ධාතුභාජනීය කථා
ධාතුභාජනීය කථා
ධාතුභාජනීය කථා
1. මහාගොතමො ජිනවරො කුසිනාරාය නිබ‍්බුතො ධාතු විත්‍ථාරිකං ආසි තෙසු තෙසු පදෙසතො.
1. (ශීලාදිගුණයෙන්) මහත් වූ ගෞතම නම් සර්‍වඥයන් වහන්සේ කුසිනාරා නගරයෙහි පිරිනිවියහ. (උන් වහන්සේගේ) ධාතූන් වහන්සේ ඒ ඒ පෙදෙස්හි පතළාහ.
2. එකො අජාතසත‍්තුස‍්ස එකො වෙසාලියාපුරෙ එකො කපිලවත්‍ථුම‍්හි එකො ච අල‍්ලකප‍්පකෙ.
2. එක් කොටසෙක් අජාතශත්‍රැගේ රාජධානියෙහි ද, එක් කොටසෙක් විසල්පුරයෙහි ද, එක් කොටසෙක් කිඹුල්වත්හි ද, එක් කොටසෙක් අල්ලකප්ප නම් රටෙහි ද–
3. එකො ච රාමගාමම‍්හි එකො ව වෙඨදීපකෙ එකො පාවෙය්‍යකෙ මල‍්ලෙ එකො ච කොසිනාරකෙ.
3. එක් කොටසෙක් රාමගම්හි ද, එක් කොටසෙක් වෙඨද්වීපයෙහි ද, එක් කොටසෙක් පාවානුවරවැසි මල්‍යයන් කෙරෙහි ද, එක් කොටසෙක් කුසිනාරා නුවරවැසි මල්‍යයන් කෙරෙහි ද වී.
4. කුම‍්භස‍්ස ථූපං කාරෙසි බ්‍රාහ‍්මණො දොණ සව‍්හයො අඞ‍්ගාරථූපං කාරෙසුං මොරියා තුට‍්ඨ මානසා.
4. ද්‍රෝණ නම් බමුණු තෙම කුම්භස්තූපයක් කරවී. මෞර්‍ය්‍යයෝ තුටුසිත් ඇතිවැ අඩ්ගාරචෛත්‍යයක් කරවූහ.
5. අට‍්ඨසාරීරිකා ථූපා නවමො කුම‍්භචෙතියො අඞ‍්ගාර ථූපො දසමො තදායෙව පතිට‍්ඨිතො.
5. ශාරීරිකස්ථූප අටෙකි. නවවැනි කුම්භස්තූපය ද දසවැනි අඞ්ගාරචෛත්‍යය ද එකල්හි මැ පිහිටියේ යැ.
6. එකා දාඨා තිදසපුරෙ එකා නාගපුරෙ අහු එකා ගන්‍ධාර විසයෙ එකා කාලිඞ‍්ගරාජිනො
6. එක් දළදාවක් තිදස්පුරයෙහි ද එක් දළදාවක් නාගපුරයෙහි ද එක් දළදාවක් ගන්‍ධාරදේශයෙහි ද එක් දළදාවක් කලිඟුරජුගේ විජිතයෙහි ද වූ යැ.
7. චත‍්තාළීස සමාදන‍්තා කෙසා ලොමා ච සබ‍්බසො දෙවා හරිංසු එකෙකං චක‍්කවාළ පරම‍්පරා.
7. සමසතලිස් දන්තයෝ ද කෙස් ද ලොම් ද දෙවියෝ සක්වළ පරපුරින් සර්‍වප්‍රකාරයෙන් එකෙක විසින් ගෙන ගියහ.
8. මධුරායං භගවතො පත‍්තො දණ‍්ඩඤ‍්ච චීවරං නිවාසනං කුසඝරෙ පච‍්චත්‍ථරණං කපිලව‍්හයෙ.
8. භාග්‍යවතුන් වහන්සේගේ පාත්‍රධාතු ද කොතුරුදඬු ද සිවුර ද මධුරායෙහි වෙයි, හඳනාසිවුර කුසඝර නම් තැන්හි වෙයි, පසතුරුණ කිඹුල්වත් පුරයෙහි වෙයි.
9. පාටලිපුත‍්තනගරෙ කරකං කායබන්‍ධනං චම‍්පායමුදකසාටිකා උණ‍්ණලොමඤ‍්ච කොසලෙ.
9. ඩබරාව ද කාබහන ද පැළලුප්නුවර වෙයි, දියසළුව චම්පානගරයෙහි ද උණුලොම්දා කොසොල්දනව්යෙහි ද වේ.
10. කාසාවඤ‍්ච බ්‍රහ‍්මලොකෙ වෙඨනං තිදසෙ පුරෙ පාසාණකෙ පදං සෙට‍්ඨං යඤ‍්චාපි අච‍්චුතිප‍්පදං නිසීදනං අවන‍්ති පුරෙ රට‍්ඨෙ අත්‍ථරණං තදා
10. එකල්හි කසාවත බඹලෙව්හි ද හිස්වෙළුම තිදස් පුරයෙහි ද නිසදුන්සිවුර අවන්තිපුරයෙහි ද අතුරුණ කුරුරටෙහි ද පිහිටියේ ය.
11. අරණී ච මිථිලායං විදෙහෙ පරිස‍්සාවනං වාසි සූචිඝරඤ‍්චා’පි ඉන්‍දපත‍්තෙ පුරෙ තදා.
11. අරණිය (ගිනිගානාදණ්ඩ) මිථිලායෙහි ද පෙරහන විදේහයෙහි ද වාසි හා හිදීඟුළු හා ඉඳිපත්නුවරෙහි ද පිහිටියේ යැ.
12. පරික‍්ඛාරං අවසෙසං ජනපදෙ අපරන‍්තකෙ පරිභුත‍්තඤ‍්ච මුනිනා අකංසු මනුජා තදා.
12. එකල්හි මිනිස්සු බුදුන් විසින් වළඳනාලද සෙසු පිරිකර අපරාන්තජනපදයෙහි පිහිටුවාලූහ.
13. ධාතු විත්‍ථාරිකං ආසි ගොතමස‍්ස මහෙසිනො පාණිනං අනුකම‍්පාය ආහු පොරාණිකා තදා.
13. මෙසෙයින් සත්නට අනුකම්පා පිණිස මහර්ෂි වු ගෞතමසර්‍වඥයන් වහන්සේගේ ධාතූන්ගේ පැතිරීම වී යයි එකල පෞරාණිකාචාර්‍ය්‍යයෝ කීවාහු ය.
ධාතුභාජනීයකථා නිට‍්ඨිතා.
ධාතුභාජනීය කථා නිමි.
බුද‍්ධවංසො නිට‍්ඨිතො.
බුද්ධවංශය නිමියේ යි.