19. අතීතාරම‍්මණත‍්තිකං
19. අතීතාරම‍්මණත‍්තිකං.
අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති හෙතු පච‍්චයා, අතීතාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ පටිච‍්ච ද‍්වෙ ඛන්‍ධො, පටිසන්‍ධික‍්ඛණෙ අතීතාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ පටිච‍්ච ද‍්වෙ ඛන්‍ධා, අනාගතාරම‍්මණං ධම‍්මං පටිච‍්ච අනාගතාරම‍්මණො ධම‍්මො උප‍්පජ‍්ජති හෙතුපච‍්චයා, අනාගතාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, පච‍්චුප‍්පන‍්නාරම‍්මණං ධම‍්මං පටිච‍්ච පච‍්චුප‍්පන‍්නාරම‍්මණො ධම‍්මො උප‍්පජ‍්ජති හෙතුපච‍්චයා, පච‍්චුප‍්පන‍්නාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, පටිසන්‍ධික‍්ඛණෙ, පච‍්චුප‍්පන‍්නාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ.
අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති ආරම‍්මණපච‍්චයා, අධිපති පච‍්චයා, අධිපතියා පටිසන්‍ධි නත්‍ථි, අනන‍්තර පච‍්චයා, සමනන‍්තර පච‍්චයා, සහජාත, අඤ‍්ඤමඤ‍්ඤ, නිස‍්සය, උපනිස‍්සය, පුරෙජාත, ආසෙවන පච‍්චයා, පුරෙජාතෙපි ආසෙවනෙපි පටිසන්‍ධි නත්‍ථි, කම‍්මපච‍්චයා, විපාක පච‍්චයා, විපාකං අතීතාරම‍්මණං එකං ඛන්‍ධං, තිස‍්සොපි පඤ‍්හා පරිපුණ‍්ණා පවත‍්ති
පටිසන්‍ධි කාතබ‍්බා, ආහාර පච‍්චයා. ඉන්‍ද්‍රියපච‍්චයා, ඣානපච‍්චයා, මග‍්ගපච‍්චයා, සම‍්පයුත‍්තපච‍්චයා, විප‍්පයුත‍්තපච‍්චයා අත්‍ථිපච‍්චයා නත්‍ථිපච‍්චයා, විගතපච‍්චයා, අවිගතපච‍්චයා, හෙතුයා තීණි, ආරම‍්මණෙ තීණි, අධිපතියා තීණි, (සංඛිත‍්තං.) සබ‍්බත්‍ථ තීණි, විගතෙ තීණි, අවිගතො තීණි, (එවං ගණෙතබ‍්බං.)
අනුලොමං.
අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න හෙතුපච‍්චයා, අහෙතුකං අතීතාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, අහෙතුක පටිසන්‍ධික‍්ඛණෙ විචිකිච‍්ඡාසහගතෙ උද‍්ධච‍්චසහගතෙ ඛන්‍ධෙ පටිච‍්ච විචිකිච‍්ඡාසහගතො උද‍්ධච‍්චසහගතො මොහො.
අනාගතාරම‍්මණං ධම‍්මං පටිච‍්ච අනාගතාරම‍්මණො ධම‍්මො උප‍්පජ‍්ජති න හෙතුපච‍්චයා, අහෙතුකං අනාගතාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, විචිකිච‍්ඡාසහගතෙ උද‍්ධච‍්චසහගතෙ ඛන්‍ධෙ පටිච‍්ච විචිකිච‍්ඡා සහගතො උද‍්ධච‍්චසහගතො මොහො.
පච‍්චුප‍්පන‍්නාරම‍්මණං ධම‍්මං පටිච‍්ච පච‍්චුප‍්පන‍්නාරම‍්මණො ධම‍්මො උප‍්පජ‍්ජති න හෙතුපච‍්චයා, අහෙතුකං පච‍්චුප‍්පන‍්නාරම‍්මණං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, අහෙතුක පටිසන්‍ධික‍්ඛණෙ පච‍්චුප‍්පන‍්නාරම‍්මණෙ විචිකිච‍්ඡාජසහගතෙ උද‍්ධච‍්චසහගතෙ ඛන්‍ධෙ පටිච‍්ච විචිකිච‍්ඡාසහගතො උද‍්ධච‍්චසහගතො මොහො, අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න අධිපතිපච‍්චයා, අනුලොමං සහජාතසදිසං.
අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න පුරෙජාතපච‍්චයා, අරූපෙ අතීතාරම‍්මණං එකං ඛන්‍ධං පටිච‍්ච ද‍්වෙ ඛන්‍ධෙ පටිසන්‍ධික‍්ඛණෙ.
අනාගතාරම‍්මණං ධම‍්මං පටිච‍්ච අනාගතාරම‍්මණො ධම‍්මො උප‍්පජ‍්ජති න පුරෙජාතපච‍්චයා, අරූපෙ අනාගතාරම‍්මණං එකං ඛන්‍ධං පටිච‍්ච තයො ඛන්‍ධා. ද‍්වෙ ඛන්‍ධෙ, පච‍්චුප‍්පන‍්නාරම‍්මණං ධම‍්මං පටිච‍්ච පච‍්චුප‍්පන‍්නාරම‍්මණො ධම‍්මො උප‍්පජ‍්ජති. න පුරෙජාතපච‍්චයා, පටිසන්‍ධික‍්ඛණෙ පච‍්චුප‍්පන‍්නාරම‍්මණං එකං ඛන්‍ධං පටිච‍්ච ද‍්වෙ ඛන්‍ධෙ.
අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න පච‍්ඡාජාතපච‍්චයා, න ආසෙවනපච‍්චයා, න අධිපතිසදිසා, න කම‍්ම-
පච‍්චයා, අතීතාරම‍්මණෙ ඛන්‍ධෙ පටිච‍්ච අතීතාරම‍්මණා චෙතනා, අනාගතාරම‍්මණං ධම‍්මං පටිච‍්ච අනාගතාරම‍්මණො ධම‍්මො උප‍්පජ‍්ජති න කම‍්මපච‍්චයා, අනාගතාරම‍්මණෙ ඛන්‍ධෙ පටිච‍්ච අනාගතාරම‍්මණා චෙතනා, පච‍්චුප‍්පන‍්නාරම‍්මණං ධම‍්මං පටිච‍්ච පච‍්චුප‍්පන‍්නාරම‍්මණො ධම‍්මො උප‍්පජ‍්ජති න කම‍්මපච‍්චයා, පච‍්චුප‍්පන‍්නාරම‍්මණෙ ඛන්‍ධෙ පටිච‍්ච පච‍්චුප‍්පන‍්නාරම‍්මණා චෙතනා, අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න විපාක පච‍්චයා, න විපාකෙ පටිසන්‍ධි නත්‍ථි.
පච‍්චුප‍්පන‍්නාරම‍්මණං ධම‍්මං පටිච‍්ච පච‍්චුප‍්පන‍්නාරම‍්මණො ධම‍්මො උප‍්පජ‍්ජති න ඣානපච‍්චයා පඤ‍්චවිඤ‍්ඤාණසහගතං එකං ඛන්‍ධං පටිච‍්ච තයො ඛන්‍ධා, ද‍්වෙ ඛන්‍ධෙ, අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න මග‍්ගපච‍්චයා, අහෙතුකං අතීතාරම‍්මණං එකං ඛන්‍ධං පටිච‍්ච, න හෙතුසදිසා, තිස‍්සො පඤ‍්හා, මොහො නත්‍ථි, අතීතාරම‍්මණං ධම‍්මං පටිච‍්ච අතීතාරම‍්මණො ධම‍්මො උප‍්පජ‍්ජති න විප‍්පයුත‍්තපච‍්චයා, අරූපෙ අතීතාරම‍්මණං එකං ඛන්‍ධං පටිච‍්ච, ද‍්වෙ ඛන්‍ධෙ, අනාගතාරම‍්මණං ධම‍්මං පටිච‍්ච අනාගතාරම‍්මණො ධම‍්මො උප‍්පජ‍්ජති න විප‍්පයුත‍්තපච‍්චයා. අරූපෙ අනාගතාරම‍්මණං එකං ඛන්‍ධං පටිච‍්ච ද‍්වෙ ඛන්‍ධෙ.
න හෙතුයා තීණි, න අධිපතියා, න පුරෙජාතෙ, න පච‍්ඡාජාතෙ, න ආසෙවනෙ, න කම‍්මෙ, න විපාකෙ තීණි, න ඣානෙ එකං, න මග‍්ගෙ තීණි, න විප‍්පයුත‍්තෙ ද‍්වෙ, (එවං ගණෙතබ‍්බං.)
පච‍්චනීයං.
හෙතුපච‍්චයා න අධිපතියා තීණි, න පුරෙජාතෙ, න පච‍්ඡාජාතෙ, න ආසෙවනෙ, න කම‍්මෙ, න විපාකෙ තීණි, න විප‍්පයුත‍්තෙ ද‍්වෙ, (එවං ගණෙතබ‍්බං.)
අනුලොමපච‍්චනීයං.
න හෙතුපච‍්චයා ආරම‍්මණෙ තීණි, (සංඛිත‍්තං,) සබ‍්බත්‍ථ තීණි, අවිගතෙ තීණි, (එවං ගණෙතබ‍්බං.)
පච‍්චනීයානුලොමං.
පටිච‍්චවාරො.
(සහජාතවාරොපි පච‍්චයවාරොපි නිස‍්සයවාරොපි සංසට‍්ඨාවාරොපි සම‍්පයුත‍්තවාරොපි පටිච‍්චවාරසදිසා.)
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස හෙතුපච‍්චයෙන පච‍්චයො, අතීතාරම‍්මණා හෙතුසම‍්පයුත‍්තකානං ඛන්‍ධානං හෙතු-
පච‍්ච-. පටිසන්‍ධික‍්ඛණෙ අතීතාරම‍්මණා හෙතු සම‍්පයුත‍්තකානං ඛන්‍ධානං, අනාගතාරම‍්මණො අනාගතාරම‍්මණස‍්ස ධම‍්මස‍්ස හෙතුපච‍්ච-. අනාගතාරම‍්මණා හෙතු සම‍්පයුත‍්තකානං ඛන්‍ධානං හෙතුපච‍්ච-. පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස හෙතුපච‍්ච-. පච‍්චුප‍්පන‍්නාරම‍්මණා හෙතු සම‍්පයුත‍්තකානං ඛන්‍ධානං හෙතුපච‍්චපටිසන්‍ධික‍්ඛණෙ පච‍්චුප‍්පන‍්නාරම‍්මණා හෙතු සම‍්පයුත‍්තකානං ඛන්‍ධානං හෙතුපච‍්චයෙන පච‍්චයො.
