5. රොහන‍්තමිගජාතකං
5. රොහන‍්තමිගජාතකං
5. රෝහන්තමිග ජාතකය
2432. එතෙ යූථා පටියන‍්ති භීතා මරණස‍්ස චිත‍්තක, ගච‍්ඡ තුවම‍්පි මා කඞ‍්ඛි ජීවිස‍්සන‍්ති තයා සහ.
2432. චින්තකය, මේ රැළෙහි වූ මුවෝ මරණයට බියවූවෝ පැනදුවති. තොපි ද යව, බලාපොරොත්තු නොවව. තොප සමග ඒ මුවෝ ජීවත් වන්නාහ. මෙසේ රෝහන්ත මෘග තෙම කීයේ ය.
2433. නාහං රොහන‍්ත ගච‍්ඡාමි හදයම‍්මෙ අවකස‍්සති, න තං අහං ජහිස‍්සාමි ඉධ හෙස‍්සාමි ජීවිතං.
2433. රෝහන්තය, මම නොයමි. මගේ හෘදය ශෝකයෙන් අදිනු ලැබේ. මම තොප නො හරිමි. මෙහි ම ජීවිතය හරනෙමි.
2434. තෙ හි නූන මරිස‍්සන‍්ති අන්‍ධා අපරිනායකා, ගච‍්ඡ තුවම‍්පි මා කඞ‍්ඛි ජීවිස‍්සන‍්ති තයා සහ.
2434. ඇස් අන්‍ධ වූ පිළිදැගුම් කරන්නකු නැති ඒ අපගේ මවුපියෝ ඒකාන්තයෙන් මැරෙන්නාහ. එහෙයින් සහෝදරය, තෙපි එහි යව, බලාපොරොත්තු නො වව. තොප සමග ඒ මවුපියෝ ජීවත් වන්නාහු ය.
2435. නාහං රොහන‍්ත ගච‍්ඡාමි හදයම‍්මෙ අවකස‍්සති, න තං බද‍්ධං ජහිස‍්සාමි ඉධ හෙස‍්සාමි ජීවිතං.
2435. රෝහන්තය, මම නො යමි. මාගේ හෘදය ශෝකයෙන් ඇදගනී. මළපුඩුවෙහි බැඳුණු තොප හැර නො යමි. ජීවිතය මෙහි ම හරනෙමි.
2436. ගච‍්ඡ භීරු පලායස‍්සු කූටෙ බද‍්ධොස‍්මි ආයසෙ, ගච‍්ඡ තුවම‍්පි මා කඞ‍්ඛි ජීවිස‍්සන‍්ති තයා සහ.
2436. බියවනසුලු තැනැත්තිය, වහා යව. පැනදුවව. මම අයෝමය කණුවක ඇට වූ මළ පුඩුවෙක්හි බැඳුණෙමි. තෙපි ද යව. බලාපොරොත්තු නො වව. තොප සමග ඒ මුවෝ ජීවත් වන්නාහු යයි බෝසත් තෙම සුනන්‍දා නම් නැගණියන්ට කීයේ ය.
2437. නාහං රොහන‍්ත ගච‍්ඡාමි හදයම‍්මෙ අවකස‍්සති, න තං අහං ජහිස‍්සාමි ඉධ හෙස‍්සාමි ජීවිතං.
2437. පින්වත් රෝහන්තය, මම නො යමි. මාගේ හෘදය ශෝකයෙන් ඇදගනී. මළ පුඩුවෙහි බැඳුණු තොප මම නො හරිමි. මෙහි ම ජීවිතය හරනෙමි යි සුනන්‍දා මුවදෙන කීවා ය.
2438. තෙ හි නූන මරිස‍්සන‍්ති අන්‍ධා අපරිනායකා, ගච‍්ඡ තුවම‍්පි මා කඞ‍්ඛි ජීවිස‍්සන‍්ති තයා සහ.
2438. අන්‍ධ වූ පිළිදැගුම් කරන්නකු නැති ඒ අපගේ මවුපියෝ ඒකාන්තයෙන් මැරෙන්නාහ. එහෙයින් සහෝදරිය, තෙපි ද මෙතැනින් යව. බලාපොරොත්තු නො වව. තොප සමග ඒ මවුපියෝ ජීවත්වන්නාහ යි රෝහන්ත තෙම කීයේ ය.
