජාතෙ එකාදස, න ආසෙවෙන එකාදස, න කම‍්මෙ ඡ, න විපාකෙ දස, න ආහාරෙ ද‍්වෙ, න ඉන්‍ද්‍රියෙ ද‍්වෙ, න ඣානෙ ද‍්වෙ, න මග‍්ගෙ පඤ‍්ච, න සම‍්පයුත‍්තෙ ඡ, න විප‍්පයුත‍්තෙ තීණි, නො නත්‍ථියා ඡ, නො
විගතෙ ඡ, (විත්‍ථාරෙන ගණෙතබ‍්බං) හෙතුපච‍්චයා න ආරම‍්මණෙ ඡ, (සංඛිත‍්තං.) නො විගතෙ ඡ, (විත්‍ථාරෙන ගණෙතබ‍්බං,) න හෙතුපච‍්චයා ආරම‍්මණෙ චත‍්තාරි, (සංඛිත‍්තං.) අවිගතෙ පඤ‍්ච.
පච‍්චයවාරො.
නිස‍්සයවාරො
උපාදින‍්නුපාදානියං ධම‍්මං නිස‍්සය උපාදින‍්නුපාදානියො ධම‍්මෙ උප‍්පජ‍්ජති හෙතුපච‍්චයා: උපාදින‍්නුපාදානියං එකං ඛන්‍ධං නිස‍්සාය තයො ඛන්‍ධා, තයො ඛන්‍ධෙ නිස‍්සාය, (සංඛිත‍්තං.)
(පච‍්චයවාරො’පි නිස‍්සයවාරො’පි සදිසො.)
නිස‍්සයවාරො.
සංසට‍්ඨවාරො.
උපාදින‍්නුපාදානියං ධම‍්මං සංසට‍්ඨො උපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: උපාදින‍්නුපාදානියං එකං ඛන්‍ධං සංසට‍්ඨා තයො ඛන්‍ධා, තයො ඛන්‍ධෙ සංසට‍්ඨො එකො ඛන්‍ධො, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා, පටිසන්‍ධික‍්ඛණෙ උපාදින‍්නුපාදානියං එකං ඛන්‍ධං සංසට‍්ඨා තයො ඛන්‍ධා, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා.
අනුපාදින‍්නුපාදානියං ධම‍්මං සංසට‍්ඨො අනුපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්නුපාදානියං එකං ඛන්‍ධං සංසට‍්ඨා තයො ඛන්‍ධා, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා,
අනුපාදින‍්නඅනුපාදානියං ධම‍්මං සංසට‍්ඨො අනුපාදින‍්න අනුපාදානියො ධම‍්මො උප‍්පජ‍්ජති හෙතුපච‍්චයා: අනුපාදින‍්නඅනුපාදානියං එකං ඛන්‍ධං සංසට‍්ඨා තයො ඛන්‍ධා, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා, හෙතුයා තීණි, ( සංඛිත‍්තං.)
ගණනා
අධිපතියා ද‍්වෙ, ආසෙවනෙ ද‍්වෙ, විපාකෙ ද‍්වෙ, (සංඛිත‍්තං.) අවිගතෙ තීණි, (යථා කුසලත‍්තිකෙ ගණනා, එවං ගණෙතබ‍්බා).
උපාදින‍්නුපාදානියං ධම‍්මං සංසට‍්ඨො උපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං උපාදින‍්නුපාදානියං එකං ඛන්‍ධං, සංසට‍්ඨා තයො ඛන්‍ධා, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා, අහෙතුකපටිසන්‍ධික‍්ඛණෙ.
අනුපාදින‍්නුපාදානියං ධම‍්මං සංසට‍්ඨො අනුපාදින‍්නුපාදානියො ධම‍්මො උප‍්පජ‍්ජති න හෙතුපච‍්චයා: අහෙතුකං අනුපාදින‍්නුපාදානියං එකං ඛන්‍ධං, සංසට‍්ඨා තයො ඛන්‍ධා, ද‍්වෙ ඛන්‍ධෙ සංසට‍්ඨා ද‍්වෙ ඛන්‍ධා, විචිකිච‍්ඡානුසහගතෙ උද‍්ධච‍්චසහගතෙ ඛන්‍ධෙ සංසට‍්ඨො විචිකිච‍්ඡා සහගතො උද‍්ධච‍්චසහගතො මොහො. (සංඛිත‍්තං.)
ගණනා
න හෙතුයා ද‍්වෙ, න අධිපතියා තීණි, න විප‍්පයුත‍්තෙ තීණි, (සංඛිත‍්තං.) පච‍්චනීයං හෙතුපච‍්චයා න අධිපතියා තීණි, න විප‍්පයුත‍්තෙ තීණි, න හෙතුපච‍්චයා ආරම‍්මණෙ ද‍්වෙ, (සංඛිත‍්තං.) අවිගතෙ ද‍්වෙ.
සංසට‍්ඨවාරො.
සම‍්පයුත‍්තවාරො.
උපාදින‍්නුපාදානියං ධම‍්මං සම‍්පයුත‍්තො උපාදින‍්නුපාදානියො ධම‍්මො උප‍්පජ‍්ජති හෙතුපච‍්චයා: හෙතුයා තීණි, (සංඛිත‍්තං.) අවිගතෙ තීණි, (සංසට‍්ඨවාරොපි සම‍්පයුත‍්තවාරො පි සදිසො.)
සම‍්පයුත‍්තවාරො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස හෙතුපච‍්චයෙන පච‍්චයො: උපාදින‍්නුපාදානියා හෙතුසම‍්පයුත‍්තකානං ඛන්‍ධානං හෙතුපච‍්චයෙන පච‍්චයො, පටිසන්‍ධික‍්ඛණෙ උපාදින‍්නුපාදානියා හෙතුසම‍්පයුත‍්තකානං ඛන්‍ධානං කටත‍්තා ච රූපානං හෙතුපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස හෙතුපච‍්චයෙන පච‍්චයො: උපාදින‍්නුපාදානියා හෙතු චිත‍්තසමුට‍්ඨානානං රූපානං හෙතුපච‍්චයෙන පච‍්චයො:
උපාදින‍්නුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස හෙතුපච‍්චයෙන පච‍්චයො: උපාදින‍්නුපාදානියා හෙතුසම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං හෙතුපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස හෙතුපච‍්චයෙන පච‍්චයො: අනුපාදින‍්නුපාදානියා හෙතු ස‍්මපයුත‍්තකානං ඛන්‍ධානං චිත‍්තසමුට‍්ඨානානඤ‍්ච රූපානං හෙතු පච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස හෙතුපච‍්චයෙන පච‍්චයො: අනුපාදින‍්නඅනුපාදානියා හෙතු සම‍්පයුත‍්තකානං ඛන්‍ධානං හෙතුපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස හෙතුපච‍්චයෙන පච‍්චයො: අනුපාදින‍්නඅනුපාදානියා හෙතු චිත‍්තසමුට‍්ඨානානං රූපානං හෙතුපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස හෙතුපච‍්චයෙන පච‍්චයො: අනුපාදින‍්නඅනුපාදානියා හෙතුසම‍්පයුත‍්තකානං ඛන්‍ධානං චිත‍්තසමුට‍්ඨානානඤ‍්ච රූපානං හෙතුපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො: සෙක‍්ඛා වා පුථුජ‍්ජනා වා චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති අස‍්සාදෙන‍්ති, අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, සොතං, ඝානං, ජිව‍්හං, කායං උපාදින‍්නුපාදානියෙ රූපෙ, ගන්‍ධෙ, රසො, ඵොට‍්ඨබ‍්බෙ, වත්‍ථුං, උපාදින‍්නුපාදානියෙ ඛන්‍ධෙ අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, උපාදින‍්නුපාදානියං රූපායතනං චක‍්ඛුවිඤ‍්ඤාණස‍්ස, උපාදින‍්නුපාදානියං ගන්‍ධායතනං රසායතනං ඵොට‍්ඨබ‍්බායතනං කායවිඤ‍්ඤාණස‍්ස ආරම‍්මණපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො. චක‍්ඛුං අනිච‍්චතො දුක‍්ඛතො අනත‍්තතො විපස‍්සති. අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති දොමනස‍්සං උප‍්පජ‍්ජති, සොතං - ඝානං - ජිව‍්හං - කායං - උපාදින‍්නුපාදානියෙ රූපෙ - ගන්‍ධෙ - රසෙ- ඵොට‍්ඨබ‍්බෙ - වත්‍ථුං උපාදින‍්නුපාදානියෙ ඛන්‍ධෙ අනිච‍්චතො දුක‍්ඛතො අනත‍්තතො විපස‍්සති, අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති දිබ‍්බෙන චක‍්ඛුනා උපාදින‍්නුපාදානියං රූපං පස‍්සති, චෙතොපරියඤාණෙන උපාදින‍්නුපාදානියචිත‍්තසමඞ‍්ගිස‍්ස චිත‍්තං ජානාති, උපාදින‍්නුපාදානියා ඛන්‍ධා ඉද‍්ධිවිධඤාණස‍්ස, චෙතොපරියඤාණස‍්ස, පුබ‍්බෙනිවාසානුස‍්සති ඤාණස‍්ස, අනාගතංසඤාණස‍්ස ආවජ‍්ජනාය ආරම‍්මණපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො: දානං දත්‍වා සීලං සමාදියිත්‍වා උපොසථකම‍්මං කත්‍වා තං පච‍්චවෙක‍්ඛති, පුබ‍්බෙ සුචිණ‍්ණානි පච‍්චවෙක‍්ඛති, ඣානා වුට‍්ඨහිත්‍වා ඣානං පච‍්චවෙක‍්ඛති. අරියා ගොත්‍රභුං පච‍්චවෙක‍්ඛන‍්ති, වොදානං පච‍්චවෙක‍්ඛන‍්ති, අරියා පහීනෙ කිලෙසෙ පච‍්චවෙක‍්ඛන‍්ති, වික‍්ඛම‍්භිතෙ කිලෙසෙ පච‍්චවෙක‍්ඛන‍්ති, පුබ‍්බෙ සුමුදාචිණ‍්ණෙ කිලෙසෙ ජානන‍්ති, අනුපාදින‍්නුපාදානියෙ -රූපෙ - සද‍්දෙ - ගන්‍ධෙ - රසෙ - ඵොට‍්ඨබ‍්බෙ - අනුපාදින‍්නුපාදානියෙ ඛන්‍ධෙ අනිච‍්චතො දුක‍්ඛතො අනත‍්තතො විපස‍්සන‍්ති අස‍්සාදෙන‍්ති අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, දිබ‍්බෙන චක‍්ඛුනා අනුපාදින‍්නුපාදානියං රූපං පස‍්සන‍්ති, දිබ‍්බාය සොතධාතුයා සද‍්දං