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණ පච‍්ච-. අතීතං විඤ‍්ඤාණඤ‍්චායතනං පච‍්චවෙක‍්ඛති, නෙවසඤ‍්ඤානාසඤ‍්ඤායතනං පච‍්චවෙක‍්ඛති, අතීතාරම‍්මණං අතීතං ඉද‍්ධිවිධඤාණං පච‍්චවෙක‍්ඛති, චෙතොපරියඤාණං, පුබ‍්බෙනිවාසානුස‍්සතිඤාණං, යථාකම‍්මූපගඤාණං පච‍්චවෙක‍්ඛති, අරියා අතීතාරම‍්මණෙ පහීනෙ කිලෙසෙ පච‍්චවෙක‍්ඛන‍්ති. වික‍්ඛම‍්හිතෙ කිලෙසෙ, පුබ‍්බෙ සමුදාචිණ‍්ණෙ, අතීතාරම‍්මණෙ අතීතෙ ඛන්‍ධෙ අනිච‍්චතො දුක‍්ඛතො අනත‍්තතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ අතීතාරම‍්මණො රාගො උප‍්පජ‍්ජති, දිට‍්ඨි, විචිකිච‍්ඡා, උද‍්ධච‍්චං, දොමනස‍්සං, උප‍්පජ‍්ජති. අතීතාරම‍්මණා අතීතා ඛන්‍ධා චෙතොපරියඤාණස‍්ස, පුබ‍්බෙනිවාසා, යථාකම‍්මූපගඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. අනාගතං විඤ‍්ඤාණඤ‍්චායතනං පච‍්චවෙක‍්ඛති, නෙවසඤ‍්ඤානාසඤ‍්ඤායතනං පච‍්චවෙක‍්ඛති, අතීතාරම‍්මණං අනාගතං ඉද‍්ධිවිධඤාණං පච‍්චවෙක‍්ඛති, චෙතොපරියඤාණං, පුබ‍්බෙනිවාසා, යථාකම‍්මූපගඤාණං, අතීතාරම‍්මණෙ අනාගතෙ ඛන්‍ධෙ අනිච‍්චතො විපස‍්සති, අස‍්සාදෙති, අභිනන්‍දති, තං ආරබ‍්භ අනාගතාරම‍්මණො රාගො උප‍්පජ‍්ජති, දොමනස‍්සං උප‍්පජ‍්ජති, අතීතාරම‍්මණං අනාගතා ඛන්‍ධා චෙතොපරිය-. අනාගතංස ඤාණස‍්ස, ආවජ‍්ජනාය ආරම‍්මණ පච‍්චයෙන පච‍්චයො.
අතීතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ආරම‍්මණපච‍්ච-. චෙතොපරියඤාණෙන අතීතාරම‍්මණා පච‍්චුප‍්පන‍්නා චිත‍්තසමඞ‍්ගිස‍්ස චිත‍්තං ජානාති, අතීතාරම‍්මණා පච‍්චුප‍්පන‍්නා ඛන්‍ධා චෙතොපරියඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. අනාගතාරම‍්මණං අනාගතං ඉද‍්ධිවිධඤාණං පච‍්චවෙක‍්ඛති. චෙතොපරිය-. අනාගතංසඤාණං, අනාගතාරම‍්මණෙ අනාගතෙ ඛන්‍ධෙ අනිච‍්චතො විපස‍්සති, අස‍්සාදෙති, අභිනන්‍දති, තං ආරබ‍්භ අනාගතාරම‍්මණො රාගො, දොමනස‍්සං උප‍්පජ‍්ජති. අනාගතාරම‍්මණා අනාගතා
ඛන්‍ධා චෙතොපරියඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අනාගතාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණපච‍්ච-. අනාගතාරම‍්මණං අතීතං ඉද‍්ධිවිධඤාණං පච‍්චවෙක‍්ඛති, චෙතොපරියඤාණං, අනාගතංසඤාණං, අරියා අනාගතාරම‍්මණෙ පහීනෙ කිලෙසෙ පච‍්චවෙක‍්ඛන‍්ති, වික‍්ඛම‍්හිතෙ කිලෙසෙ පච‍්චවෙක‍්ඛන‍්ති. පුබ‍්බෙ සමුදාචිණ‍්ණෙ, අනාගතාරම‍්මණෙ අතීතෙ ඛන්‍ධෙ අනිච‍්චතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ අතීතාරම‍්මණො රාගො උප‍්පජ‍්ජති, දොමනස‍්සං උප‍්පජ‍්ජති, අනාගතාරම‍්මණා අතීතා ඛන්‍ධා චෙතොපරියඤාණස‍්ස, පුබ‍්බෙනිවාසානුස‍්සතිඤාණස‍්ස, යථාකම‍්මූපගඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අනාගතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආරම‍්මණපච‍්ච-. චෙතොපරියඤාණෙන අනාගතාරම‍්මණපච‍්චුප‍්පන‍්නා චිත‍්තසමඞ‍්ගිස‍්ස චිත‍්තං ජානාති, අනාගතාරම‍්මණා පච‍්චුප‍්පන‍්නා ඛන්‍ධා චෙතොපරියඤාණස‍්ස ආවජ‍්ජනාය ආරම‍්මණපච‍්ච-. පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආරම‍්මණපච‍්ච-. චෙතොපරියඤාණෙන පච‍්චුප‍්පන‍්නාරම‍්මණ පච‍්චුප‍්පන‍්න චිත‍්තසමඞ‍්ගිස‍්ස චිත‍්තං ජානාති, පච‍්චුප‍්පන‍්නාරම‍්මණා පච‍්චුප‍්පන‍්නා ඛන්‍ධා චෙතොපරියඤාණස‍්ස, ආවජ‍්ජනාය, ආරම‍්මණපච‍්චයෙන පච‍්චයො.
පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණ පච‍්ච-. අතීතං දිබ‍්බං චක‍්ඛුං පච‍්චවෙක‍්ඛති, දිබ‍්බං සොතධාතුං පච‍්චවෙක‍්ඛති, පච‍්චුප‍්පන‍්නාරම‍්මණං අතීතං ඉද‍්ධිවිධඤාණං පච‍්චවෙක‍්ඛති, චෙතොපරියඤාණං අරියා පච‍්චුප‍්පන‍්නාරම‍්මණෙ පහීණෙ කිලෙසෙ පච‍්චවෙක‍්ඛන‍්ති, වික‍්ඛම‍්හිතෙ කිලෙසෙ. පුබ‍්බෙ සමුදාචිණ‍්ණෙ, පච‍්චුප‍්පන‍්නාරම‍්මණෙ අතීතෙ ඛන්‍ධෙ අනිච‍්චතො විපස‍්සන‍්ති, අස‍්සාදෙන‍්ති, අභිනන්‍දන‍්ති, තං ආරබ‍්භ අතීතාරම‍්මණො රාගො, දොමනස‍්සං උප‍්පජ‍්ජති, පච‍්චුප‍්පන‍්නාරම‍්මණා අතීතා ඛන්‍ධා චෙතොපරියඤාණස‍්ස, පුබ‍්බෙනිවාසා, යථාකම‍්මූපගඤාණස‍්ස, ආවජ‍්ජනාය ආරම‍්මණපච‍්ච-.
පච‍්චුප‍්පන‍්නාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. අනාගතං දිබ‍්බං චක‍්ඛුං පච‍්චවෙක‍්ඛති, දිබ‍්බං සොතධාතුං පච‍්චවෙක‍්ඛති. පච‍්චුප‍්පන‍්නාරම‍්මණං අනාගතං ඉද‍්ධිවිධඤාණං පච‍්චවෙක‍්ඛති. චෙතොපරියඤාණං, පච‍්චුප‍්පනානාරම‍්මණෙ අනාගතෙ ඛන්‍ධෙ අනිච‍්චතො විපස‍්සති -පෙ- තං ආරබ‍්භ අනාගතාරම‍්මණො රාගො, දොමනස‍්සං උප‍්පජ‍්ජති, පච‍්චුප‍්පන‍්නාරම‍්මණා අනාගතා ඛන්‍ධා චෙතොපරියඤාණස‍්ස, අනාගතංසඤාණස‍්ස, ආවජ‍්ජනාය ආරම‍්මණපච‍්චයෙන පච‍්චයො.
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස අධිපතිපච‍්ච-. ආරම‍්මණාධිපති, සහජාතාධිපති, - ආරම‍්මණාධිපති: අතීතං විඤ‍්ඤාණඤ‍්චායතනං ගරුං කත්‍වා පච‍්චවෙක‍්ඛති, නෙවසඤ‍්ඤානාසඤ‍්ඤායතනං ගරුං කත්‍වා පච‍්චවෙක‍්ඛති, අතීතාරම‍්මණං අතීතං ඉද‍්ධිවිධඤාණං ගරුං කත්‍වා පච‍්චවෙක‍්ඛති. චෙතොපරිය, පුබ‍්බෙනිවාසා, යථාකම‍්මූපගඤාණං, ගරුං කත්‍වා පච‍්චවෙක‍්ඛති, අතීතාරම‍්මණෙ අතීතෙ ඛන්‍ධෙ ගරුං කත්‍වා පච‍්චවෙක‍්ඛති, අස‍්සාදෙති, අභිනන්‍දති, තං ගරුං කත්‍වා අතීතාරම‍්මණො රාගො උප‍්පජ‍්ජති, දිට‍්ඨි උප‍්පජ‍්ජති, සහජාතාධිපති, අතීතාරම‍්මණාධිපති, සම‍්පයුත‍්තකානං ඛන්‍ධානං අධිපතිපච‍්ච-.
අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස අධිපතිපච‍්ච, ආරම‍්මණාධිපති අනාගතං විඤ‍්ඤාණඤ‍්චායතනං ගරුං කත්‍වා නෙවසඤ‍්ඤානාසඤ‍්ඤායතනං අතීතාරම‍්මණං අනාගතං ඉද‍්ධිවිධඤාණං ගරුං කත්‍වා චෙතොපරියඤාණං, පුබ‍්බෙනිවාසා, යථාකම‍්මූපගඤාණං, අතීතාරම‍්මණෙ අනාගතෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා අනාගතාරම‍්මණො රාගො උප‍්පජ‍්ජති, දිට‍්ඨි උප‍්පජ‍්ජති.
අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස අධිපතිපච‍්ච-. ආරම‍්මණාධිපති, සහජාතාධිපති, - ආරම‍්මණාධිපති අනාගතාරම‍්මණං අනාගතං ඉද‍්ධිවිධඤාණං ගරුං කත්‍වා, චෙතොපරියඤාණං, අනාගතංසඤාණං, ගරුං කත්‍වා පච‍්චවෙක‍්ඛති, අනාගතාරම‍්මණෙ අනාගතෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා අනාගතාරම‍්මණො රාගො උප‍්පජ‍්ජති දිට‍්ඨි උප‍්පජ‍්ජති, සහජාතාධිපති අනාගතාරම‍්මණාධිපති සම‍්පයුත‍්තකානං ඛන්‍ධානං අධිපතිපච‍්චයෙන පච‍්චයො.
අනාගතාරම‍්මණො ධම‍්මො අතීතාරම‍්මණස‍්ස ධම‍්මස‍්ස අධිපතිපච‍්ච-. ආරම‍්මණාධිපති, සහජාතාධිපති, -ආරම‍්මණාධිපති: අනාගතාරම‍්මණං අතීතං ඉද‍්ධිවිධඤාණං ගරුං කත්‍වා චෙතොපරියඤාණං, අනාගතංසඤාණං ගරුං කත්‍වා, අනාගතාරම‍්මණෙ අතීතෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරු කත්‍වා අතීතාරම‍්මණො රාගො උප‍්පජ‍්ජති. දිට‍්ඨි උප‍්පජ‍්ජති.
පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස අධිපතිපච‍්ච-. සහජාතාධිපති, පච‍්චුප‍්පන‍්නාරම‍්මණාධිපති සම‍්පයුත‍්තකානං ඛන්‍ධානං අධිපති.
පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්ස අධිපතිපච‍්ච-. ආරම‍්මණාධිපති, අතීතං දිබ‍්බචක‍්ඛුං ගරුං කත්‍වා පච‍්චවෙක‍්ඛති,
දිබ‍්බං සොතධාතුං ගරුං කත්‍වා පච‍්චවෙක‍්ඛති. පච‍්චුප‍්පන‍්නාරම‍්මණං අතීතං ඉද‍්ධිවිධඤාණං ගරුං කත්‍වා, චෙතොපරියඤාණං ගරුං කත්‍වා, පච‍්චුප‍්පන‍්නාරම‍්මණෙ අතීතෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා අතීතාරම‍්මණො රාගො උප‍්පජ‍්ජති, දිට‍්ඨි උප‍්පජ‍්ජති.
පච‍්චුප‍්පන‍්නාරම‍්මණො ධම‍්මො අනාගතාරම‍්මණස‍්ස ධම‍්මස‍්ස අධිපතිපච‍්ච-. ආරම‍්මණාධිපති අනාගතං දිබ‍්බං චක‍්ඛුං ගරුං කත්‍වා පච‍්චවෙක‍්ඛති, දිබ‍්බං සොතධාතුං ගරුං කත්‍වා පච‍්චුප‍්පන‍්නාරම‍්මණං අනාගතං ඉද‍්ධිවිධඤාණං ගරුං කත්‍වා, පච‍්චුප‍්පන‍්නාරම‍්මණෙ අනාගතෙ ඛන්‍ධෙ ගරුං කත්‍වා අස‍්සාදෙති, අභිනන්‍දති, තං ගරුං කත්‍වා අනාගතාරම‍්මණො රාගො උප‍්පජ‍්ජති, දිට‍්ඨි උප‍්පජ‍්ජති.
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස අනන‍්තරපච‍්චයෙන පච‍්චයො. පුරිමා පුරිමා අතීතාරම‍්මණා ඛන්‍ධා පච‍්ඡිමානං පච‍්ඡිමානං අතීතාරම‍්මණානං ඛන්‍ධානං අනන‍්තරපච‍්ච-. අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස අනන‍්තරපච‍්ච-. අතීතාරම‍්මණං භවඞ‍්ගං අනාගතාරම‍්මණාය ආවජ‍්ජනාය අනන‍්තරපච‍්ච- අතීතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස අනන‍්තරපච‍්ච-. අතීතාරම‍්මණං චුතිචිත‍්තං, පච‍්චුප‍්පන‍්නාරම‍්මණස‍්ස පටිසන්‍ධිචිත‍්තස‍්ස අනන‍්තරපච‍්ච-. අතීතාරම‍්මණං භවඞ‍්ගං පච‍්චුප‍්පන‍්නාරම‍්මණාය ආවජ‍්ජනාය අනන‍්තරපච‍්චයෙන පච‍්චයො.
අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස අනන‍්තරපච‍්ච-. පුරිමා පුරිමා අනාගතාරම‍්මණා ඛන්‍ධා පච‍්ඡිමානං පච‍්ඡිමානං අනාගතාරම‍්මණානං ඛන්‍ධානං අනන‍්තරපච‍්ච-. අනාගතාරම‍්මණො ධම‍්මො අතීතාරම‍්මණස‍්ස ධම‍්මස‍්ස අනන‍්තරපච‍්ච, අනාගතාරම‍්මණං ඉද‍්ධිවිධඤාණං අතීතාරම‍්මණස‍්ස වුට‍්ඨානස‍්ස චෙතොපරියඤාණං අතීතාරම‍්මණස‍්ස වුට‍්ඨානස‍්ස, අනාගතංසඤාණං අතීතාරම‍්මණස‍්ස වුට‍්ඨානස‍්ස, අනාගතාරම‍්මණා ඛන්‍ධා අතීතාරම‍්මණස‍්ස වුට‍්ඨානස‍්ස අනන‍්තරපච‍්චයෙන පච‍්චයො.
පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස අනන‍්තරපච‍්ච-. පුරිමා පුරිමා පච‍්චුප‍්පන‍්නාරම‍්මණා ඛන්‍ධා පච‍්ඡිමානං පච‍්ඡිමානං පච‍්චුප‍්පන‍්නාරම‍්මණා ඛන්‍ධානං අනන‍්තරපච‍්ච-. පච‍්චුප‍්පන‍්නාරම‍්මණං පටිසන්‍ධිචිත‍්තං, පච‍්චුප‍්පන‍්නාරම‍්මණස‍්ස භවඞ‍්ගස‍්ස, පච‍්චුප‍්පන‍්නාරම‍්මණං භවඞ‍්ගං පච‍්චුප‍්පන‍්නාරම‍්මණස‍්ස භවඞ‍්ගස‍්ස අනන‍්තරපච‍්චයෙන පච‍්චයො.
පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්ස අනන‍්තරපච‍්ච-. පච‍්චුප‍්පන‍්නාරම‍්මණං පටිසන්‍ධි චිත‍්තං අතීතාරම‍්මණස‍්ස
භවඞ‍්ගස‍්ස පච‍්චුප‍්පන‍්නාරම‍්මණං භවඞ‍්ගං අතීතාරම‍්මණස‍්ස භවඞ‍්ගස‍්ස, පච‍්චුප‍්පන‍්නාරම‍්මණා ඛන්‍ධා අතීතාරම‍්මණස‍්ස වුට‍්ඨානස‍්ස අනන‍්තරපච‍්චයෙන පච‍්චයො.
අතීතාරම‍්මණො අතීතාරම‍්මණස‍්ස ධම‍්මස‍්ස සමනන‍්තරපච‍්ච-. (අනන‍්තර සදිසං.)
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස සහජාතපච‍්ච-. අඤ‍්ඤමඤ‍්ඤපච‍්ච-. නිස‍්සයපච‍්ච-. (තයොපි පච‍්චයා පටිච‍්චවාර සදිසා.)
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, -පකතූපනිස‍්සයො: අතීතාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා, අතීතාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්චයෙන පච‍්චයො.
අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, -පකතූපනිස‍්සයො: අතීතාරම‍්මණා අනිච‍්චානුපස‍්සනා දුක‍්ඛානුපස‍්සනා, අනත‍්තානුපස‍්සනා අනාගතාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්ච-.
අතීතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස උපනිස‍්සයපච‍්ච-. අනන‍්තරූපනිස‍්සයො, පකතූපනිස‍්සයො, -පකතූපනිස‍්සයො: අතීතාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා පච‍්චුප‍්පන‍්නාරම‍්මණාය, අනිච‍්චානුපස‍්සනාය, දුක‍්ඛානුපස‍්සනාය. අනත‍්තානුපස‍්සනාය, උපනිස‍්සයපච‍්චයෙන පච‍්චයො.
අනාගතාරම‍්මණො ධම‍්මො අනාගතාරම‍්මණස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, පකතූපනිස‍්සයො: අනාගතාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා අනාගතාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්ච-.
අනාගතාරම‍්මණො ධම‍්මො අතීතාරම‍්මණස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, පකතූපනිස‍්සයා: අනාගතාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා අතීතාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්චයෙන පච‍්චයො
අනාගතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස උපනිස‍්සයපච‍්ච-. පකතූපනිස‍්සයො, අනාගතාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා පච‍්චුප‍්පන‍්නාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුස‍්සනාය උපනිස‍්සයපච‍්ච-. පච‍්චුප‍්පන‍්නාරම‍්මණො පච‍්චුප‍්පන‍්නාරම‍්මණස‍්ස, අනන‍්තරූපනිස‍්සයො, පකතූපනිස‍්සයො, පකතූපනිස‍්සයො: පච‍්චුප‍්පන‍්නාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා, පච‍්චුප‍්පන‍්නාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්ච-.
පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, -පකතූපනිස‍්සයො: පච‍්චුප‍්පන‍්නාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා අතීතාරම‍්මණාය, අනිච‍්චානුපස‍්සනාය, දුක‍්ඛානුපස‍්සනාය, අනත‍්තානුපස‍්සනාය උපනිස‍්සයපච‍්ච-.