2439. නාහං රොහනන ගච‍්ඡාමි හදයම‍්මෙ අවකස‍්සති, න තං බද‍්ධං ජහිස‍්සාමි ඉධ හෙස‍්සාමි ජීවිතං.
2439. පින්වත් රෝහන්තය, මම නො යමි. මාගේ හෘදය ශෝකයෙන් ඇදගනී. මළ පුඩුවෙහි බැඳුණු තෙපි මම නො හරිමි. මෙහි ම ජීවිතය හරනෙමි. සුනන්‍දා නම් මුවදෙන කීවාය.
2440. අයං සො ලුද‍්දකො එති රුද‍්දරූපො සහාවුධො, සො නො වධිස‍්සති අජ‍්ජ උසුනා සත‍්තියාමපි.
2440. රෞද්‍ර ස්වභාව ඇත්තේ ආවුධ සහිත වැ ඒ මේ වැදිතෙම එයි. හේ අද අපට හීයෙන් ද අඩයටියෙන් ද හිංසා කරන්නේ ය. (එහෙයින්) වහා පැනයව යි මුවරජ තෙම කීයේ ය.
2441. සා මුහුත‍්තං පලායිත්‍වා භයට‍්ටා භයතජ‍්ජිතා, සුදුක‍්කරං අකරා භීරු මරණායුපනිවත‍්තථ.
2441. බියෙන් පෙළුණා වූ බියෙන් තැතිගත්තා වූ බියවනසුලු වූ ඒ මුවැත්තිය මොහොතක් කල් පැන ගොස් ඉතා දුෂ්කර වූවක් කළා. මරණය සඳහා නැවැත පෙරළා ආවා ය.
2442. කින‍්නු තෙ මෙ මිගා හොන‍්ති මුත‍්තා බද‍්ධං උපාසරෙ, න තං චජිතුමිච‍්ඡන‍්ති ජීවිතස‍්සපි කාරණා.
2442. බන්‍ධනයෙන් මිදුණාහු මළ පුඩුවෙහි බැඳුණු තොප සමීපයෙහි හිඳිති. ජීවිතය හේතුකොට ගෙන ද තොප හැරයන්නට නො කැමැති වෙති. මේ මුවෝ තොපගේ කවරහු වෙද්දැ යි වැදි තෙම ඇසුවේ ය.
2443. භාතරො හොන‍්ති මෙ ලුද‍්ද සොදරියා එකමාතුකා, න මං චජිතු මිච‍්ඡන‍්ති ජීවිතස‍්සපි කාරණා.
2443. එම්බා වැදි පුත්‍රය, මොහු සමානකුස ඇත්තා වූ එක මව වෙත වැඩුණා වූ මාගේ සහෝදරයෝ වෙති. මොහු ජීවිතය හේතු කොටගෙන හෝ මා හැර යන්නට නො කැමැති වෙති යි මුවරජ තෙම කීයේ ය.
2444. තෙ හි නූන මරිස‍්සන‍්ති අන්‍ධා අපරිනායකා, පඤ‍්චන‍්නං ජීවිතං දෙහි භාතරං මුඤ‍්ච ලුද‍්දක.
2444. එම්බා වැදි පුත්‍රය, පිළිදැගුම් කරන්නකු නැති අන්‍ධ වූ ඒ මවුපියෝ ඒකාන්තයෙන් ම මැරෙන්නාහ. එහෙයින් ඔවුන් දෙදෙනාගේ ද අප තිදෙනාගේ ද යන අප පස් දෙනකුගේ ජීවිත දෙනු මැනැවි. මාගේ සහෝදරයා මුදාහරිනු මැනැවැ යි චින්තක නම් මෘග තෙම කීයේ ය.
2445. සො වො අහං පමොක‍්ඛාමි මාතාපෙත‍්තිභරං මිගං, නන්‍දන‍්තු මාතාපිතරො මුත‍්තං දිස‍්වා මහාමිගං.
2445. එම්බා මුවරජ, ඒ මම මවුපියන් පෝෂණය කරන්නා වූ මුවරජහු මුදා හරනෙමි. මරණයෙන් මිදුණා වූ මුවරජ දැක මවුපියෝ සතුටු වෙත්වා යි වැදි තෙම කීයේ ය.
2446. එවං ලුද‍්දක නන්‍දස‍්සු සහ සබ‍්බෙහි ඤාතිභි, යථාහමජ‍්ජ නන්‍දාමි මුත‍්තං දිස‍්වා මහාමිගං.