සුණන‍්ති, චෙතොතපරියඤාණෙන අනුපාදින‍්නුපාදානියචිත‍්තසමඞ‍්ගිස‍්ස චිත‍්තං ජානන‍්ති. ආකාසානඤ‍්චායතනං විඤ‍්ඤාණඤ‍්චායතනස‍්ස ආරම‍්මණ පච‍්චයෙන පච‍්චයො. ආකිඤ‍්චඤ‍්ඤායතනං නෙවසඤ‍්ඤානාසඤ‍්ඤායතනස‍්ස ආරම‍්මණපච‍්චයෙන පච‍්චයො, අනුපාදින‍්නුපාදානියා ඛන්‍ධා ඉද‍්ධිවිධඤාණස‍්ස චෙතොපරියඤාණස‍්ස, පුබ‍්බෙනිවාසානුස‍්සති ඤාණස‍්ස, යථා කම‍්මුපගඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො: සෙක‍්ඛා වා පුථුජ‍්ජනා වා අනුපාදින‍්නුපාදානියෙ -රූපෙ - සද‍්දෙ - ගන්‍ධෙ - රසෙ - ඵොට‍්ඨබ‍්බෙ - අනුපාදින‍්නුපාදානියෙ පාදානියෙ ඛන්‍ධෙ අනිච‍්චතො දුක‍්ඛතො අනත‍්තතො විපස‍්සන‍්ති අස‍්සාදෙන‍්ති අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, ආකාසානඤ‍්චායතනකුසලං විඤ‍්ඤාණඤ‍්චායතනවිපාකස‍්ස ආරම‍්මණ පච‍්චයෙන පච‍්චයො, ආකිඤ‍්චඤ‍්ඤායතනකුසලං නෙවසඤ‍්ඤානාසඤ‍්ඤායතනස‍්ස ආරම‍්මණපච‍්චයෙන පච‍්චයො, අනුපාදින‍්නුපාදානියං රූපායතනං චක‍්ඛුවිඤ‍්ඤාණස‍්ස, ඵොට‍්ඨබ‍්බායතනං කායවිඤ‍්ඤාණස‍්ස, ආරම‍්මණපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, නිබ‍්බානං මග‍්ගස‍්ස, ඵලස‍්ස, ආරම‍්මණපච‍්චයෙන පච‍්චයො, අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, අරියා මග‍්ගා වුට‍්ඨහිත්‍වා මග‍්ගං පච‍්චවෙක‍්ඛන‍්ති, ඵලං පච‍්චවෙක‍්ඛන‍්ති, නිබ‍්බානං පච‍්චවෙක‍්ඛන‍්ති, නිබ‍්බානං ගොත්‍රභුස‍්ස, වොදානස‍්ස, ආවජ‍්ජනාය ආරම‍්මණපච‍්චයෙන පච‍්චයො, අරියා චෙතොපරියඤාණෙන [ත් - 22]
අනුපාදින‍්න අනුපාදානියා චිත‍්තසමඞ‍්ගිස‍්ස චිත‍්තං ජානන‍්ති, අනුපාදින‍්න අනුපාදානියා ඛන්‍ධා චෙතොපරියඤාණස‍්ස, පුබ‍්බෙනිවාසානුස‍්සති ඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අධිපතිපච‍්චයෙන පච‍්චයො: ආරම‍්මණාධිපති චක‍්ඛුං ගරුං කත්‍වා අස‍්සාදෙති අභිනන්‍දති, තං ගරුං කත්‍වා රාගො උප‍්පජ‍්ජති, දිට‍්ඨි උප‍්පජ‍්ජති, සොතං - ඝානං - ජිව‍්හං - කායං - උපාදින‍්නුපාදානියෙ රූපෙ, ගන්‍ධෙ - රසෙ - ඵොට‍්ඨබ‍්බෙ - වත්‍ථුං උපාදින‍්නුපාදානියෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා රාගො උප‍්පජ‍්ජති, දිට‍්ඨි උප‍්පජ‍්ජති.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අධිපතිපච‍්චයෙන පච‍්චයො: ආරම‍්මණාධිපති, සහජාතාධිපති, ආරම‍්මණාධිපති දානං දත්‍වා සීලං සමාදියිත්‍වා උපොසථකම‍්මං කත්‍වා තං ගරුං කත්‍වා පච‍්චවෙක‍්ඛති, පුබ‍්බෙ සුචිණ‍්ණානි ගරුං කත්‍වා පච‍්චවෙක‍්ඛති, ඣානා වුට‍්ඨහිත්‍වා ඣානං ගරුං කත්‍වා පච‍්චවෙක‍්ඛති, සෙක‍්ඛා ගොත්‍රභුං ගරුං කත්‍වා පච‍්චවෙක‍්ඛන‍්ති, වොදානං ගරුං කත්‍වා පච‍්චවෙක‍්ඛන‍්ති, අනුපාදින‍්නුපාදානියෙ -රූපෙ - සද‍්දෙ - ගන්‍ධෙ - රසෙ - ඵොට‍්ඨබ‍්බෙ - අනුපාදින‍්නුපාදානියෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා රාගො උප‍්පජ‍්ජති, දිට‍්ඨි උප‍්පජ‍්ජති, සහජාතාධිපති අනුපාදින‍්නුපාදානියාධිපති සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං අධිපතිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස අධිපතිපච‍්චයෙන පච‍්චයො: ආරම‍්මණාධිපති, සහජාතාධිපති, ආරම‍්මණාධිපති නිබ‍්බානං මග‍්ගස‍්ස ඵලස‍්ස අධිපතිපච‍්චයෙන පච‍්චයො සහජාතාධිපති අනුපාදින‍්නඅනුපාදානියාධිපති සම‍්පයුත‍්තකානං ඛන්‍ධානං අධිපතිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අධිපතිපච‍්චයෙන පච‍්චයො: ආරම‍්මණාධිපති, සහජාතාධිපති, ආරම‍්මණාධිපති අරියා මග‍්ග වුට‍්ඨහිත්‍වා මග‍්ගං ගරුං කත්‍වා පච‍්චවෙක‍්ඛන‍්ති, ඵලං ගරුං කත්‍වා පච‍්චවෙක‍්ඛන‍්ති, නිබ‍්බානං ගරුං කත්‍වා පච‍්චවෙක‍්ඛන‍්ති, නිබ‍්බානං ගොත්‍රභුස‍්ස, වොදානස‍්ස, අධිපතිපච‍්චයෙන පච‍්චයො, සහජාතාධිපති අනුපාදින‍්නඅනුපාදානියාධිපති චිත‍්තසමුට‍්ඨානානං රූපානං අධිපතිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ච අනුපාදින‍්නඅනුපාදානියස‍්ස ච ධම‍්මස‍්ස අධිපතිපච‍්චයෙන පච‍්චයො: සහජාතාධිපති අනුපාදින‍්න අනුපාදානියාධිපති සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං අධිපතිපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස අනන‍්තර පච‍්චයෙන පච‍්චයො: පුරිමා පුරිමා උපාදින‍්නුපාදානියා ඛන්‍ධා පච‍්ඡිමානං පච‍්ඡිමානං උපාදින‍්නුපාදානියානං ඛන්‍ධානං අනන‍්තරපච‍්චයෙන පච‍්චයො: පඤ‍්චවිඤ‍්ඤාණං විපාකමනොධාතුයා අනන‍්තරපච‍්චයෙන පච‍්චයො. විපාකමනොධාතු විපාකමනොවිඤ‍්ඤාණධාතුයා අනන‍්තරපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: භවඞ‍්ගං ආවජ‍්ජනාය, විපාකමනොවිඤ‍්ඤාණධාතු කිරියාමනොවිඤ‍්ඤාණධාතුයා අනන‍්තරපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: පුරිමා පුරිමා අනුපාදින‍්නුපාදානියා ඛන්‍ධා පච‍්ඡිමානං පච‍්ඡිමානං අනුපාදින‍්නුපාදානියානං ඛන්‍ධානං අනන‍්තරපච‍්චයෙන පච‍්චයො, අනුලොමං ගොත්‍රභුස‍්ස, අනුලොමං වොදානස‍්ස, ආවජ‍්ජනා අනුපාදින‍්නුපාදානියානං ඛන්‍ධානං අනන‍්තරපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: ආවජ‍්ජනා පඤ‍්චන‍්නං විඤ‍්ඤාණානං අනන‍්තරපච‍්චයෙන පච‍්චයො. අනුපාදින‍්නුපාදානියා ඛන්‍ධා වුට‍්ඨානස‍්ස අනන‍්තරපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: ගොත්‍රභු මග‍්ගස‍්ස, වොදානං මග‍්ගස‍්ස අනුලොමං ඵලසමාපත‍්තියා, නිරොධා වුට‍්ඨහන‍්තස‍්ස නෙවසඤ‍්ඤානාසඤ‍්ඤායතනං ඵලසමාපත‍්තියා අනන‍්තරපච‍්චයෙන පච‍්චයො.
අනුපාදින‍්න අනුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: පුරිමා පුරිමා අනුපාදින‍්න අනුපාදානියා ඛන්‍ධා පච‍්ඡිමානං පච‍්ඡිමානං අනුපාදින‍්න අනුපාදානියානං ඛන්‍ධානං අනන‍්තරපච‍්චයෙන පච‍්චයො. මග‍්ගො ඵලස‍්ස, ඵලං ඵලස‍්ස, අනන‍්තරපච‍්චයෙන පච‍්චයො.
අනුපාදින‍්න අනුපාදානියො ධම‍්මො උපාදින‍්නුපාදානියස‍්ස ධම‍්මස‍්ස අනන‍්තරපච‍්චයෙන පච‍්චයො: ඵලං වුට‍්ඨානස‍්ස අනන‍්තරපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස සමනන‍්තරපච‍්චයෙන පච‍්චයො -පෙ- (අනත‍්තරපච‍්චය සදිසං.)
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස සහජාත පච‍්චයෙන පච‍්චයො: උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං සහජාතපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං පටිසන්‍ධික‍්ඛණෙ උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං කටත‍්තා ච රූපානං සහජාතපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං කටත‍්තා ච රූපානං. ඛන්‍ධා වත්‍ථුස‍්ස වත්‍ථු ඛන්‍ධානං, එකං මහාභූතං තිණ‍්ණන‍්නං මහාභූතානං, තයො මහාභූතා එකස‍්ස මහාභූතස‍්ස, ද‍්වෙ මහාභූතා ද‍්වින‍්නං මහාභූතානං. මහාභූතා, කටත‍්තාරූපානං උපාදාරූපානං සහජාතපච‍්චයෙන පච‍්චයො: අසඤ‍්ඤසත‍්තානං එකං මහාභූතං (සංඛිත‍්තං.)
