අජිතසුත‍්තං
5. 1.
5. 1.
අජිතසුත‍්තං
අජිතමාණව පෘච්ඡා
1036. කෙනස‍්සු නිවුතො ලොකො (ඉච‍්චා යස‍්මා අජිතො) කෙනස‍්සු නප‍්පකාසතී, කිස‍්සාභිලෙපනං බ්‍රූසි කිංසු තස‍්ස සහබ‍්භයං.
1036. (ආයුෂ්මත් අජිත මෙසේ පිළිවිත්:) ලෝවැසි තෙම කිමෙකින් නිවෘත (වැසුනේ ) ද? කවර හෙයින් නො පැණේ ද? ඔහට කිමෙක් අභිලේපන (ලහටු) වේ’යයි වදාරණසේක් ද? කිමෙක් ඔහට මහබිය නමි වේදැ’යි.
1037. අවිජ‍්ජාය නිවුතො ලොකො (අජිතාති භගවා) වෙවිච‍්ඡා පමාදා නප‍්පකාසති, ජප‍්පාභිලෙපනං බ්‍රූමි දුක‍්ඛමස‍්ස මහබ‍්භයං.
1037. (අජිතයෙනි, යි බුදුහු වදාළහ), ලෝවැසි තෙම අවිද්‍යායෙන් නිවෘත යැ. මාත්සර්‍ය්‍ය හෙයින් ප්‍රමාද හෙයින් ප්‍රකාශිත නො වෙයි, තෘෂ්ණාව අභිලේපන යයි කියමි, ඔහට (ජාත්‍යාදි) දුක මහබිය වෙයි.
1038. සවන‍්ති සබ‍්බධි සොතා (ඉච‍්චා යස‍්මා අජිතො) සොතානං කිං නිවාරණං සොතානං සංවරං බ්‍රූහි කෙන සොතා පිථියරෙ
1038. (ආයුෂ්මත් අජිත මෙසේ පිළිවිත්:) හැම තන්හි (රූපාදි හැම ආයතනයන්හි තෘෂ්ණාදි ) ස්‍රෝතස්හු ගලායෙති. ස්‍රෝතසුන්ගේ ආවරණය කවරැ? ස්‍රෝතසුන්ගේ සංවරය වදාළමැනැවි. කවර දහමෙකින් ස්‍රෝතස්හු පියනු ලැබෙත් ද?
1039. යානි සොතානි ලොකස‍්මිං (අජිතාති භගවා) සති තෙසං නිවාරණං, සොතානං සංවරං බ්‍රූමි පඤ‍්ඤායෙතෙ පිථියරෙ
1039. අජිතයෙනි, (යි භාග්‍යවතුන් වහන්සේ වදාළසේක:), ලොව යම් ස්‍රෝතස් කෙනෙක් වෙත් නම්, ස්මෘතිය ඔවුන්ට ආවරණ යැ. (එ ස්මෘතිය) ස්‍රෝතසුන්ගේ සංවර යයි කියමි. (මාර්‍ග) ප්‍රඥායෙන් තෙල ස්‍රෝතස්හු පියනු ලැබෙත්.
1040. පඤ‍්ඤා චෙව සතී චෙව (ඉච‍්චායස‍්මා අජිතො.) නාමරූපඤ‍්ච මාරිස, එතං මෙ පුට‍්ඨො පබ්‍රූහි කත්‍ථෙතං උපරුජ‍්ඣති
1040. (ආයුෂ්මත් අජිත මෙසේ පිළිවිත්:) නිදුකානන් වහන්ස, ප්‍රඥාව ද ස්මෘතිය ද (තදවශේෂ) නාමරූපය ද යන තෙල සියල්ල කොහි නිරුද්ධ වේ ද? මා විසින් පුළුවුස්නාලද මුඹ වහන්සේ තෙල කරුණ මට වදාළමැනව.
1041. යමෙතං පඤ‍්හං අපුච‍්ඡි අජිත තං වදාමි තෙ, යත්‍ථ නාමඤ‍්ච රූපඤ‍්ච අසෙසං උපරුජ‍්ඣති, විඤ‍්ඤාණස‍්ස නිරොධෙන එත්‍ථෙතං උපරුජ‍්ඣති.
1041. අජිතයෙනි, තෙපි යම් පැනයක් විචාළවු ද, එය තොපට කියමි. යම් තැනෙක්හි නාමයත් රූපයත් නිරවෂේශයෙන් නිරුද්ධ වේ ද, (පශ්චිම) විඥානයාගේ නිරෝධය හාමැ (පෙර පසු නැතිව) තෙල විඥාන නිරෝධයෙහි මැ තෙල නාමරූපය උපරුද්ධ වෙයි. (විඥානනිරෝධය ඉක්මැ නො යෙයි).
1042. යෙ ච සඞ‍්ඛාතධම‍්මා සෙ යෙ ච සෙඛා පුථූ ඉධ, තෙසං මෙ නිපකො ඉරියං පුටෙඨා පබ්‍රූහි මාරිස.
1042. නිදුකානන් වහන්ස, මේ ලෝකයෙහි (අනිත්‍යාදි විසින්) විමසන ලද දහම් ඇති යම් (අශෛක්‍ෂ) කෙනෙක් වෙත් නම් යම් බොහෝ වූ ශෛක්‍ෂ කෙනෙකුත් වෙත් නම්, මා විසින් පුළුවුස්නා ලද සේක් (ශෛක්‍ෂාශෛක්‍ෂධර්‍මයෙහි) පණ්ඩිත වූ මුඹ වහන්සේ ඔවුන්ගේ ප්‍රතිපත්තිය වදාළ මැනැව.
1043. කාමෙසු නාභිගිජ‍්ඣෙය්‍ය මනසා නාවිලො සියා, කුසලො සබ‍්බධම‍්මානං සතො භික‍්ඛු පරිබ‍්බජෙති.
1043. කාමයෙහි ගිජු නොවන්නේ ය. සිතින් නොකැළැඹුනෙක් වන්නේ ය. මහණ සකලධර්‍මයන්හි කුශල වූයේ ස්මෘතිමත් වැ හැසිරෙන්නේ යැ යි.
අජිතසුත‍්තං පඨමං
අජිතමාණව පෘච්ඡා නිමි.