පරාභවසුත‍්තං
1. 6.
1. 6.
පරාභවසුත‍්තං
පරාභව සූත්‍රය
එවං මෙ සුතං: එකං සමයං භගවා සාවත්‍ථියං විහරති ජෙතවනෙ අනාථපිණ‍්ඩිකස‍්ස ආරාමෙ අථ ඛො අඤ‍්ඤතරා දෙවතා අභික‍්කන‍්තාය රත‍්තියා අභික‍්කන‍්තවණ‍්ණා කෙවලකප‍්පං ජෙතවනං ඔභාසෙත්‍වා යෙන භගවා තෙනුපසඞ‍්කමි. උපසඞ‍්කමිත්‍වා භගවන‍්තං අභිවාදෙත්‍වා එකමන‍්තං අට‍්ඨාසි. එකමන‍්තං ඨිතා ඛො සා දෙවතා භගවන‍්තං ගාථාය අජ‍්ඣභාසි.
මා විසින් මෙසේ අසන ලද: එක් සමයෙක්හි භාග්‍යවතුන් වහන්සේ සැවැත් නුවර දෙව්රම් වෙහෙර නම් අනේපිඬු සිටිහුගේ ආරාමයෙහි වැඩවසන සේක. එකල එක්තරා දෙවියෙක් රෑ පෙරයම ඉක්ම ගිය කල්හි විශිෂ්ට වර්‍ණ ඇත්තේ සියලු ජේතවනය එකලු කරමින් භාග්‍යවතුන් වහන්සේ වෙත එළැඹියේ ය. එළැඹ භාග්‍යවතුන් වහන්සේට ගාථායෙන් සැළ කෙළේය.
91. පරාභවන‍්තං පුරිසං මයං පුච‍්ඡාම ගොතමං, භගවන‍්තං පුට‍්ඨුමාගම‍්ම කිං පරාභවතො මුඛං.
91. අපි ගෞතමයන් වහන්සේ පිරිහෙන පුඟුල් පුළුවුසුම්හ. භාග්‍යවතුන් වහන්සේ පුළුවුස්නට අවුත් සිටියම්හ. (ගෞතමයන් වහන්ස) පිරිහෙන පුඟුල්හුගේ මුඛය (කාරණය) කිම?
92. සුවිජානො භවං හොති සුවිජානො පරාභවො, ධම‍්මකාමො භවං හොති ධම‍්මදෙස‍්සී පරාභවො.
92. වැඩෙන (දියුණුවන) පුරුෂ සුවසේ දත හෙයි. පිරිහෙන පුරුෂ මොනොවට දත හෙයි. (දසකුසල්) දහම් කැමැත්තේ වැඩෙනු වෙයි. දහමට ද්වේෂ කරණුයේ පිරිහෙනු වෙයි.
93. ඉති හෙතං විජානාම පඨමො සො පරාභවො, දුතියං භගවා බ්‍රූහි කිං පරාභවතො මුඛං.
93. මෙසෙයින් තෙල දැනගනුම්හ. ඒ ධර්‍මද්වේෂිතා ලක්‍ෂණය පළමුවන පරාභවයයි, භාග්‍යවතුන් වහන්ස, පිරිහෙන පුඟුල්හුගේ දෙවන පරාභව මුඛය කිමැයි වදාළ මැනැවැ.
94. අසන‍්තස‍්ස පිසා හොන‍්තී සන‍්තෙ න කුරුතෙ පියං, අසතං ධම‍්මං රොචෙති තං පරාභවතො මුඛං.
94. ඔහුට අසත්පුරුෂයෝ ප්‍රිය වෙති. (බුද්ධාදි) සත්පුරුෂයා කෙරෙහි ප්‍රිය නොකෙරෙයි. අසත්පුරුෂයන්ගේ (දෙසැටමිසදිටු) දහම රුස්නේ වේ. එය පිරිහෙන කරුණ වෙයි.
95. ඉති හෙතං විජානාම දුතියො සො පරාභවො, තතියං භගවා බ්‍රූහි කිං පරාභවතො මුඛං.
95. මෙසෙයින් තෙල කරුණ දැනගනුම්හ. එ ලක්‍ෂණය දෙවන පරාභවයයි, භාග්‍යවතුන් වහන්ස, පිරිහෙන පුඟුල්හුගේ තෙවන පරාභව කාරණය කිමැයි වදාළ මැනැව.
96. නිද‍්දාසීලී සභාසීලී අනුට‍්ඨාතා ච යො නරො, අලසො කොධපඤ‍්ඤාණො තං පරාභවතො මුඛං.
96. යම් මිනිසෙක් නිදනසුලු වේ ද, ගණයා කෙරෙහි ඇලෙන සුලු වේ ද, උත්‍ථානවීර්‍ය්‍ය නැතියේ ද, උපතින් අලස වේ ද, ක්‍රෝධය ලක්‍ෂණ කොට ඇති වේ ද, එය පිරිහෙන පුඟුල්ගේ මුඛ යි.