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස සහජාතපච‍්චයෙන පච‍්චයො: උපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං සහජාතපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස සහජාතපච‍්චයෙන පච‍්චයො: උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානං ච රූපානං සහජාතපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං සහජාතපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස සහජාතපච‍්චයෙන පච‍්චයො: අනුපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං සහජාතපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං සහජාතපච‍්චයෙන පච‍්චයො. අනුපාදින‍්නුපාදානියං එකං මහා භූතං, මහාභූතා චිත‍්තසමුට‍්ඨානානං රූපානං, බාහිරං ආහාරසමුට‍්ඨානං උතුසමුට‍්ඨානං එකං මහාභූතං. මහාභූතා උපාදාරූපානං සහජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස සහජාතපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධෙ තිණ‍්ණන‍්නං ඛන්‍ධානං, ද‍්වෙ ඛන්‍ධා ද‍්වින‍්නං ඛන්‍ධානං සහජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස සහජාතපච‍්චයෙන පච‍්චයො: අනුපාදින‍්නඅනුපාදානියා ඛන්‍ධා චිත‍්තසමුට‍්ඨානානං රූපානං සහජාතපච‍්චයෙන පච‍්චයො:
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස සහජාතපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං සහජාතපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං සහජාතපච‍්චයෙන පච‍්චයො.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස සහජාතපච‍්චයෙන පච‍්චයො: අනුපාදින‍්නඅනුපාදානියා ඛන්‍ධා ච මහාභූතා ච චිත‍්තසමුට‍්ඨානානං රූපානං සහජාතපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස සහජාතපච‍්චයෙන පච‍්චයො: උපාදින‍්නුපාදානියා ඛන්‍ධ ච මහාභූතා ච චිත‍්තසමුට‍්ඨානානං රූපානං සහජාතපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස අඤ‍්ඤමඤ‍්ඤපච‍්චයෙන පච‍්චයො: උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං අඤ‍්ඤමඤ‍්ඤපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං පටිසන්‍ධික‍්ඛණෙ උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං වත්‍ථුස‍්ස ච, ඛන්‍ධා වත්‍ථුස‍්ස, වත්‍ථු ඛන්‍ධානං, එකං මහාභූතං තිණ‍්ණන‍්නං මහාභූතානං, ද‍්වෙ මහාභූතා ද‍්වින‍්නං මහාභූතානං, අනුපාදින‍්නුපාදානියො ධම‍්මො අසඤ‍්ඤසත‍්තානං එකං මහාභූතං. අනුපාදින‍්නුපාදානියස‍්ස ධම‍්මස‍්ස අඤ‍්ඤමඤ‍්ඤපච‍්චයෙන පච‍්චයො. අනුපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධා නං ද‍්වෙ ඛන්‍ධා ද‍්වින‍්නං ඛන්‍ධානං අඤ‍්ඤමඤ‍්ඤපච‍්චයෙන පච‍්චයො. එකං මහාභූතං බාහිරං, ආහාරසමුට‍්ඨානං, උතුසමුට‍්ඨානං, එකං මහාභූතං.
අනුපාදින‍්න අනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස අඤ‍්ඤමඤ‍්ඤපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං, ද‍්වෙ ඛන්‍ධා ද‍්වින‍්නං ඛන්‍ධානං.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස නිස‍්සය පච‍්චයෙන පච‍්චයො: උපාදින‍්නුපාදානියො එකො ඛන්‍ධො.
තිණ‍්ණන‍්නං ඛන්‍ධානං නිස‍්සයපච‍්චයෙන පච‍්චයො: (සංඛිත‍්තං.) පටිසන්‍ධික‍්ඛණෙ එකං මහාභූතං, අසඤ‍්ඤසත‍්තානං එකං මහාභූතං, චක‍්ඛායතනං චක‍්ඛුවිඤ‍්ඤාණස‍්ස, කායායතනං කායවිඤ‍්ඤාණස‍්ස, වත්‍ථු උපාදින‍්නුපාදානියානං ඛන්‍ධානං නිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මම‍්ම නිස‍්සයපච‍්චයෙන පච‍්චයො: උපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං නිස‍්සයපච‍්චයෙන පච‍්චයො, වත්‍ථු අනුපාදින‍්නුපාදානියානං ඛන්‍ධානං නිස‍්සය පච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස නිස‍්සයපච‍්චයෙන පච‍්චයො: වත්‍ථු අනුපාදින‍්නඅනුපාදානියානං ඛන්‍ධානං නිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානනියස‍්ස ච අනුපාදින‍්නුපාදානියස‍්ස ච ධම‍්මස‍්ස ච නිස‍්සයපච‍්චයෙන පච‍්චයො: උපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං නිස‍්සයපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං නිස‍්සයපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස එකා පඤ‍්හා.
අනුපාදින‍්නඅනුපාදානියො ධම‍්මො, තීණි.
උපාදින‍්නුපාදානියො ච අනුපාදින‍්නඅනුපාදානියො ච ධම‍්ම, අනුපාදින‍්නඅනුපාදානියස‍්ස ධම‍්මස‍්ස නිස‍්සයපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධො ච වත්‍ථු ච තිණ‍්ණන‍්නං ඛන්‍ධානං නිස‍්සයපච‍්චයෙන පච‍්චයො, ද‍්වෙ ඛන්‍ධා ච වත්‍ථු ච ද‍්වින‍්නං ඛන්‍ධානං නිස‍්සයපච‍්චයෙන පච‍්චයො.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස නිස‍්සයපච‍්චයෙන පච‍්චයො: අනුපාදින‍්නඅනුපාදානියා ඛන්‍ධා ච මහාභූතා ච චිත‍්තසමුට‍්ඨානානං රූපානං නිස‍්සයපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස නිස‍්සය පච‍්චයෙන පච‍්චයො; උපාදින‍්නුපාදානියා ඛන්‍ධා ච මහාභූතා ච චිත‍්තසමුට‍්ඨානානං ච රූපානං නිස‍්සයපච‍්චයෙන පච‍්චයො, අනුපාදින‍්නුපාදානියො එකො ඛන්‍ධො ච
වත්‍ථු ච තිණ‍්ණන‍්නං ඛන්‍ධානං නිස‍්සයපච‍්චයෙන පච‍්චයො. ද‍්වෙ ඛන්‍ධා ච වත්‍ථු ච ද‍්වින‍්නං ඛන්‍ධානං නිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: අනන‍්තරූපනිස‍්සයො, පකතූපනිස‍්සයො, පකතූපනිස‍්සයො: කායිකං සුඛං කායිකස‍්ස සුඛස‍්ස කායිකස‍්ස දුක‍්ඛස‍්ස උපනිස‍්සයපච‍්චයෙන පච‍්චයො, කායිකං දුක‍්ඛං කායිකස‍්ස සුඛස‍්ස, කායිකස‍්ස, දුක‍්ඛස‍්ස, උතු කායිකස‍්ස සුඛස‍්ස, කායිකස‍්ස දුක‍්ඛස‍්ස, භොජනං කායිකස‍්ස සුඛස‍්ස, කායිකස‍්ස දුක‍්ඛස‍්ස, කායිකං සුඛං. කායිකං දුක‍්ඛං, උතු භොජනං කායිකස‍්ස සුඛස‍්ස, කායිකස‍්ස දුක‍්ඛස‍්ස උපනිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: ආරම‍්මණූපනිස‍්සයො අනන‍්තරූපනිස‍්සයො පකතූපනිස‍්සයො, පකතූපනිස‍්සයො: කායිකං සුඛං උපනිස‍්සාය දානං දෙති, සීලං සමාදියති, උපොසථකම‍්මං කරොති, ඣානං උප‍්පාදෙති, විපස‍්සනං උප‍්පාදෙති, අභිඤ‍්ඤං උප‍්පාදෙති, සමාපත‍්තිං උප‍්පාදෙති, පාණං හන‍්ති, සඞ‍්ඝං භින්‍දති, කායිකං දුක‍්ඛං, උතු භොජනං උපනිස‍්සාය දානං දෙති, සංඝං භින්‍දති, කායිකං සුඛං කායිකං දුක‍්ඛං උතුං භොජනං අනුපාදින‍්නුපාදානියාය සද‍්ධාය, සීලස‍්ස සුතස‍්ස චාගස‍්ස පඤ‍්ඤාය රාගස‍්ස දොසස‍්ස මොහස‍්ස මානස‍්ස දිට‍්ඨියා පත්‍ථනාය උපනිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: පකතූපනිස‍්සයො කායිකං සුඛං උපනිස‍්සාය මග‍්ගං උප‍්පාදෙති, ඵලසමාපත‍්තිං සමාපජ‍්ජති, කායිකං දුක‍්ඛං උතුං භොජනං උපනිස‍්සාය මග‍්ගං උප‍්පාදෙති, ඵලසමාපත‍්තිං සමාපජ‍්ජති, කායිකං සුඛං කායිකං දුක‍්ඛං, උතුං භොජනං මග‍්ගස‍්ස ඵලසමාපත‍්තියා, උපනිස‍්සයපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: ආරම‍්මණූපනිස‍්සයො අනන‍්තරූපනිස‍්සයො පකතූපනිස‍්සයො. පකතුපනිසසයො අනුපාදින‍්නුපාදානියං සද‍්ධං උපනිස‍්සාය දානං දෙති, සීලං සමාදියති. උපොසථකම‍්මං කරොති, ඣානං උප‍්පාදෙති, විපස‍්සනං උප‍්පාදෙති, අභිඤ‍්ඤං උප‍්පාදෙති, සමාපත‍්තිං උප‍්පාදෙති, පාණං හන‍්ති, සඞ‍්ඝං භින්‍දති, මානං ජප‍්පෙති, දිට‍්ඨිං ගණ‍්හාති, අනුපාදින‍්නුපාදානියං සීලං, -සුතං, - චාගං, - පඤ‍්ඤං, - රාගං - දොසං- මොහං - මානං - දිට‍්ඨි - පත්‍ථනං - උතුං භොජනං - සෙනාසනං
උපනිස‍්සාය දානං දෙති. සමාපත‍්තිං උප‍්පාදෙති, පානං හන‍්ති, සඞ‍්ඝං භින්‍දති, මානං ජප‍්පෙති, දිට‍්ඨිං ගණ‍්හාති, අනුපාදින‍්නුපාදානියා සද‍්ධා, සීලං, සුතං, චාගො, පඤ‍්ඤා, රාගො, දොසො. මොහො, මානො, දිට‍්ඨි, පත්‍ථනා, උතුං, භොජනං, සෙනාසනං අනුපාදින‍්නුපාදානියාය සද‍්ධාය සීලස‍්ස, සුතස‍්ස, චාගස‍්ස. පඤ‍්ඤාය රාගස‍්ස දොසස‍්ස මොහස‍්ස මානස‍්ස දිට‍්ඨියා පත්‍ථනාය උපනිස‍්සයපච‍්චයෙන පච‍්චයො. පඨමස‍්ස ඣානස‍්සපරිකම‍්මං පඨමස‍්ස ඣානස‍්ස, නෙවසඤ‍්ඤානාසඤායතනස‍්ස පරිකම‍්මං නෙවසඤ‍්ඤානාසඤ‍්ඤායතනස‍්ස, පඨමං ඣානං දුතියස‍්ස, ආකිඤ‍්චඤ‍්ඤායතනං නෙවසඤ‍්ඤානාසඤ‍්ඤායතනස‍්ස, පාණාතිපාතො. පාණාතිපාතස‍්ස, නියමිච‍්ඡාදිට‍්ඨී නියතමිච‍්ඡාදිට‍්ඨියා.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: අනන‍්තරූපනිස‍්සයො පකතූපනිස‍්සයො, පකතූපනිස‍්සයො: අනුපාදින‍්නුපාදානියං සද‍්ධං උපනිස‍්සාය අත‍්තානං ආතාපෙති පරිතාපෙති, පරියිට‍්ඨිමූලකං දුක‍්ඛං පච‍්චනුභොති, අනුපාදින‍්නුපාදානියං සීලං - (සංඛිත‍්තං.) සෙනාසනං උපනිස‍්සාය අත‍්තානං ආතාපෙති පරිතාපෙති, පරියිට‍්ඨිමූලකං දුක‍්ඛං පච‍්චනුභොති, අනුපාදින‍්නුපාදානියා සද‍්ධා - (සංඛිත‍්තං.) සෙනාසනං කායිකස‍්ස සුඛස‍්ස කායිකස‍්ස දුක‍්ඛස‍්ස උපනිස‍්සය පච‍්චයෙන පච‍්චයො, කුසලාකුසලං කම‍්මං විපාකස‍්ස උපනිස‍්සය පච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස උපනිස‍්සය පච‍්චයෙන පච‍්චයො: අනන‍්තරූපනිස‍්සයො. පකතූපනිස‍්සයො, පකතූපනිස‍්සයො: පඨමස‍්ස මග‍්ගස‍්ස පරිකම‍්මං පඨමස‍්ස මග‍්ගස‍්ස, උපනිස‍්සයපච‍්චයෙන පච‍්චයො, දුතියස‍්ස මග‍්ගස‍්ස, තතියස‍්ස මග‍්ගස‍්ස, චතුත්‍ථස‍්ස මග‍්ගස‍්ස පරිකම‍්මං, චතුත්‍ථස‍්ස මග‍්ගස‍්ස උපනිස‍්සය පච‍්චයෙන පච‍්චයො.