පච‍්චුප‍්පන‍්නාරම‍්මණො ධම‍්මො අනාගතාරම‍්මණස‍්ස උපනිස‍්සයපච‍්ච-. ආරම‍්මණූපනිස‍්සයො, අනන‍්තරූපනිස‍්සයො, පකතූපනිස‍්සයො, - පකතූපනිස‍්සයො: පච‍්චුප‍්පන‍්නාරම‍්මණා අනිච‍්චානුපස‍්සනා, දුක‍්ඛානුපස‍්සනා, අනත‍්තානුපස‍්සනා, අනාගතාරම‍්මණාය අනිච‍්චානුපස‍්සනාය, දුක‍්ඛානුපස‍්සනාය අනත‍්තානුපස‍්සනාය උපනිස‍්සයපච‍්චයෙන පච‍්චයො.
අතීතාරම‍්මණො ධම‍්මො අතීතාරම‍්මණස‍්ස ආසෙවනපච‍්චයෙන පච‍්චයො. පුරිමා පුරිමා අතීතාරම‍්මණා ඛන්‍ධා පච‍්ඡිමානං පච‍්ඡිමානං අතීතාරම‍්මණා ඛන්‍ධානං අසෙවනපච‍්ච-. අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආසෙවනපච‍්ච-. පුරිමා පුරිමා අනාගතාරම‍්මණා ඛන්‍ධා පච‍්ඡිමානං පච‍්ඡිමානං අනාගතාරම‍්මණානං ඛන්‍ධානං අසෙවනපච‍්ච-. පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආසෙවනපච‍්ච-. පුරිමා පුරිමා පච‍්චුප‍්පන‍්නාරම‍්මණා ඛන්‍ධා පච‍්ඡිමානං පච‍්ඡිමානං පච‍්චුප‍්පන‍්නාරම‍්මණානං ඛන්‍ධානං ආසෙවනපච‍්චයෙන පච‍්චයො.
අතීතාරම‍්මණො අතීතාරම‍්මණස‍්ස ධම‍්මස‍්ස කම‍්මපච‍්චයෙන පච‍්චයො, සහජාතා, නානාඛණිකා, - සහජාතා අතීතාරම‍්මණා චෙතනා සම‍්පයුත‍්තකානං ඛන්‍ධානං කම‍්මපච‍්ච-. නානාඛණිකා අතීතාරම‍්මණා චෙතනා විපාකානං අතීතාරම‍්මණානං ඛන්‍ධානං කම‍්මපච‍්ච-. අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස කම‍්මපච‍්ච-. නානාඛණිකා අතීතාරම‍්මණා චෙතනා විපාකානං අනාගතාරම‍්මණානං ඛන්‍ධානං කම‍්මපච‍්ච-.
අතීතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස කම‍්මපච‍්ච-. නානාඛණිකා අතීතාරම‍්මණා චෙතනා විපාකානං පච‍්චුප‍්පන‍්නාරම‍්මණානං ඛන්‍ධානං කම‍්මපච‍්ච-. අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස කම‍්මපච‍්ච-. සහජාතා නානාඛණිකා, සහජාතා අනාගතාරම‍්මණා චෙතනා සම‍්පයුත‍්තකානං ඛන්‍ධානං කම‍්මපච‍්ච-. නානාඛණිකා අනාගතාරම‍්මණා චෙතනා විපාකානං අනාගතාරම‍්මණානං ඛන්‍ධානං කම‍්මපච‍්ච-.
අනාගතාරම‍්මණො ධම‍්මො අතීතාරම‍්මණස‍්ස ධම‍්මස‍්ස කම‍්මපච‍්ච-. නානාඛණිකා අනාගතාරම‍්මණා චෙතනා විපාකානං අතීතාරම‍්මණානං ඛන්‍ධානං කම‍්මපච‍්චයෙන පච‍්චයො.
අනාගතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස කම‍්මපච‍්ච-. නානාඛණිකා අනාගතාරම‍්මණා චෙතනා විපාකානං පච‍්චුප‍්පන‍්නාරම‍්මණානං ඛන්‍ධානං කම‍්මපච‍්ච-.
පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස කම‍්මපච‍්ච-. සහජාතා, නානාඛණිකා, -සහජාතා පච‍්චුප‍්පන‍්නාරම‍්මණා චෙතනා සම‍්පයුත‍්තකානං ඛන්‍ධානං කම‍්මපච‍්ච-. නානාඛණිකා පච‍්චුප‍්පන‍්නාරම‍්මණා චෙතනා විපාකානං පච‍්චුප‍්පන‍්නාරම‍්මණානං ඛන්‍ධානං කම‍්මපච‍්චයෙන පච‍්චයො.
පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්සකම‍්මපච‍්ච-. නානාඛණිකා පච‍්චුප‍්පන‍්නාරම‍්මණා චෙතනා විපාකානං අතීතාරම‍්මණානං ඛන්‍ධානං කම‍්මපච‍්චයෙන පච‍්චයො.
පච‍්චුප‍්පන‍්නාරම‍්මණො ධම‍්මො අනාගතාරම‍්මණස‍්ස ධම‍්මස‍්ස කම‍්මපච‍්ච-. නානාඛණිකා පච‍්චුප‍්පන‍්නාරම‍්මණා චෙතනා විපාකානං අනාගතාරම‍්මණානං ඛන්‍ධානං කම‍්මපච‍්චයෙන පච‍්චයො.
