දුතියසමණබ්‍රාහ‍්මණසුත‍්තං
1. 3. 10.
1. 3. 10.
දුතියසමණබ්‍රාහ‍්මණසුත‍්තං
දුතිය සමණබ්‍රාහ්මණ සූත්‍රය
30. සාවත්‍ථියං–
30. සැවැත්නුවර–
තත්‍ර ඛො භගවා භික‍්ඛූ ආමන‍්තෙසි භික‍්ඛවොති. භදන‍්තෙති ඛො තෙ භික්ඛු භගවතො පච‍්චස‍්සොසුං. භගවා එතදවොච:
එහි දි භාග්‍යවතුන් වහන්සේ ‘මහණෙනි’ යි භික්‍ෂූන් ඇමතූ සේක. ‘වහන්සැ’ යි ඒ භික්‍ෂූහු භාග්‍යවතුන් වහන්සේට පිළිවදන් ඇස්සූහ. භාග්‍යවතුන් වහන්සේ මෙය වදාළ සේක:
යෙ හි කෙචි භික‍්ඛවෙ. සමණා වා බ්‍රාහ‍්මණා වා ජරාමරණං නප‍්පජානන‍්ති, ජරාමරණසමුදයං නප‍්පජානන‍්ති, ජරාමරණනිරොධං නප‍්පජානන‍්ති, ජරාමරණනිරොධගාමිනිං පටිපදං නප‍්පජානන‍්ති, තෙ වත ජරාමරණං සමතික‍්කම‍්ම ඨස‍්සන‍්තීති නෙතං ඨානං විජ‍්ජති.
යම් කිසි ශ්‍රමණ කෙනෙක් හෝ බමුණු කෙනෙක් හෝ ජරාමරණ නො දනිත් ද, ජරාමරණ සමුදය නො දනිත් ද, ජරාමරණනිරෝධය නොදනිත් ද, ජරාමරණ නිරෝධගාමිනී ප්‍රතිපදාව නො දනිත් ද; ඔහු ඒකාන්තයෙන් ජරාමරණ ඉක්ම සිටින්නාහු ය යන මේ කාරණය විද්‍යාමාන නො වේ.
[යෙ හි කෙචි භික‍්ඛවෙ, සමණා වා බ්‍රාහ‍්මණා වා]ජාතිං නප‍්පජානන‍්ති -පෙ- භවං -පෙ- උපාදානං -පෙ- තණ‍්හං -පෙ- වෙදනං -පෙ- ඵස‍්සං -පෙ- සළායතනං -පෙ- නාමරූපං -පෙ- විඤ‍්ඤාණං -පෙ- සඞ‍්ඛාරෙ නප‍්පජානන‍්ති, සඞ‍්ඛාරසමුදයං නප‍්පජානන‍්ති, සඞ‍්ඛාරනිරොධං නප‍්පජානන‍්ති, සඞ‍්ඛාරනිරොධගාමිනිං පටිපදං නප‍්පජානන‍්ති, තෙ වත සඞ‍්ඛාරෙ සමතික‍්කම‍්ම ඨස‍්සන‍්තීති නෙතං ඨානං විජ‍්ජති.
(මහණෙනි, යම් කිසි ශ්‍රමණ කෙනෙක් හො බමුණු කෙනෙක් හෝ) ජාතිය නො දනිත් ද .... භවය ... උපාදාන .... තණ්හාව ... වේදනාව ... ඵස්සය ... සළායතන ... නාමරූප ... විඤ්ඤාණය ... සඞ්ඛාර නො දනිත් ද, සඞ්ඛාරසමුදය නො දනිත් ද, සඞ්ඛාරනිරෝධය නො දනිත් ද, සඞ්ඛාරා නිරෝධගාමිනීප්‍රතිපදාව නො දනිත් ද, ඔහු ඒකාන්තයෙන් සංස්කාරයන් ඉක්ම සිටින්නාහු ය යන මේ කාරණය විද්‍යාමාන නො වේ.
යෙ ච ඛො කෙචි භික‍්ඛවෙ, සමණා වා බ්‍රාහ‍්මණා වා ජරාමරණං පජානන‍්ති, ජරාමරණසමුදයං පජානන‍්ති, ජරාමරණනිරොධං පජානන‍්ති, ජරාමරණනිරොධගාමිනිං පටිපදං පජානන‍්ති, තෙ වත ජරාමරණං සමතික‍්කම‍්ම ඨස‍්සන‍්තීති ඨානමෙතං විජ‍්ජති.
මහණෙනි, යම් කිසි ශ්‍රමණ කෙනෙක් හෝ බමුණු කෙනෙක් හෝ ජරා මරණ දනිත් ද, ජරාමරණ සමුදය දනිත් ද, ජරාමරණ නිරෝධය දනිත් ද, ජරාමරණ නිරොධගාමිනී ප්‍රතිපදාව දනිත් ද, ඔහු ඒකාන්තයෙන් ජරාමරණ ඉක්ම සිටින්නාහු ය යන මේ කාරණය විද්‍යාමාන වේ.
[යෙ හි කෙචි භික‍්ඛවෙ, සමණා වා බ්‍රාහ‍්මණා වා]ජාතිං පජානන‍්ති -පෙ- භවං -පෙ- උපාදානං -පෙ- තණ‍්හං -පෙ- වෙදනං -පෙ- ඵස‍්සං -පෙ- සළායතනං -පෙ- නාමරූපං -පෙ- විඤ‍්ඤාණං -පෙ- සඞ‍්ඛාරෙ පජානන‍්ති. සඞ‍්ඛාරසමුදයං පජානන‍්ති, සඞ‍්ඛාරනිරොධං පජානන‍්ති, සඞ‍්ඛාරනිරොධගාමිනිං පටිපදං පජානන‍්ති, තෙ වත සඞ‍්ඛාරෙ සමතික‍්කම‍්ම ඨස‍්සන‍්තීති ඨානමෙතං විජ‍්ජතීති.
(මහණෙනි, යම් කිසි ශ්‍රමණ කෙනෙක් හෝ බමුණු කෙනෙක් හෝ) ජාතිය දනිත් ද ... භවය ... උපාදාන ... තණ්හාව ... වේදනාව ... ඵස්සය ... සළායතන ... නාමරූප .... විඤ්ඤාණය ... සඞ්ඛාර දනිත් ද, සඞ්ඛාර සමුදය දනිත් ද, සඞ්ඛාර නිරෝධය දනිත් ද, සඞ්ඛාරනිරෝධගාමිනීප්‍රතිපදාව දනිත් ද; ඔහු ඒකාන්තයෙන් සංස්කාරයන් ඉක්ම සිටින්නාහු ය යන මේ කාරණය විද්‍යාමාන වෙයි.
දසබලවග‍්ගො තතියො
දශබලවර්‍ගය තෙවැනි යි.
තස‍්සුද‍්දානං:
එහි උද්දානය:
ද‍්වෙ දසබලා උපනිසා ච අඤ්ඤතිත්ථිය භූමිජො, උපවාණො පච‍්චයො භික්ඛු ද‍්වෙ ච සමණබ්‍රාහ‍්මණාති.
දසබල සූත්‍ර දෙක ය, උපනිස, අඤ්ඤතිත්ථිය, භූමිජ, උපවාණ, පච්චය, භික්ඛු සූත්‍ර ද, සමණ බ්‍රාහ්මණ සූත්‍ර දෙකදැ යි සූත්‍ර දශයෙකි.