අනුපාදින‍්න අනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො. පකතූපනිස‍්සයො: පඨමො මග‍්ගො දුතියස‍්ස මග‍්ගස‍්ස, උපනිස‍්සයපච‍්චයෙන පච‍්චයො. දුතියො මග‍්ගො තතියස‍්ස, තතියො මග‍්ගො චතුත්‍ථස‍්ස. මග‍්ගස‍්ස මග‍්ගො ඵලසමාපත‍්තියා උපනිස‍්සයපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නුපාදානියස‍්ස ධම‍්මස‍්ස උපනිස‍්සය පච‍්චයෙන පච‍්චයො: අනන‍්තරූපනිස‍්සයො. පකතූපනිස‍්සයො, පකතූපනිස‍්සයො: ඵලසමාපත‍්ති කායිකස‍්ස සුඛස‍්ස උපනිස‍්සයපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො: ආරම‍්මණූපනිස‍්සයො, පකතුනිස‍්සයො. පකතූපනිස‍්සයො: අරියා මග‍්ගං උපනිස‍්සාය අනුප‍්පන‍්නං සමාපත‍්තිං උප‍්පාදෙන‍්ති, උප‍්පන‍්නං සමාපත‍්තිං සමාපජ‍්ජන‍්ති, සඞ‍්ඛාරෙ අනිච‍්චතො දුක‍්ඛතො අනත‍්තතො විපස‍්සන‍්ති. මග‍්ගො අරියානං අත්‍ථපටිසම‍්භිදාය ධම‍්මපටිසම‍්භිදාය, නිරුත‍්තිපටිසම‍්භිදාය, පටිභානපටිසම‍්භිදාය, ඨානාඨානකොසලස‍්ස උපනිස‍්සයපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණපුරෙජාතං වත්‍ථුපුරෙජාතං, ආරම‍්මණපුරෙජාතං, සෙඛා වා පුථුජ‍්ජනා වා චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති. අස‍්සාදෙන‍්ති, අභිනන්‍දන‍්ති තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, සොතං ඝානං ජිව‍්හං කායං උපාදින‍්නුපාදානියෙ රූපෙ, ගන්‍ධෙ රසෙ ඵොට‍්ඨබ‍්බෙ වත්‍ථුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ රාගෙ උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති. උපාදින‍්නුපාදානියං රූපායතනං චක‍්ඛුවිඤ‍්ඤාණස‍්ස, උපාදින‍්නුපාදානියං ගන්‍ධායතනං රසායතනං ඵොට‍්ඨබ‍්බායතනං කායවිඤ‍්ඤාණස‍්ස පුරෙජාතපච‍්චයෙන පච‍්චයො. වත්‍ථු පුරෙජාතං: චක‍්ඛායතනං චක‍්ඛුවිඤ‍්ඤාණස‍්ස, කායායතනං කායවිඤ‍්ඤාණස‍්ස, වත්‍ථු උපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණපුරෙජාතං, වත්‍ථු පුරෙජාතං. ආරම‍්මණපුරෙජාතං: චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, සොතං වත්‍ථුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ රාගො උප‍්පජ‍්ජති. දොමනස‍්සං උප‍්පජ‍්ජති, දිබ‍්බෙන චක‍්ඛුනා උපාදින‍්නුපාදානියං රූපං පස‍්සන‍්ති වත්‍ථු පුරෙජාතං, වත්‍ථු අනුපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො.
උපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: වත්‍ථු පුරෙජාතං, වත්‍ථු අනුපාදින‍්නඅනුපාදානියානං ඛන්‍ධානං පුරෙජාතපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණපුරෙජාතං, අනුපාදින‍්නුපාදානියෙ රූපෙ සද‍්දෙ ගන්‍ධෙ රසෙ ඵොට‍්ඨබ‍්බෙ අනිච‍්චතො දුක‍්ඛතො අනත‍්තතො විපස‍්සති, අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති. දොමනස‍්සං උප‍්පජ‍්ජති, දිබ‍්බෙන චක‍්ඛුනා අනුපාදින‍්නුපාදානියං රූපං පස‍්සති, දිබ‍්බාය සොතධාතුයා සද‍්දං සුණාති.
අනුපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණපුරෙජාතං: අනුපාදින‍්නුපාදානියෙ රූපෙ සද‍්දෙ ගන්‍ධෙ රසෙ ඵොට‍්ඨබ‍්බෙ අනිච‍්චතො දුක‍්ඛතො අනත‍්තතො විපස‍්සති, අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති. දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, අනුපාදින‍්නුපාදානියං රූපායතනං චක‍්ඛුවිඤ‍්ඤාණස‍්ස, ඵොට‍්ඨබ‍්බායතනං කායවිඤ‍්ඤාණස‍්ස පුරෙජාතපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා උපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණ පුරෙජාතං වත්‍ථු පුරෙජාතං: අනුපාදින‍්නුපාදානියං රූපායතනඤ‍්ච චක‍්ඛායතනඤ‍්ච චක‍්ඛුවිඤ‍්ඤාණස‍්ස පුරෙජාතපච‍්චයෙන පච‍්චයො, (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනඤ‍්ච කායායතනඤ‍්ච කායවිඤ‍්ඤාණස‍්ස පුරෙජාතපච‍්චයෙන පච‍්චයො. අනුපාදින‍්නුපාදානියං රූපායතනං ච වත්‍ථු ච උපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනඤ‍්ච වත්‍ථු ච උපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා උපාදින‍්නුපාදානියස‍්ස ධම‍්මස‍්ස පුරෙජාතපච‍්චයෙන පච‍්චයො: ආරම‍්මණ පුරෙජාතං වත්‍ථු පුරෙජාතං: අනුපාදින‍්නුපාදානියං රූපායතනං ච වත්‍ථු ච අනුපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො, (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනං ච වත්‍ථු ච අනුපාදින‍්නුපාදානියානං ඛන්‍ධානං පුරෙජාතපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා උපාදින‍්නුපාදානියා ඛන්‍ධා. පුරෙජාතස‍්ස ඉමස‍්ස උපාදින‍්නුපාදානියස‍්ස කායස‍්ස පච‍්ඡාජාතපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස පච‍්ඡාජාතපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්න අනුපාදානියො ධම‍්මො උපාදින‍්නූපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස පච‍්ඡාජාත පච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතපච‍්චයෙන පච‍්චයො: පච‍්ඡාජාතා අනුපාදින‍්න අනුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නුපාදානියස‍්ස අනුපාදින‍්නුපාදානියස‍්ස ච කායස‍්ස පච‍්ඡාජාතපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආසෙවනපච‍්චයෙන පච‍්චයො: පුරිමා පුරිමා අනුපාදින‍්නුපාදානියා ඛන්‍ධා පච‍්ඡිමානං පච‍්ඡිමානං අනුපාදින‍්නූපාදානියානං ඛන්‍ධානං ආසෙවනපච‍්චයෙන පච‍්චයො. අනුලොමං ගොත්‍රභුස‍්ස, අනුලොමං වොදානස‍්ස. ආසෙවනපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස ආසෙවනපච‍්චයෙන පච‍්චයො: ගොත්‍රභු මග‍්ගස‍්ස, වොදානං, මග‍්ගස‍්ස ආසෙවනපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස කම‍්ම පච‍්චයෙන පච‍්චයො: උපාදින‍්නුපාදානියා චෙතනා සම‍්පයුත‍්තකානං ඛන්‍ධානං කම‍්මපච‍්චයෙන පච‍්චයො. පටිසන්‍ධික‍්ඛණෙ උපාදින‍්නුපාදානියා චෙතනා සම‍්පයුත‍්තකානං ඛන්‍ධානං කටත‍්තා ච රූපානං කම‍්මපච‍්චයෙන පච‍්චයො. චෙතනා වත්‍ථුස‍්ස කම‍්මපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස කම‍්මපච‍්චයෙන පච‍්චයො: උපාදින‍්නුපාදානියා චෙතනා චිත‍්තසමුට‍්ඨානානං රූපානං කම‍්මපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස කම‍්මපච‍්චයෙන පච‍්චයො: උපාදින‍්නුපාදානියා චෙතනා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං කම‍්මපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස කම‍්මපච‍්චයෙන පච‍්චයො: අනුපාදින‍්නුපාදානියා චෙතනා සම‍්පයුත‍්තකානං ඛන්‍ධානං චිත‍්තසමුට‍්ඨානං ච රූපානං කම‍්මපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ධම‍්මස‍්ස කම‍්මපච‍්චයෙන පච‍්චයො: නානාඛණිකා අනුපාදින‍්නුපාදානියා චෙතනා විපාකානං උපාදින‍්නූපාදානියානං ඛන්‍ධානං කටත‍්තා ච රූපානං කම‍්මපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස කම‍්මපච‍්චයෙන පච‍්චයො: සහජාතා නානාඛණිකා-සහජාතා අනුපාදින‍්නඅනුපාදානියා චෙතනා සම‍්පයුත‍්තකානං ඛන්‍ධානං කම‍්මපච‍්චයෙන පච‍්චයො, නානාඛණිකා අනුපාදින‍්නඅනුපාදානියා කුසලා චෙතනා විපාකානං අනුපාදින‍්නඅනුපාදානියානං ඛන්‍ධානං කම‍්මපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස කම‍්මපච‍්චයෙන පච‍්චයො: අනුපාදින‍්නඅනුපාදානියා චෙතනා චිත‍්තසමුට‍්ඨානානං රූපානං කම‍්මපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස කම‍්මපච‍්චයෙන පච‍්චයො: අනුපාදින‍්නඅනුපාදානියා චෙතනා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං කම‍්මපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස විපාකපච‍්චයෙන පච‍්චයො: විපාකො උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං විපාකපච‍්චයෙන, ද‍්වෙ ඛන්‍ධා ද‍්වින‍්නං ඛන්‍ධානං විපාකපච‍්චයෙන පච‍්චයො, පටිසන්‍ධික‍්ඛණෙ විපාකො උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං කටත‍්තා ච රූපානං විපාකපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං කටත‍්තා ච රූපානං විපාකපච‍්චයෙන පච‍්චයො, ඛන්‍ධා වත්‍ථුස‍්ස විපාකපච‍්චයෙන පච‍්චයො, උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස විපාකපච‍්චයෙන පච‍්චයො, විපාකා උපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං විපාකපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස විපාකපච‍්චයෙන පච‍්චයො: විපාකො උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානං ච රූපානං විපාකපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං විපාකපච‍්චයෙන පච‍්චයො.