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස විපාකපච‍්ච-. ආහාරපච‍්ච-. ඉන්‍ද්‍රියපච‍්ච-. ඣානපච‍්ච-. මග‍්ගපච‍්ච-. සම‍්පයුත‍්තපච‍්ච-. අත්‍ථිපච‍්ච-. නත්‍ථිපච‍්ච-. විගතපච‍්ච-. අවිගතපච‍්චයෙන පච‍්චයො.
හෙතුයා තීණි, ආරම‍්මණෙ නව, අධිපතියා සත‍්ත, අනන‍්තරෙ සත‍්ත, සමනන‍්තරෙ සත‍්ත, සහජාතෙ, අඤ‍්ඤමඤ‍්ඤෙ, නිස‍්සයෙ තීණි, උපනිස‍්සයෙ නව, ආසෙවනෙ තීණි, කම‍්මෙ නව, විපාකෙ තීණි, ආහාරෙ තීණි, ඉන්‍ද්‍රියෙ, ඣානෙ, මග‍්ගෙ, සම‍්පයුත‍්තෙ තීණි, අත්‍ථියා තීණි, නත්‍ථියා සත‍්ත, විගතෙ සත‍්ත, අවිගතෙ තීණි, (එවං ගණෙතබ‍්බං.)
අනුලොමං.
අතීතාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණපච‍්චයෙන පච‍්චයො. සහජාතපච‍්ච-. උපනිස‍්සයපච‍්ච-. කම‍්මපච‍්චයෙන පච‍්චයො. අතීතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. කම‍්මපච‍්ච-. අනාගතාරම‍්මණො ධම‍්මො අතීතාරම‍්මණස‍්ස ආරම‍්මණපච‍්ච-. උපනිස‍්සයපච‍්ච-. කම‍්මපච‍්ච-. අතීතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආරම‍්මණපච‍්ච-. උපනිස‍්සය පච‍්ච-. කම‍්මපච‍්ච-. අනාගතාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. සහජාතපච‍්ච උපනිස‍්සයපච‍්ච- කම‍්මපච‍්ච-. අනාගතාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණපච‍්ච-. උපනිස‍්සයපච‍්ච-. කම‍්මපච‍්ච-. අනාගතාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආරම‍්මණපච‍්ච-. උපනිස‍්සයපච‍්ච-. කම‍්මපච‍්ච-. පච‍්චුප‍්පන‍්නාරම‍්මණො ධම‍්මො පච‍්චුප‍්පන‍්නාරම‍්මණස‍්ස ධම‍්මස‍්ස ආරම‍්මණපච‍්ච-. සහජාතපච‍්ච-. උපනිස‍්සයපච‍්ච-. කම‍්මපච‍්ච-. පච‍්චුප‍්පන‍්නාරම‍්මණො ධම‍්මො අතීතාරම‍්මණස‍්ස ධම‍්මස‍්ස ආරම‍්මණපච‍්ච-. උපනිස‍්සයපච‍්ච-. කම‍්මපච‍්ච, පච‍්චුප‍්පන‍්නාරම‍්මණො ධම‍්මො අනාගතාරම‍්මණස‍්ස ධම‍්මස‍්ස ආරම‍්මණපච‍්ච-. උපනිස‍්සයපච‍්ච-. කම‍්මපච‍්චයෙන පච‍්චයො.
න හෙතුයා නව, න ආරම‍්මණෙ නව, න අධිපතියා නව, න අනන‍්තරෙ නව, න සමනන‍්තරෙ නව, (සංඛිත‍්තං.) සබ‍්බත්‍ථ නව, නො විගතෙ නව, නො අවිගතෙ නව, (එවං ගණෙතබ‍්බං.)
පච‍්චනීයං.
හෙතුපච‍්චයා න ආරම‍්මණෙ තීණි, න අධිපතියා, න අනන‍්තරෙ, න සමනන‍්තරෙ, න උපනිස‍්සයෙ, න පුරෙජාතෙ, න පච‍්ඡාජාතෙ, න ආසෙවනෙ, න කම‍්මෙ, න විපාකෙ තීණි, සබ‍්බත්‍ථ තීණි, (සංඛිත‍්තං.) නො නත්‍ථියා, නො විගතෙ තීණි, (එවං ගණෙතබ‍්බං.)
අනුලොමපච‍්චනීයං.
න හෙතුපච‍්චයා ආරම‍්මණෙ නව, අධිපතියා සත‍්ත, අනන‍්තරෙ සත‍්ත, සමනන‍්තරෙ සත‍්ත, සහජාතෙ තීණි, අඤ‍්ඤමඤ‍්ඤෙ තීණි, නිස‍්සයෙ තීණි, උපනිස‍්සයෙ නව, ආසෙවනෙ තීණි, කම‍්මෙ නව, විපාකෙ තීණි, ආහාරෙ, ඉන්‍ද්‍රියෙ, ඣානෙ, මග‍්ගෙ, සම‍්පයුත‍්තෙ, අත්‍ථියා තීණි, නත්‍ථියා සත‍්ත, විගතෙ සත‍්ත, අවිගතෙ තීණි, එවං ගණෙතබ‍්බං.
පච‍්චනීයානුලොමං.
අතිතාරම‍්මණත‍්තිකං නිට‍්ඨිතං.