97. ඉති හෙතං විජානාම තතියො සො පරාභවො, චතුත්‍ථං භගවා බ්‍රූහි කිං පරාභවතො මුඛං.
97. මෙසෙයින් තෙල කරුණ දැනගනුම්හ. තෙල ලක්‍ෂණය තෙවන පරාභවයයි, භාග්‍යවතුන් වහන්ස, පිරිහෙනුහුගේ සිව්වන දොර කිමැයි වදාළ මැනැවි.
98. යො මාතරං වා පිතරං වා ජිණ‍්ණකං ගතයොබ‍්බනං, පහූ සන‍්තො න භරති තං පරාභවතො මුඛං.
98. යමෙක් පොහොසත් වූයේ ජරාජීර්‍ණ වූ ඉක්මගිය යොවුන් බව ඇත මව හෝ පිය නො පුස්නේ ද, එ පිරිහෙන පුඟුල්හුගේ දොර යි.
99. ඉති හෙතං විජානාම චතුත්‍ථො සො පරාභවො, පඤ‍්චමං භගවා බ්‍රූහි කිං පරාභවතො මුඛං.
99. මෙසෙයින් එ කරුණ දැනගනුම්හ. තෙල ලක්‍ෂණය සිවුවන කරුණැයි, භාග්‍යවතුන් වහන්ස, පිරිහෙන පුඟුල්හුගේ තෙල පස්වන දොර කිමැයි වදාළ මැනැවැ.
100. යො බ්‍රාහ‍්මණං වා සමණං වා අඤ‍්ඤං වාපි වණිබ‍්බකං, මුසාවාදෙන වඤ‍්චෙති තං පරාභවතො මුඛං,
100. යම් බමුණෙකු වේවයි මහණකු වේවයි අන් කිසි යදියෙකු වේවයි මුසවායෙන් රවටා ද, එ පිරිහෙන පුඟුල්හුගේ දොර යි.
101. ඉති හෙතං විජානාම පඤ‍්චමො සො පරාභවො, ඡට‍්ඨමං භගවා බ්‍රූහී කිං පරාභවතො මුඛං.
101. මෙසෙයින් එ කරුණ දැනගනුම්හ. තෙල ලක්‍ෂණය පස්වන කරුණයි, භාග්‍යවතුන් වහන්ස, තෙල පිරිහෙන පුඟුල්හුගේ තෙල සවන දොර කිමැයි වදාළ මැනැව.
102. පහූතවිත‍්තො පුරිසො සහිරඤ‍්ඤො සහොජනො, එකො භුඤ‍්ජති සාදූනි තං පරාභවතො මුඛං.
102. බොහෝ රන් රිදී මිණිරුවන් ඇති කහවණු ඇති සූපව්‍යඤ්ජන භෝජනයෙන් සමෘද්ධ වූ, පුරුෂ එකලා වූයේ පිණි බොදුන් වළඳනේ ද, එය පිරිහෙන පුඟුල්හුගේ තෙල සවන දොරයි.
103. ඉති හෙතං විජානාම ඡට‍්ඨමො සො පරාභවො, සත‍්තමං භගවා බ්‍රූහී කිං පරාභවතො මුඛං.
103. මෙසෙයින් එ කරුණ දැනගනුම්හ. තෙල ලක්‍ෂණය සවන කරුණයි, භාග්‍යවතුන් වහන්ස, තෙල පිරිහෙන පුඟුල්හුගේ තෙල සත්වන දොර කිමැයි වදාළ මැනැවැ.
104. ජාතිත්‍ථද‍්ධො ධනත්‍ථද‍්ධො ගොත‍්තත්‍ථද‍්ධො ච යො නරො, සඤ‍්ඤාතිං අතිමඤ‍්ඤෙති තං පරාභවතො මුඛං.
104. යම් මිනිසෙක් ජාතිමානයෙන් තද වූයේ ධන මානයෙන් තද වූයේ කුලමානයෙන් තද වූයේ සිය නෑයන් ඉක්මැ සිතා ද, එය පිරිහෙන පුඟුල්හුගේ දොරයි.
105. ඉති හෙතං විජානාම සත‍්තමො සො පරාභවො, අට‍්ඨමං භගවා බ්‍රූහි කිං පරාභවතො මුඛං.
105. මෙසෙයින් එ කරුණ දැනගනුම්හ. තෙල ලක්‍ෂණය සත්වන කරුණයි, භාග්‍යවතුන් වහන්ස, තෙල පිරිහෙන පුඟුල්හුගේ තෙල අටවන දොර කිමැයි වදාළ මැනැවැ.
106. ඉත්‍ථිධුත‍්තො සුරාධුත‍්තො අක‍්ඛධුත‍්තො ච යො නරො, ලද‍්ධං ලද‍්ධං විනාසෙති තං පරාභවතො මුඛං.
106. යම් මිනිසෙක් ස්ත්‍රීධූර්‍ත වූයේ සුරාධූර්‍ත වූයේ අක්‍ෂධූර්‍ත වූයේ ලද ලද දෑ වනසා ද එය පිරිහෙන පුඟුල්හුගේ දොරයි.