අනුපාදින‍්න අනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස විපාකපච‍්චයෙන පච‍්චයො: විපාකො අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං විපාකපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං විපාකපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස විපාකපච‍්චයෙන පච‍්චයො: විපාකා අනුපාදින‍්නඅනුපාදානියා ඛන්‍ධා චිත‍්තසමුට‍්ඨානානං රූපානං විපාකපච‍්චයෙන පච‍්චයො.
අනුපාදින‍්න අනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස විපාකපච‍්චයෙන පච‍්චයො.
විපාකො අනුපාදින‍්න අනුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං විපාකපච‍්චයෙන පච‍්චයො. ද‍්වෙ ඛන්‍ධො ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං විපාකපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස ආහාර පච‍්චයෙන පච‍්චයො: උපාදින‍්නුපාදානියා ආහාරා සම‍්පයුත‍්තකානං ඛන්‍ධානං ආහාරපච‍්චයෙන පච‍්චයො, පටිසන්‍ධික‍්ඛණෙ උපාදින‍්නුපාදානියා ආහාරා සම‍්පයුත‍්තකානං ඛන්‍ධානං කටත‍්තා ච රූපානං ආහාරපච‍්චයෙන පච‍්චයො, උපාදින‍්නූපාදානියො කබළීකාරො ආහාරො උපාදින‍්නූපාදානියස‍්ස කායස‍්ස ආහාරපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: උපාදින‍්නුපාදානියා ආහාරා චිත‍්තසමුට‍්ඨානානං රූපානං ආහාරපච‍්චයෙන පච‍්චයො, උපාදින‍්නුපාදානියො කබළීකාරො ආහාරො අනුපාදින‍්නුපාදානියස‍්ස කායස‍්ස ආහාරපච‍්චයෙන පච‍්චයො.
උපාදින‍්නුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ආහාරපච‍්චයෙන පච‍්චයො: උපාදින‍්නුපාදානියා ආහාරා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ආහාරපච‍්චයෙන පච‍්චයො, උපාදින‍්නුපාදානියො කබළීකාරො ආහාරො උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: අනුපාදින‍්නුපාදානියා ආහාරා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ආහාරපච‍්චයෙන පච‍්චයො, අනුපාදින‍්නුපාදානියො කබළීකාරො ආහාරො අනුපාදින‍්නුපාදානියස‍්ස කායස‍්ස ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: අනුපාදින‍්නුපාදානියො කබළීකාරො ආහාරො උපාදින‍්නුපාදානියස‍්ස කායස‍්ස ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ආහාරපච‍්චයෙන පච‍්චයො: අනුපාදින‍්නුපාදානියො කබළීකාරො ආහාරො උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස ආහාරපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස ආහාරපච‍්චයෙන පච‍්චයො: අනුපාදින‍්නඅනුපාදානියා ආහාරා සම‍්පයුත‍්තකානං ඛන්‍ධානං ආහාරපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: අනුපාදින‍්නඅනුපාදානියා ආහාරා චිත‍්තසමුට‍්ඨානානං රූපානං ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස ආහාරපච‍්චයෙන පච‍්චයො: අනුපාදින‍්නඅනුපාදානියා ආහාරා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ආහාරපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා උපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: උපාදින‍්නුපාදානියො ච අනුපාදින‍්නුපාදානියො ච කබළීකාරො ආහාරො උපාදින‍්නුපාදානියස‍්ස කායස‍්ස ආහාරපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස ආහාරපච‍්චයෙන පච‍්චයො: උපාදින‍්නුපාදානියො ච අනුපාදින‍්නුපාදානියො ච කබළීකාරො ආහාරො අනුපාදින‍්නුපාදානියස‍්ස කායස‍්ස ආහාරපච‍්චයෙන පච‍්චයො.
උපාදින‍්නුපාදානියො ච අනුපාදින‍්නුපාදානියො ච ධම‍්මා උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ආහාරපච‍්චයෙන පච‍්චයො: උපාදින‍්නුපාදානියො ච අනුපාදින‍්නුපාදානියො ච කබළීකාරො ආහාරො උපාදින‍්නුපාදානියස‍්ස ච අනුපාදානියස‍්ස ච කායස‍්ස ආහාරපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො: උපාදින‍්නුපාදානියා ඉන්‍ද්‍රියා සම‍්පයුත‍්තකානං ඛන්‍ධානං ඉන්‍ද්‍රියපච‍්චයෙන පච‍්චයො, පටිසන්‍ධික‍්ඛණෙ උපාදින‍්නුපාදානියා ඉන්‍ද්‍රියා සම‍්පයුත‍්තකානං ඛන්‍ධානං කටත‍්තා ච රූපානං ඉන්‍ද්‍රියපච‍්චයෙන පච‍්චයො, චක‍්ඛුන්‍ද්‍රියං චක‍්ඛුවිඤ‍්ඤාණස‍්ස, කායින්‍ද්‍රියං කායවිඤ‍්ඤාණස‍්ස, රූපජීවිතින්‍ද්‍රියං කටත‍්තා රූපානං ඉන්‍ද්‍රියපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො: උපාදින‍්නුපාදානියා ඉන්‍ද්‍රියා චිත‍්තසමුට‍්ඨානානං රූපානං ඉන්‍ද්‍රියපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ඉන්‍ද්‍රියපච‍්චයෙන පච‍්චයො: උපාදින‍්නුපාදානියා ඉන්‍ද්‍රියා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ඉන්‍ද්‍රියපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො: අනුපාදින‍්නුපාදානියා ඉන්‍ද්‍රියා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ඉන්‍ද්‍රියපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො: අනුපාදින‍්නඅනුපාදානියා ඉන්‍ද්‍රියා සම‍්පයුත‍්තකානං ඛන්‍ධානං ඉන්‍ද්‍රියපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ඉන්‍ද්‍රියපච‍්චයෙන පච‍්චයො: අනුපාදින‍්නඅනුපාදානියා ඉන්‍ද්‍රියා චිත‍්තසමුට‍්ඨානානං රූපානං ඉන්‍ද්‍රියපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස ඉන්‍ද්‍රියපච‍්චයෙන පච‍්චයො, අනුපාදින‍්නඅනුපාදානියා ඉන්‍ද්‍රියා සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ඉන්‍ද්‍රියපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස ඣානපච‍්චයෙන පච‍්චයො: උපාදින‍්නූපාදානියානි ඣානඞ‍්ගානි සම‍්පයුත‍්තකානං ඛන්‍ධානං ඣානපච‍්චයෙන පච‍්චයො. පටිසන්‍ධික‍්ඛණෙ උපාදින‍්නූපාදානියානි ඣානඞ‍්ගානි සම‍්පයුත‍්තකානං ඛන්‍ධානං කටත‍්තා ච රූපානං ඣානපච‍්චයෙන පච‍්චයො.