2446. එම්බා වැදිපුත්‍රය, මම අද මරණයෙන් මිදුණා වූ මුවරජ දැක යම්සේ සතුටුවන්නෙම් ද, එසේ ම නුඹ ද සියලු නෑයන් සමග සතුටුවෙහිවා යි චිත්‍රක තෙම අනුමෙවෙනි වශයෙන් ප්‍රකාශ කෙළේ ය.
2447. කථං පමොක‍්ඛො ආසි උපනීතස‍්මිං ජීවිතෙ, කථං පුත‍්ත අමොචෙසි කූටා පාසම‍්භා ලුද‍්දකො.
2447. පුත්‍රය, ජීවිතය මරණයට ළං කොට පැමිණ වූ කල්හි (මරණාසන්නයේ දී) කෙසේ මිදුණෙහි ද? පුත්‍රය, වැදි තෙම නුඹ මළ පුඩුවෙන් කෙසේ මුදා හැරියේ ද?
2448. භණං කණ‍්ණසුඛං වාචං භදයඞ‍්ගං හදයනිස‍්සිතං, සුභාසිතාහි වාචාහි චිත‍්තකො මං අමොචයි.
2448. පින්වත් මවුපියවරුනි, මාගේ චිත්‍රක නම් සහෝදර තෙම හෘදයාංගම වූ හෘදයනිඃශ්‍රිත වූ කනට සුව ගෙනදෙන්නා වූ වචන කියන්නේ ඒ සුභාෂිත වචන බලයෙන් මා මළපුඩුවෙන් මිදැවී.
2449. භණං කණ‍්ණසුඛං වාචං භදයඞ‍්ගං හදයනිස‍්සිතං, සුභාසිතාහි වාචාහි සුතනා මං අමොචයි.
2449. පින්වත් මවුපියවරුනි, සුතනා තොමෝ ද සිත් ඇදගන්නා වූ හෘදයනිඃශ්‍රිත කර්‍ණරසායන වචන කියන්නී ඒ සුභාෂිත වචන බලයෙන් මා මළපුඩුවෙන් මිදැවූ ය.
2450. සුත්‍වා කණ‍්ණසුඛං වාචං භදයඞ‍්ගං හදයනිස‍්සිතං, සුභාසිතානි සුත්‍වාන ලුද‍්දකො මං අමොචයි.
2450. සිත් ඇදගන්නාසුලු හෘදයනිඃශ්‍රිත වූ කනට සුවදෙන වචන අසා තුටු පහටු වූ වැදිතෙමේ මනා කොට කියූ ඒ වචන ඇසීම හේතු කොටගෙන මා බන්‍ධනයෙන් මිදුවේ ය.
2451. එවං ආනන්‍දිතො හොතු සහ දාරෙහි ලුද‍්දකො, යථා මයජ‍්ජ නන්‍දාම දිස‍්වා රොහන‍්තමාගතං.
2451. මරණයෙන් මිදී ආ රෝහන්ත නම් මුවරජ දැක අද අපි යම්සේ ප්‍රීති වෙමු ද, වැදි තෙමේත් එසේ ම සිය අඹුදරුවන් සමග ප්‍රීති වේවා යි මවුපියෝ අනුමෙවෙනි කළහ.
2452. නනු ත්‍වං අවචා ලුද‍්ද මිගචම‍්මානි ආහරිං, අථ කෙන නු වණ‍්ණෙන මිගචම‍්මානි නාහරි.
2452. එම්බා වැදිපුත්‍රය, මුවකු හෝ මුවසම් හෝ ගෙනෙන්නෙමි යි නුඹ කීවෙහි නොවේ ද? එසේ කියා තිබිය දී කවර කාරණයකින් මුවකු හෝ මුවසම් හෝ නො ගෙනාවෙහි ද? යි රජ තෙම ඇසී ය.
2453. ආගමාචෙව හත්‍ථත්‍ථං කුටපාසඤ‍්ච සො මිගො, අබජ‍්ඣිතඤ‍්ච මිගරාජං තඤ‍්ච මුත‍්තා උපාසරෙ.
2453. මහරජ, ඒ මුව තෙම මා ඇට වූ මළපුඩුවෙහි බැඳුණේ මාගේ අත්පසට ම පැමිණියේ ම ය. ඒ මුවරජ පුඩුවෙහි බැඳුණේ ය. පුඩුවෙහි බැඳුණු ඒ මුවා ඇසුරු කැරැගෙන නො බැඳුණු මුවෝ දෙදෙනෙක් සිටියහ.