107. ඉති හෙතං විජානාම අට‍්ඨමො සො පරාභවො, නවමං භගවා බ්‍රූහි කිං පරාභවතො මුඛං.
107. මෙසෙයින් එ කරුණ දැනගනුම්හ. තෙල ලක්‍ෂණය පිරිහෙන පුඟුල්හුගේ අටවන කරුණයි, භාග්‍යවතුන් වහන්ස, නවවන පිරිහීමේ කරුණ කිමැයි වදාළ මැනැවැ.
108. සෙහි දාරෙහසන‍්තුට‍්ඨො වෙසියාසු පදිස‍්සති, දිස‍්සති පරදාරෙසු තං පරාභවතො මුඛං.
108. සිය දාරයන් විසින් නො සතුටු වූයේ වේශ්‍යාවන් කෙරෙහි පැමිණේ ද, පරඹුවන් වෙතැ පැමිණේ ද, එ පිරිහෙන පුඟුල්හුගේ දොර යි.
109. ඉති හෙතං විජානාම නවමො සො පරාභවො, දසමං භගවා බ්‍රූහි කිං පරාභවතො මුඛං.
109. මෙසෙයින් එ කරුණ දැනගනුම්හ. තෙල ලක්‍ෂණය පිරිහෙන පුඟුල්හුගේ නවවන කරුණයි, භාග්‍යවතුන් වහන්ස, දසවන දොර කිමැයි වදාළ මැනැවැ.
110. අතීතයොබ‍්බනො පොසො ආනෙති තිම‍්බරුත්‍ථනිං, තස‍්සා ඉස‍්සා න සුපති තං පරාභවතො මුඛං.
110. ඉක්මගිය යොවුන් ඇති පුරුෂ තිඹිරිපල බඳු පියොවුරු ඇති තුරුණු දැරියක් ආවාහ කොට ගණී ද (හෝ) ඇයට ඊර්‍ෂ්‍යාවෙන් නො නිදා ද එ පිරිහෙන පුඟුල්හුගේ දොරයි.
111. ඉති හෙතං විජානාම දසමො සො පරාභවො, එකාදසමං භගවා බ්‍රූහි කිං පරාභවතො මුඛං.
111. මෙසෙයින් එ කරුණ දැනගනුම්හ. තෙල ලක්‍ෂණය පිරිහෙන පුඟුල්හුගේ දස වන කරුණයි, භාග්‍යවතුන් වහන්ස, එකොළොස්වන පිරිහෙන පුඟුල්හුගේ කිමැයි වදාළ මැනැවැ.
112. ඉත්‍ථිසොණ‍්ඩිං විකිරණිං පුරිසං වාපි තාදිසං, ඉස‍්සරීයස‍්මීං ඨාපෙති තං පරාභවතො මුඛං.
112. (මත්ස්‍ය මාංස මද්‍යපාන ආදියෙහි ) ලොල් වූ ඒ සඳහා ධනය විසුරුවන මාගමක් හෝ එබඳු වූ පුරුෂයෙකු ඉසුරෙහි (ආධිපත්‍යයෙහි) තබා ද, එ පිරිහෙන පුඟුල්හුගේ දොරයි.
113. ඉති හෙතං විජානාම එකාදසමො සො පරාභවො, ද‍්වාදසමං භගවා බ්‍රූහි කිං පරාභවතො මුඛං.
113. මෙසෙයින් එ කරුණ දැනගනුම්හ. තෙල ලක්‍ෂණය පිරිහෙන පුඟුල්හුගේ එකොළොස්වන කරුණයි, භාග්‍යවතුන් වහන්ස, දොළොස්වන පිරිහීමේ කරුණ කිමැයි වදාළ මැනැවැ.
114. අප‍්පභොගො මහාතණ‍්හො ඛත‍්තියෙ ජායතෙ කුලෙ, සොධ රජ‍්ජං පත්‍ථයති තං පරාභවතො මුඛං.
114. අල්පභෝග ඇති මහත්වූ භෝගතෘෂ්ණා ඇති, යමෙක් ක්‍ෂත්‍රිය කුලයෙහි උපදී ද, හෙ ද රාජ්‍යය පතා නම්, එ පිරිහෙන පුඟුල්හුගේ දොරයි.
115. එතෙ පරාභවෙ ලොකෙ පණ‍්ඩිතො සමවෙක‍්ඛිය, අරියො දස‍්සනසම‍්පන‍්නො ස ලොකං භජතෙ සිවන‍්ති.
115. පණ්ඩිත වූ පරාභව දක්නා නුවණැති ඒ ආර්‍ය්‍ය පුද්ගල ලොව්හි තෙල පරාභවයන් නුවණැසින් පිරිසිඳ දැන දෙව්ලොවට පැමිණේ යයි.
පරාභව සුත‍්තං නිට‍්ඨිතා.
පරාභව සූත්‍රය නිමි.