උපාදින‍්නූපාදිනියො ධම‍්මො අනුදින‍්නූපාදානියස‍්ස ධම‍්මස‍්ස ඣානපච‍්චයෙන පච‍්චයො: උපාදින‍්නූපාදානියානි ඣානඞ‍්ගානි චිත‍්තසමුට‍්ඨානානං රූපානං ඣානපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ඣානපච‍්චයෙන පච‍්චයො: උපාදින‍්නූපාදානියානි ඣානඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං ඣානපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ඣානපච‍්චයෙන පච‍්චයො: අනුපාදින‍්නූපාදානියානි ඣානඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානං ච රූපානං ඣානපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස ඣානපච‍්චයෙන පච‍්චයො: අනුපාදින‍්නඅනුපාදානියානි ඣානඞ‍්ගානි සම‍්පයුත‍්තකානං ඛන්‍ධානං ඣානපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ඣානපච‍්චයෙන පච‍්චයො: අනුපාදින‍්නඅනුපාදානියානි ඣානඞ‍්ගානි චිත‍්තසමුට‍්ඨානං ච රූපානං ඣානපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස ඣානපච‍්චයෙන පච‍්චයො: අනුපාදින‍්නඅනුපාදානියානි ඣානඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානං ච රූපානං ඣානපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස මග‍්ග පච‍්චයෙන පච‍්චයො, උපාදින‍්නූපාදානියානි මග‍්ගඞ‍්ගානි සම‍්පයුත‍්තකානං ඛන්‍ධානං මග‍්ගපච‍්චයෙන පච‍්චයො, පටිසන්‍ධික‍්ඛණෙ.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස මග‍්ග පච‍්චයෙන පච‍්චයො, උපාදින‍්නූපාදානියානි මග‍්ගඞ‍්ගානි චිත‍්තසමුට‍්ඨානානං රූපානං මග‍්ගපච‍්චයෙන පච‍්චයො,
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස මග‍්ගපච‍්චයෙන පච‍්චයො, උපාදින‍්නූපාදානියානි මග‍්ගඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං මග‍්ගපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස මග‍්ගපච‍්චයෙන පච‍්චයො, අනුපාදින‍්නූපාදානියානි මග‍්ගඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානානං ච රූපානං මග‍්ගපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස මග‍්ගපච‍්චයෙන පච‍්චයො, අනුපාදින‍්නඅනුපාදානියානි මග‍්ගඞ‍්ගානි සම‍්පයුත‍්තකානං ඛන්‍ධානං මග‍්ගපච‍්චයෙන පච‍්චයො:
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස මග‍්ග පච‍්චයෙන පච‍්චයො: අනුපාදින‍්නඅනුපාදානියානි මග‍්ගාඞ‍්ගානි චිත‍්තසමුට‍්ඨානානං රූපානං මග‍්ගපච‍්චයෙන පච‍්චයො,
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස මග‍්ගපච‍්චයෙන පච‍්චයො: අනුපා [ත් - 23]
දින‍්නඅනුපාදානියානි මග‍්ගඞ‍්ගානි සම‍්පයුත‍්තකානං ඛන්‍ධානං චිත‍්තසමුට‍්ඨානං ච රූපානං මග‍්ගපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස සම‍්පයුත‍්තපච‍්චයෙන පච‍්චයො: උපාදින‍්නුපාදානියා එකො ඛන්‍ධො තිණ‍්ණන‍්නං ඛන්‍ධානං සම‍්පයුත‍්තපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං පටිසන්‍ධික‍්ඛණෙ.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස සම‍්පයුත‍්තපච‍්චයෙන පච‍්චයො: අනුපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං සම‍්පයුත‍්තපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං.
අනුපාදින‍්නුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස සම‍්පයුත‍්තපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං සම‍්පයුත‍්තපච‍්චයෙන පච‍්චයො. ද‍්වෙ ඛන්‍ධා ද‍්වින‍්නං ඛන්‍ධානං.
උපාදින‍්නූපාදානියො ධම‍්මො උපාදින‍්නූපාදිනියස‍්සං ධම‍්මස‍්ස විප‍්පයුත‍්තපච‍්චයෙන පච‍්චයො: සහජාතං පුරෙජාතං පච‍්ඡාජාතං සහජාතා: පටිසන්‍ධික‍්ඛණෙ උපාදින‍්නුපාදානියා ඛන්‍ධා කටත‍්තා රූපානං විප‍්පයුත‍්තපච‍්චයෙන පච‍්චයො: ඛන්‍ධා වත්‍ථුස‍්ස විප‍්පයුත‍්තපච‍්චයෙන පච‍්චයො. වත්‍ථු ඛන්‍ධානං විප‍්පයුත‍්තපච‍්චයෙන පච‍්චයො. පුරෙජාතං චක‍්ඛායතනං චක‍්ඛුවිඤ‍්ඤාණස‍්ස විප‍්පයුත‍්තපච‍්චයෙන පච‍්චයො -පෙ- කායායතනං කායායතනං කායවිඤ‍්ඤාණස‍්ස, විප‍්පයුත‍්තපච‍්චයෙන පච‍්චයො. වත්‍ථු උපාදින‍්නූපාදානියානං ඛන්‍ධානං විප‍්පයුත‍්තපච‍්චයෙන පච‍්චයො, පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: සහජාතං පුරෙජාතං පච‍්ඡාජාතං සහජාතා උපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං විප‍්පයුත‍්තපච‍්චයෙන පච‍්චයො. පුරෙජාතං වත්‍ථු අනුපාදින‍්නූපානියානං ඛන්‍ධානං විප‍්පයුත‍්තපච‍්චයෙන පච‍්චයො. පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: පුරෙජාතං වත්‍ථු අනුපාදින‍්නඅනුපාදානියානං ඛන්‍ධානං විප‍්පයුත‍්තපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස විප‍්පයුත‍්තපච‍්චයෙන පච‍්චයො: පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: සහජාතං පච‍්ඡාජාතං. සහජාතා අනුපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං විප‍්පයුත‍්තපච‍්චයෙන පච‍්චයො. පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ච ධම‍්මස‍්ස විප‍්පයුත‍්තපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස අනුපාදින‍්නුපාදානියස‍්ස ච කායස‍්ස විප‍්පයුත‍්තපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස විප‍්පයුත‍්තපච‍්චයෙන පච‍්චයො: සහජාතං පච‍්ඡාජාතං. සහජාතා අනුපාදින‍්නඅනුපාදානියා ඛන්‍ධා චිත‍්තසමුට‍්ඨානානං රූපානං ව විප‍්පයුත‍්තපච‍්චයෙන පච‍්චයො. පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස විප‍්පයුත‍්තපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස විප‍්පයුත‍්තපච‍්චයෙන පච‍්චයො: පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස විප‍්පයුත‍්තපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස අත්‍ථි පච‍්චයෙන පච‍්චයො: සහජාතං පුරෙජාතං පච‍්ඡාජාතං ආහාරං ඉන්‍ද්‍රියං. සහජාතො උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං අත්‍ථිපච‍්චයෙන පච‍්චයො. පටිසන්‍ධික‍්ඛණෙ උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං කටත‍්තා ච රූපානං අත්‍ථිපච‍්චයෙන පච‍්චයො. ද‍්වෙ ඛන්‍ධා ද‍්වින‍්නංඛන්‍ධානං කටත‍්තා ච රූපානං අත්‍ථිපච‍්චයෙන පච‍්චයො ඛන්‍ධා වත්‍ථුස‍්ස, වත්‍ථු ඛන්‍ධානං, එකං මහාභූතං, මහාභූතා කටත‍්තා රූපානං උපාදා රූපානං අත්‍ථිපච‍්චයෙන පච‍්චයො. අසඤ‍්ඤසත‍්තානං එකං මහාභූතං, මහාභූතා කටත‍්තා රූපානං උපාදා රූපානං අත්‍ථිපච‍්චයෙන පච‍්චයො. පුරෙජාතං සෙක‍්ඛා වා පුථුජ‍්ජනා වා චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති තං ආරබ‍්භ රාගො උප‍්පජ‍්ජති දොමනස‍්සං උප‍්පජ‍්ජති. කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, සොතං ඝානං ජිව‍්හං කායං උපාදින‍්නුපාදානියෙ රූපෙ ගන්‍ධෙ රසෙ ඵොට‍්ඨබ‍්බෙ, වත්‍ථුං අනිච‍්චතො දුක‍්ඛතො අනත‍්තතො විපස‍්සන‍්ති අස‍්සාදෙන‍්ති අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, උපාදින‍්නුපාදානියං රූපායතනං, චක‍්ඛුවිඤ‍්ඤාණස‍්ස උපාදින‍්නුපාදානියං ගන්‍ධායතනං, රසායතනං, ඵොට‍්ඨබ‍්බායතනං කායවිඤ‍්ඤාණස‍්ස, චක‍්ඛායතනං චක‍්ඛුවිඤ‍්ඤාණස‍්ස -පෙ- කායායතනං කායවිඤ‍්ඤාණස‍්ස වත්‍ථු උපාදින‍්නූපාදානියානං ඛන්‍ධානං අත්‍ථිපච‍්චයෙන පච‍්චයො, පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො. උපාදින‍්නූපාදානියො කබළීකාරො ආහාරො උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො. රූපජීවිතින්‍ද්‍රියං කටත‍්තාරූපානං අත්‍ථිපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පුරෙජාතං පච‍්ඡාජාතං ආහාරං සහජාතා උපාදින‍්නුපාදානියා ඛන්‍ධා චිත‍්තසමුට‍්ඨානානං රූපානං අත්‍ථි පච‍්චයෙන පච‍්චයො. පුරෙජාතං චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, සොතං ඝානං ජිව‍්හං කායං උපාදින‍්නුපාදානියෙ රූපෙ සද‍්දෙ ගන්‍ධෙ රසෙ ඵොට‍්ඨබ‍්බෙ චක‍්ඛුං අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, දිබ‍්බෙන චක‍්ඛුනා උපාදින‍්නුපාදානියං රූපං පස‍්සති, වත්‍ථු අනුපාදින‍්නූපාදානියානං ඛන්‍ධානං අත්‍ථිපච‍්චයෙන පච‍්චයො. පච‍්ඡාජාතා උපාදින‍්නුපාදානියා ඛන්‍ධා
පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො. උපාදින‍්නූපාදානියො කබළීකාරො ආහාරො අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පුරෙජාතං වත්‍ථු අනුපාදින‍්නඅනුපාදානියානං ඛන්‍ධානං අත්‍ථිපච‍්චයෙන පච‍්චයා.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං ආහාරං, සහජාතො උපාදින‍්නූපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, පච‍්ඡාජාතා උපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, උපාදින‍්නූපාදානියො කබළීකාරො ආහාරො උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පුරෙජාතං පච‍්ඡාජාතං පච‍්ඡාජාතං ආහාරං, සහජාතො අනුපාදින‍්නුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, එකං මහාභූතං තිණ‍්ණන‍්නං මහාභූතානං, මහාභූතා චිත‍්තසමුට‍්ඨානානං රූපානං උපාදාරූපානං අත්‍ථිපච‍්චයෙන පච‍්චයො, බාහිරං ආහාරසමුට‍්ඨානං උතුසමුට‍්ඨානං එකං මහාභූතං පුරෙජාතං අනුපාදින‍්නුපාදානියෙ රූපෙ සද‍්දෙ ගන්‍ධෙ රසෙ ඵොට‍්ඨබ‍්බෙ අනිච‍්චතො දුක‍්ඛතො අනත‍්තතො විපස‍්සති, අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති දොමනස‍්සං උප‍්පජ‍්ජති, දිබ‍්බෙන චක‍්ඛුනා අනුපාදින‍්නුපාදානියං රූපං පස‍්සති, දිබ‍්බාය සොතධාතුයා සද‍්දං සුණාති පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො, අනුපාදින‍්නුපාදානියො කබළීකාරො ආහාරො අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පුරෙජාතං පච‍්ඡාජාතං ආහාරං: පුරෙජාතං අනුපාදින‍්නුපාදානියෙ රූපෙ සද‍්දෙ ගන්‍ධෙ රසෙ ඵොට‍්ඨබ‍්බෙ
අනිච‍්චතො දුක‍්ඛතො අනත‍්තතො විපස‍්සති, අස‍්සාදෙති, අභිනන්‍දති, තං ආරබ‍්භ රාගො උප‍්පජ‍්ජති, දොමනස‍්සං උප‍්පජ‍්ජති, කුසලාකුසලෙ නිරුද‍්ධෙ විපාකො තදාරම‍්මණතා උප‍්පජ‍්ජති, අනුපාදින‍්නුපාදානියං රූපායතනං චක‍්ඛුවිඤ‍්ඤාණස‍්ස, ඵොට‍්ඨබ‍්බායතනං කායවිඤ‍්ඤාණස‍්ස, අත්‍ථිපච‍්චයෙන පච‍්චයො පච‍්ඡාජාතා: අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො, අනුපාදින‍්නුපාදානියො කබළීකාරො ආහාරො උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතං ආහාරං, පච‍්ඡාජාතා අනුපාදින‍්නුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, අනුපාදින‍්නුපාදානියො කබළීකාරො ආහාරො උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො. පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං. සහජාතා අනුපාදින‍්නඅනුපාදානියා ඛන්‍ධා චිත‍්තසමුට‍්ඨානානං රූපානං අත්‍ථිපච‍්චයෙන පච‍්චයො, පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං. සහජාතො අනුපාදින‍්නඅනුපාදානියා එකො ඛන්‍ධො තිණ‍්ණන‍්නං ඛන්‍ධානං පුරෙජාතස‍්ස ඉමස‍්ස උපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො තයො ඛන්‍ධා එකස‍්ස ඛන්‍ධස‍්ස
පුරෙජාතස‍්ස ඉමස‍්ස උපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං පුරෙජාතස‍්ස ඉමස‍්ස උපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං. සහජාතො අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, තයො ඛන්‍ධා එකස‍්ස ඛන්‍ධස‍්ස චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං චිත‍්තසමුට‍්ඨානානං ච රූපානං අත්‍ථිපච‍්චයෙන පච‍්චයො, පච‍්ඡාජාතො අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං පුරෙජාතස‍්ස ඉමස‍්ස අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, තයො ඛන්‍ධා එකස‍්ස ඛන්‍ධස‍්ස පුරෙජාතස‍්ස ඉමස‍්ස අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං පුරෙජාතස‍්ස ඉමස‍්ස අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතා අනුපාදින‍්නඅනුපාදානියා ඛන්‍ධා පුරෙජාතස‍්ස ඉමස‍්ස උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නුපාදානියස‍්ස ච අනුපාදින‍්නුපාදානියස‍්ස ච අනුපාදින‍්නුඅනුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං. සහජාතො අනුපාදින‍්නඅනුපාදානියො එකො ඛන්‍ධො තිණ‍්ණන‍්නං ඛන්‍ධානං පුරෙජාතස‍්ස ඉමස‍්ස උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, තයො එකස‍්ස ඛන්‍ධස‍්ස පුරෙජාතස‍්ස ඉමස‍්ස උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො, ද‍්වෙ ඛන්‍ධා ද‍්වින‍්නං ඛන්‍ධානං පුරෙජාතස‍්ස ඉමස‍්ස උපාදින‍්නුපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
උපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතං ඉන්‍ද්‍රියං. පච‍්ඡාජාතා අනුපාදින‍්නඅනුපාදානියා ඛන්‍ධා ච රූපජීවිතින්‍ද්‍රියං, ච කටත‍්තා රූපානං අත්‍ථිපච‍්චයෙන පච‍්චයො.
උපාදින‍්නූපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නඅනුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පුරෙජාතං. සහජාතො අනුපාදින‍්නඅනුපාදානියො එකො ඛන්‍ධො ච වත්‍ථු ච තිණ‍්ණන‍්නං ඛන්‍ධානං අත්‍ථිපච‍්චයෙන පච‍්චයො, තයො ඛන්‍ධා ච වත්‍ථු ච එකස‍්ස ඛන්‍ධස‍්ස අත්‍ථිපච‍්චයෙන පච‍්චයො, ද‍්වෙ ඛන්‍ධා ච වත්‍ථු ච ද‍්වින‍්නං ඛන්‍ධානං අත්‍ථිපච‍්චයෙන පච‍්චයො.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නූපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතං ආහාරං. පච‍්ඡාජාතා අනුපාදින‍්නඅනුපාදානියො ඛන්‍ධා ච අනුපාදින‍්නුපාදානියො කබළීකාරො ආහාරො ච උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පච‍්ඡාජාතං ආහාරං. සහජාතා අනුපාදින‍්නඅනුපාදානියා ඛන්‍ධා ච මහාභූතා ච චිත‍්තසමුට‍්ඨානානං රූපානං අත්‍ථිපච‍්චයෙන පච‍්චයො. පච‍්ඡාජාතා අනුපාදින‍්නඅනුපාදානියා ඛන්‍ධා ච අනුපාදින‍්නුපාදානියො කබළීකාරො ආහාරො ච අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නූපාදානියස‍්ස ච අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතං ආහාරං. පච‍්ඡාජාතං අනුපාදින‍්නුපාදානියා ඛන්‍ධා ච අනුපාදින‍්නුපාදානියො කබළීකාරො ආහාරො ච උපාදින‍්නූපාදානියස‍්ස ච අනුපාදින‍්නුපාදානියස‍්ස ච කායස‍්ස අත්‍ථිපච‍්චයෙන පච‍්චයො.
උපාදින‍්නූපාදානියො ච අනුපාදින‍්නුපාදානියො ච ධම‍්මා උපාදින‍්නූපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පුරෙජාතං පච‍්ඡාජාතං ආහාරං, ඉන්‍ද්‍රියං. පුරෙජාතං අනුපාදින‍්නුපාදානියං රූපායතනං ච චක‍්ඛායතනං ච චක‍්ඛුවිඤ‍්ඤාණස‍්ස අත්‍ථිපච‍්චයෙන පච‍්චයො (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනඤ‍්ච කායායතනඤ‍්ච කායවිඤ‍්ඤාණස‍්ස අත්‍ථිපච‍්චයෙන පච‍්චයො. අනුපාදින‍්නුපාදානියං රූපායතනං ච වත්‍ථු ච උපාදින‍්නූපාදානියානං ඛන්‍ධානං, (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනඤ‍්ච වත්‍ථු ච උපාදින‍්නූපාදානියානං ඛන්‍ධානං අත්‍ථිපච‍්චයෙන පච‍්චයො පච‍්ඡාජාතා උපාදින‍්නුපාදානියා ඛන්‍ධා අනුපාදින‍්නුපාදානියො කබළීකාරො ආහාරො ච උපාදින‍්නූපාදානියස‍්ස කායස‍්ස අත්‍ථිපච‍්චයෙන
පච‍්චයො උපාදින‍්නූපාදානියො ච අනුපාදින‍්නුපාදානියො ච කබළීකාරො ආහාරො උපාදින‍්නූපාදානියස‍්ස කායස‍්ස අත්‍ථිපච‍්චයෙන පච‍්චයො, පච‍්ඡාජාතා අනුපාදින‍්නුපාදානියා ඛන්‍ධා ච රූපජීවිතින්‍ද්‍රියං ච කටත‍්තා රූපානං අත්‍ථිපච‍්චයෙන පච‍්චයො.
උපාදින‍්නූපාදානියො ච අනුපාදින‍්නුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: සහජාතං පුරෙජාතං පච‍්ඡාජාතං ආහාරං සහජාතා උපාදින‍්නුපාදානියා ඛන්‍ධා ච මහාභූතා ච චිත‍්තසමුට‍්ඨානානං රූපානං අත්‍ථිපච‍්චයෙන පච‍්චයො. පුරෙජාතං අනුපාදින‍්නුපාදානියං රූපායතනං ච වත්‍ථු ච අනුපාදින‍්නූපාදානියානං ඛන්‍ධානං (සංඛිත‍්තං.) අනුපාදින‍්නුපාදානියං ඵොට‍්ඨබ‍්බායතනං ච වත්‍ථු ච අනුපාදින‍්නූපාදානියානං ඛන්‍ධානං අත්‍ථිපච‍්චයෙන පච‍්චයො. පච‍්ඡාජාතා උපාදින‍්නුපාදානියා ඛන්‍ධා ච අනුපාදින‍්නුපාදානියො කබළීකාරො ආහාරො ච අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො. උපාදින‍්නූපාදානියො ච අනුපාදින‍්නුපාදානියො ච කබළීකාරො ආහාරො අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
උපාදින‍්නූපාදානියො ච අනුපාදින‍්නුපාදානියො ච ධම‍්මා උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස අත්‍ථිපච‍්චයෙන පච‍්චයො: ආහාරං උපාදින‍්නූපාදානියො ච අනුපාදින‍්නුපාදානියො ච කබළීකාරො ආහාරො උපාදින‍්නූපාදානියස‍්ස ච අනුපාදින‍්නුපාදානියස‍්ස කායස‍්ස අත්‍ථිපච‍්චයෙන පච‍්චයො.
උපාදින‍්නූපාදානියො ච අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නූපාදානියස‍්ස ධම‍්මස‍්ස අත්‍ථිපච‍්චයෙන පච‍්චයො: පච‍්ඡාජාතං ආහාරං ඉන්‍ද්‍රියං පච‍්ඡාජාතා අනුපාදින‍්නඅනුපාදානියා ඛන්‍ධා ච අනුපාදින‍්නුපාදානියො කබළීකාරො ආහාරො ච රූපජීවිතින්‍ද්‍රියං ච කටත‍්තා රූපානං අත්‍ථිපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස නත්‍ථිපච‍්චයෙන පච‍්චයො: විගතපච‍්චයෙන පච‍්චයො, අවිගතපච‍්චයෙන පච‍්චයො -පෙ- (සංඛිත‍්තං.)
ගණනා.
