9. මොරජාතකං
167. උදෙතයං චක‍්ඛුමා එකරාජා හරිස‍්සවණ‍්ණො පඨවිප‍්පභාසො, තං තං නමස‍්සාමි හරිස‍්සවණ‍්ණං පඨවිප‍්පභාසං තයජ‍්ජ ගුත‍්තා විහරෙමු දිවසං.
167. (අන්‍ධකාර විධමන කොට දැකුම් ලබා දෙනුයෙන්) චක්‍ෂුස්මත් වූ (සක්වළ මුළුල්ලේ ආලොකය පතුරුවන්නන් කෙරෙන් ශ්‍රේෂ්ඨ හෙයින්) ඒකරාජ වූ ස්වර්‍ණවර්‍ණ වූ පොළොව බබුළු වන්නා වූ මේ සූර්‍ය්‍යයා උදා වේ. එහෙයින් රන්වන් වූ පොළොව බබුළුවන්නා වූ තොපට නමස්කාර කෙරෙමි. තොප විසින් ආරක්‍ෂා කරන ලද්දමෝ අද දවහල වාස කරම්හ.
168. යෙ බ්‍රාහ‍්මණා වෙදගූ සබ‍්බධම‍්මෙ තෙ මෙ නමො තෙ ච මං පාලයන‍්තු, නමත්‍ථු බුද‍්ධානං නමත්‍ථු බොධියා නමො විමුත‍්තානං නමො විමුත‍්තියා. ඉමං සො පරිත‍්තං කත්‍වා මොරො චරති එසනා.
168. සියලු (ස්කන්‍ධාදි) ධර්‍මයන් සිය නැණින් දැනැ ගත්තා වූ යම් (ක්‍ෂීණාස්‍රව) බ්‍රාහ්මණ කෙනෙක් ඇද්ද ඔවුනට මාගේ නමස්කාරය වේවා, ඒ උතුමෝ මා පාලනය කෙරෙත්වා, බුදුවරයනට මාගේ නමස්කාරය වේවා, බෝධිඥානයට ද මාගේ නමස්කාරය වේවා, අර්‍හත්ඵලවිමුක්තීන් විමුක්තයනට ද මාගේ නමස්කාරය වේවා, (තදඞ්ගාදි පඤ්ච) විමුක්තියට ද මාගේ නමස්කාරය වේවා, ඒ මයූරයා මේ පිරිත කොට ගොදුරු සෙවීම පිණිස හැසිරේ.
169. අපෙතයං චක‍්ඛුමා එකරාජා හරිස‍්සවණ‍්ණො පඨවිප‍්පභාසො, තං තං නමස‍්සාමි හරිස‍්සවණ‍්ණං පඨවිප‍්පභාසං තයජ‍්ජ ගුත‍්තා විහරෙමු රත‍්තිං.
169. චක්‍ෂුස්මත් වූ ඒකරජා වූ ස්වර්‍ණවර්‍ණ වූ පොළොව බබුළුවන්නා සූර්‍ය්‍යයා අස්තයට යෙයි. එහෙයින් රන්වන් වූ පොළොව බබුළුවන්නා වූ ඔබට නමස්කාර කෙරෙමි. තොප විසින් ආරක්‍ෂා කරන ලද්දමෝ රාත්‍රියෙහි වාස කරම්හ.
170. යෙ බ්‍රාහ‍්මණා වෙදගූ සබ‍්බධම‍්මෙ තෙ මෙ නමො තෙ ච මං පාලයන‍්තු, නමත්‍ථු බුද‍්ධානං නමත්‍ථු බොධියා නමො විමුත‍්තානං නමො විමුත‍්තියා. ඉමං සො පරිත‍්තං කත්‍වා මොරො වාසමකප‍්පයී’ති.
170. සියලු ධර්‍මයන් සිය නැණින් දැනැ ගන්නාවූ යම් (ක්‍ෂීණාස්‍රව) බ්‍රාහ්මණ කෙනෙක් ඇද්ද ඔවුනට මාගේ නමස්කාරය වේවා, ඒ උතුමෝ මා පාලනය කෙරෙත්වා, බුදුවරයනට මාගේ නමස්කාරය වේවා, බෝධිඥානයට ද මාගේ නමස්කාරය වේවා අර්‍හත්ඵලවිමුක්තීන් විමුක්තයනට ද මාගේ නමස්කාරය වේවා, විමුක්තියට ද මාගේ නමස්කාරය වේවා. ඒ මයුරයා මේ පිරිත කොට වාසය කෙළේ යි.