4. චතුක‍්කනිපාතො
4. චතුක‍්කනිපාතො.
4. චතුක්කනිපාතය
4. 1.
4. 1.
63. පුත‍්තො බුද‍්ධස‍්ස දායාදො කස‍්සපො සුසමාහිතො, පුබ‍්බෙනිවාසං යො වෙදී සග‍්ගාපායඤ‍්ච පස‍්සති.
63. සම්‍යක් සම්බුද්ධයන්ගේ අනුජාත පුත්‍ර වූ එහෙයින් මැ ඔබගේ දායාද වූ මොනොවට සමාහිත සිත් ඇති යම් කාශ්‍යප නම් ස්ථවිර කෙනෙක් පෙර විසූ කඳ පිළිවෙළ දත්තාහු ද ස්වර්‍ගය හා අපාය හා දිවැසින් දකිත් ද,
64. අථො ජාතික‍්ඛයං පත‍්තො අභිඤ‍්ඤාවොසිතො මුනි, එතාහි තීහි විජ‍්ජාහි තෙවිජ‍්ජො හොති බ්‍රාහ‍්මණො.
64. යළි ජාතික්‍ෂය සඞ්ඛ්‍යාත අර්‍හත්ත්‍වයට පැමිණියාහු ද මේ ත්‍රිවිද්‍යාවන් හේතු කොට ගෙන ත්‍රිවිද්‍යාප්‍රාප්ත බ්‍රාහ්මණ වෙත් ද,
65. තථෙව භද‍්දාකාපිලානි තෙවිජ‍්ජා මච‍්චුහායිනී, ධාරෙති අන‍්තිමං දෙහං ඡෙත්‍වා මාරං සවාහිනිං.
65. එසෙයින් මැ භද්‍රාකාපිලානී මෙහෙණ ත්‍රිවිද්‍යා ඇත්තී මරු පළවා හරින සුලුවී සෙන් සහිත මරු දිනා අන්තිම ශරීරය ධරයි.
66. දිස‍්වා ආදීනවං ලොකෙ උභො පබ‍්බජිතා මයං, ත්‍යම‍්හා ඛීණාසවා දන‍්තා සීතිභූතාම‍්හ නිබ‍්බුතාති.
66. අපි දෙදෙනමෝ ලොව ආදීනව දැක ඒ අපි උත්තමදමනයෙන් දැමුණමෝ ක්‍ෂීණාස්‍රව වූම්හ.
ඉත්‍ථං සුදං භද්දාකාපිලානී ථෙරී ගාථායො අභාසිත්‍ථා’ති.
මෙසෙයින් භද්‍රාකාපිලානී මෙහෙණ ගාථා කිවු යැ.
භද‍්දාකාපිලානීථෙරීගාථා.
භද්දාකාපිලානී ථේරීගාථා යි.
චතුක‍්කනිපාතො නිට‍්ඨිතො.
චතුක්ක නිපාතය නිමි.