2454. තස‍්ස මෙ අහු සංවෙගො අබ‍්භුතො ලොමහංසනො, ඉමං චාහං මිගං හඤ‍්ඤෙ අජ‍්ජ හෙස‍්සාමි ජීවිතං.
2454. ඒ මට ලොමුදහ ගන්නා වූ නො වූ විරූ සංවේගයක් පහළ විය. මම් මේ මුවා නසන්නෙම් නම් අද මෙහි ම ජීවිතය හරනෙමි යි කියා යි.
2455. කීදිසා තෙ මිගා ලුද‍්ද කීදාසා ධම‍්මිකා මිගා, කථං වණ‍්ණා කථං සීලා බාළ‍්හං ඛො තෙ පසංසසි.
2455. වැදිපුත්‍රය, ඒ මුවෝ කෙබඳු ද? කෙබඳු ධර්‍මයෙහි පිහිටියාහු ද? කෙබඳු වර්‍ණ ඇත්තෝ ද? කෙබඳු ස්වභාව ඇත්තෝ ද? නුඹ දැඩි කොට ප්‍රසංසා කරන්නෙහි යයි රජ ඇසුවේ ය.
2456. ඔදාතසිඞ‍්ගා සුවිවාළා ජාතරූපතචූපමා, පාදා ලොහිතකා තෙසං අඤ‍්ජිතක‍්ඛා මනොරමා.
2456. මහරජ, ඒ මුවන්ගේ රිදී දම් වැනි අං ඇත්තාහ. සෙමර වල්ග වැනි පිරිසුදු වල්ග ඇත්තේය. සම රන්වන් ය. ලේවන් පා ඇත්තාහ. අඳුන්ගාන ලද ඇස් වැනි සිත්කලු ඇස් ඇත්තේ ය.
2457. එදිසා තෙ මිගා දෙව එදිසා ධම‍්මිකා මිගා, මාතාපෙත‍්තිහරා දෙව න තෙ සො අභිභාරයුං.
2457. දේවයන් වහන්ස, ඒ මුවෝ මෙබඳුයහ. ඒ මුවෝ මෙබඳු ධර්‍ම ඇත්තෝ ය. දේවයන් වහන්ස, ඒ මම මවුපියන් පෝෂණය කරන්නා වූ ඒ මුවන් නො ගෙනාවෙමි යි වැදි තෙම කීවේ ය.
2458. දම‍්මි නික‍්ඛසතං ලුද‍්ද ථුල‍්ලඤ‍්ච මණිකුණ‍්ඩලං, චතුද‍්දසඤ‍්ච පල‍්ලඞ‍්කං උම‍්මාපුප‍්ඵසිරිනිභං.
2458. එම්බා වැදිපුත්‍රය, තට රනින් නිෂ්ක සියයක් දෙමි. බොහෝ අගනා මිණි කොඬොලක් ද දෙමි. දිය බෙරළිය මල් බඳු පසතුරුණු ඇතුරූ උස් වූ සිව්රැස් අසුනක් ද දෙමි.
2459. ද‍්වෙ ච සාදිසියො භරියා උසභඤ‍්ච ගවං සතං, ධම‍්මෙන රජ‍්ජං කාරෙස‍්සං බහුකාරො මෙසි ලුද‍්දක.
2459. රූපයෙන් හා භෝගයෙන් ඔවුනොවුනට සමාන භාර්‍ය්‍යාවරුන් දෙදෙනකුන් ද දෙමි. වෘෂභයකු ඇතුළු ගවයන් සියයක් ද දෙමි. වැදිපුත්‍රය, මම දැහැමින් රජය ද කරවන්නෙමි. තෝ මට බොහෝ උපකාර ඇතියෙක් වෙහි ය.
2460. කසී වණිජ‍්ජා ඉණදානං උඤ‍්ඡාචරියාය ලුද‍්දක, එතෙහි දාරං පොසෙහි මා පාපං අකරා පුනන‍්ති.
2460. වැදිපුත්‍රය, තෝ සී සෑම ය, වෙළඳාම ය, ණයදීම ය, සිඟා හැසිරීම ය යන මෙයින් අඹුදරුවන් පෝෂණය කරව. නැවැත පාපයක් නො කරව යි රජ තෙම කීවේ ය.
රොහන‍්තමිගජාතකං.
රෝහන්තමිග ජාතකයි.