හෙතුයා සත‍්ත, ආරම‍්මණෙ ඡ, අධිපතියා පඤ‍්ච, අනන‍්තරෙ සත‍්ත, සමනන‍්තරෙ සත‍්ත, සහජාතෙ නව, අඤ‍්ඤමඤ‍්ඤෙ තීණි, නිස‍්සයෙ එකාදස, උපනිස‍්සයෙ නව, පුරෙජාතෙ සත‍්ත, පච‍්ඡාජාතෙ නව, ආසෙවනෙ ද‍්වෙ, කම‍්මෙ අට‍්ඨ, විපාකෙ ඡ, ආහාරෙ
ද‍්වාදස, ඉන්‍ද්‍රියෙ සත‍්ත, ඣානෙ සත‍්ත, මග‍්ගෙ සත‍්ත, සම‍්පයුත‍්තෙ තීණි, විප‍්පයුත‍්තෙ දස, අත්‍ථියා තෙරස, නත්‍ථියා සත‍්ත, විගතෙ සත‍්ත, අවිගතෙ තෙවීස.
හෙතුපච‍්චයා අධිපතියා චත‍්තාරි, සහජාතෙ සත‍්ත, අඤ‍්ඤමඤ‍්ඤෙ තීණි, නිස‍්සයෙ සත‍්ත, විපාකෙ ඡ, ඉන්‍ද්‍රියෙ සත‍්ත, මග‍්ගෙ සත‍්ත, සම‍්පයුත‍්තෙ තීණි, විප‍්පයුත‍්තෙ චත‍්තාරි, අත්‍ථියා සත‍්ත, අවිගතෙ සත‍්ත, (සංඛිත‍්තං.)
(යථා කුසලත‍්තිකස‍්ස ගණනා සජ‍්ඣායමග‍්ගෙන ගණිතා. එවං ගණෙතබ‍්බා. කුසලත‍්තිකස‍්ස ගණනතො උපාදින‍්නත‍්තිකෙ ගණනා ගම‍්භීරා සුඛුමතරා ච, එවං කාතුන අසංමොහන‍්නෙන ගණෙතබ‍්බං.)
අනුලොමං නිට‍්ඨිතං.
පච‍්චනීයං.
උපාදින‍්නූපාදානියො ධම‍්මො උපාදින‍්නූපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සය පච‍්චයෙන පච‍්චයො. පුරෙජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, ආහාරපච‍්චයෙන පච‍්චයො ඉන්‍ද්‍රියපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සය පච‍්චයෙන පච‍්චයො, පුරෙජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, ආහාරපච‍්චයෙන පච‍්චයො.
උපාදින‍්නූපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො, පුරෙජාතපච‍්චයෙන පච‍්චයො.
උපාදින‍්නූපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස සහජාතපච‍්චයෙන පච‍්චයො, පච‍්ඡාජාත පච‍්චයෙන පච‍්චයො, ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සය පච‍්චයෙන පච‍්චයො, පුරෙජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, ආහාරපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ච ධම‍්මස‍්ස ආරම‍්මණපච‍්චයෙන පච‍්චයො, උපනිස‍්සය පච‍්චයෙන පච‍්චයො,
පුරෙජාතපච‍්චයෙන පච‍්චයො, පච‍්ඡාජාතපච‍්චයෙන පච‍්චයො, කම‍්මපච‍්චයෙන පච‍්චයො, ආහාරපච‍්චයෙන පච‍්චයො
අනුපාදින‍්නුපාදානියො ධම‍්මො අනුපාදින‍්න අනුපාදානියස‍්ස ධම‍්මස‍්ස උපනිස‍්සයපච‍්චයෙන පච‍්චයො.
අනුපාදින‍්නුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතපච‍්චයෙන පච‍්චයො, ආහාරපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නඅනුපාදානියස‍්ස ධම‍්මස‍්ස සහජාතපච‍්චයෙන පච‍්චයො, උපනිස‍්සය පච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ධම‍්මස‍්ස උපනිස‍්සය පච‍්චයෙන පච‍්චයො. පච‍්ඡාජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ධම‍්මස‍්ස ආරම‍්මණපච‍්චයෙන පච‍්චයො, සහජාතපච‍්චයෙන පච‍්චයො, උපනිස‍්සය පච‍්චයෙන පච‍්චයො, පච‍්ඡාජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නුපාදානියස‍්ස ච අනුපාදින‍්න අනුපාදානියස‍්ස ච ධම‍්මස‍්ස සහජාතං, පච‍්ඡාජාතං.
අනුපාදින‍්නඅනුපාදානියො ධම‍්මො අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස සහජාතං, පච‍්ඡාජාතං.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතපච‍්චයෙන පච‍්චයො.
අනුපාදින‍්නඅනුපාදානියො ධම‍්මො උපාදින‍්නූපාදානියස‍්ස ච අනුපාදින‍්නුපාදානියස‍්ස ච අනුපාදින‍්නඅනුපාදානියස‍්ස ච ධම‍්මස‍්ස සහජාතං, පච‍්ඡාජාතං.
උපාදින‍්නූපාදානියො ච අනුපාදින‍්නඅනුපාදානියො ච ධම‍්මො උපාදින‍්නූපාදානියස‍්ස ධම‍්මස‍්ස පච‍්ඡාජාතං ඉන්‍ද්‍රියං.
උපාදින‍්නූපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නඅනුපාදානියස‍්ස ධම‍්මස‍්ස සහජාතං, පුරෙජාතං.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්ම උපාදින‍්නූපාදානියස‍්ස ධම‍්මස‍්ස පච‍්ඡාජාතං ආහාරං.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස සහජාතං, පච‍්ඡාජාතං, ආහාරං.
අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස පච‍්ඡාජාතං, ආහාරං.
උපාදින‍්නූපාදානියො ච අනුපාදින‍්නුපාදානියො ච ධම‍්මා උපාදින‍්නූපාදානියස‍්ස ධම‍්මස‍්ස පුරෙජාතං, පච‍්ඡාජාතං, ආහාරං, ඉන්‍ද්‍රියං.
උපාදින‍්නූපාදානියො ච අනුපාදින‍්නුපාදානියො ච ධම‍්මා අනුපාදින‍්නුපාදානියස‍්ස ධම‍්මස‍්ස සහජාතං, පුරෙජාතං පච‍්ඡාජාතං, ආහාරං.
උපාදින‍්නූපාදානියො ච අනුපාදින‍්නුපාදානියො ච ධම‍්මා උපාදින‍්නූපාදානියස‍්ස ච අනුපාදින‍්නුපාදානියස‍්ස ච ධම‍්මස‍්ස ආහාරං.
උපාදින‍්නූපාදානියො ච අනුපාදින‍්නුපාදානියො ච අනුපාදින‍්නඅනුපාදානියො ච ධම‍්මා උපාදින‍්නූපාදානියස‍්ස ධම‍්මස‍්ස පච‍්ඡාජාතං ආහාරං, ඉන්‍ද්‍රියං.
ගණනා.
න හෙතුයා චතුවීසති, න ආරම‍්මණෙ චතුවීසති, න අධිපතියා චතුවීසති, න අනන‍්තරෙ චතුවීසති, න සමනන‍්තරෙ චතුවීසති, න සහජාතෙ වීසති, න අඤ‍්ඤමඤ‍්ඤෙ වීසති, න නිස‍්සයෙ වීසති, න උපනිස‍්සයෙ තෙවීසති, න පුරෙජාතෙ තෙවීසති, න පච‍්ඡාජාතෙ සත‍්තරස, න ආසෙවනෙ චතුවීසති, න කම‍්මෙ චතුවීසති, න විපාකෙ චතුවීසති, න ආහාරෙ වීසති, න ඉන්‍ද්‍රියෙ බාවීසති, න ඣානෙ චතුවීසති, න මග‍්ගෙ චතුවීසති, න සම‍්පයුත‍්තෙ වීසති, න විප‍්පයුත‍්තෙ චුද‍්දස‍්ස, නො අත්‍ථියා නව, නො නත්‍ථියා චතුවීසති, නො විගතෙ චතුවීසති, නො අවිගතෙ නව.
න හෙතුපච‍්චයා න ආරම‍්මණෙ චතුවීසති, (සංඛිත‍්තං.)
(යථා කුසලත‍්තිකෙ පච‍්චනීයගණනා විත්‍ථාරිතා. එවං විත්‍ථාරෙතබ‍්බං).
පච‍්චනීයං.
හෙතුපච‍්චයා න ආරම‍්මණෙ සත‍්ත, න අධිපතියා සත‍්ත. න අනන‍්තරෙ සත‍්ත, න සමනන‍්තරෙ සත‍්ත, න අඤ‍්ඤමඤ‍්ඤෙ චත‍්තාරි, න උපනිස‍්සයෙ සත‍්ත, න පුරෙජාතෙ සත‍්ත, න පච‍්ඡාජාතෙ සත‍්ත,
න ආසෙවනෙ සත‍්ත, න කම‍්මෙ සත‍්ත, න විපාකෙ චත‍්තාරි, න ආහාරෙ සත‍්ත, න ඉන්‍ද්‍රියෙ සත‍්ත, න ඣානෙ සත‍්ත, න මග‍්ගෙ සත‍්ත, න සම‍්පයුත‍්තෙ චත‍්තාරි, න විප‍්පයුත‍්තෙ තීණි, නො නත්‍ථියා සත‍්ත, නො විගතෙ සත‍්ත.
හෙතු සහජාත නිස‍්සය අත්‍ථි අවිගතන‍්ති, න ආරම‍්මණෙ සත‍්ත, න අධිපතියා සත‍්ත, න අනන‍්තරෙ සත‍්ත, (සංඛිත‍්තං.)
(යථා කුසලත‍්තිකෙ අනුලොමපච‍්චනීය ගණනා විභත‍්තා, එවං ගණෙතබ‍්බා.)
අනුලොමපච‍්චනීයං.
න හෙතුපච‍්චයා ආරම‍්මණෙ ඡ, අධිපතියා පඤ‍්ච, අනන‍්තරෙ සත‍්ත, සමනන‍්තරෙ සත‍්ත, සහජාතෙ නව, අඤ‍්ඤමඤ‍්ඤෙ තීණි, නිස‍්සයෙ එකාදස, උපනිස‍්සයෙ නව, පුරෙජාතෙ සත‍්ත, පච‍්ඡාජාතෙ නව, ආසෙවනෙ ද‍්වෙ, කම‍්මෙ අට‍්ඨ, විපාකෙ ඡ, ආහාරෙ ද‍්වාදස, ඉන්‍ද්‍රියෙ සත‍්ත, ඣානෙ සත‍්ත, මග‍්ගෙ සත‍්ත, සම‍්පයුත‍්තෙ තීණි, විප‍්පයුත‍්තෙ දස, අත්‍ථියා තෙවීසති, නත්‍ථියා සත‍්ත, විගතෙ සත‍්ත, අවිගතෙ තෙවීසති, (සංඛිත‍්තං.)
(යථා කුසලත‍්තිකෙ පච‍්චනීයානුලොම ගණනා විභත‍්තා, එවං ගණෙතබ‍්බා.)
උපාදින‍්නත‍්තිකං නිට‍්ඨිතං.