දුතියවෙදනා සුත‍්තං
3. 1. 4.
3. 1. 4.
[දුතියවෙදනා සුත‍්තං]
[දෙවෙනි වේදනා සූත්‍රය]
53. වුත‍්තං හෙතං භගවතා. වුත‍්තමරහතා’ති මෙ සුතං.
53. භාග්‍යවතුන් වහන්සේ විසින් මෙට වදාරණ ලද්දේ ම ය. අර්‍හත් බුදුරදුන් විසින් වදාරණ ලද්දේ ය. මා විසින් මෙසේ අසන ලදී.
1. තිස‍්සො ඉමා භික‍්ඛවෙ වෙදනා. කතමා තිස‍්සො: සුඛා වෙදනා දුක‍්ඛා වෙදනා අදුක‍්ඛමසුඛා වෙදනා.
1. මහණෙනි, මේ වේදනාවෝ තිදෙනෙක් වෙත්. කවර තිදෙනෙක් ද යත්: සැප වේදනාය, දුක් වේදනාය, නොදුක් නොසැප (මැදහත්) වේදනාය යන මොහුයි.
සුඛා භික‍්ඛවෙ වෙදනා දුක‍්ඛතො දට‍්ඨබ‍්බා. දුක‍්ඛා වෙදනා සල‍්ලතො දට‍්ඨබ‍්බා. අදුක‍්ඛමසුඛා වෙදනා අනිච‍්චතො දට‍්ඨබ‍්බා. යතො ඛො භික‍්ඛවෙ භික‍්ඛුනො සුඛා වෙදනා දුක‍්ඛතො දිට‍්ඨා හොති, දුක‍්ඛා වෙදනා සල‍්ලතො දිට‍්ඨා හොති, අදුක‍්ඛමසුඛා වෙදනා අනිච‍්චතො දිට‍්ඨා හොති, අයං වුච‍්චති භික‍්ඛවෙ භික‍්ඛු අරියො සම‍්මද‍්දසො අච‍්ඡෙච‍්ඡි තණ‍්හං වාවත‍්තයි සංයොජනං සම‍්මා මානාභිසමයා අන‍්තමකාසි දුක‍්ඛස‍්සා’ති.
මහණෙනි, සැපවෙදනාව (විපරිණාම) දුක් වශයෙන් දැක්ක යුතු ය. දුක් වේදනාව (පීඩනාර්‍ත්‍ථයෙන්) හුල් වශයෙන් දැක්ක යුතු ය. නොදුක් නොසැප වේදනාව අනිත්‍ය වශයෙන් දැක්ක යුතු ය. මහණෙනි, යම් හෙයකින් මහණ සැප වේදනාව දුක් වශයෙන් දක්නා ලද ද, දුක් වේදනාවහුල් වශයෙන් දක්නා ලද ද, නොදුක් නොසැප වේදනාව අනිත්‍ය වශයෙන් වශයෙන් දක්නා ලද ද, මහණෙනි, මේ මහණ තෙම ආර්‍ය්‍ය යැ යි ද, සම්‍යග් දර්ශී යැ යි ද කියනු ලැබේ. හෙ තෙමේ තෘෂ්ණාව සිඳැ ලීය. සංයෝජන පෙරළා ලීය. මනා කොට මානයාගේ දර්‍ශනප්‍රහාණාභිසමයයෙන් (සියලු) දුක් කෙළවර කෙළේ ය.
එතමත්‍ථං භගවා අවොච. තත්‍ථෙතං ඉති වුච‍්චති:
භගවත්හු මෙ කරුණ වදාළහ. එහි මේ අර්‍ත්‍ථය (ගාථා වශයෙන්) මෙසේ කියනු ලැබේ:
2. “යො සුඛං දුක‍්ඛතො’ද‍්දක‍්ඛි දුක‍්ඛමද‍්දක‍්ඛි සල‍්ලතො අදුක‍්ඛමසුඛං සන‍්තං අද‍්දක‍්ඛි නං අනිච‍්චතො.
2. “යමෙක් සැපවෙදනාව දුක් වශයෙන් දුටුයේ ද, දුක්වේදනාව හුල් වශයෙන් දුටුයේ ද, නොදුක් නොසැප ශාන්ත වූ ඒ වේදනාව අනිත්‍ය වශයෙන් දුටුයේ ද, ඒ මහණ තෙම ඒකාන්තයෙන් සම්‍යක්දර්ශී නම් වෙයි. යම් හෙයෙකින් ඒ වේදනායෙහි සමුච්ඡේද වශයෙන් මිදේ ද (එහෙයිනි).
3. ස වෙ සම‍්මද‍්දසො භික‍්ඛු, යතො තත්‍ථ විමුච‍්චති අභිඤ‍්ඤාවොසිතො සන‍්තො ස වෙ යොගාතිගො මුනී”ති.
3. විශිෂ්ටඥානයෙන් දැන නිමවන ලද කෘත්‍ය ඇති ශාන්ත වූ ඒ රහත් මහණ තෙමේ ඒකාන්තයෙන් කාමාදි චතුර්යොගයන් ඉක්මවූයේ නම් වෙයි.
අයම‍්පි අත්‍ථො වුත‍්තො භගවතා. ඉති මෙ සුතන‍්ති.
මෙ කරුණ ද භාග්‍යවත්හු විසින් වදාරණ ලදී. මෙසේ මා විසින් අසන ලදී.