උදයසුත‍්තං
5. 13.
5. 13.
උදයසුත‍්තං
උදයමාණවක පෘච්ඡා
1110. ඣායිං විරජමාසීනං (ඉච‍්චා යස‍්මා උදයො) කතකිච‍්චං අනාසවං පාරගුං සබ‍්බධම‍්මානං අත්‍ථි පඤ‍්හෙන ආගමං, අඤ්ඤා විමොක‍්ඛං පබ්‍රූහි අවිජ‍්ජාය පභෙදනං.
1110. (උදය මාණවක මෙසේ ඇසීය) ධ්‍යාන කරනසුලු විගත රජස් ඇති වැ වැඩහුන් සිවුමගින් කළ (සොළොස් ) කිස ඇති අනාස්‍රව වූ සර්‍වධර්‍මයන්ගේ පරතෙර පත් වූ භාග්‍යවතුන් වහන්සේ වෙත ප්‍රශ්නාර්ත්‍ථී වැ ආයෙමි, අවිද්‍යාව බිඳුනා වූ අඤ්ඤා විමොක්ඛ සංඛ්‍යාත නිර්‍වාණය වදාළ මැනැවි.
1111. පහානං කාමච‍්ඡන්‍දානං (උදයාති භගවා) දොමනස‍්සානං චූභයං, ථිනස‍්ස ච පනූදනං කුක‍්කුච‍්චානං නිවාරණං.
1111. (භාග්‍යවතුන් වහන්සේ මෙසේ වදාළ සේක: උදයමාණවයෙනි,) කාමච්ඡන්‍දයන්ගේ ද දොම්නසුන්ගේ ද යන දෙදෙනාගේ ප්‍රහාණය ද ථින මිද්ධයාගේ දුරැලීම ද කෞකෘත්‍යයාගේ වැළැහීම ද ඇති -
1112. උපෙඛා සති සංසුද‍්ධං ධම‍්මතක‍්කපුරෙජවං, අඤ්ඤා විමොක‍්ඛං පබ්‍රූමි අවිජ‍්ජාය පභෙදනං.
1112. චතුර්‍ත්‍ථධ්‍යානෝපේක්‍ෂා ස්මෘති යන දෙකින් සංශුද්ධිය ඇති ධර්‍මතර්‍ක සංඛ්‍යාත සම්‍යක් සංකල්පය පෙරටුකොට ඇති අර්‍හත්ඵල විමෝක්‍ෂය අවිද්‍යාවගේ බිඳුමැයි කියමි.
1113. කිංසු සංයොජනො ලොකො (ඉච‍්චායස‍්මා උදයො) කිංසු තස‍්ස විචාරණා, කිස‍්සස‍්ස විප‍්පහානෙන නිබ‍්බානමිති වුච‍්චති.
1113. (ආයුෂ්මත් උදයමාණවක මෙසේ අසයි:) ලෝක සත්ත්‍වයා කුමක් සංයෝජන (බන්‍ධන) කොට ඇත්තේ ද? එ සත්ත්‍වයාගේ විචාරණය (හැසිරීමට කරුණ ) කිම? කවර දහමක් හුගේ විශේෂ ප්‍රහාණයෙන් නිවනැ ‘යි කියනු ලැබේ ද?
1114. නන්‍දි සංයොජනො ලොකො (උදයාති භගවා) විතක‍්කස‍්ස විචාරණා, තණ‍්හාය විප‍්පහානෙන නිබ‍්බානමිති වුච‍්චති.
1114. ලෝකසත්ත්‍වයා තෘෂ්ණාව සංයෝජන කොට ඇතියේ ය. විතර්‍කය ඔහට විචාරණය වේ. ඒ තෘෂ්ණාවගේ විප්‍රහාණයෙන් නිර්‍වාණ යැ’යි කියනු ලැබේ.
1115. කථං සතස‍්ස චරතො (ඉච‍්චායස‍්මා උදයං) විඤ‍්ඤාණං උපරුජ‍්ඣති, භගවන‍්තං පුට‍්ඨුමාගම‍්ම තං සුණොම වචො තව:
1115. (ආයුෂ්මත් උදයමාණව මෙසේ ඇසීය:) ස්මෘති සම්පන්න ව වාසය කරන්නහුගේ විඥානය කි සෙයින් නිරුද්ධ වේ ද? භාග්‍යවතුන් වහන්සේ පුළුවුස්නට පැමිණියම්හ. මුඹ වහන්සේගේ ඒ බස් අසම්හ.
1116. අජ‍්ඣත‍්තඤ‍්ච බහිද‍්ධා ච වෙදනං නාභිනන්‍දිතො, එවං සතස‍්ස චරතො විඤ‍්ඤාණං උපරුජ‍්ඣතීති.
1116. අධ්‍යාත්මාලම්බනයෙහි ද බාහිරාලම්බනයෙහි ද උපදනා වේදනාව නො පතන, ස්මෘතිමත් වැ හැසිරෙණුවහුගේ විඥානය මෙසේ නිරුද්ධවේ යයි.
උදයසුත‍්තං තෙරසමං.
උදයමාණව පෘච්ඡා නිමි.